Popera ga Chantiágu ümatüxü̃ 3:13 - Tupanaarü Ore

¹³ Ngẽxguma chi petanüwa nangẽxmagu i wüxi i duü̃xü̃ i cua̱x nüxü̃́ ngẽxmaxü̃ rü mea naãxẽxü̃ cuáxü̃, rü tama name i nügü nicua̱xüxü̃, natürü nanaxwa̱xe nax mexü̃ i nacümawa pexü̃ nüxü̃ nadauxẽẽxü̃ nax aixcüma cua̱x nüxü̃́ ngẽxmaxü̃.

Popera ga Chantiágu ümatüxü̃ 3:13 Referans Kwoze

Gálatas 5:23

Rü ngẽxguma Tupanaãxẽ ya Üünecü tawa ngẽxmagu, rü tama yigü ítarüta, rü mea yigümaxã itacua̱x rü yigüna tadau nax tama chixexü̃gu iyixü̃ca̱x. Rü nataxuma i mugü i nachu̱xuxü̃ i ngẽma nacümagü i mexü̃.

Popera ga Chantiágu ümatüxü̃ 3:17

Natürü guxãma ya yíxema aixcüma tüxü̃́ nangẽxmagüxe i ngẽma cua̱x i Tupanawa ne ũxü̃, rü taxuxü̃ma i chixexü̃ taxü, rü tama tanuewa̱xe, rü timecüma, rü itarüxĩnüe i ucu̱xẽgü, rü tangechaxü̃tümüxü̃wa̱xegü, rü duü̃xü̃güétüwa tachogü, rü tixaixcümagü, rü mexü̃ taxügü.

Ore i mexü̃ ga Matéu ümatüxü̃ 5:5

Tataãẽgü ya yíxema tama tügü icua̱xüxü̃güxe, erü tá tanayauxgü i ñoma i naane nax norü yixĩxü̃ca̱x.

Colosenses 3:12

Rü ñu̱xma ya Tupana rü pexü̃ nangechaü̃ i pema rü pexü̃ nidexechi nax noxrü pixĩgüxü̃ca̱x. Rü ngẽmaca̱x name nixĩ i nagu pexĩ i ngẽma mexü̃ i nacümagü, rü pexü̃́ nangechaü̃tümüü̃gü i duü̃xü̃gü, rü namaxã pemecümagü, rü taguma pegü picua̱xüü̃gü rü tama penuxwa̱xegü, rü yáxna pexĩnüe ega guxchaxü̃ pexca̱x ínguxgu.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Popera ga Títoca̱x naxümatüxü̃ ga Pauru 3:2

Rü tama name i texéchiga chixri nidexagü rü texémaxã nanue. Natürü name nixĩ i guxü̃ i duü̃xü̃gümaxã namecümagü, rü guxü̃ i duü̃xü̃güxü̃ nangechaü̃gü. Rü tama name i nügü nicua̱xüü̃gü.

Norü taxre ga popera ga Timutéuca̱x naxümatüxü̃ ga Pauru 2:25

Rü wüxi i Tupanaarü puracütanüxü̃ rü name nax yáxna namaxã naxĩnüãcüma mea nayaxucu̱xẽgüãxü̃ i ngẽma duü̃xü̃gü i tama irüxĩnüechaü̃xü̃. Rü name i ínanangu̱xẽxẽ nax Tupana nüxü̃ rüngü̃xẽẽgüxü̃ i ngẽma duü̃xü̃gü nax naxca̱x nawoeguxü̃ca̱x rü nüxü̃ nacua̱xãchitanüxü̃ca̱x i ngẽma ore i aixcüma ixĩxü̃.

Filipenses 1:27

Rü ngẽma guxü̃arü yexera rümemaexü̃ nixĩ nax naxca̱x pedauxü̃ nax mea pemaxẽxü̃, ngẽma Cristuarü ore pemaxã nüxü̃ ixuxü̃rüxü̃. Rü ngẽxguma petanüwa chaxũxgu rü ẽ̱xna woo tama ngéma chaxũxgu, natürü nüxü̃ chaxĩnüchaü̃ nax guxãma wüxigu pegü peporaexẽẽxü̃ nax taguma nüxü̃ perüchauxü̃ca̱x nax peyaxõgüxü̃, rü ngẽmaãcü Tupanaaxü̃́ pepuracüexü̃ nax yexeraãcü yaxũchigüxü̃ca̱x i norü ore.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:11

Natürü cumax, Pa Timutéux, rü wüxi ya yatü ya Tupanaaxü̃́ yaxõcü quixĩ. ¡Rü ngẽmaca̱x nüxna ixũgachi i guxü̃ma i chixexü̃! ¡Rü mea Tupanape̱xewa namaxü̃, rü norü ngúchaü̃ naxü, rü mea nüxü̃́ yaxõ, rü nüxü̃ nangechaxü̃ i duü̃xü̃gü, rü cugü naporaxẽxẽ i ngẽxguma guxchaxü̃ cuxca̱x ínguxgu! Rü tama name i cugü quicua̱xüxü̃.

Popera ga Chantiágu ümatüxü̃ 2:18

Erü ngẽxguma cuyaxõmaregu natürü tama mexü̃ cuxü̱xgu, rü ngürüãchi tá wüxíe ñatarügü cuxü̃: “Cuma rü cuyaxõmare natürü taxuxü̃ma i mexü̃ cuxü. Natürü choma rü chayaxõ rü naétü mexü̃ chaxü. ¿Rü ñuxãcü tá nüxü̃ chacuáxü̃ nax cuyaxõxü̃ ega tama mexü̃ cuxü̱xgu i cuma? Natürü choma rü chorü ü i mexü̃maxã tá cuxü̃ chanawe̱x nax aixcüma chayaxõxü̃”, ñatarügü tá cuxü̃.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Popera ga Chantiágu ümatüxü̃ 1:21

Rü ngẽmaca̱x name nixĩ i nüxü̃ perüxoe i guxü̃ma i ngẽma chixexü̃gü i guxü̃wama ngẽxmagüxü̃. ¡Rü mea penayaxu i ngẽma ore i petanügu toxü̃! Erü ngẽma ore rü nüxü̃́ nangẽxma i pora nax pexü̃ namaxẽxẽẽxü̃ca̱x.

Ngu̱xẽẽtaeruü̃arü ore 8:1

¿Texé tá ngẽma yatü i cua̱x nüxü̃́ ngẽxmaxü̃gu tügü tangu? ¿Rü texé nüxü̃ tacua̱x i ta̱xacüca̱x nax yixĩxü̃ i guxü̃ma i ñoma i naanewa ngẽxmaxü̃? Rü ngẽma yatü i cua̱x nüxü̃́ ngẽxmaxü̃ rü nataãẽchiwe rü tama nanuchiwe.

Wiyaegü 107:43

Rü yíxema tümaãẽxü̃ cuáxe rü name nixĩ i nagu tarüxĩnüxü̃ i ñaa tümamaxã nüxü̃ chixuxü̃ nax ngẽmaãcü nüxü̃ tacuáxü̃ca̱x nax poraãcü tüxü̃ nangechaü̃xü̃ ya tórü Cori ya Tupana.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:12

¡Mea cugüna nadau nax taxúema cuxü̃ naxoxü̃ca̱x naxca̱x i ngẽma nax cungextü̱xüxü̃! Rü name nixĩ i wüxi i mexü̃ i cua̱xruxü̃ quixĩ naxca̱x i guxü̃ma i ngẽma yaxõgüxü̃. Rü ngẽmaca̱x cunaxwa̱xe i mexü̃ i oremaxã quidexa, rü mea duü̃xü̃güpe̱xewa cumaxü̃, rü aixcüma nüxü̃ cungechaü̃ i guxü̃ma i duü̃xü̃gü, rü mea Tupanaaxü̃́ cuyaxõ, rü nape̱xewa mea cumaxü̃.

2 Corintios 10:1

Rü ñu̱xma rü Cristuarü mecümagagu rü norü ngechaü̃gagu, rü choma i Pauru rü pexü̃ chaca̱a̱xü̃ nax choxü̃ íperüxĩnüexü̃ca̱x. Erü nangẽxma i duü̃xü̃gü i nüxü̃ ixugüxü̃ nax pexü̃ chamuü̃xü̃ ega pexü̃tawa changexmagu natürü ngẽxguma pexna chayáxü̃gu rü chaugü ícharüpora.

Ore i mexü̃ ga Matéu ümatüxü̃ 11:29

¡Rü ñu̱xũchi penayaxu i chorü ucu̱xẽgü rü naxca̱x pedauxü̃taegü i chaucüma! Erü choma rü yáxna pemaxã chaxĩnü rü tama chaugü chicua̱xüxü̃. Rü ngẽmaãcü tá nüxna iperüngügü i perü guxchaxü̃gü.

Popera ga Chantiágu ümatüxü̃ 3:1

Pa Chauenexẽgüx, tama name i muxẽma i pema rü ngúexẽẽruü̃gü pegü pixĩgüxẽxẽ. Erü pema nüxü̃ pecua̱x i yixema nax ngu̱xẽẽruü̃gü ixĩgüxü̃, rü Tupana rü ngẽma togüarü yexera tá tüxna naca i tórü maxü̃chiga rü tórü puracüchiga.

Efesios 4:2

Rü tama name i pegü íperütagü. Rü name nixĩ i pemecümagü rü yáxna pegümaxã pexĩnüe rü pegü pengechaü̃gü.

Gálatas 6:4

Rü ngẽmaca̱x i wüxichigü, rü name nixĩ i mea tügüarü maxü̃tama tangugü. Rü ngẽxguma namexgu i tümaarü maxü̃, rü name nax tügümaxãtama tataãxẽ. Natürü taxuca̱xma tü̱xcüü̃ togüarü maxü̃wa tügü tangugü.

Gálatas 6:1

Pa Chauenexẽgüx, ngẽxguma chi texéxü̃ peda̱u̱xgu nax ta̱xacürü chixexü̃gu tanguxü̃, rü pema nax Tupanaãxẽ ya Üünecü pewa ngẽxmaxü̃, rü name nixĩ i tüxü̃ pengechaü̃ãcüma tüxü̃ perüngü̃xẽxẽ nax itayarüwe̱xãchixü̃ca̱x. ¡Natürü pexuãẽgü i wüxichigü, nax pema rü ta tama ngẽma chixexü̃gu peyixü̃ca̱x!

2 Corintios 8:24

Rü ngẽmaca̱x chanaxwa̱xe i ngẽma tomaepü̱x i taenexẽgüxü̃ penawe̱x nax aixcüma nüxü̃ pengechaü̃güxü̃, nax ngẽmaãcü guxü̃ma i ngẽma yaxõgüxü̃tücumügü nüxü̃ cua̱xgüxü̃ca̱x, rü toma rü pemaxã tataãẽgüxü̃.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

Ore i mexü̃ ga Matéu ümatüxü̃ 21:5

“¡Chióü̃cüã̱xgümaxã nüxü̃ pixu rü ñapegü! ‘¡Dücax ya perü ãẽ̱xgacü ya nua pexü̃tawa ũcü! Rü nüma rü tama nügü yacua̱xüü̃ãcü ínangu, rü wüxi i búruxacüétügumare naxaunagüãcü ínangu’ ”, ñanagürü ga yema ore.

Chofonía 2:3

Rü ngẽmaca̱x name nixĩ i Cori ya Tupanaca̱x pedaugü, Pa Guxãma i Aixcüma Nape̱xewa Mecümagüxe rü Naga Ĩnüexe i Norü Mugüx. ¡Rü nape̱xewa pixaixcümagü rü tama pegü picua̱xüü̃gü! Rü bexmana ngẽmaãcü nüma ya Cori ya Tupana rü tá pexü̃ ínapoxü̃ i ngẽma ngunexü̃ i nagu norü numaxã poxcu ínangu̱xẽẽxü̃.

Yeremía 9:12

¿Texé tixĩ ya nüxü̃ cua̱xüchixe nax ngẽmaãcü nüxü̃ tacuáxü̃ca̱x i ngẽma tá ngupetüxü̃? ¿Rü texéxü̃ nixĩ i nüxü̃ nacua̱xẽxẽxü̃ ya Cori ya Tupana i guxü̃ma i ngẽma tá ngupetüxü̃ nax ngẽmaãcü togümaxã nüxü̃ tixuxü̃ca̱x? ¿Rü ta̱xacüca̱x yixĩxü̃ i chixexü̃wa nangẽxmaxü̃ i ñaa nachixü̃ane? ¿Rü ta̱xacüca̱x yixĩxü̃ i ñoma chianexü̃ i taxúema nawa üpetüxü̃rüxü̃ yixĩxü̃?

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Wiyaegü 149:4

Erü nüma ya Cori ya Tupana rü namaxã nataãxẽ i norü duü̃xü̃gü i nüxü̃ icua̱xüü̃güxü̃. Rü nüma rü tüxü̃ namaxẽxẽxẽ ya yíxema tama tügü icua̱xüxü̃güxe.

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Iraétanüxü̃arü muxchiga 12:3

Rü aixcüma nixĩ ga Moiché rü guxü̃ i duü̃xü̃güarü yexera tama nügü irütacü yixĩxü̃ i ñoma i naanewa.

Nüxíraxü̃xü̃ ga popera ga Pedru ümatüxü̃ 3:4

Natürü name nixĩ i perü maxü̃wa pegü pimexẽxẽgü rü guxü̃ma i duü̃xü̃gümaxã pimecümagü rü taguma texémaxã penuãẽgü, erü ngẽma nixĩ i perü mexü̃ i taguma iyarüxoxü̃ i aixcüma mexü̃ i Tupanape̱xewa.

1 Corintios 6:5

Rü pemaxã nüxü̃ chixu i ngẽma ore nax pexãneexü̃ca̱x. ¿Ẽ̱xna tataxuma i petanüwa ya wüxíe ya nüxü̃ cuáxe nax tanamexẽẽxü̃ i ngẽma guxchaxü̃ i petanüwa ngẽxmaxü̃?

Ore i mexü̃ ga Matéu ümatüxü̃ 7:24

Rü ngẽmaca̱x ya yíxema choxü̃ ĩnüxe rü naxǘxe i ngẽma choma tüxü̃ chamuxü̃, rü wüxi ga yatü ga mea naãẽxü̃ cuácü ga nuta ga tacüétügu üpatacürüxü̃ tixĩ.

Yeremía 9:23

Rü nüma ya Cori ya Tupana rü ñanagürü: —Yíxema cua̱x tüxü̃́ ngẽxmaxe rü tama name i tügü namaxã ticua̱xüxü̃ i ngẽma tümaarü cua̱x. Rü woo yíxema nüxü̃ cuáxe nax duü̃xü̃gümaxã itacuáxü̃ rü tama name i ngẽmamaxã tügü ticua̱xüxü̃. Rü woo ya yíxema diẽruã́xẽ rü tama name i tümaarü diẽrumaxã tügü ticua̱xüxü̃.

Ichaía 60:6

Rü muxü̃tama i duü̃xü̃gü i togü i nachixü̃anegücüã̱x rü tá caméyugügu Yerucharéü̃wa naxĩ. Rü tá ínangugü i Madiáü̃cüã̱xgü rü Efácüã̱xgü. Rü guxü̃ma i Chabáanecüã̱xgü rü núma tá naxĩ namaxã i norü úirugü rü pumaragü. Rü tá choxü̃ nicua̱xüü̃gü naxca̱x i ngẽma mexü̃ i chorü poramaxã chaxüxü̃.

Ngu̱xẽẽtaeruü̃arü ore 8:5

Rü yíxema ãẽ̱xgacüga ĩnüxe rü taxuxü̃ma i guxchaxü̃ tüxü̃ nangupetü. Rü yíxema tümaãẽxü̃ cuáxe rü nüxü̃ tacua̱x i ñuxgu rü ñuxãcü tá tayanguxẽẽxü̃ i ngẽma ãẽ̱xgacüarü mugü.

Wiyaegü 45:4

Rü cumax, Pa Ãẽ̱xgacüx, rü ngẽma curü poramaxã nüxü̃ curüyexera i guxü̃ma i tórü uanügü rü ícunapoxü̃ i ngẽma ore i aixcüma ixĩxü̃. Rü yíxema duẽxẽgü i tama tügü icua̱xüü̃güxe rü cuma rü tüxü̃ ícupoxü̃. Rü yima curü tügünechacüxümaxã rü taxü̃ i mexü̃gü cuxü.

Wiyaegü 25:9

Rü nügücümagu tüxü̃ naxĩxẽxẽ ya yíxema tama tügü icua̱xüü̃güxe, rü mexü̃wa tüxü̃ nagagü.

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

Ichaía 29:19

Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.

Nüxíraxü̃xü̃ ga popera ga Pedru ümatüxü̃ 1:15

Natürü penaxwa̱xe i mea pemaxẽ nax Tupanape̱xewa naxüünexü̃ca̱x i perü maxü̃. Erü nüma ya Tupana ya pexü̃ decü, rü naxüüne.

Wiyaegü 122:8

Rü ñu̱xma rü chauenexẽgüca̱x rü chomücügüca̱x chanaxwa̱xe i cuwa nangẽxma i taãxẽ, Pa Yerucharéü̃x.