Popera ga Chantiágu ümatüxü̃ 4:4 - Tupanaarü Ore

⁴ Pa Duü̃xü̃gü i Chixri Maxẽxü̃x, ¿Tama ẽ̱xna nüxü̃ pecua̱x rü ngẽxguma ñoma i naanewa ngẽxmaxü̃ i chixexü̃güxü̃ pengechaxü̃gügu rü Tupanamaxã perüxuanügu? Erü texé ya ñoma i naanewa ngẽxmagüxü̃ i chixexü̃güxü̃ ngechaü̃güxe rü Tupanamaxã tarüxuanügü.

Popera ga Chantiágu ümatüxü̃ 4:4 Referans Kwoze

Romanos 8:7

Rü yíxema tümaxü̃nearü ngúchaü̃ca̱x daugüxe rü Tupanamaxã tarüxuanügü. Erü tama Tupanaarü mugüga taxĩnüe rü tama tayanguxẽxẽ.

Gálatas 1:10

Rü choma rü tama naxca̱x chadau nax duü̃xü̃gü chomaxã taãẽgüxü̃, natürü Tupana chomaxã taãẽxü̃ca̱x nixĩ i chadauxü̃. Erü ngẽxguma chi duü̃xü̃güxü̃ chataãẽxẽẽchaü̃gu, rü taxũchima Cristuarü puracütanüxü̃ chixĩ.

Ore i mexü̃ ga Cuáü̃ ümatüxü̃ 15:19

Rü ngẽxguma chi ñoma i naanecüã̱x i duü̃xü̃gürüxü̃ pixĩgügu, rü ñoma i naanecüã̱x i duü̃xü̃gü rü chi pexü̃ nangechaü̃gü ngẽma natanüxü̃xü̃ nax nangechaü̃güxü̃rüxü̃. Natürü choma nixĩ ga pexca̱x chadauxü̃ natanüwa ga ñoma ga naanecüã̱x ga duü̃xü̃gü. Rü ngẽmaca̱x nixĩ i pexchi naxaiexü̃, erü marü tama naxrüxü̃ pixĩgü.

Ore i mexü̃ ga Matéu ümatüxü̃ 6:24

Taxucürüwa wüxíe rü tataxrearü coriã̱x. Erü wüxi i tümaarü cori rü tá nüxü̃ tangechaü̃ rü ngẽma to rü tá naxchi taxai. Rü naga tá taxĩnü i ngẽma wüxi rü ngẽma to rü taũtáma naga taxĩnü. Rü taxucürüwa Tupanaaxü̃́ cupuracü ega yexera curü diẽruguama curüxĩnügu.

Ore i mexü̃ ga Cuáü̃ ümatüxü̃ 17:14

Choma rü marü namaxã nüxü̃ chixu i curü ore. Natürü ñoma i naanecüã̱x i duü̃xü̃gü rü naxchi naxaie, erü tama naxrüxü̃ nixĩgü, ngẽxgumarüxü̃ i choma rü tama ñoma i naanecüã̱xrüxü̃ chixĩ.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Romanos 5:10

Rü yexguma norü uanügü ixĩgügu, rü nümatama ga Tupana rü nügümaxã tüxü̃ inarüngü̃xmüexẽxẽ ga yexguma nayu̱xgu ga Nane. Rü ñu̱xma nax marü namaxã irüngüxmüexü̃, rü yexeraãcü nüxü̃ tacua̱x nax tüxü̃́ nangẽxmaxü̃ i maxü̃ i taguma gúxü̃ nagagu nax namaxü̃xü̃ i nüma ya Nane.

Ore i mexü̃ ga Matéu ümatüxü̃ 16:4

Rü ñanagürü ta ga Ngechuchu: —Ñaa duü̃xü̃gü i chixecümagüxü̃ rü tama yaxõgüxü̃ rü naxca̱x ínacagü i wüxi i cua̱xruxü̃ i Tupanaarü poramaxã üxü̃. Natürü yema cua̱xruxü̃ ga Tupanaarü orearü uruxü̃ ga Yonáwa üxü̃xicatama nixĩ i tá nüxü̃ chawéxü̃. Rü taxuxü̃táma i to i cua̱xruxü̃ tá nüxü̃ chadauxẽxẽ i ñaa duü̃xü̃gü —ñanagürü ga Ngechuchu. Rü ñu̱xũchi nüxna yéma nixũ rü inaxũãchi.

Ochéa 3:1

Rü yexguma ga Cori ya Tupana rü wenaxarü chomaxã nidexa rü ñanagürü choxü̃: —¡Ngéma naxũ rü wenaxarü ngĩxca̱x yadau i wüxi i nge i cumücümaxã pexü̃, rü cugüxü̃tawa ngĩxü̃ naga rü ngĩxü̃ nangechaxü̃! Rü ngẽxgumarüxü̃ i choma ya Cori ya Tupana rü ngẽma Iraéanecüã̱xgüxü̃ changechaü̃ama woo i nümagü rü choxna nixĩgachi rü naxca̱x narümemae nax ngẽma tupananetachicüna̱xãgüwe naxĩxü̃ rü nangõ̱xgüãxü̃ i ngẽma maixcuraxü̃gü i namaxã nüxü̃ yacua̱xüü̃güxü̃ —ñanagürü ga Tupana.

Ore i mexü̃ ga Cuáü̃ ümatüxü̃ 7:7

Ngẽma duü̃xü̃gü i ñoma i naanecüã̱x rü tama pexchi naxaie. Natürü chauxchi naxaie erü chanango̱xẽxẽ nax nachixexü̃ i ngẽma naxügüxü̃.

Wiyaegü 73:27

Rü ngẽma duü̃xü̃gü i cuxna ixĩgachixü̃ rü tá nayue. Rü tá icuyanaxoxẽxẽ i ngẽma tama aixcüma cuga ĩnüexü̃.

Ore i mexü̃ ga Luca ümatüxü̃ 19:27

Rü yema chorü uanügü ga tama naxwa̱xegüxü̃ nax norü ãẽ̱xgacüxü̃ chixĩxü̃, ¡rü nua penagagü, rü nua chopexegu peyadai!” —ñanagürü.

Ore i mexü̃ ga Matéu ümatüxü̃ 12:39

Rü Ngechuchu nanangãxü̃, rü ñanagürü: —Ñaa duü̃xü̃gü i chixecümagüxü̃ i tama yaxõgüxü̃ rü naxca̱x ínacagü i wüxi i cua̱xruxü̃ i Tupanaarü poramaxã üxü̃. Natürü yema cua̱xruxü̃ ga Tupanaarü orearü uruxü̃ ga Yonáwa üxü̃xicatama nixĩ i tá nüxü̃ chawéxü̃. Rü taxuxü̃táma i to i cua̱xruxü̃ tá nüxü̃ chadauxẽxẽ i ñaa duü̃xü̃gü.

Wiyaegü 21:8

Pa Chorü Tupanax, cuchacüxümaxã tá nüxü̃ curüporamae i guxü̃ma i curü uanügü. Rü yima curü tügünechacüxümaxã tá nüxü̃ curüporamae i ngẽma cuxchi aiexü̃.

Yeremía 9:2

Rü chierü ngextá ínachianexü̃wa choxü̃́ nangẽxmagu i wüxi i nachica nax ngẽxma chaxãpataxü̃ca̱x nax ngẽmaãcü chorü duü̃xü̃güna yáxü̃wa changexmaxü̃ca̱x. Erü guxü̃ma chixexü̃gu namaxẽ, rü duü̃xü̃gü i naechitamare maxẽxü̃ nixĩgü.

Ichaía 57:3

Rü Tupana rü ñanagürü: —Pa Yuüxü̃ Nanegüx, pema rü nanegü pixĩgü i yatü i naxma̱xna ngexü̃ i naxü̃nemaxã taxexü̃maxã maxü̃xü̃. ¡Rü nua pexĩ rü choxü̃́ iperüxĩnüe!

Wiyaegü 50:18

Rü cuma rü taãẽãcü cunayaxu i ngẽma ngĩ́ta̱xagüxü̃ rü namaxã cuxãmücü i ngẽma duü̃xü̃gü i naxma̱xẽchita nai i ngemaxã maxẽxü̃.

Yeremía 2:2

—¡Ngéma naxũ rü namaxã idexa i ngẽma Yerucharéü̃cüã̱x i duü̃xü̃gü! ¡Rü nataga nax mea nüxü̃ naxĩnüexü̃ca̱x i ñaa chorü ore i ñaxü̃! “Choma ya Tupana rü nüxna chacua̱xãchi rü yexguma noxri choxü̃ pecua̱xgügu rü mea chauga pexĩnüe. Rü yexguma noxri chorü duü̃xü̃gü pexü̃ chixĩxẽẽgu, rü choxü̃ pengechaü̃gü ñoma wüxi i nge i ngexwaca ãtecü rü ngĩtexü̃ ngechaü̃cürüxü̃. Rü yema choxü̃ nax pengechaü̃xü̃gagu rü chowe perüxĩ ga ínachianexü̃wa ga taxuxü̃ma i nanetü írüxüxü̃wa.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Echequié 16:32

Rü cuma rü wüxi i ngexü̃ i natena ngeãẽxü̃ rü togümare i yatüxü̃ yaxuxü̃rüxü̃ quixĩ i cuma.

1 Corintios 1:20

Rü ñu̱xmax, Pa Chauenexẽgüx, ¿Tupanape̱xewa rü ta̱xacüwa namexü̃ i ngẽma duü̃xü̃gü i nüxü̃ cua̱xüchixü̃? ¿Rü ta̱xacüwa namexü̃ i ngẽma ngúexẽẽxruü̃gü i Moiché ümatüxü̃ i mugüwa ngu̱xẽẽtaegüxü̃? ¿Rü ta̱xacüwa namexü̃ i ngẽma duü̃xü̃gü i mea nüxü̃ cua̱xgüxü̃ i ñoma i naanearü cuáchigagu nax yadexagüxü̃? Erü guxü̃ma i ngẽma cua̱x rü duü̃xü̃gü nagu rüxĩnüemarexü̃ nixĩ, rü Tupanaca̱x rü taxuwama name.

1 Corintios 1:21

Natürü nüma ya Tupana ya guxü̃xü̃ma cuácü, rü tama nanaxwa̱xe nax ñoma i naanecüã̱x i duü̃xü̃güarü cua̱xgagu nax yixĩxü̃ i naxü̃tawa nangugüxü̃ i nümagü. Natürü nanaxwa̱xe nax ngẽma norü ore i mexü̃gagu nax yixĩxü̃ inamaxẽxẽẽãxü̃ i ngẽma duü̃xü̃gü i yaxõgüxü̃ woo ngẽma togü i duü̃xü̃güca̱x rü natüca̱xmamare yixĩxgu i ngẽma ore.