Popera ga Chantiágu ümatüxü̃ 2:4 - Tupanaarü Ore

⁴ Rü ngẽxguma tama wüxigu mea penayauxgu i ngẽma taxre, rü pewatama nango̱x nax tama guxãmaxã pemecümaxü̃ rü chixexü̃ i duü̃xü̃gü nax pixĩgüxü̃.

Popera ga Chantiágu ümatüxü̃ 2:4 Referans Kwoze

Ore i mexü̃ ga Cuáü̃ ümatüxü̃ 7:24

Rü ngẽmaca̱x tama name i tama nüxü̃ pecua̱xãcüma penangugümare i ngẽma chaxüxü̃. Rü penaxwa̱xe i mea nagu perüxĩnüeãcü aixcüma mea penangugü —ñanagürü ga Ngechuchu.

Yox 34:19

Natürü nüma ya Tupana rü guxãxü̃ma wüxigu narüngü̃xẽxẽ. Rü woo ãẽ̱xgacü ixĩxẽ rü woo diẽruã̱xgüxe rü woo ngearü diẽruã̱xgüxe rü Tupana rü wüxigutama guxãxü̃ narüngü̃xẽxẽ. Erü nüma ya Tupana rü guxãxü̃ma nango̱xẽxẽ.

Popera ga Chantiágu ümatüxü̃ 4:11

Pa Chauenexẽgüx, ¡Taxṹ i chixexü̃maxã pegü pixugüxü̃! Erü yíxema chixexü̃maxã tümaenexẽchigagu idexáxe rüe̱xna chixexü̃maxã nüxü̃ dawenüxẽ, rü chixexü̃ nüxü̃ tawogü ta i Tupanaarü mugü. Rü ngẽxguma chixexü̃gu Tupanaarü mugümaxã curüxĩnügu, rü Tupanaarü mugüarü yexera cugü quixĩxẽẽchaü̃, rü tama aixcüma naga cuxĩnü.

Maraquía 2:9

Rü ñu̱xma i pema rü tama chauga pexĩnüe rü naétü ñuxre i duü̃xü̃gümaxãxica pemecüma rü tama guxãma wüxigu mea tüxü̃ pengúexẽxẽ. Rü ngẽmaca̱x i choma rü pemaxã chanaxuegu nax guxü̃ma i duü̃xü̃gü rü chixexü̃maxã pexü̃ nadaunüxü̃ca̱x rü pexü̃ naxoexü̃ca̱x —ngẽma ñachagürü i chomax ya Cori ya Tupana ya Guxãétüwa ngẽxmaxe.

Wiyaegü 82:2

—¿Ñuxguratáta i nüxü̃ perüchauxü̃ nax chixri duü̃xü̃gümaxã ipecuáxü̃ rü ngẽma chixri maxẽxü̃étüwaama nax pexügüxü̃?

Wiyaegü 58:1

Rü pema, Pa Ãẽ̱xgacügüx, rü pexna chaca ¿rü marü mea namaxã pecuáxü̃ i perü duü̃xü̃gü? ¿Rü aixcüma nawe̱xguxü̃ i ngẽma duü̃xü̃gümaxã pexueguxü̃?

Wiyaegü 109:31

Erü nüma ya Tupana rü tümaétüwa nachogü ya yíxema ngearü ngẽmaxü̃ã̱xgüxe. Rü naxme̱xwa tüxü̃ ínapoxü̃ i ngẽma tüxü̃ íxuaxü̃güxü̃.

Yox 21:27

Rü choma rü meama nüxü̃ chacua̱x i ngẽma pema chomaxã nagu perüxĩnüe. Rü nüxü̃ chacua̱x i ngẽma ĩnügü i chixexü̃gü i pexü̃́ ngẽxmagüxü̃.

Ore i mexü̃ ga Luca ümatüxü̃ 18:6

Rü Cori ga Ngechuchu rü ñanagürü: —Yema nixĩ ga norü ore ga yema ãẽ̱xgacü ga chixexü̃.

Popera ga Chantiágu ümatüxü̃ 3:17

Natürü guxãma ya yíxema aixcüma tüxü̃́ nangẽxmagüxe i ngẽma cua̱x i Tupanawa ne ũxü̃, rü taxuxü̃ma i chixexü̃ taxü, rü tama tanuewa̱xe, rü timecüma, rü itarüxĩnüe i ucu̱xẽgü, rü tangechaxü̃tümüxü̃wa̱xegü, rü duü̃xü̃güétüwa tachogü, rü tixaixcümagü, rü mexü̃ taxügü.