Popera ga Chantiágu ümatüxü̃ 3:14 - Tupanaarü Ore

¹⁴ Natürü ngẽxguma chi pixãũxãchiwa̱xegügu rü pegüchi pexaiegu rü togüarü yexera pegü pixĩxẽẽchaü̃gu, rü taxuca̱xma pegü picua̱xüü̃gü, rü ngẽma nagu perüxĩnüexü̃ rü wüxi i doramare nixĩ.

Popera ga Chantiágu ümatüxü̃ 3:14 Referans Kwoze

Popera ga Chantiágu ümatüxü̃ 3:16

Erü ngẽma ãũãchi íngẽxmaxü̃wa rü duü̃xü̃gü nügü írüyexeraxẽẽchaü̃xü̃wa, rü taxuxü̃ma mea inixũ rü naguxü̃raü̃xü̃ i chixexü̃ nangẽxma.

1 Corintios 13:4

Rü yíxema tüxü̃́ nangẽxmaxẽ i ngechaü̃ rü guxchaxü̃maxã yáxna taxĩnü, rü tamecüma. Rü tama taxãũxãchiwa̱xe, rü tama togüxü̃ tügü tarüyexera, rü tama tügü ticua̱xüxü̃.

Filipenses 2:3

Rü tama name nax togüarü yexera pegü pixĩgüxẽẽxü̃ rü pegü picua̱xüü̃güxü̃. Rü narümemae nixĩ i wüxichigü nagu perüxĩnüe nax ngẽma togü rü perü yexera yixĩgüxü̃.

Romanos 13:13

Rü ngĩxã mexü̃ taxügü rü Tupana naxwa̱xexü̃ãcüma tamaxẽ. Rü tama namaxã taxãmücü i ngẽma duü̃xü̃gü i naxügüxü̃ i taxü̃ i petagü i nawa naxãũgatanüxü̃ rü nangãxexü̃. Rü tama taxünearü ngúchaü̃we tarüxĩ, rü tama to i chixexü̃ taxügü, rü bai nax yigü ichoxü̃gagüxü̃, rü bai i ixauxãchiwa̱xexü̃.

2 Corintios 12:20

Erü chaxoegaãxẽ rü ngẽxguma wena pexü̃ íchayada̱u̱xgu, rü ngürüãchi taxũtáma choma chanaxwa̱xexü̃ãcüma pexü̃ ichayangau, rü pema rü taxũtáma penaxwa̱xexü̃ãcüma choxü̃ pedaugü. Rü chaxoegaãxẽ erü ngürüãchi tá pexü̃ ichayangau nax pegüchi ípexaiexü̃, rü pegüarü ngẽmaxü̃güca̱x pixãũxãchigüxü̃, rü pegümaxã penuexü̃, rü pegüguxicatama íperüxĩnüexü̃, rü pexoregüta̱a̱xgüxü̃, rü toguã̱xü̃ pixuxü̃, rü pegü picua̱xüü̃güxü̃, rü chixexü̃ ípexüexü̃, rü ngẽmaãcü chixri ípemaxẽxü̃.

Filipenses 1:15

Rü aixcüma nixĩ i ñuxre i duü̃xü̃gü rü togüxü̃ nax yaxãũxãchixẽẽxü̃ca̱xmare nüxü̃ nixugüexü̃ i Cristuchiga, erü togüxü̃ narüyexerachaü̃. Natürü nangẽxma i togü i duü̃xü̃gü i aixcüma mexü̃gu naxĩnüeãcüma mea nüxü̃ ixugüexü̃ i ngẽma ore.

Popera ga Chantiágu ümatüxü̃ 5:19

Pa Chauenexẽgüx, ngẽxguma chi texé petanüwa Tupanana ixũgachigu, rü tangexmagu ya wüxíe ya tüxü̃ taeguxexẽ́xẽ nax wenaxarü Tupanawe tarüxũxü̃ca̱x, rü mexü̃ taxü.

Ngechuchuarü ngúexü̃gü ga yamugüxü̃arü puracüchiga 5:17

Rü yexguma ga gumá chacherdótegüarü ãẽ̱xgacü rü guxü̃ma ga yema natanüxü̃ ga Chaduchéugü rü poraãcü nixãũxãchigü.

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

1 Corintios 5:2

¿Rü ñuxãcü i pema rü pegü picua̱xüü̃güamaxü̃ i ñu̱xma? Narümemae chi nixĩ nax pegümaxã pengechaü̃güxü̃. Rü ngẽma yatü i ngẽma chixexü̃ üxü̃ ¡rü ípenata̱xüchixü̃ i petanüwa!

Romanos 2:8

Natürü Tupana tá tümamaxã nanu rü tá tüxü̃ napoxcu ya yíxema tama naga ĩnüechaü̃xü̃ i ore i aixcüma ixĩxü̃ rü naxca̱x daugüxe nax chixexü̃ taxügüxü̃.

Ucu̱xẽgüchiga 27:4

Ngẽma yigüchi nax ixaixü̃, rü ngúxü̃ tüxü̃ ningexẽxẽ, rü ngẽma nu rü tüxü̃ nachixexẽxẽ. Natürü ngẽma nax ta̱xacü inuxuxü̃ rü taxúema namaxã tapora.

Ucu̱xẽgüchiga 14:30

Ngẽma nax mexü̃gu rüxĩnüxü̃, rü nanama̱xẽxẽ i taxü̃ne. Natürü ngẽma nacüma nax ixauxãchiwa̱xexü̃, rü taãẽxü̃ nachixexẽxẽ ñu̱xmata taxchina̱xãwa nangu.

Norü taxre ga popera ga ãẽ̱xgacügüchiga 10:31

Rü woo ga nax yemaxü̃ namaxã yaxuxü̃ ga Cori ya Tupana, rü nüma ga Yeú rü tama aixcüma Cori ya Iraétanüxü̃arü Tupanaarü mugü ninguxẽxẽ, yerü tama nüxna nixũgachi ga yema chixexü̃ ga Yeruboáü̃ Iraétanüxü̃xü̃ nagu yixẽẽxü̃.

Gálatas 6:13

Erü woo i nümagü nax ínawíü̃cha̱xmüü̃pe̱xechiraü̃xü̃, rü tama nayanguxẽxẽ i guxü̃ma i mugü. Natürü nümagü rü nanaxwa̱xegü nax pegü ípewíü̃cha̱xmüü̃pe̱xechiraü̃xü̃, nax yixcama nügü yacua̱xüü̃güxü̃ca̱x rü togü i Yudíugümaxã nüxü̃ nax yaxuxü̃ca̱x nax pema rü ta naxrüxü̃ nagu pexĩxü̃ i ngẽma nũxcümaü̃güxü̃ i mugü.

Gálatas 5:26

Rü tama name i yigü ticua̱xüü̃gü rü yigü ítarüta rü bai nax togüxü̃ rüyexeragüchaü̃xü̃, rü bai nax ta̱xacüca̱x ixãũxãchixü̃.

Gálatas 5:21

Rü nixãũxãchiwa̱xegü, rü nangãxẽwa̱xegü, rü nanaxügü i petagü i nawa chixexü̃ naxügüxü̃, rü nanaxügü i muxü̃ma i togü i chixexü̃gü i ngẽxgumarüxü̃ ixĩxü̃. Rü ngẽmaca̱x, wena pemaxã nüxü̃ chixu rü guxü̃ma i ngẽma duü̃xü̃gü i ngẽmagu maxẽxü̃, rü nataxutama i nachica ya Tupana ãẽ̱xgacü íyixĩxü̃wa.

Gálatas 5:15

¡Pexũãxẽgü! Erü ngẽxguma chi pegümaxã penuegu rü pegüchi pexaiegu, rü ngürüãchi tá pegü pewoone rü tá pegütama ipeyanaarüxoxẽxẽ.

1 Corintios 5:6

¡Rü tama name i pema rü pegü picua̱xüxü̃ naxca̱x i ngẽma pexüxü̃! ¿Tama ẽ̱xna nüxü̃ pecua̱x i ngẽma ore i ñaxü̃: “Wüxi i íxraxü̃ i paũarü pu̱xẽẽruxü̃ rü taxü̃ma i paũchara nipu̱xẽxẽ”, ñaxü̃?

Romanos 2:17

Natürü pema Pa Chauenexẽgü Pa Yudíugüx, rü ñaperügügü: “Toma rü Yudíugü tixĩgü rü meama nüxü̃ tacua̱x i Tupanaarü mugü ga Moiché ümatüxü̃”, ñaperügügü. Rü ngẽmaãcü Tupanamaxã pegü picua̱xüü̃gü erü nagu perüxĩnüe nax Tupana pexü̃ nangechaü̃xü̃ erü Yudíugü pixĩgü.

Romanos 1:29

Rü düxwa ga yema duü̃xü̃gü rü guxü̃raü̃xü̃ ga chixexü̃gu narüxĩnüe. Rü tama aixcüma mea naxma̱xmaxã rü natemaxã namaxẽ. Rü naxaü rü nügüna nananugüchaü̃ i guxü̃ma. Rü chixexü̃gu namaxẽ. Rü nixãũxãchiwa̱xegü, rü namáetagü, rü nanuewa̱xegü, rü nawomüxẽẽwa̱xegü, rü naxü̃nearü ngúchaü̃ nüxü̃ napora, rü Taxúegama naxĩnüe, rü nixoregüta̱a̱xgü.

Ngechuchuarü ngúexü̃gü ga yamugüxü̃arü puracüchiga 26:9

Rü noxri ga choma rü ta rü nagu charüxĩnü nax chayanaxoxẽẽxü̃ ga yema Ngechuchu ya Nacharétucüã̱xaxü̃́ yaxõgüxü̃.

Ngechuchuarü ngúexü̃gü ga yamugüxü̃arü puracüchiga 13:45

Natürü yexguma yema Yudíugü nüxü̃ daugügu ga yema muxũchixü̃ ga duü̃xü̃gü ga Pauruca̱x ngutaque̱xegüxü̃ rü poraãcü nixãũxãchie. Rü inanaxügüe nax Pauruxü̃ nachoxü̃gagüxü̃ rü namaxã naguxchigagüxü̃.

Ore i mexü̃ ga Cuáü̃ ümatüxü̃ 16:2

Rü ngutaque̱xepataü̃güwa tá pexü̃ ínawoxü̃. Rü tá nawa nangu nax texé pexü̃ daixü̃ rü tá nagu tarüxĩnü nax ngẽmaãcü mexü̃ Tupanaca̱x taxüxü̃.

Ore i mexü̃ ga Matéu ümatüxü̃ 27:18

Rü yema ñanagürü ga Pirátu yerü nüxü̃ nacua̱x ga yema Yudíugüarü ãẽ̱xgacügü rü norü auxãchimaxãmare Ngechuchuxü̃ yéma nagagüxü̃.

Abacú 1:3

¿Rü tü̱xcüü̃ choxü̃ nüxü̃ cudauxẽxẽ i ñaa taxü̃ i guxchaxü̃ rü chixexü̃ i guxü̃wama ngẽxmaxü̃? Rü choxü̃ ínachomaegu i duü̃xü̃gü i chixexü̃ ügüxü̃ rü máetagüxü̃. Rü guxü̃wama i duü̃xü̃gü rü nügümaxã nanue rü nügü nadai.

Ichaía 11:13

Rü ngẽma Efraíü̃tanüxü̃ rü marü taxũtáma nixãũxãchiwa̱xegü rü ngẽxgumarüxü̃ ta i Yudátanüxü̃ rü marü taxũtáma nixãũxãchiwa̱xegü. Rü taxũtáma nügümaxã narüxuanügü.

Yox 5:2

Rü ngẽma naechita maxẽxü̃ rü ngẽma norü nu rü norü ngúchaü̃ düxwa yuwa nanagagü.

Norü taxre ga popera ga ãẽ̱xgacügüchiga 10:16

Rü ñu̱xũchi ñanagürü: —¡Choxü̃ naxümücü nax nüxü̃ cudauxü̃ca̱x nax ñuxãcü poraãcü Cori ya Tupanaxü̃ changechaü̃xü̃! —ñanagürü. Rü yemaacü norü caru ga cowarugü itúchigünegu Yonadáxü̃ nigae.

Naanearü ügüchiga 37:11

Rü yemaca̱x ga naenexẽgü rü yexeraãcü nixãũãchie. Natürü ga nanatü rü bexma tüxica nagu tarüxĩnü ga yema nanegü.

Ngechuchuarü ngúexü̃gü ga yamugüxü̃arü puracüchiga 7:9

Rü yema 12 ga Acóbu nanegü ga tórü o̱xigü ixĩgüxü̃tanüwa rü wüxi rü Yúche nixĩ. Natürü naenexẽgü ga gumá Yúche rü nixãũxãchie. Rü yemaca̱x Equítuarü naanewa ĩxü̃ ga taxetanüxü̃xü̃ Yúchemaxã nataxegü nax Equítuarü naanewa nagagüãxü̃ca̱x. Natürü Tupana rü Yúchemaxã nayexma, rü nüxü̃ narüngü̃xẽxẽ ga yexguma guxchaxü̃wa nayexmagu. Rü nüma ga Tupana rü Yúchena nanaxã ga cua̱x, rü yemaca̱x ga Equítuanearü ãẽ̱xgacü ga Faraóü̃ rü Yúchemaxã nataãxẽ. Rü nüma ga Faraóü̃ rü ãẽ̱xgacüxü̃ nayangucuchixẽxẽ nax napatamaxã rü guxü̃ma ga yema nachixü̃anemaxã inacuáxü̃ca̱x.

Gálatas 5:20

Rü tupananetachicüna̱xãgüxü̃ nicua̱xüü̃gü, rü yuüca̱x nangúe, rü aigu narüxĩnüe, rü nachoxü̃gawa̱xegü, rü ta̱xacü ninuxü̃wa̱xegü, rü nanuxwa̱xegü, rü duü̃xü̃güxü̃ naxucu̱xẽgü nax tama wüxigu naxĩnüexü̃ca̱x. Rü nayatoye i duü̃xü̃gü, rü nügü nixüxchimüü̃gü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:4

Erü nüma nanaxwa̱xe nax guxãma tüxü̃́ nangẽxmaxü̃ i maxü̃ i taguma gúxü̃ rü guxãma nüxü̃ cuáxü̃ i ngẽma ore i aixcüma ixĩxü̃.

Popera ga Chantiágu ümatüxü̃ 1:18

Rü nüma nixĩ ga tüxna naxããxü̃ ga norü ore i aixcüma ixĩxü̃ nax ngẽmaãcü tüxü̃́ nangẽxmaxü̃ca̱x i maxü̃ i taguma gúxü̃. Rü yemaacü nanaxü yerü nanaxwa̱xe nax yixíra nüxü̃́ nax yaxõgüxü̃.

Naanearü ügüchiga 38:9

Natürü nüma ga Onáü̃ rü nüxü̃ nacua̱xama nax yema naxacügü ga ngĩwa buexü̃ rü taxũchima naxacüacü nüxü̃ nacua̱xgüxü̃. Rü yemaca̱x ga yexguma ngĩmaxã namaxü̱̃xgu, rü naxuãxẽ nax tama nüxü̃́ naxãxacüxü̃ca̱x nax yemaacü tama nagagu naxãtaxaxü̃ca̱x ga gumá naenexẽ ga yucü.