Popera ga Chantiágu ümatüxü̃ 1:6 - Tupanaarü Ore

⁶ Natürü ngẽxguma naxca̱x ítacaxgu rü tanaxwa̱xe nax aixcüma tayaxõõcüma naxca̱x ítaca̱xaxü̃. Rü tama name i nagu tarüxĩnüxü̃ nax taxũtáma tanayaxuxü̃. Erü yíxema tama mea yaxṍxe, rü ñoma már arü yuape i buanecü guxü̃wama cuexü̃rüxü̃ tixĩ.

Popera ga Chantiágu ümatüxü̃ 1:6 Referans Kwoze

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Efesios 4:14

Rü taũtáma ñoma buxü̃gürüxü̃ tixĩgü i tórü õwa. Rü ngẽxguma ta̱xacürü to i ngu̱xẽẽtaexü̃ ixĩnüegu rü taxũtáma naga taxĩnüe nax tama ñoma buanecü ngextámare cuecürüxü̃ tüxü̃ yaxĩgüxẽẽxü̃ca̱x. Rü taxũtáma nawe tarüxĩ i ngẽma duü̃xü̃gü i norü doramaxã tüxü̃ womüxẽẽgüxü̃ rü norü ngu̱xẽẽtaemaxã tüxü̃ ítüexẽẽchaü̃xü̃.

Popera ga Yudíugü ga yaxõgüxü̃ca̱x ümatüxü̃ 10:23

Rü ñu̱xma nax ínangu̱xẽẽxü̃ i ngẽma maxü̃ i taguma gúxü̃ ya Tupana tamaxã ixunetaxü̃ rü tanaxwa̱xe i aixcüma Cristuaxü̃́ yaxõgüechaxü̃ rü taguma nüxü̃ rüxoexü̃. Yerü Tupana ga tamaxã ixunetacü nax tüxü̃ nangü̃xẽẽxü̃, rü aixcümaxü̃chi tá nayanguxẽxẽ ga yema tamaxã nüxü̃ yaxuxü̃.

Popera ga Yudíugü ga yaxõgüxü̃ca̱x ümatüxü̃ 13:9

Rü tama name i peyaxõgü i ngẽma ngu̱xẽẽtaegü i tama toma pexü̃ namaxã tangúexẽẽxü̃ i tama Tupanaarü ixĩgüxü̃. Rü nũxcüma nagu taxĩ ga yema mugü ga Moiché ümatüxü̃ ga tüxna nachu̱xuxü̃ nax ta̱xacü ixüxü̃ rü ta̱xacü ingṍxü̃. Natürü narümemae nixĩ nax Tupanaarü ngechaü̃maxã napaxü̃ i tórü maxü̃ nax tórü õwa iporaexü̃ca̱x

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8

Rü ñu̱xma chanaxwa̱xe i guxü̃wama nayumüxẽgü i yatügü. Rü chanaxwa̱xe i ngearü pecaduã̱xãcüma naxugüme̱xẽ. Rü tama name i nügümaxã nanueãcüma rüe̱xna nügü nachoxü̃gagüãcüma nayumüxẽgü.

Norü taxre ga popera ga Pedru ümatüxü̃ 2:17

Rü ngẽma ngu̱xẽẽruü̃netagü rü taxuwama nime ñoma wüxi i puchu i ngearü dexáã́xü̃rüxü̃. Rü ñoma wüxi i caixanexü̃ i buanecü icuexü̃rüxü̃ nixĩgü nax taxuwama yamexü̃. Rü nümagü rü ẽanexü̃chixü̃gu guxü̃gutáma napoxcue.

Naanearü ügüchiga 49:4

Natürü i ñu̱xma rü taxũtáma marü cuma nixĩ i cuenexẽgüétüwa cungexmaxü̃. Erü cuma rü ñoma yuape ya tacü ya taxucürüwama íyachaxãchixẽẽcürüxü̃ quixĩ rü chixexü̃ chomaxã cuxü ga yexguma cho̱xma̱xmaxã icupexgu”.

Ore i mexü̃ ga Matéu ümatüxü̃ 14:28

Rü yexguma ga Pedru rü Ngechuchumaxã nidexa rü ñanagürü: —Pa Corix, ega chi cuma quixĩxgu, ¡rü choxü̃ namu nax choma rü ta dexáétügu chixũxü̃ca̱x rü cuxü̃tawa nax chaxũxü̃ca̱x! —ñanagürü.

Ngechuchuarü ngúexü̃gü ga yamugüxü̃arü puracüchiga 10:20

¡Inachi, rü írüxĩ, rü tama cuxoegaãẽãcüma nawe rüxũ! Erü choma nixĩ i núma chanamugüxü̃ —ñanagürü.

Popera ga Chantiágu ümatüxü̃ 1:7

Rü yíxema duü̃xẽ ya ñu̱xma mea yaxṍxe rü moxü̃ rü tama mea yaxṍxe, rü taxucürüwama nagu tarüxĩnü nax ta̱xacü Cori ya Tupanaxü̃tawa tayaxuxü̃.

Popera ga Chantiágu ümatüxü̃ 5:15

Rü ngẽxguma mea Tupanaaxü̃́ yaxõgüãcüma nayumüxẽgügu, rü tá tümaca̱x nitaane, rü nüma ya Cori ya Tupana tá tüxü̃ ínarüdaxẽxẽ nawa i tümaarü da̱xawe. Rü ngẽxguma chi ta̱xacürü pecadu taxü̱xgu, rü Tupana tá tüxü̃́ nüxü̃ inarüngüma.