Popera ga Chantiágu ümatüxü̃ 5:13 - Tupanaarü Ore

¹³ Rü ngẽxguma wüxíe i petanüwa naxĩ̱xãchiãẽgu, rü name nixĩ nax tayumüxẽxü̃. Rü ngẽxguma wüxíe taãxẽgu, rü name nixĩ nax tümaarü wiyaemaxã Tupanaxü̃ ticua̱xüxü̃xü̃.

Popera ga Chantiágu ümatüxü̃ 5:13 Referans Kwoze

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Efesios 5:19

Rü name nixĩ i Tupanaarü orechigagu rü norü wiyaegügu pegümaxã pidexagü rü pegümaxã nüxü̃ pixu. Rü name nixĩ i naguxü̃raü̃xü̃ i norü wiyaegügu pewiyaegü, nax ngẽmaãcü guxü̃ne ya perü maxü̃nemaxã tórü Corixü̃ picua̱xüü̃güxü̃ca̱x.

Yoná 2:2

—Pa Corix, yexguma poraãcü ãũcümaxü̃wa chayexmagu, rü cuxna chaca nax choxü̃ curüngü̃xẽxẽxü̃ca̱x. Rü cuma rü choxü̃ cungãxü̃. Rü yexguma márwa chayexmagu rü nagu charüxĩnü rü marü tá chayu. Natürü yéma cuxna chaca rü choxü̃ cuxĩnü.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Yoná 2:7

Rü yexguma nagu charüxĩnügu ga marü nax chingo̱xochixü̃ nax chayuxü̃ca̱x, rü cuxna chacua̱xãchi, Pa Cori Pa Tupanax, rü cumaxã chidexa. Rü yema chorü yumüxẽ rü yima cupata ya üünene ya nawa cungexmanewa nangu.

Ochéa 6:1

Rü Tupana rü ñanagürü ta: —Ngẽma Iraéanecüã̱xgü rü ñanagürügü tá: “Pa Chomücügüx, ¡ngĩxã guxãma Cori ya Tupanaca̱x tawoegu! Rü woo nümatama tüxü̃ nawoone rü guxchaxü̃ tüxna naxã, natürü wena táxarü tüxü̃ nawoeguxẽxẽ nax ngẽmaãcü itaãẽgüxü̃ca̱x. Rü nüma rü ngúxü̃ tüxü̃ ningexẽẽgü, natürü tá tüxü̃́ inanaxoxẽxẽ i ngẽma ngúxü̃ i ingegüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:3

Rü yema 144,000 ga duü̃xü̃gü rü nagu nawiyaegü ga wüxi ga yexwaca̱xüxü̃ ga wiyae nape̱xewa ga Tupanaarü tochicaxü̃ rü nape̱xewa ga yema ãgümücü ga daxũcüã̱x ga maxẽxü̃ rü nape̱xewa ga yema 24 ga ãẽ̱xgacügü. Rü taxucürüwama texé ga togue nüxü̃ tacua̱x ga yema wiyae. Rü yema 144,000 ga duü̃xü̃güxicatama nixĩ ga nüxü̃ cua̱xgüxü̃. Rü yema nixĩ ga Tupana ñoma ga naanewa dexü̃ nax namaxẽxẽẽãxü̃ca̱x.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Ore i mexü̃ ga Matéu ümatüxü̃ 26:30

Rü nawena nax nawiyaegüxü̃ ga wüxi ga Tupanaarü wiyae, rü gumá Ma̱xpǘne ga Oribunecügu ãéganewa naxĩ.

Danié 5:4

Rü guxü̃ma ga yema yéma yexmagüxü̃ rü bínu nixaxgü rü nüxü̃ nicua̱xüü̃gü ga norü tupananetachicüna̱xãgü ga úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x ixĩgüxü̃.

Wiyaegü 118:5

Rü yexguma taxü̃ ga guxchaxü̃wa chayexmagu rü Cori ya Tupanaarü ngü̃xẽẽca̱x íchaca. Rü nüma rü choxü̃ naxĩnü rü nawa choxü̃ ínanguxuchixẽxẽ ga yema chorü guxchaxü̃gü.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:10

Rü guxü̃ma ga nümagü rü tagaãcü ñanagürügü: “Yimá tórü Tupana ya tochicaxü̃wa rütocü rü yimá Carnéruxacü rü yimágü nixĩ ya tüxü̃ maxẽxẽẽcü”, ñanagürügü.

1 Corintios 14:26

Dücax, Pa Chauenexẽgüx, ñu̱xma tá pemaxã nüxü̃ chixu nax ñuxãcü tá penaxüxü̃ ega ngẽxguma pengutaque̱xegügu. Rü ñuxre i pema rü marü name nax Tupanaarü wiyaegu pewiyaegüxü̃, rü toguxe rü tangu̱xẽẽtaegüxü̃, rü toguxe rü nüxü̃ tixuxü̃ i ngẽma ore ya Tupana tüxü̃ nüxü̃ cua̱xẽẽxü̃, rü toguxe rü nawa tidexagüxü̃ i naga i tama nüxü̃ tacua̱xgüxü̃, rü toguxe rü tanango̱xẽẽgüxü̃ i ngẽma dexa i to i nagawa nüxü̃ yaxugüxü̃. Natürü guxü̃ma i ngẽma rü tanaxwa̱xe i ngẽma yaxõgüxü̃arü ngü̃xẽẽca̱x nax yixĩxü̃, nax yexeraãcü yaxõgüãxü̃ca̱x rü mea Tupanaca̱x namaxẽxü̃ca̱x.

Ore i mexü̃ ga Luca ümatüxü̃ 23:42

Rü yexguma rü ñanagürü: —Pa Ngechuchux, ¡choxna nacua̱xãchi i ngẽxguma wenaxarü núma cuxũxgu rü ãẽ̱xgacüxü̃ ícunguxgu! —ñanagürü.

Miquéa 4:5

Rü ngẽma togü i nachixü̃anecüã̱x i duü̃xü̃gü rü noxrütama tupanagüga naxĩnüe, natürü i yixema rü guxü̃gutáma naga taxĩnüe ya yimá tórü Cori ya Tupana.

Wiyaegü 105:2

¡Rü perü wiyaegümaxã nüxü̃ picua̱xüü̃gü! ¡Rü pegümaxã nüxü̃ pixu i ngẽma taxü̃ i mexü̃gü i naxüxü̃!

Wiyaegü 95:2

¡Rü ngĩxã naxca̱x taxĩ rü moxẽ nüxna taxã rü wiyaegümaxã nüxü̃ ticua̱xüxü̃gü!

Wiyaegü 18:6

Rü yema ãũcümaxü̃wa nax chayexmaxü̃, rü Corica̱x aita chaxü nax nüma ga Tupana choxü̃ rüngü̃xẽẽxü̃ca̱x. Rü nüma rü napata ya üünenewa choxü̃ naxĩnü. Rü yema aita nax chaxüxü̃ rü naxmachixẽwa nangu.

Yox 33:26

Rü ngẽxguma yumüxẽwa Tupanana naca̱xgu rü nüma ya Tupana rü tá nanangãxü̃. Rü nüma i ngẽma duü̃xü̃ rü taãẽãcü tá Tupanaxü̃ nadau. Rü nüma ya Tupana rü noxrirüxü̃ tá namaxã nataãxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:9

¡Rü perü wiyaegümaxã nüxü̃ picua̱xüü̃gü! ¡Rü nüxü̃ pixugüe i ngẽma taxü̃ i mexü̃gü i naxüxü̃!

Ichaía 65:14

Rü nümagü rü tá taãẽãcüma nawiyaegü, natürü i pema rü tá ngechaü̃maxã rü ĩ̱xãchiãẽmaxã aita pexüe rü pixauxe.

1 Corintios 14:15

¿Rü ñuxãcü tá chayumüxẽxü̃ i ñu̱xmax? Rü marü name nixĩ ega taxúema nüxü̃ cuáxü̃ i nagawa chayumüxẽgu, natürü chanaxwa̱xe i guxãma nüxü̃ cuáxü̃ i nagawa rü ta chayumüxẽ. Rü marü name nixĩ ega taxúema nüxü̃ cuáxü̃ i nagawa chawiyaegu, natürü chanaxwa̱xe i guxãma nüxü̃ cuáxü̃ i nagawa rü ta chawiyae.

Popera ga Chantiágu ümatüxü̃ 5:10

Pa Chauenexẽgüx, name nixĩ i nüxna pecua̱xãchie ga yema nũxcümaü̃güxü̃ ga Tupanaarü orearü uruü̃gü ga yáxna namaxã naxĩnüexü̃ ga yexguma ngúxü̃ yangegügu. Rü name nixĩ i pema rü ta ngẽxgumarüxü̃ yáxna namaxã pexĩnüe ega ngúxü̃ pingegügu.