Popera ga Chantiágu ümatüxü̃ 1:26 - Tupanaarü Ore

²⁶ Rü ngẽxguma chi wüxíe tügü ixuxgu nax wüxi i ore i mexü̃ tixõxü̃ natürü tama nüxna tada̱u̱xgu ya tümaarü conü, rü tügütama tawomüxẽxẽ rü taxuwama name i ngẽma ore i tixõxü̃.

Popera ga Chantiágu ümatüxü̃ 1:26 Referans Kwoze

Efesios 4:29

Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.

Wiyaegü 141:3

Pa Cori Pa Tupanax ¡choxü̃ rüngü̃xẽxẽ nax tama ore i chixexü̃xü̃ chixuxü̃ca̱x i cuchiga!

Nüxíraxü̃xü̃ ga popera ga Pedru ümatüxü̃ 3:10

Erü Tupanaarü ore rü ñanagürü: “Ngẽxguma texé tümaxarü maxü̃xü̃ ngechaü̃gu rü taãẽãcüma tamachaü̃gu, rü name nixĩ i nüxna tadau ya tümaarü conü nax tama chixexü̃ i oremaxã yadexaxü̃ca̱x rü nüxna tadau i tümaã̱x nax tama doraxü̃ yaxuxü̃ca̱x.

Efesios 5:4

Rü tama name i ta̱xacürü ore i ãũãchixü̃xü̃ pixu, rü ẽ̱xna ta̱xacürü ore i taxuwama mexü̃xü̃ pixu, rü ẽ̱xna dexa i ãũchigaxü̃ i chixexü̃wa nadaxü̃xü̃ pixu. Erü ngẽma ore i chixexü̃gü rü taxuwama name. Rü narümemae nixĩ nax Tupanana moxẽ pexãgüxü̃.

Ucu̱xẽgüchiga 19:1

Taxuwama name nax taechitamare imaxü̃xü̃ rü ixuxwa̱xexü̃ ixĩxü̃. Rü narümemae nax tama imuarü diẽruã́xü̃ rü aixcüma mexü̃gu rüxĩnüxü̃.

Wiyaegü 34:13

¡Rü naxuãxẽ rü nüxna nadau ya curü conü nax tama chixexü̃xü̃ yaxuxü̃ca̱x! ¡Rü nüxna nadau i cuberagü nax tama doraxü̃ quixuxü̃ca̱x!

Ucu̱xẽgüchiga 10:31

Yimá yatü ya cua̱x nüxü̃́ ngẽxmacü, rü naã̱xwa ínaxũxũ i ore i cua̱x nüxü̃́ ngẽxmaxü̃, natürü ngẽma chixexü̃gu maxü̃xü̃, rü tá ínawíearü conüã̱x.

Ucu̱xẽgüchiga 10:19

Ngẽma poraãcü idexaechaxü̃ rü poraãcü chixexü̃ naxü, natürü yíxema cua̱x tüxü̃́ ngẽxmaxẽ, rü nüxna tadau ya tümaarü conü.

Colosenses 4:6

Rü ngẽxguma togü i duü̃xü̃gümaxã pidexagügu, rü name nixĩ i penataãẽxẽxẽ namaxã i ngẽma dexa i namaxã nüxü̃ pixuxü̃. ¡Rü ngẽmaãcü mea penangãxü̃ i ngẽma pexna ca̱xü̃ nachiga i perü õ!

Popera ga Chantiágu ümatüxü̃ 1:22

Rü tama name i iperüxĩnüemare i ngẽma ore, natürü name nixĩ i penaxü i ngẽma pemaxã nüxü̃ yaxuxü̃. Erü ngẽxguma iperüxĩnüemaregu rü tama penaxü̱xgu, rü pegütama pewomüxẽẽgümare.

Popera ga Chantiágu ümatüxü̃ 1:19

Rü guxãma i pemax, Pa Chauenexẽgü ya Pexü̃ Changechaü̃güxe, rü ngẽxguma texé pemaxã idexagu, rü name nixĩ i mea iperüxĩnüe. Rü tama name i penue rü tüxü̃ pechoxü̃gagü.

Ucu̱xẽgüchiga 16:25

Nangexma i namagü i duü̃xü̃güca̱x we̱xwa nadagüxü̃, natürü ngẽma iyacua̱xgüxü̃wa, rü yu nixĩ.

Ore i mexü̃ ga Luca ümatüxü̃ 8:18

¡Mea iperüxĩnüe i ñu̱xmax! Erü texé ya nüxü̃ cuáxe rü naga ĩnüxe i ngẽma ore i mexü̃, rü Tupana rü tá yexeraxü̃ i cua̱x tüxna naxã. Natürü yíxema tama naga ĩnüxe i ngẽma ore, rü woo ngẽma cua̱x i nagu tarüxĩnüxü̃ nax tüxü̃́ nangẽxmaxü̃ rü tá tüxna nanayaxu —ñanagürü.

Gálatas 6:3

Rü ngẽxguma texé nagu rüxĩnügu nax tachigacü tixĩxü̃, rüẽ̱xna woo taxuxü̃machire̱x tixĩxgu, rü tügütama tawomüxẽxẽ.

Ucu̱xẽgüchiga 14:12

Nangexma i nacümagü i taxca̱x mexü̃ nax nagu ixũxü̃, natürü ngẽma iyacuáxü̃wa rü yu nixĩ.

Wenaxarü naxümatü ga Tupanaarü mugü 11:16

Natürü name nixĩ i pexuãẽgü nax tama texé pexü̃ womüxẽẽxü̃ nax Tupanana pixĩgachixü̃ca̱x rü tomare i tupanagüxü̃ picua̱xüü̃güxü̃ca̱x rü nape̱xegu pecaxã́pü̱xügüxü̃ca̱x.

Gálatas 2:6

Natürü yema yaxõgüxü̃arü ãẽ̱xgacügü ga Yerucharéü̃wa yexmagüxü̃ rü yexguma nüxü̃ naxĩnüegu ga yema chorü ngu̱xẽẽtae, rü namaxã nataãẽgü rü taxuxü̃ma ga ta̱xacü ga togü ga mugü choxna naxãgü nax namaxã changúexẽẽtaexü̃ca̱x. (Natürü tama yema nax ãẽ̱xgacügü yixĩgüxü̃gu charüxĩnü, erü nüxü̃ chacua̱x nax Tupanape̱xewa rü guxãma wüxiguxü̃.)

Ore i mexü̃ ga Márcu ümatüxü̃ 7:7

Rü taxuwama name nax choxü̃ yacua̱xüü̃güxü̃. Erü guxü̃ma i ngẽma norü ngu̱xẽẽtae rü yatügüarü mugümare nixĩgü”, ñaxü̃.

Ichaía 44:20

Rü taxuwama name i norü ĩnü i ngẽma duü̃xü̃gü i nügü womüxẽẽgüxü̃ namaxã i wüxi i ĩnü i doramare ixĩxü̃. Rü ngẽma duü̃xü̃gü rü taxucürüwa nügütama ínanguxü̃xẽxẽ nawa i ngẽma nagu naxĩnüexü̃. Rü tama nüxü̃ nacua̱xgüéga nax ngẽma naxchicüna̱xãgü i naxügüxü̃ rü nüxü̃ yacua̱xüü̃güxü̃ rü doramare nax yixĩxü̃.

Ucu̱xẽgüchiga 21:26

Nüma i ngẽma oxü̃, rü wüxichigü i ngunexü̃gu rü toguxearü ngẽmaxü̃gü rü nüxü̃́ nangúchaü̃. Natürü ngẽma duü̃xü̃ i aixcüma mexü̃gu rüxĩnüxü̃, rü toguxexü̃ narüngü̃xẽxẽ rü tama naxaü.

1 Corintios 15:2

Rü ngẽma oregagu nixĩ i pexü̃́ nangẽxmaxü̃ i maxü̃ i taguma gúxü̃, ega aixcüma guxü̃guma peyaxõgügu. Natürü ngẽxguma tama guxü̃guma peyaxõgügu, rü natüca̱xmamare nixĩ i ngẽma perü õ.

Ore i mexü̃ ga Matéu ümatüxü̃ 15:9

Rü taxuwama name nax choxü̃ yacua̱xüü̃güxü̃. Erü guxü̃ma i norü ngu̱xẽẽtae rü yatügüarü mugümare nixĩ rü tama aixcüma chorü mu nixĩ”, ñaxü̃ —ñanagürü ga Ngechuchu.

Maraquía 3:14

Rü ñaa nixĩ i ngẽma nüxü̃ pixuxü̃: “Taxuwama name i Tupanaaxü̃́ nax ipuracüexü̃. ¿Rü ta̱xacürü mexü̃ tayaxu i ngẽxguma naxü̱xgu i ngẽma nüma tüxü̃ namuxü̃? ¿Rü ta̱xacüwa tüxü̃́ name nax ingechaü̃güxü̃ ega ta̱xacürü chixexü̃ ixügügu nape̱xewa ya Cori ya Tupana ya Guxãétüwa Ngẽxmacü?

Ichaía 1:13

Rü tama chanaxwa̱xe i ãmaregü i taxuwama mexü̃ cha̱u̱xca̱x nua pena, erü choma rü marü tama yáxna namaxã chaxĩnü i ngẽma naema i perü ãmaregü ípeguxü̃. Rü pemax rü duü̃xü̃güna pexu nax penaxüchigaxü̃ca̱x ya tauemacü ya ngexwaca ngócü rü ñu̱xũchi ngü̃xchigaarü ngunexü̃. Natürü choma rü tama namaxã chataãxẽ i duü̃xü̃gü i chixexü̃gu maxẽxü̃güarü petagü.

1 Corintios 15:15

Rü ngẽxguma chi ngẽmaãcü yixĩxgu, rü toma i Tupanaarü orearü uruü̃gü rü dorata̱a̱xgüxü̃ tixĩgü. Erü nüxü̃ tixu nax Tupana Cristuxü̃ wena maxẽẽxü̃. Rü ngẽxguma chi tama aixcüma yixĩxgu nax wena namaxẽxü̃ i yuexü̃, rü chi wüxi i doramare nixĩ nax Tupana Cristuxü̃ wena maxẽẽxü̃.

Ucu̱xẽgüchiga 16:10

Ngẽma poxcu i ãẽ̱xgacü ueguxü̃ rü Tupanawa ne naxũ. Rü ngẽmaca̱x tama ínatü ega texémaxã poxcu naxuegugu.

Ucu̱xẽgüchiga 15:2

Ngẽma naãẽxü̃ cua̱xgüxü̃ã̱xwa, rü ínaxũxũ i mexü̃ i ore i cua̱x nawa ngẽxmaxü̃, natürü ngẽma naechitamare maxẽxü̃ã̱xwa, rü ínaxũxũ i ore i chixexü̃.

Wiyaegü 32:9

Rü tama name nax ñoma cowarurüxü̃ rüe̱xna ñoma mularüxü̃ quixĩxü̃ nax tama cuãẽxü̃ cucuáxü̃, rü ñu̱xmata ütü̱xünaguca̱x cuwáxü̃ nax mea namagu quixũxü̃ca̱x —ñacugürü choxü̃.

Popera ga Chantiágu ümatüxü̃ 2:20

Pa Yatüx, tama name nax wüxi i duü̃xü̃ i tama naãxẽxü̃ cuáxü̃ quixĩ. ¿Tama ẽ̱xna nüxü̃ cucua̱x rü ngẽxguma cuyaxõmaregu, rü tama mexü̃ cuxü̱xgu, rü taxuwama name i ngẽma curü õ?

Gálatas 3:4

¿Ẽ̱xna natüca̱xmamare nixĩ ga yema mexü̃ ga Tupana pexca̱x üxü̃? Rü chierüx tama natüca̱xmamare yixĩxgu ga yema.

Gálatas 2:9

Rü yemaca̱x ga Chantiágu rü Pedru rü Cuáü̃ ga yaxõgüxü̃arü ãẽ̱xgacügü, rü nüxü̃ nicua̱xãchigü nax choxü̃ naxunetaxü̃ ga Tupana nax chanaxüxü̃ca̱x i norü puracü. Rü yemaca̱x ga yema ãẽ̱xgacügü, rü toxme̱x niyauxãchigü ga choma rü Bernabé nax toxü̃ nüxü̃ nadauxẽẽgüxü̃ca̱x nax aixcüma namücügü tixĩgüxü̃ i Tupanaarü puracüwa. Rü nümagü rü ta norü me nixĩ nax ngẽma duü̃xü̃gü i tama Yudíugü ixĩgüxü̃tanüwa nax tanaxüxü̃ i Tupanaarü puracü rü nümagü i Yudíugütanüwa.

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

Yox 15:13

¿Rü tü̱xcüü̃ Tupanamaxã cunu rü ngẽmaca̱x tama cuxãne nax nape̱xewa naxca̱x quidexaxü̃ i ngẽma cuxca̱x ínguxü̃?

Yox 30:11

Rü ñu̱xmax nax Tupana choxna nayaxuxü̃ i chorü pora, rü duü̃xü̃güpe̱xewa choxü̃ naxãnexẽẽxü̃ rü ngẽmaca̱x taxúema choxü̃ tangechaü̃.