Popera ga Chantiágu ümatüxü̃ 4:10 - Tupanaarü Ore

¹⁰ Rü name nixĩ i Cori ya Tupanape̱xegu pegü íperüxíragü. Rü nüma rü tá pexü̃ nicua̱xüxü̃ rü pexü̃ nataxẽxẽ.

Popera ga Chantiágu ümatüxü̃ 4:10 Referans Kwoze

Wiyaegü 147:6

Rü nüma rü nüxü̃ narüngü̃xẽxẽ i ngẽma duü̃xü̃gü i tama nügü icua̱xüü̃güxü̃ natürü nanaxãneexẽxẽ i ngẽma chixexü̃ ügüxü̃.

Ore i mexü̃ ga Matéu ümatüxü̃ 23:12

Erü yíxema tügü írütaxe rü Tupana tá tüxü̃ naxãnexẽxẽ. Natürü yíxema tügü írüxíraxe, rü Tupana tá tüxü̃ nicua̱xüxü̃.

Nüxíraxü̃xü̃ ga popera ga Pedru ümatüxü̃ 5:6

Rü name i naga pexĩnüe ya Tupana rü naxme̱x ya poranetüxü̃wa pegü pengẽxmagüxẽxẽ nax nüma pexü̃ yacua̱xüxü̃xü̃ca̱x i ngẽxguma nawa nanguxgu i ngẽma ngunexü̃.

Ore i mexü̃ ga Luca ümatüxü̃ 14:11

Erü texé ya tügü írütaxe rü Tupana tá tüxü̃ naxãnexẽxẽ. Natürü texé ya tügü írüxíraxe rü Tupana tá tüxü̃ nicua̱xüxü̃ —ñanagürü ga Ngechuchu.

Yox 22:29

Erü nüma ya Tupana rü nanaxãnexẽxẽ i ngẽma nügü icua̱xüü̃xü̃, natürü tüxü̃ ínapoxü̃ ya yíxema tama tügü írütaxe.

Wiyaegü 113:7

Rü tüxü̃ narüngü̃xẽxẽ ya yíxema ngearü diẽruã́xẽ rü tüxü̃ ínarüdaxẽxẽ rü tümaarü ĩanearü ãẽ̱xgacügütanüwa tüxü̃ narütoxẽxẽ.

Ore i mexü̃ ga Luca ümatüxü̃ 1:52

Rü marü ínanawoxü̃ ga yema ãẽ̱xgacügü ga nügü icua̱xüü̃güxü̃. Natürü guxema duü̃xẽgü ga tama tügü icua̱xüü̃güxe, rü poraãcü tüxü̃ narüngü̃xẽxẽ.

Ore i mexü̃ ga Luca ümatüxü̃ 18:14

Rü pemaxã nüxü̃ chixu rü gumá yatü ga Rómaarü ãẽ̱xgacüca̱x diẽru ngĩxü̃ decü rü yexguma napataca̱x nataeguxgu rü Tupana rü marü nüxü̃́ narüngüma i norü pecadugü. Natürü yema Parichéu rü Tupana rü tama nüxü̃́ narüngüma i norü pecadugü. Erü texé ya tügü icua̱xüxü̃xe rü Tupana tá tüxü̃ naxãnexẽxẽ. Natürü texé ya tama tügü icua̱xüxü̃xe rü Tupana rü tá tüxü̃ nicua̱xüxü̃ —ñanagürü ga Ngechuchu.

Wiyaegü 27:6

Rü ngéma rü taxuxü̃táma i chorü uanü choxna nangu. Rü ngẽxguma rü tá choxü̃́ natauxcha nax Cori ya Tupanaca̱x chayaguxü̃ i ãmaregü i napatawa. Rü taãẽãcüma tá naxca̱x chawiyae rü nüxü̃ chicua̱xüxü̃.

Wiyaegü 30:1

Pa Cori Pa Tupanax, cuxü̃ chicua̱xüxü̃ erü cuma nixĩ i chorü da̱xawewa choxü̃ ícurüdaxẽẽamaxü̃ rü ngẽmaca̱x tama chayu. Erü cuma rü nüxna cunachu̱xu nax choxü̃ nacugüexü̃ i chorü uanügü.

1 Chamué 2:9

Tupana rü tüxna nadau ya yíxema naga ĩnüexe natürü ngẽma tama naga ĩnüexü̃ rü ẽanexü̃gu nayue. Erü taxúema nüxü̃ tacua̱x nax tümaarü poramaxãtama tügü tamaxẽẽxü̃.

Wiyaegü 28:9

Pa Cori Pa Tupanax ¡nüxü̃ rüngü̃xẽxẽ ya curü duü̃xü̃gü rü mexü̃ namaxã naxuegu! ¡Rü ñoma wüxi i carnéruarü dauruü̃rüxü̃ nüxna nadau rü guxü̃guma mea yagagü!

Ínachoxü̃xü̃chiga 10:3

Rü Moiché rü Aróü̃ rü Faraóü̃xü̃tawa naxĩ, rü ñanagürügü nüxü̃: —Cori ya Iraétanüxü̃arü Tupana rü cuxca̱x nua namuga rü ñanagürü cuxü̃: “¿Ñuxguratáta i nüxü̃ curüxoxü̃ nax choxna cugü quinuxuxü̃? ¡Rü yange̱xgü i chorü duü̃xü̃gü nax choxü̃ yanacua̱xüü̃güxü̃ca̱x!

1 Chamué 2:7

Rü nüma ya Cori ya Tupana rü tüxü̃ nangearü ngẽmaxü̃xã̱xẽxẽ rü ngẽxgumarüxü̃ ta tüxü̃ namuarü ngẽmaxü̃xã̱xẽxẽ. Rü guxchaxü̃ taxca̱x ínangu̱xẽxẽ rü ngẽxgumarüxü̃ ta guxchaxü̃wa tüxü̃ ínanguxuchixẽxẽ.

Yox 5:11

Nüma rü tüxü̃ narüngü̃xẽxẽ ya yixema ngearü diẽruã̱xgüxe, rü ñu̱xũchi tüxü̃ ínapoxü̃ ya yixema naxĩ̱xãchiãẽgüxe.

Ucu̱xẽgüchiga 29:23

Ngẽma nügü icua̱xüxü̃xü̃ rü tá tanaxãnexẽxẽ. Natürü yíxema tama tügü icua̱xüxü̃xẽ, rü duü̃xü̃gü rü tá tümamaxã nataãẽgü.

Echequié 21:26

Rü choma ya Cori ya Tupana rü ñachagürü: ‘Curü uanügü rü tá cuxna nanayaxu i ngẽma curü tüeruxü̃ rü tá cuxna nanapu i ngẽma curü nga̱xcueruxü̃. Rü guxü̃táma naxüchicüü. Rü ngẽma ñu̱xma ãẽ̱xgacügü ixĩgüxü̃ rü tá ínawoxü̃. Rü ngẽma ñu̱xma taxúema nüxü̃ cuáxchaü̃güxü̃ rü tá nüxí natachigagü. Rü choma ya Cori ya Tupana nixĩ i nüxü̃ chixuxü̃ i ngẽma.