Popera ga Chantiágu ümatüxü̃ 4:9 - Tupanaarü Ore

⁹ ¡Pegümaxã pengechaü̃gü rü pexauxe erü pipecaduã̱xgü! Rü yíxema ñu̱xma chixexü̃gagu cugüexe rü name nixĩ i tügümaxã taxauxe. Rü yíxema chixexü̃maxã taãẽgüxe, rü name nixĩ i Tupanape̱xewa tügümaxã tangechaü̃gü.

Popera ga Chantiágu ümatüxü̃ 4:9 Referans Kwoze

Ore i mexü̃ ga Matéu ümatüxü̃ 5:4

Tataãẽgü ya yíxema ngúxü̃ ngegüxe, erü Tupana tá tüxü̃ nataãẽgüxẽxẽ.

Ucu̱xẽgüchiga 14:13

Rü woo icugüechire̱xgu, natürü ngúxü̃ tinge i tórü maxü̃newa, rü nangẽxma i taãẽgü i ngechaü̃gu yagu̱xü̃.

Ore i mexü̃ ga Luca ümatüxü̃ 6:25

Rü wüxi i ngechaü̃ tá nixĩ i pexca̱x i pemax i ñu̱xmax mea chibüexe erü tá petaiyae. Rü wüxi i ngechaü̃ tá nixĩ i pexca̱x i pemax i ñu̱xmax marü cugüexe, erü yixcama rü perü ngechaü̃maxã tá pexauxe.

Wiyaegü 119:67

Rü naxü̃pa ga choxü̃ nax cuxucu̱xẽxü̃ rü muxü̃ma ga chixexü̃ chaxü. Natürü i ñu̱xma rü naga chaxĩnü i ngẽma curü mugü.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Echequié 7:16

Rü woo togü rü máxpüxanexü̃wa nabuxmügu ñoma muxtucugü i baixãchiexü̃rüxü̃, natürü guxãtáma tümaarü pecadugagu tayueama.

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Yox 30:31

Rü ñu̱xma nax ngúxü̃ chingexü̃ rü chorü árpaga rü chorü woweruga rü taxü̃ i ngechaü̃ choxna naxã —ñanagürü ga Yox.

Ore i mexü̃ ga Luca ümatüxü̃ 6:21

¡Rü petaãxẽgü i pemax i ñu̱xma taiyaexe! Erü yixcama rü tá meama pingãxcharaü̃gü. ¡Rü petaãxẽgü i pemax i ñu̱xma ngechaü̃güxe! Erü yixcama rü tá taãẽãcüma pecugüe.

Auxexü̃chiga 5:15

Rü torü maxü̃newa rü marü nataxuma i taãxẽ. Rü ngẽma nax torü taãẽmaxã ítiyüxgüxü̃ rü ñu̱xma rü ngechaxü̃gu nayacua̱x.

Yeremía 31:13

Rü ngẽma pacügü rü tá taãẽãcüma íiyayüxe, rü ngẽxgumarüxü̃ ta i ngẽma ngextü̱xücügü rü yaxguã̱xgü. Rü choma rü tá chanataãẽxẽxẽ. Rü ngẽma norü ngechaü̃ rü tá taãẽxü̃ chananguxuchixẽxẽ. Rü tá nüxna chanaxã i wüxi i taãxẽ i ngẽma nüxü̃́ ngúxü̃arü yexera ixĩxü̃.

Yeremía 31:9

Rü nümagü rü tá inaxĩãchi, rü tá niyumü̃xẽtanü rü nixauxetanü. Rü ngẽmaãcü tá ínangugü. Rü choma rü natügü íngexmaxü̃gu tá chayagagü nagu i wüxi i nama i mexü̃ i ngexta nataxuma i ãũcümaxü̃. Erü choma rü nanatü chixĩ i ngẽma Iraétanüxü̃. Rü Efraíü̃tanüxü̃ rü chaune ya yacüxü̃ nixĩ.

Ngu̱xẽẽtaeruü̃arü ore 2:2

Rü düxwa nüxü̃ chacua̱x i ngẽma nax chacugüxü̃ rü wüxi i natüca̱xmamare yixĩxü̃, rü ngẽma chauxunearü ngúchaü̃gü rü taxuwama namexü̃.

Wiyaegü 119:71

Rü choxü̃́ name ga yema choxü̃ nax cuxucu̱xẽxü̃. Erü yemaacü nixĩ i nüxü̃ chacuáxü̃ nax naga chaxĩnüxü̃ i ngẽma curü mugü.

Wiyaegü 119:136

Rü poraãcü chaxaxu erü ngẽma togü rü tama naga naxĩnüe i curü mugü. -18-

Neemía 8:9

Rü guxü̃ma ga duü̃xü̃gü rü yexguma nüxü̃ naxĩnüegu ga yema Tupanaarü mugü rü naxauxe. Natürü ga choma ga ãẽ̱xgacü ga Neemía, rü nümatama ga chacherdóte ga Édra, rü yema tomücügü ga Lebítanüxü̃ rü tanataãẽxẽxẽ ga yema duü̃xü̃gü, rü ñatagürügü nüxü̃: —¡Taxṹ i pengechaxü̃güxü̃ rü pexauxexü̃! Erü ñoma i ngunexü̃ rü woetama tórü Cori ya Tupanaca̱x ítanaxǘxüchi —ñatagürügü.

Ore i mexü̃ ga Matéu ümatüxü̃ 21:41

Rü yema chacherdótegüarü ãẽ̱xgacügü rü Ngechuchuxü̃ nangãxü̃gü, rü ñanagürügü: —Ngẽma naanearü yora rü tama nüxü̃́ nangechaü̃tümüü̃ãcüma tá nanadai i ngẽma puracütanüxü̃ i chixri maxẽxü̃. Rü ñu̱xũchi tá nüxna nüxü̃ nadauxẽxẽ i togü i puracütanüxü̃ i mea namaxã ngĩxü̃ itoyexü̃ i diẽru i úbatanü i ngẽxguma norü buxguwa nanguxgu —ñanagürügü.