Popera ga Chantiágu ümatüxü̃ 5:1 - Tupanaarü Ore

¹ Pa diẽruã̱xgüxü̃, ¡Iperüxĩnüe i ñaa ore! ¡Pexauxe rü aita pexüe na̱xcha̱xwa i ngẽma guxchaxü̃gü i tá pexca̱x íngugüxü̃!

Popera ga Chantiágu ümatüxü̃ 5:1 Referans Kwoze

Ucu̱xẽgüchiga 11:28

Yíxema tümaarü ngẽmaxü̃güna rüyoexe, rü ñoma wüxi i naixatü i paxü̃ i ñaxtüanegu rünguxü̃rüxü̃ tixĩ, natürü yíxema mexü̃ i nacümagu maxü̃́xẽ, rü ñoma wüxi i naixchacüxü i wena ããtüxü̃rüxü̃ tixĩ.

Yeremía 9:23

Rü nüma ya Cori ya Tupana rü ñanagürü: —Yíxema cua̱x tüxü̃́ ngẽxmaxe rü tama name i tügü namaxã ticua̱xüxü̃ i ngẽma tümaarü cua̱x. Rü woo yíxema nüxü̃ cuáxe nax duü̃xü̃gümaxã itacuáxü̃ rü tama name i ngẽmamaxã tügü ticua̱xüxü̃. Rü woo ya yíxema diẽruã́xẽ rü tama name i tümaarü diẽrumaxã tügü ticua̱xüxü̃.

Ucu̱xẽgüchiga 11:4

Ngẽma diẽru rü taxúexü̃táma ínapoxü̃ i ngẽma ngunexü̃ i nagu Cori ya Tupana tüxü̃ icagüxü̃gu, natürü ngẽma mexü̃ ixüxü̃ nixĩ i yuwa tüxü̃́ ínguxuchixẽẽxü̃.

Popera ga Chantiágu ümatüxü̃ 1:11

Rü ngẽxguma nangunagügu ya üa̱xcü rü poraãcü nangu̱xetügu, rü narüñexẽ i ngẽma putüra rü narüngu i nachacu, rü ngẽxma nagu̱x nax namexü̃. Rü ngẽxgumarüxü̃ tá ta nayu i ngẽma diẽruã̱xü̃chixü̃ rü ngẽxma tá guxü̃ma i norü ngẽmaxü̃gümaxã inayarüxo.

Miquéa 6:12

Rü ngẽma diẽruã̱xgüxü̃ i daa ĩanegu ãpatagüxü̃ rü poraãcü duẽxẽgüxü̃́ nangĩ́e. Rü guxü̃ma i daa ĩanewa maxẽxü̃ rü dorata̱xaxgüxü̃ rü womüxẽẽwa̱xegüxü̃ nixĩgü.

Chofonía 1:18

Rü ngẽma Cori ya Tupanaarü ngunexü̃ i ãũcümaxü̃ i nagu norü numaxã duü̃xü̃güxü̃ napoxcuexü̃, rü woo i norü diẽru rü woo i norü úiru rü taũxtáma naétüwa nachogü, erü ngẽma Cori ya Tupanaarü poxcu i üxüema rü guxü̃táma i nachixü̃anexü̃ nigu. Rü guxü̃táma i ngẽma duü̃xü̃gü i ñoma i naanewa maxẽxü̃ rü wüxiü̃cüxü tá inayarüxo.

Ichaía 13:6

¡Rü pixauxe, Pa Babiróniacüã̱x, erü Cori ya Tupanaarü ngunexü̃ rü marü ningaica nax ínanguxü̃! Rü nüma ya Cori ya Tupana ya Guxãétüwa Ngẽxmacü rü tá ínangu nax Babiróniagu yapogüxü̃ca̱x.

Popera ga Chantiágu ümatüxü̃ 4:13

¡Choxü̃́ iperüxĩnüe i pema nax ñapegügüxü̃: “Ñu̱xma rüe̱xna moxü̃ tá nai ya ĩanewa taxĩ, rü wüxi ya taunecü tá ngẽxma tayayaxu, rü tá ngéma tataxegü nax mucü i diẽru ngĩxü̃ iyaxuxü̃ca̱x”, ñaperügügü!

Popera ga Chantiágu ümatüxü̃ 2:6

Natürü pema rü penaxãnexẽxẽ rü nüxü̃ pexo i ngẽma ngearü diẽruã̱xgüxü̃. ¿Taux ẽ̱xna ngẽma diẽruã̱xgüxü̃ yixĩxü̃ i chixri pemaxã icua̱xgüxü̃ rü ãẽ̱xgacügüpe̱xewa pexü̃ itúxü̃ rü íyaxuaxü̃güxü̃?

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Joel 1:11

Rü pema nax naanewa pepuracüexü̃ rü penatoxü̃ ga úbagü rü trigugü rü chebádagü ¡rü poraãcü pengechaü̃güãcüma pexauxe! Erü ngẽma trigu rü chebáda ga petogüxü̃ rü pexü̃́ nayue, rü ngẽmaca̱x taxuxü̃ma pibuxgü.

Joel 1:5

Pa Ngãxẽwa̱xexü̃x ¡rü peba̱i̱xãchie! ¡Pexauxe, Pa Bínuarü Axruü̃güx! Erü ngẽma úbatüxü̃ rü tá inayarütaxu.

Echequié 19:2

Iraéchixü̃ane rü ñoma wüxi i ngexü̃ i leóü̃rüxü̃ nixĩ. Rü leóü̃gütanüwa namaxü̃ rü ngéma nanayaexẽxẽ ga naxacügü.

Yeremía 4:8

¡Rü ngẽmaca̱x techaraxü̃ i naxchirugu picu̱xgü, rü pexauxe, rü ngechaü̃maxã aita pexüe! Erü Cori ya Tupanaarü nu rü tama tüxna nixũgachi —ñanagürü.

Popera ga Chantiágu ümatüxü̃ 4:9

¡Pegümaxã pengechaü̃gü rü pexauxe erü pipecaduã̱xgü! Rü yíxema ñu̱xma chixexü̃gagu cugüexe rü name nixĩ i tügümaxã taxauxe. Rü yíxema chixexü̃maxã taãẽgüxe, rü name nixĩ i Tupanape̱xewa tügümaxã tangechaü̃gü.

Joel 1:13

Rü pemax, Pa Chacherdótegü i Tupanaarü Ãmarearü Guruxü̃maxã Icua̱xgüxex, rü name nixĩ i naxchiru i témüxü̃gu picu̱xgü, rü pexauxe, erü perü Tupanapata ya taxü̃newa rü marü nataxuma i trigu rü bínu i perü ãmareruxü̃ ixĩxü̃.

Wiyaegü 17:14

Pa Corix ¡curü poramaxã choxü̃ ínanguxuchixẽxẽ naxme̱xwa i ngẽma duü̃xü̃gü i chixexü̃! ¡Rü ñoma i naanewa ínawoxü̃! Rü ngẽma nixĩ i nüxna üxü̃ i ñoma i naanewa nax namaxẽxü̃. Rü nüetama nixĩ nax namuarü ngẽmaxü̃ã̱xgüxü̃. Rü nüetama nixĩ nax naxacügü rü meama nachibüexü̃. Rü nüetama nixĩ nax nataagüca̱x íyaxüxü̃ i õna.

Ichaía 15:3

Rü duü̃xü̃gü rü naxchiru i técharaxü̃maxã ĩanearü namagu naxĩ. Rü ĩpatagüétüwa rü duü̃xü̃gü rü taxü̃ i norü ngechaü̃maxã aixta naxüe. Rü ĩanearü plazagüwa rü guxü̃ma i duü̃xü̃gü rü norü ngechaü̃maxã poraãcü naxauxe.

Echequié 30:2

—Pa Yatüx, ¡chauégagu nüxü̃ ixu rü ñanagürü! “Cori ya Tupana rü ñanagürü: ‘¡Perü ngechaü̃maxã aixta pexü na̱xcha̱xwa i ngẽma ngunexü̃ i poxcu tá nagu pexca̱x ínguxü̃!