Popera ga Chantiágu ümatüxü̃ 2:21 - Tupanaarü Ore

²¹ Nũxcümaü̃cü ga tórü o̱xi ga Abraáü̃ rü Tupanaga naxĩnü ga yexguma namaxã nüxü̃ yaxuxgu nax naxca̱x yamáaxü̃ca̱x ga nane ga Ichaá. Rü yemaca̱x ga Tupana rü nüxü̃ nixu nax gumá Abraáü̃ rü mexü̃ ücü nax yixĩxü̃.

Popera ga Chantiágu ümatüxü̃ 2:21 Referans Kwoze

Ore i mexü̃ ga Cuáü̃ ümatüxü̃ 8:39

Rü nümagü rü Ngechuchuxü̃ nangãxü̃ rü ñanagürügü: —Torü o̱xi nixĩ ga Abráü̃ —ñanagürügü. Natürü Ngechuchu nanangãxü̃ rü ñanagürü nüxü̃: —Ngẽxguma chi aixcüma Abraáü̃taxa pixĩgügu rü chi Abráü̃ üxü̃rüxü̃ penaxü.

Romanos 4:16

Rü yexguma Tupana Abraáü̃maxã ixunetagu nax nüxü̃ tá nangü̃xẽẽxü̃, rü Abraáü̃arü õgagu nixĩ ga namaxã inaxunetaxü̃. Rü ngẽmaca̱x i guxãma i yixema nax Abraáü̃rüxü̃ yaxõgüxü̃ rü taxca̱x ta nixĩ ga yema Tupanaarü uneta ga Abraáü̃maxã nüxü̃ yaxuxü̃. Rü ngẽmawa nüxü̃ tacua̱x rü tama yíxema mugü auregüxeca̱xicatama nixĩ i ngẽma Tupanaarü uneta, natürü guxãma ya yíxema Abraáü̃rüxü̃ Tupanaaxü̃́ yaxõgüxeca̱x ta nixĩ. Rü ñu̱xma rü guxãma i yixema nax Abraáü̃rüxü̃ mea yaxõgüxü̃ rü Abraáü̃xacügü tixĩgü rü nüma rü tanatü nixĩ i Tupanape̱xewa yerü nüxíra nayaxõ.

Ore i mexü̃ ga Matéu ümatüxü̃ 12:37

Erü curü dexa i mexü̃ca̱x rü Tupana tá cumaxã nanaxuegu nax tama chixexü̃ cuxüxü̃, natürü curü dexa i chixexü̃ca̱x rü tá cuxü̃ napoxcu —ñanagürü ga Ngechuchu.

Popera ga Chantiágu ümatüxü̃ 2:24

Rü ngẽmawa nüxü̃ tacua̱x nax Tupana namaxã taãẽxü̃ ya yimá yatü ya mexü̃ ücü rü tama yaxõmarecü.

Popera ga Chantiágu ümatüxü̃ 2:18

Erü ngẽxguma cuyaxõmaregu natürü tama mexü̃ cuxü̱xgu, rü ngürüãchi tá wüxíe ñatarügü cuxü̃: “Cuma rü cuyaxõmare natürü taxuxü̃ma i mexü̃ cuxü. Natürü choma rü chayaxõ rü naétü mexü̃ chaxü. ¿Rü ñuxãcü tá nüxü̃ chacuáxü̃ nax cuyaxõxü̃ ega tama mexü̃ cuxü̱xgu i cuma? Natürü choma rü chorü ü i mexü̃maxã tá cuxü̃ chanawe̱x nax aixcüma chayaxõxü̃”, ñatarügü tá cuxü̃.

Romanos 4:12

Rü ngẽxgumarüxü̃ ta ya Abráü̃ rü tümanatü nixĩ ya guxãma ya yíxema íwíecha̱xmüü̃pe̱xechiraü̃güxe rü Abraáü̃rüxü̃ yaxõgüxe. Natürü tama ngẽma nax tügü ítawíecha̱xmüü̃pe̱xechiraü̃güxü̃ca̱x nixĩ i tümanatü yixĩxü̃. Natürü tümanatü nixĩ erü tayaxõgü yexgumarüxü̃ nax yaxõõxü̃ ga nüma ga tanatü ga Abráü̃ naxü̃pa nax ínawíecha̱xmüü̃pe̱xechiraü̃xü̃.

Romanos 4:1

¿Rü ñu̱xma rü ñuxũ ñagüxü̃ tá i nachiga ga nũxcümaü̃cü ga tórü o̱xi ga Abráü̃? ¿Rü tü̱xcüü̃ yixĩxü̃ ga Tupana nüxü̃ ixuxü̃ ga Abraáü̃ rü mecü nax yixĩxü̃?

Romanos 3:20

Rü ñu̱xma nax taxúema aixcüma naga ĩnüexü̃ i ngẽma mugü, rü ngẽmaca̱x taxucürüwama texé tügü tixu nax ngẽma mugü taxaurexü̃gagu Tupanape̱xewa tamexü̃. Erü ngẽma mugü tüxü̃ nüxü̃ cua̱xẽẽxü̃ nixĩ nax ipecaduã̱xgüxü̃.

Ngechuchuarü ngúexü̃gü ga yamugüxü̃arü puracüchiga 7:2

Rü Estébaü̃ nanangãxü̃, rü ñanagürü: —Pa Chautanüxü̃ Pa Ãẽ̱xgacügüx, ¡Choxü̃́ iperüxĩnüe! Gumá Tupana ya mexẽchicü, rü nũxcümaü̃cü ga tórü o̱xi ga Abraáü̃ca̱x nango̱x ga yexguma Mechopotámiaarü naanegu naxãchiü̃gu rü taxũta Aráü̃arü naanewa naxũxgu nax yexma yaxãchiü̃xü̃ca̱x.

Ore i mexü̃ ga Cuáü̃ ümatüxü̃ 8:53

¿Ẽ̱xna cuma rü tórü o̱xi ga Abraáü̃arü yexera quixĩ? Yerü nüma rü nayu rü guxü̃ma ga nũxcümaü̃güxü̃ ga Tupanaarü orearü uruü̃gü rü ta nayue. ¿Rü cugüca̱x rü texé quixĩ? —ñanagürügü.

Ore i mexü̃ ga Luca ümatüxü̃ 16:30

Rü yexguma ga yema yatü ga noxri diẽruã̱xü̃chixü̃ rü Abraáü̃xü̃ nangãxü̃, rü ñanagürü: “Ngẽmáacüx, Pa O̱xi, Pa Abraáü̃x, natürü ngẽxguma chi wüxi i duü̃xü̃ i yuchiréxü̃ ngéma ũxgu rü namaxã nüxü̃ yanaxuxgu, rü chi nüxü̃ narüxoe i nacüma i chixexü̃”, ñanagürü.

Ore i mexü̃ ga Luca ümatüxü̃ 16:24

Rü yexguma ga yema yatü ga noxri diẽruã̱xü̃chixü̃ rü aita naxü rü ñanagürü: “Pa O̱xi Pa Abraáü̃x, ¡cuxü̃́ changechaü̃tümüxü̃, rü nua namu ya Lácharo nax dexámaxã nügü yawaixpe̱xeme̱xẽãcüma choxü̃ yanawaixpe̱xearü conüã́xü̃ca̱x! Erü poraãcü choxü̃́ nangu̱x i nua üxüwa”, ñanagürü.

Ore i mexü̃ ga Luca ümatüxü̃ 1:73

Rü yema nixĩ ga norü uneta ga nũxcümaü̃cü ga tórü o̱xi ga Abraáü̃maxã naxüxü̃ ga Tupana. Rü namaxã nüxü̃ nixu rü tá tüxü̃ nangü̃xẽxẽxü̃ nax tama imuü̃eãcüma imaxẽxü̃. Rü nüxü̃ nixu rü tórü uanügüme̱xẽwa tá tüxü̃ ínanguxü̃xẽxẽ nax mea nüma nanaxwa̱xexü̃ãcüma naxüxü̃ca̱x i norü puracü rü mea nape̱xewa imaxẽxü̃ca̱x i guxü̃guma nax imaxẽxü̃gu”, ñanagürü ga Chacaría.

Ore i mexü̃ ga Matéu ümatüxü̃ 3:9

Rü tama name i pegüãẽwa nagu perüxĩnüe rü pegümaxã ñaperügügü: ‘Yixema rü Abraáü̃taagü tixĩgü rü ngẽmaca̱x ya Tupana rü taxũtáma tüxü̃ napoxcue’, ñaperügügü. Rü pemaxã nüxü̃ chixu rü ngẽxguma Tupana naxwa̱xegu, rü nüxü̃́ natauxcha nax daa nutawa Abraáü̃taagü nanguxü̃xẽẽxü̃.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Wiyaegü 143:2

¡Rü taxṹ i choxna naxca̱x cucaxü̃ i chorü chixexü̃gü nax poxcu chomaxã cuxueguxü̃ca̱x! Erü cupe̱xewa rü tataxuma ya texé ya tama nüxü̃ cuáxe nax chixexü̃ taxüxü̃.

Yochué 24:3

Natürü ga choma ya Tupana rü yéma taxtü ga Eufrátecutüwa chanayaxu ga Abraáü̃, rü Canaáü̃anegu chayaxũgüchigüxẽxẽ. Rü yéma nixĩ ga nane ga Ichaá nüxna chanamuxü̃ nax yemaacü yamuxü̃ca̱x ga nataagü.

Popera ga Yudíugü ga yaxõgüxü̃ca̱x ümatüxü̃ 11:17

Rü Tupana ga noxri rü Abraáü̃maxã nüxü̃ nixu rü ñanagürü: “Cune ya Ichaáwa tá cuxü̃́ nangẽxma i muxũchixü̃ i cutaagü”, ñanagürü. Rü Abráü̃ rü nayaxõ nax Tupana tá yanguxẽẽxü̃ ga yema namaxã inaxunetaxü̃ nax nane ga Ichaáwa tá nüxü̃́ nangẽxmaxü̃ i muxũchixü̃ i nataagü. Natürü yexguma Tupana nüxü̃ ixuxgu rü Ichaáca̱x nüxna nacaxgu nax naxca̱x yamáaxü̃ca̱x, rü nüma ga Abráü̃ rü Tupanaxü̃́ nayaxõ rü tama nüxna nanachu̱xu. Rü ínamemare nax Tupanaca̱x yamáaxü̃ ga gumá nane ga nügümaxã wüxicacü.