Popera ga Chantiágu ümatüxü̃ 1:5 - Tupanaarü Ore

⁵ Ngẽxguma chi petanüwa wüxíe tüxü̃́ nataxuxgu i tümaarü cua̱x, rü name nixĩ i Tupanana taca. Rü nüma rü norü ngúchaü̃maxã tá mea guxãna nanaxã rü taxũtáma tümamaxã naxaxü.

Popera ga Chantiágu ümatüxü̃ 1:5 Referans Kwoze

Ore i mexü̃ ga Cuáü̃ ümatüxü̃ 15:7

Rü ngẽxguma chowa peyaxũ̱xgüechagu rü taguma nüxü̃ ipeyarüngümaegu i ngẽma ore i pexü̃ changúexẽẽxü̃, rü marü name i naxca̱x ípeca i ta̱xacü i penaxwa̱xexü̃, rü choma rü tá pexna chanaxã.

Norü taxre ga to ga popera ga ãẽ̱xgacügüchiga ümatüxü̃ 1:10

¡Rü ẽcü choxna naxã i cua̱x nax chauãẽxü̃ chacuáxü̃ca̱x rü mea namaxã ichacuáxü̃ca̱x i ñaa curü duü̃xü̃gü i muxũchixü̃! ¿Erü texé tüxü̃́ natauxcha nax namaxã itacuáxü̃ i guxü̃ma i ñaa curü duü̃xü̃gü? —ñanagürü.

Popera ga Chantiágu ümatüxü̃ 3:17

Natürü guxãma ya yíxema aixcüma tüxü̃́ nangẽxmagüxe i ngẽma cua̱x i Tupanawa ne ũxü̃, rü taxuxü̃ma i chixexü̃ taxü, rü tama tanuewa̱xe, rü timecüma, rü itarüxĩnüe i ucu̱xẽgü, rü tangechaxü̃tümüxü̃wa̱xegü, rü duü̃xü̃güétüwa tachogü, rü tixaixcümagü, rü mexü̃ taxügü.

Ore i mexü̃ ga Cuáü̃ ümatüxü̃ 14:13

Rü guxü̃ma i ta̱xacü i chauégagu Tupanaxü̃tawa naxca̱x ípecaxü̃ rü tá pexna chanaxã. Rü ngẽmaãcü tá chanaxü nax chaugagu nangóxü̃ca̱x i Chaunatüarü pora.

Nüxíraxü̃xü̃ ga popera ga Cuáü̃ ümatüxü̃ 3:22

Rü nüma tá tüxna nanaxã i guxü̃ma i ngẽma naxca̱x íicaxü̃, erü naga taxĩnüe i ngẽma tüxü̃ namuxü̃ rü tanaxü i ngẽma nüma namaxã nataãẽxü̃.

Ínachoxü̃xü̃chiga 31:3

Rü marü nüxna chanamu i Chauãxẽ i Üünexü̃, rü nüxna chanaxã i cua̱x nax paxãma nüxü̃ nacuáxü̃ca̱x i ta̱xacüarü ü, rü nüxü̃́ natauxchaxü̃ca̱x nax guxü̃raxü̃xü̃ i meruü̃gü naxüxü̃ i úiruwa, rü diẽrumüwa, rü bróũchewa, rü naiwa. Rü nüxna chanaxã i cua̱x nax nüxü̃ nacuáxü̃ca̱x nax nuta ya nga̱xãẽruxü̃ namexẽẽãxü̃ rü nangoraxẽẽxü̃ rü chacherdótegüchiruwa nañaxcuãxü̃ rü naguxü̃raü̃xü̃ i meruü̃gü naxüxü̃ca̱x.

Popera ga Chantiágu ümatüxü̃ 5:16

Rü ngẽmaca̱x name nixĩ i pegümaxã nüxü̃ pixu i perü pecadugü rü pegüca̱x peyumüxẽgü nax pexca̱x yataanegüxü̃ca̱x. Rü yimá mecü ya yatüarü yumüxẽ rü aixcüma napora rü taxü̃ i mexü̃ nawa ínanguxuchi.

Ínachoxü̃xü̃chiga 31:6

Rü ngẽxgumarüxü̃ ta nüxü̃ chaxuneta ya Becharéarü ngü̃xẽẽruxü̃ ya Aoriáx ya Aichamá nane ya Dáü̃tanüxü̃ ixĩcü. Rü guxü̃ma i ngẽma yatügü i nüxü̃ icua̱xüchigüxü̃ rü yexeraãcü cua̱x nüxna chaxã nax naxügüã̱xü̃ca̱x i guxü̃ma i ngẽma cuxü̃ chamuxü̃ nax cunaxüxü̃.

Ore i mexü̃ ga Cuáü̃ ümatüxü̃ 4:10

Rü Ngechuchu ngĩxü̃ nangãxü̃, rü ñanagürü: —Ngẽxguma chi nüxü̃ cucua̱xgu i ngẽma Tupana cuxna ãxchaü̃xü̃, rü chi nüxü̃ cucua̱xgu nax texé yixĩxü̃ ya yimá dexáca̱x cuxna cacü, rü cuma rü chi nüxna cuca i dexá, rü nüma rü chi cuxna nanaxã i dexá i maxü̃ nawa ngẽxmaxü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:12

Rü nüma ya Cori ya Tupana rü marü cuxna nanaxã i ĩnü i mexü̃ rü curü cua̱x. Rü ngẽxguma nüma cuxü̃ yangucuchixẽẽgu nax Iraétanüxü̃arü ãẽ̱xgacü quixĩxü̃ ¡rü yanguxẽxẽ i ngẽma norü mugü ya Cori ya curü Tupana!

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Ore i mexü̃ ga Matéu ümatüxü̃ 11:20

Rü yexguma ga Ngechuchu rü inanaxügü nax yangagüãxü̃ ga gumá ĩanegücüã̱x ga ngextá yexeraãcü Tupanaarü poramaxã taxü̃ ga mexü̃gü ínaxüxü̃wa. Rü nayangagü yerü yema duü̃xü̃gü rü tama nüxü̃ narüxoe ga norü chixexü̃ rü tama Tupanaaxü̃́ nayaxõgüchaü̃.

2 Corintios 2:16

Rü ngẽma duü̃xü̃gü i tama yaxõgüxü̃ca̱x rü Tupanaarü ore rü ñoma wüxi i guxpaanexü̃ i nayuexẽẽxü̃rüxü̃ nixĩ. Natürü ngẽma yaxõgüxü̃ca̱x rü ngẽma ore rü ñoma wüxi i pumaraema i namaxẽxẽẽxü̃rüxü̃ nixĩ. Rü ngẽmaca̱x ¿texéaxü̃́ natauxcha nax nüxü̃ tixuxü̃ i ngẽma Tupanaarü ore?

Ore i mexü̃ ga Márcu ümatüxü̃ 16:14

Rü yemawena ga Ngechuchu rü naxca̱x nango̱x ga yema 11 ga norü ngúexü̃gü ga yexguma mechawa ínachibüeyane. Rü nayangagü naxca̱x nax tama aixcüma yaxõgüãxü̃ rü tama nüxü̃́ inaxĩnüexü̃ ga yema marü nüxü̃ daugüxü̃. Yerü nümagü ga yema ngúexü̃gü rü tama nüxü̃́ nayaxõgüchaü̃ ga yema nüxü̃ daugüxü̃ ga marü wena nax namaxü̃xü̃.

Wiyaegü 51:6

Cuma rü nüxü̃ cungechaü̃ i ngẽma duü̃xü̃ i aixcüma nüxü̃ ixuxü̃ i norü pecadugü. Rü chauãẽwa cunanguxẽxẽ i cua̱x.

Ucu̱xẽgüchiga 8:17

Choma i cua̱x rü tüxü̃ changechaü̃ ya yíxema choxü̃ ngechaü̃güxe, rü yíxema cha̱u̱xca̱x daugüxe, rü choxü̃ itayangaugü.