Popera ga Chantiágu ümatüxü̃ 3:9 - Tupanaarü Ore

⁹ Rü yima tórü conümaxã nüxü̃ ticua̱xüxü̃ ya Tanatü ya Tupana, rü yimamaatama chixexü̃ namaxã tixugüe i duü̃xü̃gü ya Tupana nügüacü üxü̃.

Popera ga Chantiágu ümatüxü̃ 3:9 Referans Kwoze

Wiyaegü 10:7

Rü naã̱xwa ínaxũxũ i chixexü̃ i dexa, rü doraxü̃ nixu, rü naguxchigawa̱xe. Rü ngẽxguma yadexaxgu rü mexü̃ i oregu nayacu̱x i ngẽma chixexü̃ i nagu naxĩnüxü̃, rü ngẽmaãcü tüxü̃ nawomüxẽxẽ ya duẽxẽgü.

Wiyaegü 62:4

Rü ngẽma duü̃xü̃gü i chixexü̃ rü ngẽma nagu naxĩnüexü̃xicatama nixĩ nax choxü̃ ínata̱xüchigüxü̃. Rü ngẽma namaxã nataãẽgüxü̃ nixĩ i norü dora. Rü naã̱xmaxã choxü̃ nicua̱xüü̃gü, natürü norü ĩnüwa rü chomaxã naguxchigagü.

Wiyaegü 59:12

Rü ngẽma duü̃xü̃gü i chixexü̃gu maxẽxü̃ rü norü ore i chixexü̃gagu, rü naberaarü dexagügagu, rü ngẽma nügü nax yacua̱xüü̃gügagu ¡rü napoxcue! ¡Rü norü ore i chixexü̃gagu rü norü doragügagu napoxcue!

Ngechuchuarü ngúexü̃gü ga yamugüxü̃arü puracüchiga 2:26

Rü ngẽmaca̱x chataãxẽ rü taãẽãcü chawiyae. Rü choma chayaxõ nax mexü̃wa tá chaxũxü̃ i ngẽxguma chayu̱xgu.

2 Chamué 19:21

Rü yexguma ga Abichái ga Cheruiá nane, rü Dabíxü̃ ñanagürü: —¿Name nax nayuxü̃ i Chimí, erü chixexü̃ nixugü cumaxã, Pa Ãẽ̱xgacüx, nax Tupana cuxü̃ unetaxü̃ nax ãẽ̱xgacü quixĩxü̃? —ñanagürü.

Naanearü ügüchiga 5:1

Rü yexguma nüxíraü̃cü ga duü̃ naxüãgu ga Tupana, rü nügüraxü̃ãcü nanaxü. Rü yatüxü̃ rü ngexü̃ naxü rü ñu̱xũchi mexü̃ namaxã naxuegu, rü ñanagürü: —Nümagü rü duü̃xü̃gü tá nixĩ i naéga —ñanagürü. Rü ñaagü nixĩ ga naégagü ga yema Adáü̃wa ngóexü̃ ga natanüxü̃.

1 Corintios 11:7

Natürü yatügü rü tama name nax nügü natüerugüxü̃. Yerü ga Tupana rü nügüraxü̃ãcü nanaxü ga yatü rü Tupanachipeta nixĩ. Rü yimá yatüwa nixĩ i nangóxü̃ nax ñuxãcü namexẽchixü̃ ya Tupana. Rü ngẽma ngecüwa nixĩ i nangóxü̃ nax ñuxãcü namexü̃ ya yatü.

Romanos 3:14

Rü tümaã̱x rü chixexü̃ i oremaxã rü numaxã nanapa.

Ore i mexü̃ ga Matéu ümatüxü̃ 26:74

Rü nüma ga Pedru rü poraãcü nügü nixã, rü ñanagürü nüxü̃: —Choma rü Tupanaégagu pemaxã nüxü̃ chixu rü tama nüxü̃ chacua̱x i ngẽma yatü —ñanagürü. Rü yexgumatama nica ga ota.

Ore i mexü̃ ga Matéu ümatüxü̃ 5:44

Natürü i choma rü pemaxã nüxü̃ chixu rü: ¡Nüxü̃ pengechaü̃ i perü uanügü! ¡Rü naxca̱x peyumüxẽ i ngẽma duü̃xü̃gü i chixexü̃maxã pewe ingẽxü̃tanüxü̃!

Ichaía 29:13

Rü nüma ya Cori ya Tupana rü ñanagürü choxü̃: —Ñaa duü̃xü̃gü rü norü dexawaxicatama nügü nixugüe nax chorü duü̃xü̃gü yixĩgüxü̃, natürü tama chauga naxĩnüe. Rü naã̱xmaxãxicatama choxü̃ nicua̱xüü̃gü, natürü norü maxü̃newa rü tama chaugu narüxĩnüe. Rü ngẽma norü cua̱xüü̃gü rü duü̃xü̃güarü ĩnüwa nanayauxgü.

Ngu̱xẽẽtaeruü̃arü ore 7:22

Natürü cuma rü meama nüxü̃ cucua̱x rü cuma rü ta rü muẽ̱xpü̱xcüna chixri toguxechiga quidexa.

Wiyaegü 108:1

Ñu̱xma rü íchame, Pa Chorü Tupanax, rü íchame nax chorü wiyaemaxã cuxü̃ chicua̱xüxü̃. Rü pa̱xmama tá ícharüda rü chorü paxetaruü̃gümaxã tá chapaxeta. Rü ngẽmaãcü tá nüxü̃ charümoxẽ i ngẽma ngexwacaxü̃ i ngunexü̃.

Wiyaegü 71:24

Rü chorü conümaxã rü guxü̃ i ngunexü̃gu tá nüxü̃ chixu nax cuma rü ixaixcümacü quixĩxü̃. Erü ngẽma duü̃xü̃gü i naxwa̱xegüxü̃ nax choxü̃ yama̱xgüxü̃, rü ñu̱xma rü poraãcü ãne ningegü.

Wiyaegü 63:4

Rü ñu̱xma nax ñoma i naanewa chamaxü̃xü̃gu rü tá cuxü̃ chicua̱xüxü̃. Rü cuxca̱x chaxunagüme̱xẽãcüma tá chayumüxẽ.

Wiyaegü 57:8

Rü pa̱xmama tá ícharüda naxca̱x i chorü paxetaruü̃gü i árpa rü árpaxacü. Rü ngẽmaãcü tá íchanabaixgü i ngẽma ngexwacaxü̃xü̃ i ngunexü̃.

Wiyaegü 51:14

Pa Tupana ya Chorü Maxẽxẽruxü̃x ¡choxü̃ ínanguxuchixẽxẽ nax yexü̃cürü nagü ichanabaxẽxẽxü̃! Rü choma rü wiyaeãcüma tá nüxü̃ chixu nax cuma rü aixcümacü quixĩxü̃.

Wiyaegü 35:28

Rü choma rü chorü conümaxã tá nüxü̃ chixuchiga nax cuma rü ãẽ̱xgacü ya mecü nax quixĩxü̃. Rü guxü̃ i ngunexü̃gu tá cuxü̃ chicua̱xüxü̃.

Wiyaegü 34:1

Rü guxü̃ i oragu rü Cori ya Tupanamaxã tá mexü̃ chaxuegu, rü cha̱u̱a̱xmaxã rü guxü̃gutáma nüxü̃ chicua̱xüxü̃.

Wiyaegü 30:12

Rü ngẽmaca̱x wiyaegümaxã tá cuxü̃ chicua̱xüxü̃ rü guxü̃gutáma moxẽ cuxna chaxã.

Wiyaegü 16:9

Rü ngẽmaca̱x i ñu̱xma rü poraãcü chataãxẽ rü taxuca̱xtama ta̱xacüca̱x chaxoegaãxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:20

Rü yemawena rü nüma ga Dabí rü ñanagürü nüxü̃ ga guxü̃ma ga yema duü̃xü̃gü ga yexma ngutaque̱xegüxü̃: —Ñu̱xma rü chanaxwa̱xe i nüxü̃ picua̱xüü̃gü ya Cori ya tórü Tupana —ñanagürü. Rü yexguma ga yema duü̃xü̃gü rü norü o̱xigüarü Cori ya Tupanaxü̃ nicua̱xüü̃gü. Rü Tupanape̱xegu rü ãẽ̱xgacü ga Dabípe̱xegu nacaxã́pü̱xügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:10

Rü yexguma ga nüma ga Dabí rü Cori ya Tupanaxü̃ nicua̱xüxü̃ nape̱xewa ga guxü̃ma ga yema duü̃xü̃gü ga yexma ngutaque̱xexü̃ rü ñanagürü: —Pa Cori ya Torü O̱xi ga Iraéarü Tupanax, rü guxü̃gutáma cuxü̃ ticua̱xüü̃gü.

2 Chamué 16:5

Rü yexguma Bauríü̃wa nanguxgu ga ãẽ̱xgacü ga Dabí, rü yexma nüxü̃ nangau ga wüxi ga yatü ga Chaútanüxü̃. Rü nüma rü Guerá nane nixĩ rü Chimígu naxãéga. Rü woo nax duü̃xü̃gü rü norü churaragü nüxna daugüxü̃ ga Dabí, rü nüma ga Chimí rü inanaxügü nax chixexü̃ Dabímaxã yaxugüchigüxü̃ rü nutamaxã Dabíxü̃ rü guxü̃ma ga norü churaragüerugüxü̃ ínamuxũchixü̃.

Ãẽ̱xgacügü ga guxchaxü̃güarü mexẽxẽruü̃gü 9:27

Rü yémacüã̱x ga duü̃xü̃gü rü naanewa naxĩ nax norü úba yanabuxgüxü̃ca̱x. Rü norü bínu nanaxügü, rü yexguma marü nüxü̃́ namexgu ga norü bínu rü napetaegü. Rü norü tupananetapatawa nügümaxã nachibüe rü naxaxegü. Rü yéma chixexü̃ Abimeréxmaxã naxuegugü.

Efesios 1:3

Rü name nixĩ i nüxü̃ ticua̱xüü̃gü ya Tanatü ya Tupana ya tórü Cori ya Ngechuchu ya Cristunatü ixĩcü. Erü nüma ya Tupana rü Cristugagu tüxna nanaxã i naguxü̃raü̃xü̃ i ngü̃xẽẽgü i üünexü̃ i daxũguxü̃ i naanewa taxca̱x ne namugüxü̃.

Wiyaegü 145:21

Rü Cori ya Tupanaxü̃ chicua̱xüxü̃. Rü name nixĩ i guxü̃ma i duü̃xü̃gü nüxü̃ nicua̱xüü̃gü ya yimá Üünecü i ñu̱xma rü guxü̃gutáma.

Wiyaegü 145:1

Rü choma rü tá cuxü̃ chixuchiga nax ñuxãcü nüxü̃ cucua̱xüchixü̃, Pa Tupana Pa Chorü Ãẽ̱xgacüx. Rü guxü̃gutáma cuxü̃ chicua̱xüxü̃.

Nüxíraxü̃xü̃ ga popera ga Pedru ümatüxü̃ 1:3

¡Rü ngĩxã nüxü̃ ticua̱xüxü̃gü ya Tupana ya tórü Cori ya Ngechuchu ya Cristu Nanatü! Yerü yexguma Ngechuchu ya Cristuxü̃ wena namaxẽẽgu, rü tüxna nanaxã ga maxü̃ ga yexwaca̱xüxü̃, yerü poraãcü nüxü̃́ tangechaü̃tümüü̃gü. Rü ngẽmaca̱x i ñu̱xma i yixema rü ta ítanangu̱xẽxẽ nax wena tá imaxẽxü̃.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Popera ga Chantiágu ümatüxü̃ 3:10

Rü ngẽma taa̱xmaxã mexü̃ duü̃xü̃gümaxã taxuegu, rü ngẽmatama taa̱xmaxã chixexü̃ namaxã taxuegu. Pa Chauenexẽgüx, tama name nax ngẽmaãcü yixĩxü̃.