Popera ga Chantiágu ümatüxü̃ 4:13 - Tupanaarü Ore

¹³ ¡Choxü̃́ iperüxĩnüe i pema nax ñapegügüxü̃: “Ñu̱xma rüe̱xna moxü̃ tá nai ya ĩanewa taxĩ, rü wüxi ya taunecü tá ngẽxma tayayaxu, rü tá ngéma tataxegü nax mucü i diẽru ngĩxü̃ iyaxuxü̃ca̱x”, ñaperügügü!

Popera ga Chantiágu ümatüxü̃ 4:13 Referans Kwoze

Ucu̱xẽgüchiga 27:1

¡Taxṹ i cugü quicua̱xüxü̃ naxca̱x i ngẽma moxü̃ cuxüxchaü̃xü̃, erü tama nüxü̃ cucua̱x i ta̱xacü tá cuxü̃ ngupetüxü̃ i moxü̃arü ngunexü̃gu!

Ngu̱xẽẽtaeruü̃arü ore 2:1

Chaugümaxã ñachagürü: —Ñu̱xma rü tá nüxü̃ chaxü i ngẽma duü̃xü̃gü nagu rüxĩnüexü̃ rü namaxã nataãẽgüxü̃, rü chaugüxü̃́ tá chanadetaque̱xe i muxü̃ma i ngẽmaxü̃gü —ñachagürü chaugümaxã. Natürü woo i ngẽma ĩnü rü natüca̱xmamare nixĩ.

Echequié 7:12

Marü nawa nangu i ngẽma ngunexü̃, rü ínangu i ngẽma ora. Rü ngẽma taxetanüxü̃ rü taxuca̱xma ta̱xacüca̱x nataãxẽ, rü ngẽma naxca̱x taxexü̃ rü taxuca̱xma ta̱xacüca̱x nangechaxü̃. Erü chorü numaxã tá chanapoxcu i guxü̃ma i ngẽma Iraétanüxü̃ i ñu̱xma nügü icua̱xüü̃güxü̃.

Ichaía 24:2

Rü ngẽmatátama nüxü̃ nangupetü i ngẽma chacherdóte rü ñu̱xũchi ngẽma duü̃xü̃gü, rü ngẽxgumarüxü̃ tá ta nixĩ i ngẽma cori rü norü ngü̃xẽẽruxü̃, rü ngéma chiũra rü ngĩxrü ngü̃xẽẽruxü̃, rü ngẽma naxca̱x taxexü̃ rü ñu̱xũchi ngẽma namaxã taxexü̃, rü ngẽma toguxena diẽru paxaãchi ngĩxü̃ ãxü̃ rü ñu̱xũchi ngẽma paxaãchi ngĩxü̃ yaxuxü̃, rü ngẽma diẽruã́xü̃ rü ñu̱xũchi ngẽma ngearü diẽruã́xü̃.

Popera ga Chantiágu ümatüxü̃ 5:1

Pa diẽruã̱xgüxü̃, ¡Iperüxĩnüe i ñaa ore! ¡Pexauxe rü aita pexüe na̱xcha̱xwa i ngẽma guxchaxü̃gü i tá pexca̱x íngugüxü̃!

1 Corintios 7:30

Rü yíxema yutanügüxe rü tanaxwa̱xe nax ñoma ítapetaexü̃ãcü tamaxẽxü̃. Rü yixema peta ügüxe rü tanaxwa̱xe nax ñoma tayutanüxü̃ãcü tamaxẽxü̃. Rü yíxema itaxegüxe rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃.

Ichaía 5:5

Rü dücax, rü ñu̱xma rü tá pemaxã nüxü̃ chixu i ngẽma nagu charüxĩnüxü̃ namaxã i ngẽma chorü úbanecü. Rü tá íchanapoxgü i ngẽma norü poxeguxü̃ nax ngẽmaãcü duü̃xü̃gü nagu pogüexü̃ca̱x i ngẽma úbanecü. Rü ngẽma norü poxeguxü̃ rü tá nagu chapogü nax duü̃xü̃gü nagu púgüexü̃ca̱x i ngẽma úbanecü.

Naanearü ügüchiga 11:7

¡Rü ngĩxã ítarüxĩgü nax naguxü̃raü̃xü̃ i nagawa yadexagüxẽẽchigüxü̃ca̱x nax tama nügüga nacua̱xgüxü̃ca̱x i ngẽma duü̃xü̃gü! —ñanagürü.