Popera ga Chantiágu ümatüxü̃ 1:4 - Tupanaarü Ore

⁴ Rü ngẽma nax yáxna namaxã pexĩnüexü̃ i guxchaxü̃gü rü wüxi i perü poraxẽẽruxü̃ nixĩ nax mea Tupanaga pexĩnüexü̃ca̱x, rü norü orearü cua̱xwa pengugüxü̃ca̱x, rü taxuwama nachixexü̃ca̱x i perü maxü̃.

Popera ga Chantiágu ümatüxü̃ 1:4 Referans Kwoze

Nüxíraxü̃xü̃ ga popera ga Pedru ümatüxü̃ 5:10

Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.

Ore i mexü̃ ga Luca ümatüxü̃ 21:19

Rü ngẽxguma aixcüma peyaxõgüamagu rü tama choxü̃ ípeta̱xgu, rü tá penayauxgü i maxü̃ i taguma gúxü̃.

Ore i mexü̃ ga Matéu ümatüxü̃ 5:48

Rü ngẽmaca̱x penaxwa̱xe nax aixcüma namexü̃ i perü maxü̃ naxrüxü̃ ya Penatü ya Tupana ya aixcüma mearü maxü̃ãcü.

Norü taxre ga popera ga Timutéuca̱x naxümatüxü̃ ga Pauru 3:17

Rü ngẽma ore rü Tupanaarü duü̃xü̃na nanaxã i cua̱x nax mea naxüaxü̃ca̱x i ngẽma Tupana naxwa̱xexü̃ rü ínamemarexü̃ nax naxüaxü̃ i naguxü̃raü̃xü̃ i mexü̃.

Abacú 2:3

Rü ñu̱xma rü taxũta nawa nangu nax yanguxü̃ ga yema cuxü̃ chawéxü̃. Natürü taxũtáma nangupetümare nax yanguxü̃. ¡Cumax rü mea ínanguxẽxẽ ega woo tama paxa yanguxgu! Erü aixcüma tá ningu i ngẽxguma norü ngunexü̃wa nanguxgux.

Gálatas 6:9

Rü ngẽmaca̱x tama name nax nüxü̃ rüchauexü̃ nax mexü̃ ixüexü̃. Rü ngẽxguma tama nüxü̃ rüchauegu nax mexü̃ ixügüxü̃, rü ngẽxguma Tupanaxü̃tawa ingugügu rü mexü̃ tá tayaxu.

Wiyaegü 40:1

Choma rü íchananguxẽxẽ nax choxü̃ nangü̃xẽẽxü̃ca̱x ga Cori ya Tupana. Rü nüma rü nüxü̃ naxĩnü ga chorü yumüxẽ.

Wiyaegü 37:7

Rü name nax cungea̱xmarexü̃ nape̱xewa ya Cori ya Tupana. ¡Rü yáxna naxĩnü! Rü nüma rü tá cuxü̃ narüngü̃xẽxẽ. ¡Rü taxṹ i quixãũãchixü̃ ega ngẽma chixexü̃ ügüxü̃ rü namuarü ngẽmaxü̃ã̱xgügu rü mea yaxũxgu i ngẽma nagu naxĩnüexü̃!

Popera ga Chantiágu ümatüxü̃ 3:2

Guxãma i yixema rü muẽ̱xpü̱xcüna chixexü̃ taxüe. Yimá yatü ya taguma chixexü̃xü̃ ixucü rü aixcüma mecü nixĩ, erü nüxü̃ nacua̱x nax mea nügüna nadauxü̃ nax tama chixexü̃ naxüxü̃ca̱x.

Popera ga Chantiágu ümatüxü̃ 1:5

Ngẽxguma chi petanüwa wüxíe tüxü̃́ nataxuxgu i tümaarü cua̱x, rü name nixĩ i Tupanana taca. Rü nüma rü norü ngúchaü̃maxã tá mea guxãna nanaxã rü taxũtáma tümamaxã naxaxü.

1 Corintios 2:6

Natürü pemaxã nüxü̃ chixu, rü ngẽxguma natanüwa tangexmagu i ngẽma marü meama yaxõgüxü̃, rü ngẽxguma nixĩ i nüxü̃ cua̱xüchixü̃ãcü tanangúexẽẽxü̃ i ngẽma ore. Natürü ngẽma cua̱x rü tama ñoma i naanewa ne naxũ, rü bai i ñoma i naanearü ãẽ̱xgacügü i paxa tá iyarüxoxü̃wa ne naxũ.

Colosenses 4:12

Rü ngẽxgumarüxü̃ ta pexü̃ narümoxẽ i Epáparu. Rü nüma rü petanüxü̃ nixĩ, rü aixcüma nanaxü i Cristuarü puracü. Rü nüma rü guxü̃guma norü yumüxẽwa Tupanaxü̃ naca̱xaxü̃ pexca̱x nax tama nüxna pixĩgachixü̃ca̱x i norü ore rü peyaxõgüamaxü̃ca̱x rü aixcüma penaxüxü̃ca̱x i ngẽma Tupanaarü ngúchaü̃.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Ore i mexü̃ ga Matéu ümatüxü̃ 10:22

Rü chaugagu tá guxü̃ i duü̃xü̃gü pexchi naxaie. Natürü yíxema aixcüma yaxṍxe rü tama choxü̃ ítáxe, rü yíxema tá tixĩ ya nayaxúxe i maxü̃ i taguma gúxü̃.

Yox 17:9

Natürü yíxema duẽxẽgü i aixcüma mexü̃ ixĩgüxe rü we̱xgu taxĩama. Rü yíxema ngearü chixexü̃ãxẽ rü tiporaetanü.

Ucu̱xẽgüchiga 4:8

¡Naga naxĩnü i ngẽma cua̱x rü duü̃xü̃gü tá cuxü̃ nicua̱xüü̃gü, rü cugüãẽgu namaxã nanguxü̃ rü duü̃xü̃gü tá cumaxã nataãxẽ! Ngẽmaãcü i ngẽma cua̱x rü curü meruxü̃ tá nixĩ ñoma wüxi i curü nga̱xcuerurüxü̃ —ñanagürü ga chaunatü.

Norü taxre ga popera ga Pedru ümatüxü̃ 1:9

Natürü yíxema tama nagu ixũxe i ngẽma pemaxã nüxü̃ chixuxü̃, rü ñoma tangexetüxü̃rüxü̃ tixĩ. Rü ñoma wüxi i duü̃xü̃ i tama yáxü̃gu dauxerüxü̃ tixĩ, erü nüxü̃ itayarüngüma nax ñuxãcü Tupana tüxü̃́ nüxü̃ rüngü̃maxü̃ ga tümaarü pecadugü ga noxri.

Ore i mexü̃ ga Cuáü̃ ümatüxü̃ 17:23

Rü chanaxwa̱xe nax ngẽma choxna cumugüxü̃wa changexmaxü̃ rü cuma i chowa nax cungexmaxü̃ nax ngẽmaãcü aixcüma wüxitama ixĩgüxü̃ca̱x i yixema. Rü ngẽmaãcü i ñoma i naanecüã̱x i duü̃xü̃gü rü tá nüxü̃ nicua̱xãchitanü nax cuma núma choxü̃ cumuxü̃. Rü tá nüxü̃ nicua̱xãchitanü nax cuma nüxü̃ cungechaü̃xü̃ i ngẽma choxna cumugüxü̃ ngẽma choxü̃ cungechaü̃xü̃rüxü̃.

Ore i mexü̃ ga Luca ümatüxü̃ 18:22

Rü yemaxü̃ naxĩnügu ga Ngechuchu rü ñanagürü: —Wüxixicatama cuxü̃́ nataxu, rü ngẽma nixĩ nax namaxã cutaxexü̃ i guxü̃ma i curü ngẽmaxü̃gü rü ngẽma ngearü diẽruã̱xgüxü̃na naxã i curü natanü. Rü ngẽxguma rü tá cuxü̃́ nangẽxma i cuchica i daxũguxü̃ i naanewa. Rü ñu̱xũchi marü name i chowe curüxũ —ñanagürü.

Ore i mexü̃ ga Márcu ümatüxü̃ 10:21

Rü yexguma ga Ngechuchu rü nüxü̃ nangechaü̃ãcüma nüxü̃ nadawenü, rü nanangãxü̃ rü ñanagürü: —Rü wüxixicatama cuxü̃́ nataxu. ¡Rü íixũ, rü namaxã yataxe i guxü̃ma i curü ngẽmaxü̃gü, rü ñu̱xũchi togü i ngearü ngẽmaxü̃ã̱xgüxü̃na naxã i ngẽma curü natanü! Rü ngẽmaãcü tá cuxü̃́ nangẽxma i cuchica i daxũguxü̃ i naanewa. Rü ngẽmawena rü marü name i chowe curüxũ —ñanagürü.

Ore i mexü̃ ga Matéu ümatüxü̃ 19:20

Rü yexguma ga gumá ngextü̱xücü rü ñanagürü: —Guxü̃ma i ngẽma mugü i nüxü̃ quixuxü̃ rü woetama chorü bucüma mea chayanguxẽxẽ. ¿Rü ta̱xacürü to tá chaxü nax choxü̃́ nangẽxmaxü̃ca̱x i maxü̃ i taguma gúxü̃? —ñanagürü.

1 Tesalonicenses 5:23

Rü chanaxwa̱xe i nümatama ya Tupana ya tüxü̃ taãẽxẽẽcü pexü̃ imexẽxẽ nax aixcüma nape̱xewa pimexü̃ca̱x. Rü chanaxwa̱xe i guxü̃wama pexna nadau i peãẽwa, rü perü ĩnüwa, rü pexenewa nax nataxuxü̃ca̱x i ta̱xacü i perü chixexü̃ i ngẽxguma wenaxarü núma naxũxgu ya tórü Cori ya Ngechuchu ya Cristu.