Popera ga Chantiágu ümatüxü̃ 2:20 - Tupanaarü Ore

²⁰ Pa Yatüx, tama name nax wüxi i duü̃xü̃ i tama naãxẽxü̃ cuáxü̃ quixĩ. ¿Tama ẽ̱xna nüxü̃ cucua̱x rü ngẽxguma cuyaxõmaregu, rü tama mexü̃ cuxü̱xgu, rü taxuwama name i ngẽma curü õ?

Popera ga Chantiágu ümatüxü̃ 2:20 Referans Kwoze

Popera ga Chantiágu ümatüxü̃ 2:26

Rü ngẽma naxü̃ne rü nayumare ega nataxuxguma i naãxẽ. Rü ngẽxgumarüxü̃ ta nixĩ nax taxuwama namexü̃ nax yaxõmarexü̃ ega taxuxü̃ma i mexü̃ ixüxgu.

Popera ga Chantiágu ümatüxü̃ 2:17

Rü ngẽxguma yaxõmaregu natürü tama mexü̃ ixüxgu, rü tama togüxü̃ rüngü̃xẽẽgu, rü ¿ta̱xacüwa namexü̃ i ngẽmaãcü nax yaxõxü̃?

Ucu̱xẽgüchiga 12:11

Yíxema tümaanewa puracüxe rü taguma tangebü, natürü ngẽma taxuwama mexü̃gu rüxĩnüxü̃, rü tama naãẽxü̃ nacua̱x.

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Gálatas 6:3

Rü ngẽxguma texé nagu rüxĩnügu nax tachigacü tixĩxü̃, rüẽ̱xna woo taxuxü̃machire̱x tixĩxgu, rü tügütama tawomüxẽxẽ.

Popera ga Chantiágu ümatüxü̃ 1:26

Rü ngẽxguma chi wüxíe tügü ixuxgu nax wüxi i ore i mexü̃ tixõxü̃ natürü tama nüxna tada̱u̱xgu ya tümaarü conü, rü tügütama tawomüxẽxẽ rü taxuwama name i ngẽma ore i tixõxü̃.

Popera ga Títoca̱x naxümatüxü̃ ga Pauru 1:10

Erü nangẽxma i muxü̃ma i duü̃xü̃gü i tama yaxõgüchaü̃xü̃. Rü yexera nixĩ i ngẽma Yudíugü i naxwa̱xegüxü̃ nax nügü ínawiecha̱xmüü̃pe̱xechiraü̃güxü̃ i ngẽma yaxõgüxü̃. Rü nümagü rü ore i taxuwama mexü̃xü̃ nixugügü, rü ngẽmaãcü duü̃xü̃güxü̃ nawomüxẽẽgü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:6

Natürü ñuxre i yaxõgüxü̃ rü marü nüxna nixĩgachi i Tupanaarü ore nax nawe naxĩxü̃ca̱x i ngẽma ngu̱xẽẽtae i taxuwama mexü̃ i nuwa nagagümarexü̃.

Colosenses 2:8

¡Rü naxca̱x pexuãẽgü i ngẽma duü̃xü̃gü i pexü̃ womüxẽẽgüchaü̃xü̃ namaxã i norü ore i tama aixcüma ixĩxü̃ rü taxuwama mexü̃! Rü nümagü rü tama Cristuchigaxü̃ nixugü, natürü pexü̃ nangúexẽẽchaü̃ i ngẽma nũxcümaü̃güxü̃ i nacümagü ga duü̃xü̃gü nagu ĩxü̃ rü ngẽma ngu̱xẽẽtaegü i ñoma i naanearü ixĩxü̃. Natürü nüma ya Cristu rü Tupanaxü̃chi nixĩ rü guxü̃ma i Tupanaarü pora rü Cristuwa nangẽxma.

Yeremía 2:5

Rü nüma ya Cori ya Tupana rü ñanagürü pexü̃: —¿Ta̱xacü rü chixexü̃ chowa nüxü̃ nadaugü ga perü o̱xigü rü yemaca̱x choxna yaxĩgachixü̃ rü nawe naxĩxü̃ ga tupananetachicüna̱xãgü ga ngearü maxü̃ã̱xgüxü̃? Rü yemagagu taxuwama nügü namexẽẽgü.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Romanos 3:28

Rü yixema nüxü̃ tacua̱x rü ngẽxguma Cristuaxü̃́ yaxõgügu nixĩ i Tupanape̱xewa imexü̃, rü tama ngẽma mugü nax ixauregüxü̃ca̱x nixĩ i nape̱xewa imexü̃.

Romanos 9:20

Natürü Pa Yatüx, ¿texé quixĩ i cumax rü ngẽmaca̱x ngẽmaãcü Tupanaxü̃ cuyaxũgaxü̃? ¿Cuxca̱x rüe̱xna wüxi i tü̃xü̃ i waixü̃müwa üxü̃ rü namexü̃ i ngẽma norü üruü̃maxã nax ñaxü̃? “¿Rü tü̱xcüü̃ ngẽmaãcü choxü̃ cuxü nax ngẽmaãcü chixĩxü̃ca̱x i ñu̱xmax?” ñaxü̃.