Popera ga Chantiágu ümatüxü̃ 2:18 - Tupanaarü Ore

¹⁸ Erü ngẽxguma cuyaxõmaregu natürü tama mexü̃ cuxü̱xgu, rü ngürüãchi tá wüxíe ñatarügü cuxü̃: “Cuma rü cuyaxõmare natürü taxuxü̃ma i mexü̃ cuxü. Natürü choma rü chayaxõ rü naétü mexü̃ chaxü. ¿Rü ñuxãcü tá nüxü̃ chacuáxü̃ nax cuyaxõxü̃ ega tama mexü̃ cuxü̱xgu i cuma? Natürü choma rü chorü ü i mexü̃maxã tá cuxü̃ chanawe̱x nax aixcüma chayaxõxü̃”, ñatarügü tá cuxü̃.

Popera ga Chantiágu ümatüxü̃ 2:18 Referans Kwoze

Popera ga Chantiágu ümatüxü̃ 3:13

Ngẽxguma chi petanüwa nangẽxmagu i wüxi i duü̃xü̃ i cua̱x nüxü̃́ ngẽxmaxü̃ rü mea naãxẽxü̃ cuáxü̃, rü tama name i nügü nicua̱xüxü̃, natürü nanaxwa̱xe nax mexü̃ i nacümawa pexü̃ nüxü̃ nadauxẽẽxü̃ nax aixcüma cua̱x nüxü̃́ ngẽxmaxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:5

Rü ngẽma ucu̱xẽ i cumaxã nüxü̃ chixuxü̃ rü nachiga nixĩ i ngẽma ngechaü̃ i wüxi ya maxü̃ne ya ngearü chixexü̃ã́xü̃wa ne ũxü̃, rü wüxi i ĩnü i mexü̃wa ne ũxü̃, rü wüxi i õ i aixcüma ixĩxü̃wa ne ũxü̃. Rü name nax ngẽma ngechaü̃maxã yigü ingechaxü̃güxü̃.

Popera ga Chantiágu ümatüxü̃ 2:14

Pa Chauenexẽgüx, ¿Ta̱xacüwa namexü̃ ega wüxíe ñagügu: “Choma rü Tupanaaxü̃́ chayaxõ”, ñagügu, natürü tama tümamücüxü̃ tarüngü̃xẽxẽgu? ¿Pexca̱x rü ngẽmarüxü̃ i õ tá tüxü̃ maxẽẽxü̃?

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Popera ga Títoca̱x naxümatüxü̃ ga Pauru 2:7

¡Rü cumax, Pa Títox, rü name i mea nape̱xewa cumaxü̃ i guxü̃ma i ngẽma yaxõgüxü̃ nax ngẽmaãcü wüxi i norü cua̱xruxü̃ i mexü̃ quixĩxü̃ca̱x! Rü ngẽxguma cunangúexẽẽgu, rü cunaxwa̱xe i mexü̃gu curüxĩnüãcüma cunangúexẽxẽ rü tama ĩnücaãcüma namaxã nüxü̃ quixu i ngẽma ore.

Romanos 14:23

Natürü ngẽxguma wüxíe nagu rüxĩnügu nax tama namexü̃ i Tupanape̱xewa nax ta̱xacürü õna nax tangṍxü̃, rü pemaxã nüxü̃ chixu rü chixexü̃ taxü ega tanangõ̱xomagu, erü tümaãẽwa nagu tarüxĩnü nax tama aixcüma namexü̃ i ngẽma taxüxü̃. Rü guxü̃ma i ngẽma tümaãẽwa nagu tarüxĩnüxü̃ nax nachixexü̃ rü aixcüma pecadu taxü ega tanaxüamagu.

Popera ga Yudíugü ga yaxõgüxü̃ca̱x ümatüxü̃ 11:31

Rü yema nge ga Yericúcüã̱x ga Raá rü woo noxri wüxi i ngexü̃ i naxü̃nemaxã taxexü̃ nax iyixĩxü̃, natürü Tupanaaxü̃́ iyaxõ. Rü yexguma yéma nangugügu ga yema taxre ga Iraétanüxü̃ ga bexma ngugütaewa yéma ĩxü̃, rü ngĩma iyixĩ ga nüxü̃ nangü̃xẽẽxü̃. Rü yemaca̱x tama iyu naxrüxü̃ ga yema togü ga Yericúcüã̱x ga tama Tupanaga ĩnüexü̃.

Popera ga Yudíugü ga yaxõgüxü̃ca̱x ümatüxü̃ 11:33

Rü yema nax yaxõgüãxü̃ca̱x nixĩ ga Tupana nüxü̃ rüngü̃xẽẽxü̃. Rü yemaacü to ga nachixü̃anegüarü ãẽ̱xgacügüxü̃ naporamaegüxü̃, rü meama norü duü̃xü̃gümaxã inacua̱xgü, rü nanayauxgü ga yema Tupana namaxã ixunetaxü̃. Rü yexguma leóü̃tanügu yata̱xcuchigüãgu, rü taxuxü̃ma namaxã naxü ga leóü̃gü yerü Tupana nayachotaa̱xgü ga yema leóü̃gü.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

1 Corintios 13:2

Rü woo nüxü̃ chacua̱xgu nax mea duü̃xü̃gümaxã nüxü̃ chixuxü̃ i Tupanaarü ore, rü woo nüxü̃ chacua̱xgu i guxü̃ma i ta̱xacü i ẽxü̃guxü̃ i Tupanachiga, rü woo choxü̃́ natauxchagu nax chorü õmaxã chayaxĩgachixẽẽxü̃ ya ma̱xpǘnegü, natürü taxuwama chame ega tama choxü̃́ nangẽxmagu i ngechaü̃.

Romanos 3:28

Rü yixema nüxü̃ tacua̱x rü ngẽxguma Cristuaxü̃́ yaxõgügu nixĩ i Tupanape̱xewa imexü̃, rü tama ngẽma mugü nax ixauregüxü̃ca̱x nixĩ i nape̱xewa imexü̃.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

2 Corintios 5:17

Rü ngẽxguma texé Cristuaxü̃́ yaxõ̱xgu, rü ngexwaca̱xü̃xü̃ i duü̃xü̃ tixĩ. Rü nũxcümaü̃xü̃ ga tümacüma rü marü tüxna inayarüxo, rü ngexwaca̱xü̃xü̃ i maxü̃ tüxü̃́ nangẽxma.

Romanos 8:1

Rü ñu̱xma ya Tupana rü marü taxuca̱xma nanapoxcue i ngẽma duü̃xü̃gü ya Ngechuchu ya Cristuarü duü̃xü̃gü ixĩgüxü̃.

Romanos 4:6

Rü nũxcümaü̃cü ga ãẽ̱xgacü ga Dabí rü nüxü̃ nixu nax tataãẽxü̃ ga guxema duü̃xẽ ga Tupana tümaarü õgagu tüxü̃ ixuxe nax tamexü̃ woo tama ta̱xacürü mexü̃ taxü̱xgu nax Tupanape̱xewa tamexü̃ca̱x.

Romanos 9:19

Natürü bexmana tá ñacurügü choxü̃: “Rü ngẽxguma chi ngẽmaãcü yixĩxgu ya Tupana, ¿rü tü̱xcüü̃ nüxü̃ nixu nax tagagu yixĩxü̃ nax chixexü̃ ixügüxü̃? ¿Rü texé tapora nax itayanaxoxẽẽxü̃ca̱x i Tupanaarü ngúchaü̃?” ñacurügü tá.