Popera ga Chantiágu ümatüxü̃ 1:25 - Tupanaarü Ore

²⁵ Natürü yíxema mea nawa ngúxe rü naga ĩnüxe i ngẽma ore i aixcüma ixĩxü̃ i pecaduwa tüxü̃ ínguxuchixẽẽxü̃, rü ngẽxguma tayangu̱xẽẽgu i ngẽma ore nüxü̃ ixuxü̃, rü Tupana tá tüxü̃ narüngü̃xẽxẽ.

Popera ga Chantiágu ümatüxü̃ 1:25 Referans Kwoze

Ore i mexü̃ ga Luca ümatüxü̃ 11:28

Natürü ga Ngechuchu rü ñanagürü: —Yexeraãcü tataãxẽgü ya yíxema nüxü̃ ĩnüexe i Tupanaarü ore rü naga ĩnüexe —ñanagürü.

Ore i mexü̃ ga Cuáü̃ ümatüxü̃ 13:17

Rü ngẽxguma nüxü̃ pecua̱xgu i chorü ore rü penaxü̱xgu i ngẽma pemaxã nüxü̃ chixuxü̃, rü aixcüma tá petaãẽgü.

Nüxíraxü̃xü̃ ga popera ga Pedru ümatüxü̃ 2:16

Rü ñu̱xma nax Cristu pexü̃ ínguxü̃xẽẽxü̃, rü name nixĩ i duü̃xü̃gü i aixcüma ínguxü̃xü̃rüü̃ãcü mea pemaxẽ. Natürü ñu̱xma nax ípenguxü̃xü̃ rü tama name nax ngẽmamaxã pegü ípepoxü̃xü̃ nax ta̱xacürü chixexü̃ pexügüxü̃ca̱x. Erü ñu̱xma nax Tupanaarü duü̃xü̃gü pixĩgüxü̃, rü name nixĩ i norü ngúchaü̃ pexügü.

Popera ga Chantiágu ümatüxü̃ 2:12

Rü ngẽmaca̱x name nixĩ nax mea pidexagüxü̃ rü mea pemaxẽxü̃. Erü nüma ya Tupana rü ngẽma mugü i pecaduna tüxü̃ ínanguxü̃xẽẽxü̃maxã tá tüxna naca i tórü maxü̃chiga.

Gálatas 5:1

Rü ñu̱xma ya Cristu rü marü tüxü̃ ínanguxü̃ẽxẽ nax tama ngẽma mugütüü̃wa ingexmagüxü̃ca̱x. Rü ngẽmaca̱x name nixĩ i pegüna pedaugü nax tama wena natüü̃wa pegü pengẽxmagüxẽẽxü̃ca̱x i ngẽma mugü.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:16

¡Naxuãxẽ rü mea cugüna nadau rü mea nangúexẽxẽ i ngẽma ore rü mea naxüama i ngẽma puracü ya Tupana nagu cuxü̃ muxü̃! Erü ngẽxguma mea cunaxü̱xgu i ngẽma puracü, rü tá cunayaxu i maxü̃ i taguma gúxü̃ rü ngẽma cuxü̃́ irüxĩnüexü̃ rü tá ta nanayauxgü i ngẽma maxü̃.

2 Corintios 13:5

Rü name nixĩ i pegütama pengugü nax nüxü̃ pecuáxü̃ca̱x rü aixcüma mea peyaxõgü. Rü name nixĩ i pegü pengugüarü maxü̃ã̱x rü aixcüma Tupanape̱xewa pime. ¿Tama ẽ̱xna nüxna pecua̱xãchie nax Ngechuchu ya Cristu rü pewa nangẽxmaxü̃ ega tama perüyixgu i perü õwa i ngẽxguma guxchaxü̃ pexca̱x ínguxgu?

Romanos 11:22

Dücax, aixcüma namecüma ya Tupana. Natürü tama tüxü̃ naxüpetümare ya yíxema tama naga ĩnüxe. Rü nanapoxcue ga yema chixexü̃gu yixü̃, natürü pemaxã namecüma i pema ega naga pexĩnüegu rü aixcüma nüxü̃́ peyaxõgügu. Natürü ngẽxguma tama peyaxõgüechagu rü tama nüma naxwa̱xexü̃ãcüma pemaxẽgu, rü nüma rü pexü̃ rü tá ta naxo.

Ucu̱xẽgüchiga 14:15

Ngẽma duü̃xü̃ i naechitamare maxü̃xü̃, rü nayaxõ i guxü̃ma i ngẽma togü namaxã nüxü̃ ixumarexü̃. Natürü yimá naãẽxü̃ cuácü, rü mea nanangugü i ngextá ínaxũxü̃wa.

Romanos 8:15

Yerü pema rü tama penayauxgü ga wüxi ga naãxẽ i pexü̃ muü̃ẽẽxü̃. Natürü yema Naãxẽ ga peyauxgüxü̃ rü Tupanaxacügü pexü̃ nixĩgüxẽxẽ. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax Tupanaxü̃ ñagüxü̃: “Pa Papax”, ñagüxü̃ nüxü̃.

Gálatas 2:4

Natürü nayexma ga ñuxre ga taenexẽgüneta ga bexmamare totanügu chocuxü̃. Rü yemagü nixĩ ga naxwa̱xegüxü̃ nax ínawíü̃cha̱xmüü̃pe̱xechiraü̃xü̃ i ngẽma yaxõgüxü̃ i tama Yudíugü ixĩgüxü̃. Yerü nanangugüchaü̃ rü aixcüma yixĩ nax Cristu nüxna tüxü̃ ínguxü̃xẽẽxü̃ ga yema mugü ga Moiché ümatüxü̃. Rü nanaxwa̱xegü nax wenaxarü nagu ixĩxü̃ ga yema mugü ga guxchaxü̃ ga Moiché ümatüxü̃.

Ore i mexü̃ ga Cuáü̃ ümatüxü̃ 8:36

Rü ngẽxguma Tupana Nane pecaduna pexü̃ ínanguxü̃xẽẽgu, rü aixcüma tá nüxna ípenguü̃.

Wiyaegü 106:3

Rü tataãxẽgü ya yíxema aixcüma mexü̃gu rüxĩnüexe rü naxügüxe i ngẽma aixcüma we̱xguxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:13

Rü ñu̱xũchi nüxü̃ chaxĩnü ga wüxi ga naga ga daxũguxü̃ ga naanewa inaxũxü̃ ga ñaxü̃ choxü̃: “¡Naxümatü i ñaa ore i tá cumaxã nüxü̃ chixuxü̃! Rü ñu̱xmaü̃cüü tá tataãẽgü ya yíxema tórü Coriaxü̃́ mea yaxõgüãcüma yuexe. Erü Tupanaãxẽ ya Üünecü rü ñanagürü: ‘Ngü̃, ngẽmáacü tá tataãẽgü ya yíxema, erü tá itarüngüe nüxna i tümaarü puracügü. Rü ngẽma mexü̃ i taxügüxü̃ rü tümamaxã wüxigu daxũguxü̃ i naanewa tá naxũ’ ”, ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:15

Rü ngẽma ngexü̃gü rü ngẽxguma naxãxãcügügu rü tá inayauxgü i maxü̃ i taguma gúxü̃ ega mea ngĩxacügümaxã inacua̱xgügu, rü aixcüma yaxõgüãgu, rü aixcüma duü̃xü̃güxü̃ nangechaü̃gu rü mea Tupanape̱xewa namaxẽgu.

Romanos 7:12

Natürü yema mugü rü aixcüma naxüüne i Tupanape̱xewa. Rü guxü̃ma i ngẽma Tupana tamaxã nüxü̃ ixuxü̃ rü naxüüne rü nixaixcüma rü name.

Ngechuchuarü ngúexü̃gü ga yamugüxü̃arü puracüchiga 26:22

Natürü Tupana choxü̃ narüngü̃xẽxẽ rü ngẽmaca̱x taguma íchayachaxãchi nax guxü̃ma i duü̃xü̃gümaxã nüxü̃ chixuxü̃ i Tupanaarü ore rü woo buxü̃ rü yáxü̃. Rü namaxã nüxü̃ chixu ga yema ore ga nũxcümaü̃güxü̃ ga Tupanaarü orearü uruü̃gü rü Moiché nüxü̃ ixugüxü̃ nax ngúxü̃ tá yangexü̃ ya Cristu rü tá nax nayuxü̃, natürü yemawena rü nüma tá yixĩxü̃ ga nüxíra yuwa ínadaxü̃ nax tatanüxü̃ i Yudíugümaxã rü ngẽma to i duü̃xü̃gü i tama Yudíugü ixĩgüxü̃maxã nüxü̃ yaxuxü̃ca̱x i ore i tüxü̃ maxẽxẽẽxü̃. Rü taguma tomare ga ore duü̃xü̃gümaxã chixu —ñanagürü ga Pauru.

Ngechuchuarü ngúexü̃gü ga yamugüxü̃arü puracüchiga 13:43

Rü yexguma marü nüxü̃ nachauegu nax nangutaque̱xegüxü̃, rü Pauruwe rü Bernabéwe narüxĩ ga muxü̃ma ga Yudíugü rü muxü̃ma ga togü ga duü̃xü̃gü ga tama Yudíugü ixĩgüxü̃ natürü Yudíugürüxü̃ Tupanaaxü̃́ yaxõgüxü̃. Rü Pauru rü Bernabé rü namaxã nidexagü rü nayaxucu̱xẽgü nax tama nüxü̃ naxoexü̃ca̱x nax nagu naxĩxü̃ ga yema Tupanaarü ngechaü̃.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

Ngechuchuarü ngúexü̃gü ga yamugüxü̃arü puracüchiga 2:42

Rü yema yexwacax yaxõgüxü̃ rü guxü̃guma inarüxĩnüe ga yema ngúexü̃gü ga Ngechuchu imugüxü̃arü ngu̱xẽẽtae. Rü mea nügümaxã nangaugü ga norü yemaxü̃gü. Rü guxü̃guma nayumüxẽgüxü̃ rü chibüca̱x nangutaque̱xegüxü̃.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Wiyaegü 119:45

Rü ngẽmaãcü taxuca̱xtama ta̱xacüca̱x chamuü̃, erü naga chaxĩnü i ngẽma curü mugü.

Wiyaegü 119:32

Rü pora chaxü nax ngẽmaãcü chayanguxẽẽxü̃ca̱x i curü mugü erü cuma rü taãẽmaxã cunapaxẽxẽ i chorü maxü̃. -5-

1 Chamué 12:14

Rü ñu̱xma i pema rü name nixĩ i aixcüma Cori ya Tupanaxü̃ pengechaü̃gü, rü nüxü̃ picua̱xüü̃gü rü naga pexĩnüe rü tama nüxü̃ perüngümae i norü mugü. Rü wüxigu namaxã ya yimá perü ãẽ̱xgacü rü penaxwa̱xe ya Tupana naxwa̱xexü̃ãcüma pemaxẽ. Rü ngẽxguma ngẽmaãcü penaxü̱xgu rü guxü̃táma mea nixũ.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:14

Rü tataãẽgü ya guxãma ya yíxema ya mexẽẽgüxe i tümaarü maxü̃ ñoma tügü tiyauxgüchiruxü̃rüxü̃ nax Tupanape̱xewa timexü̃ca̱x nax yima ĩanearü ĩã̱xwa tichocuxü̃ca̱x rü nüxü̃ tangõ̱xnetagüxü̃ca̱x i ngẽma norü o i ngẽma nai i maxẽẽruxü̃.

Nüxíraxü̃xü̃ ga popera ga Cuáü̃ ümatüxü̃ 2:24

Rü ngẽmaca̱x name nixĩ i peyaxõgüama i ngẽma ore ga noxri nüxü̃ pexĩnüexü̃. Rü ngẽxguma peyaxõgüamagu i ngẽma ore ga noxri nüxü̃ pexĩnüexü̃, rü aixcüma Tanatü ya Tupanaarü rü Nane ya Ngechuchuarü duü̃xü̃gü pixĩgü.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Romanos 2:13

Erü tama Tupanape̱xewa nime i ngẽma duü̃xü̃gü i nüxü̃ ĩnüemarexü̃ natürü tama nagu maxẽxü̃ i norü mugü. Natürü ngẽma duü̃xü̃gü i Tupanaarü mugüga ĩnüexü̃ nixĩ i aixcüma Tupanape̱xewa imexü̃.

Romanos 8:2

Erü Tupanaãxẽ ya Üünecü ya Ngechuchu ya Cristugagu tüxü̃ maxẽxẽẽxü̃, rü nüxna tüxü̃ ínanguxü̃xẽxẽ i pecadu nax tama yuwa tüxü̃ nagagüxü̃ca̱x.

Gálatas 6:2

¡Rü ngẽxguma texé petanüwa guxchaxü̃gü tüxü̃́ ngẽxmagu, rü pegü perüngü̃xẽxẽgü! Erü ngẽmaãcü tá peyangu̱xẽxẽ i ngẽma Cristu pexü̃ muxü̃.