Popera ga Chantiágu ümatüxü̃ 5:11 - Tupanaarü Ore

¹¹ Yixema rü nüxü̃ tacua̱x nax nataãẽgüxü̃ ga yema duü̃xü̃gü ga mea Tupanaca̱x maxẽãmaxü̃ ga yexguma ngúxü̃ yangegügu. Rü pema nüxü̃ pecua̱x ga ñuxãcü yáxna namaxã naxĩnüxü̃ ga gumá Yox ga yexguma ngúxü̃ yangegügu. Rü nüxü̃ pecua̱x ga ñuxãcü yixcama tórü Cori ya Tupana nüxü̃ rüngü̃xẽẽxü̃. Erü nüma ya tórü Cori ya Tupana rü namecümaxüchi rü poraãcü nüxü̃́ tangechaü̃tümüü̃gü.

Popera ga Chantiágu ümatüxü̃ 5:11 Referans Kwoze

Popera ga Chantiágu ümatüxü̃ 1:12

Rü tataãxẽ ya yíxema yáxna namaxã ĩnüxe i ngẽxguma ta̱xacü tüxna ĩnügu. Erü ngẽxguma yáxna namaxã taxĩnügu, rü Tupana tá tümamaxã nataãxẽ rü tá tüxna nanaxã i norü ãmare i maxü̃ i taguma gúxü̃. Rü ngẽma nixĩ i ãmare ya Tupana tümamaxã ixunetaxü̃ ya yíxema nüxü̃ ngechaü̃güxe.

Ínachoxü̃xü̃chiga 34:6

Rü Moichépe̱xewa naxüpetü rü tagaãcü ñanagürü: —Chomax rü Cori chixĩ. Chomax rü Cori chixĩ. Rü choma nixĩ ya Tupana ya mecümacü rü ngechaü̃wa̱xecü, rü yáxna ĩnüwa̱xecü, rü aixcüma ngechaü̃cü choxü̃́ ngẽxmacü rü aixcümaxü̃ ixucü chixĩ i chomax.

Ore i mexü̃ ga Matéu ümatüxü̃ 10:22

Rü chaugagu tá guxü̃ i duü̃xü̃gü pexchi naxaie. Natürü yíxema aixcüma yaxṍxe rü tama choxü̃ ítáxe, rü yíxema tá tixĩ ya nayaxúxe i maxü̃ i taguma gúxü̃.

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Yox 2:10

Natürü ga nüma ga Yox rü ngĩxü̃ nangãxü̃ga rü ñanagürü: —Pa Ngex, tama name i ngẽmaãcü chixexü̃ i oremaxã quidexa. Rü guxü̃guma taãẽãcü tanayaxu i ngẽma mexü̃gü ya Tupana tüxna ãxü̃. ¿Rü ñuxãcü chi i taxũchima nayaxuxü̃ i ngẽma guxchaxü̃gü i taxca̱x ínguxü̃? —ñanagürü. Rü yemaacü ga Yox rü woo yema nüxü̃ nax ngupetüxü̃ rü tama chixexü̃ naxü rü bai ga norü dexawa.

Nüxíraxü̃xü̃ ga popera ga Pedru ümatüxü̃ 1:13

Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

Ore i mexü̃ ga Luca ümatüxü̃ 6:36

Rü name nixĩ i pexü̃́ nangechaü̃tümüxü̃gü i ngẽma togü, ngẽma Penatü ya Tupanaaxü̃́ pengechaxü̃tümüxü̃güxü̃rüxü̃.

Auxexü̃chiga 3:22

Rü ngẽma ĩnü nixĩ nax Coriarü ngechaü̃ rü taguma iyacuáxü̃ rü norü mecüma rü taguma nagúxü̃.

Wiyaegü 103:8

Rü nüma ya Cori rü namecüma rü nüxü̃́ tangechaü̃tümüü̃gü rü yáxna tamaxã naxĩnü rü poraãcü tüxü̃ nangechaü̃.

Iraétanüxü̃arü muxchiga 14:18

Rü woo nüxü̃ quixu nax tama nüxü̃ cuxüpetümarexü̃ i ngẽma chixexü̃ ügüxü̃ rü cunapoxcuxü̃ i ngẽma nanegü rü nataagü nagagu i nanatügüarü chixexü̃, natürü nüxü̃ quixu ta nax tama cunuxwa̱xexü̃ rü nataxüchixü̃ i curü ngechaü̃ rü toxü̃́ nüxü̃ cungechaü̃xü̃ i torü chixexü̃. Rü ngẽmaca̱x cuxü̃ chaca̱a̱xü̃ nax nüxü̃́ nüxü̃ curüngü̃maxü̃ i ñaa duü̃xü̃güarü chixexü̃, yerü marü yáxna namaxã cuxĩnü ga yexguma Equítuanewa ínachoxü̃gutama ñu̱xmata nua ñaa nachicawa nangugü —ñanagürü ga Moiché.

Popera ga Yudíugü ga yaxõgüxü̃ca̱x ümatüxü̃ 10:39

Natürü i yixema rü tama naxrüxü̃ tixĩgü i ngẽma duü̃xü̃gü i Tupanana ixĩgachixü̃ rü poxcuwa ĩxü̃, erü yixema rü tüxü̃́ nangẽxma i maxü̃ i taguma gúxü̃ erü tayaxõgü.

Popera ga Yudíugü ga yaxõgüxü̃ca̱x ümatüxü̃ 3:14

Rü ñu̱xma rü Cristumaxã tüxü̃́ nangẽxma i maxü̃ i taguma gúxü̃ ega yaxõgüechagu rü noxrirüü̃tama naga ixĩnüegu ñu̱xmatata nawa nangu nax nataeguxü̃ i nüma.

Efesios 2:4

Natürü ga Tupana rü poraãcü nüxü̃́ tangechaü̃tümüü̃gü rü poraãcü tüxü̃ nangechaü̃.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:13

Rü nüma ga Dabí rü Gáxü̃ nangãxü̃ rü ñanagürü: —Ñu̱xma rü taxü̃ma i guxchaxü̃ chauétü nangu. Rü cha̱u̱xca̱x narümemae nax Tupaname̱xẽgu changuxü̃ erü nüma rü poraãcü nüxü̃́ tangechaü̃tümüxü̃. Erü tama chanaxwa̱xe nax tórü uanügüme̱xẽgu iyi̱xixü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 3:6

Natürü nüma ya Ngechuchu rü Moichéarü yexera nixĩ erü Tupana Nanexü̃chi nixĩ. Rü nüma nixĩ i nüxna nadauxü̃ i guxü̃ma i ngẽma Tupanaarü duü̃xü̃gü ixĩgüxü̃. Rü yixema rü ta rü Tupanaarü duü̃xü̃gü tixĩgü ega aixcüma Ngechuchuaxü̃́ yaxõgügu rü taguma nüxü̃ rüxoegu. Rü Tupana nanaxwa̱xe nax guxü̃guma Ngechuchumaxã itaãẽgüxü̃ erü nüxü̃ tacua̱x nax wüxi i ngunexü̃ rü tá taxca̱x nataeguxü̃ nax wüxiwa namaxã ingexmagüxü̃ca̱x.

Efesios 1:6

Rü yemaacü nanaxü ga Tupana nax guxü̃guma nüxü̃ icua̱xüü̃güxü̃ca̱x naxca̱x i norü ngechaü̃ rü norü mecüma ga yexguma taxca̱x núma namuãxgu ga Nane ya nüxü̃ nangechaü̃xü̃chicü.

Romanos 2:4

¿Rü tü̱xcüü̃ nüxü̃ cuxo i ngẽma mexü̃ ya Tupana cuxca̱x üxü̃? Nüma rü poraãcüxüchi cumaxã namecüma rü yáxna cumaxã naxĩnü rü tama paxa curü chixexü̃ca̱x cuxü̃ napoxcuchaü̃. ¿Rü tü̱xcüü̃ tama nagu curüxĩnü nax Tupana ngẽmaãcü cumaxã mecümaxü̃ nax nüxü̃ curüxoxü̃ca̱x i curü chixexü̃ rü naxca̱x nax cumaxü̃xü̃ca̱x?

Ore i mexü̃ ga Luca ümatüxü̃ 1:50

Rü nüma ya Tupana rü guxü̃gutáma nüxü̃́ tangechaü̃tümüü̃gü ya guxãma ya yíxema aixcüma nüxü̃ cua̱xüü̃güxe.

Yoná 4:2

Rü yemaca̱x ñaãcü nayumüxẽ: —Dücax, Pa Cori Pa Tupanax, rü ngẽma ñu̱xma Nínibewa ngupetüxü̃ nixĩ ga yema nüxü̃ chixuxü̃ ga yexguma chauchixü̃anewatama chayexmagu. Rü yemaca̱x nixĩ ga cuxcha̱xwa chixũxü̃táa̱x nax Tárchixwa chaxũxü̃ca̱x, yerü nüxü̃ chacua̱x rü cuma rü wüxi ya Tupana ya mecümacü rü ngechaü̃wa̱xecü quixĩ rü tama paxa cunu. Rü ngẽma curü ngechaü̃ rü nataxüchi. Rü ngẽmaca̱x woo texémaxã poxcu cuxuegu̱xgu rü paxãma nagu curüxĩnü, rü tama tüxü̃ cupoxcu ega nüxü̃ tarüxoegu i tümacüma i chixexü̃.

Joel 2:13

Rü ngẽmaca̱x i ñu̱xma rü name nixĩ i naxca̱x pewoegu ya Cori ya Tupana. Rü natüca̱xmamare nixĩ nax perü ngechaü̃maxã pegüchirugu pegáugüexü̃. Erü ngẽma nüma nanaxwa̱xexü̃ nixĩ nax aixcüma nüxü̃ perüxoexü̃ i perü chixexü̃. Erü nüma ya Cori ya Tupana rü namecüma rü nüxü̃́ pengechaü̃tümüxü̃, rü yáxna pemaxã naxĩnü, erü pexü̃ nangechaü̃. Rü nüma rü ínamemare nax íyachaxãchixẽẽãxü̃ i ngẽma poxcu i pemaxã naxueguxü̃.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Ichaía 63:7

Pemaxã nüxü̃ chixuxchaü̃ i Tupanaarü ngechaü̃chiga rü chorü wiyaemaxã nüxü̃ chicua̱xüxü̃ naxca̱x i guxü̃ma i ngẽma mexü̃gü i taxca̱x naxüxü̃. Erü poraãcü Iraétanüxü̃maxã namecüma rü poraãcü tüxü̃ nangechaxü̃.

Ngu̱xẽẽtaeruü̃arü ore 7:8

Rü wüxi i puracü i ngexwaca ixügüxü̃arü yexera narümemae nax yanguxẽẽxü̃ i ngẽma puracü. Rü ngẽma nax yigü írüporaxü̃arü yexera narümemae nax imecümaxü̃.

Wiyaegü 119:132

¡Rü choxü̃ nadawenü rü cuxü̃́ changechaü̃tümüxü̃, ngẽma cuxü̃ ngechaü̃güxü̃ca̱x cuxüxü̃rüxü̃!

Wiyaegü 116:5

Rü nüma ya Cori ya Tupana rü aixcümacü nixĩ rü nüxü̃́ tangechaü̃tümüxü̃wa̱xe. Erü nüma rü woetama guxü̃guma namecümaxüchi.

Wiyaegü 103:13

Rü nüma ya Cori rü tüxü̃ nangechaü̃ ya yíxema naga ĩnüexe ñoma wüxi i papa naxacügüxü̃ ngechaü̃xü̃rüxü̃.

Wiyaegü 94:12

Pa Corix, rü tataãxẽ ya yíxema ucu̱xẽ tüxna cuxãxe rü yíxema tüxü̃ cungu̱xẽxẽ́xẽ.

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Wiyaegü 78:38

Natürü woo nax yemaacü nax yixĩgüxü̃, rü nüma ga Tupana rü nüxü̃́ nangechaxü̃tümüxü̃güama. Rü nüxü̃́ nüxü̃ inarüngüma ga norü chixexü̃gü rü tama guxü̃xü̃ nadai. Rü mue̱xpü̱xcüna ga yexguma namaxã nanuxgu rü yáxna namaxã naxĩnü rü tama naga naxĩnü ga norü nu.

Wiyaegü 37:37

¡Natürü, dücax, nangugü ya yimá duü̃ ya aixcüma mecü rü mexü̃gu rüxĩnücü! Rü ngẽma tá naxca̱x ínguxü̃ rü taãxẽ nixĩ.

Yox 23:10

Natürü nüma rü nüxü̃ nacua̱x nax ñuxãcü yixĩxü̃ i chorü maxü̃. Rü ngẽxguma choxü̃ naxü̱xgu rü ñoma úiru i ngearü ãũãchiã́xü̃rüxü̃ tá chixĩ.

Yox 1:2

Rü nüma ga Yox rü nüxü̃́ nayexma ga 7 ga nanegü rü tomaepü̱x ga naxacügü. Rü nüxü̃́ nayexma ta ga 7,000 ga carnérugü, rü 3,000 ga caméyugü, rü 500 chimüü̃ ga wocagü ga puracüruxü̃ ixĩgüxü̃, rü 500 ga búrugü ga ingexü̃. Rü yexgumarüxü̃ ta nüxü̃́ nayexma ga muxü̃ma ga norü puracütanüxü̃. Rü yemaacü ga nüma ga Yox rü wüxi ga yatü ga guxãarü yexera muarü yemaxü̃ã̱xü̃chicü nixĩ ga yema nachixü̃ane ga éstewaama yexmaxü̃wa.

Neemía 9:17

Rü tama cuga naxĩnüechaü̃, rü bai ga nüxna nax nacua̱xãchiexü̃ ga yema taxü̃ ga mexü̃gü ga nape̱xewa cuxüxü̃. Rü poraãcü ínayataitüarü maxü̃neã̱xgü rü cumaxã nanue, rü yemaca̱x nagu narüxĩnüe nax norü ãẽ̱xgacüxü̃ naxunetagüxü̃ nax yemamaxã Equítuaneca̱x nawoeguxü̃ca̱x rü wenaxarü Equítutanüxü̃me̱xẽwa nayexmagüxü̃ca̱x. Natürü i cuma rü Tupana ya ngechaü̃wa̱xecü quixĩ, rü mecümacü quixĩ, rü ngüxmüwa̱xecü quixĩ rü yáxna ĩnücü quixĩ, rü tama paxa cunu rü yemaca̱x nixĩ ga tama yéma cunawogümarexü̃.

Norü taxre ga to ga popera ga ãẽ̱xgacügüchiga ümatüxü̃ 30:9

Rü ngẽxguma Cori ya Tupanaca̱x pewoeguxgu i pema, rü ngẽma perü uanügü i ñu̱xma peenexẽgüxü̃ rü penegüxü̃ poxcuexü̃ rü tümamaxã tá nixauxãchigü rü ñaa nachixü̃aneca̱x tá tüxü̃ nawoeguxẽxẽ. Erü nüma ya Cori ya perü Tupana rü tamaxã ixauxãchiwa̱xecü nixĩ rü nüxü̃́ tangechaü̃tümüü̃gü, rü taũtáma pexü̃ naxo ega ngẽxguma naxca̱x pewoeguxgu —ñaxü̃.

Danié 9:9

Natürü i cumax, Pa Torü Tupanax, rü woetama cucüma nixĩ nax cumecümaxü̃ rü toxü̃́ nüxü̃ curüngü̃maxü̃ i torü chixexü̃. Rü ngẽmaca̱x cupe̱xewa tangugü erü toma rü poraãcü chixexü̃ taxü.

Wiyaegü 145:8

Rü nüma ya Cori ya Tupana rü namecüma rü nüxü̃́ tangechaü̃tümüxü̃ rü yáxna tamaxã naxĩnü rü tüxü̃ nangechaü̃.

Wiyaegü 51:1

Pa Tupanax, ¡cuxü̃́ changechaü̃tümüxü̃, erü cuma rü cungechaü̃wa̱xe! ¡Rü curü ngechaü̃gagu choxü̃́ nüxü̃ irüngüma i chorü pecadugü!

Neemía 9:31

Natürü yema nax cuxü̃́ nangechaü̃tümüxü̃güxü̃ca̱x rü tama noxtacüma cunadaixüchi rü tama nüxna quixũ. Erü cuma rü Tupana ya mecümaxü̃chicü rü ngechaü̃wa̱xecü quixĩ.

Yox 1:1

Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Popera ga Chantiágu ümatüxü̃ 1:2

Pa Chauenexẽgü i Yaxõgüxü̃x, name nixĩ nax petaãẽgüxü̃ i ngẽxguma naguxü̃raü̃xü̃ i guxchaxü̃gü pexca̱x ínguxgu.

Nüxíraxü̃xü̃ ga popera ga Pedru ümatüxü̃ 3:14

Natürü ngẽxguma chi mexü̃ nax pexügüxü̃ca̱x ngúxü̃ pingegügu, ¡rü petaãẽgü i pema! ¡Rü taxuca̱xma texéxü̃ pemuü̃e, rü bai ta̱xacüca̱x peba̱i̱xãchiãxẽgü!

Ore i mexü̃ ga Luca ümatüxü̃ 11:10

Erü guxãma ya yíxema naxca̱x íca̱xe rü tanayaxu, rü guxãma ya naxca̱x dauxe rü nüxü̃ itayangau. Rü guxãma ya ĩã̱xwa nüxna cagüxe, rü tümaca̱x tá nayawãxna i ĩã̱x.