Popera ga Chantiágu ümatüxü̃ 2:9 - Tupanaarü Ore

⁹ Natürü ngẽxguma mea penayauxgu i wüxi i yatü i mexchiruxü̃ rü chixri penayauxgu i ngẽma wexachiruxü̃, rü pecadu pexü. Rü Tupanaarü mugüpe̱xewa pegagutama chixexü̃ pexü.

Popera ga Chantiágu ümatüxü̃ 2:9 Referans Kwoze

Lebítanüxü̃arü puracüchiga 19:15

Rü cumax, Pa Ãẽ̱xgacüx, ¡rü ngẽxguma poxcu cuxuegu̱xgu rü taxũtáma chixri cunaxü i ngẽma! ¡Rü taxũtáma naétüwa cuxü i ngẽma ngearü diẽruã́xü̃ ega aixcüma chixexü̃ naxü̱xgu! ¡Rü taxũtáma naga cuxĩnü i ngẽma diẽruã́xü̃! Rü cumax, Pa Ãẽ̱xgacüx, rü ngẽxguma poxcu cuxuegu rü name i ngẽma aixcüma guxchaxü̃ üxü̃maxã cunaxuegu i poxcu.

Ore i mexü̃ ga Cuáü̃ ümatüxü̃ 8:9

Natürü yexguma nüxü̃ naxĩnüegu ga yema ore ga Parichéugü rü inanaxügüe ga nügü yawüxíxü̃ nax ínachoxü̃xü̃. Rü yaxguã̱xgüwa inaxügü nax ínachoxü̃xü̃ rü düxwa guxü̃ma ínachoxü̃. Rü yexguma marü guxü̃ma ga Parichéugü íchoü̃xgu, rü Ngechuchu rü yema ngecüxicatama yéma duü̃xü̃güpe̱xewa nayaxügü.

Nüxíraxü̃xü̃ ga popera ga Cuáü̃ ümatüxü̃ 3:4

Natürü guxãma ya yíxema pecadu ügüxe, rü chixexü̃ nixĩ i taxüxü̃. Erü ngẽxguma tama Tupanaga taxĩnügu, rü pecadu taxü.

Romanos 3:20

Rü ñu̱xma nax taxúema aixcüma naga ĩnüexü̃ i ngẽma mugü, rü ngẽmaca̱x taxucürüwama texé tügü tixu nax ngẽma mugü taxaurexü̃gagu Tupanape̱xewa tamexü̃. Erü ngẽma mugü tüxü̃ nüxü̃ cua̱xẽẽxü̃ nixĩ nax ipecaduã̱xgüxü̃.

Ore i mexü̃ ga Cuáü̃ ümatüxü̃ 16:8

Rü ngẽxguma núma naxũxgu ya Naãxẽ ya Üünecü rü tá ñoma i naanecüã̱x i duü̃xü̃güxü̃ nüxü̃ nacua̱xẽxẽ nax texé pecadugu maxẽxü̃, rü texé tama pecadugu maxẽxü̃, rü texé tá Tupana tüxü̃ poxcuxü̃.

Ore i mexü̃ ga Cuáü̃ ümatüxü̃ 8:46

¿Texé ya petanüwa choxü̃ dauxe nax pecadu chaxüxü̃? Rü ñu̱xma nax nüxü̃ chixuxü̃ i ore i aixcüma ixĩxü̃, rü ¿tü̱xcüü̃ tama choxü̃́ peyaxõgü?

Gálatas 2:19

Yerü yexguma yema mugüwa changu̱xgu, rü düxwa nüxü̃ chicua̱xãchi nax tama yanguxü̃ ga yema mugü nax choxü̃ namexẽẽxü̃ Tupanape̱xewa. Rü ngẽmaca̱x i ñu̱xma rü Cristuaxü̃́ chayaxõ nax Tupanape̱xewa chamexü̃ca̱x rü naxca̱xicatama chamaxü̃xü̃ca̱x. Rü Cristu rü curuchagu nayu nax iyanaxoxü̃ca̱x ga nũxcümaü̃xü̃ ga chorü maxü̃ ga choxü̃́ yexmaxü̃ ga yexguma yema mugügu chixũxgu.

1 Corintios 14:24

Natürü ngẽxguma chi guxãma i pema nüxü̃ pixuxgu i Tupanaarü ore, rü chi petanügu naxücu̱xgu i wüxi i duü̃xü̃ i tama yaxõxü̃ rü ẽ̱xna wüxi i duü̃xü̃ i ngéma iyarüxĩnüxü̃, rü tá nüxü̃ naxĩnü i ngẽma Tupanaarü ore i nüxü̃ pixuxü̃. Rü ngẽmaãcü tá nügü nicua̱xãchi nax chixexü̃wa nangẽxmaxü̃ i norü maxü̃. Rü tá nügügu tátama inarüxĩnü i ngẽxguma nüxü̃ naxĩnügu i ngẽma nüxü̃ pixugüexü̃.

Wenaxarü naxümatü ga Tupanaarü mugü 1:17

Rü ngẽxguma poxcu pexueguxgu naxca̱x i ngẽma chixexü̃ üxü̃, ¡rü taxúeétüwa pexü! Rü ngẽma ngearü diẽruã́xü̃ rü ngẽma diẽruã́xü̃ rü tá nawüxigumare i norü poxcu. ¡Rü taxũtáma texéxü̃ pemuü̃e! Erü Tupanawa nixĩ i ne naxũxü̃ i ngẽma pexueguxü̃. Rü ngẽxguma chi pema rü taxucürüwa penamexẽẽgu i wüxi i guxchaxü̃ ¡rü chomaxã nüxü̃ pixu nax ngẽmaãcü choma chanamexẽxẽxü̃ca̱x!” ñachagürü.

Ngechuchuarü ngúexü̃gü ga yamugüxü̃arü puracüchiga 10:34

Rü yexguma inanaxügü ga Pedru ga nax yadexaxü̃, rü ñanagürü: —Ñu̱xma waxi nixĩ i nüxü̃ chacuáxü̃ nax Tupanaca̱x nawüxiguxü̃ i guxü̃ma i duü̃xü̃gü, rü guxãxü̃ma nangechaxü̃xü̃.