Popera ga Chantiágu ümatüxü̃ 1:19 - Tupanaarü Ore

¹⁹ Rü guxãma i pemax, Pa Chauenexẽgü ya Pexü̃ Changechaü̃güxe, rü ngẽxguma texé pemaxã idexagu, rü name nixĩ i mea iperüxĩnüe. Rü tama name i penue rü tüxü̃ pechoxü̃gagü.

Popera ga Chantiágu ümatüxü̃ 1:19 Referans Kwoze

Ucu̱xẽgüchiga 17:27

Yíxema cua̱x tüxü̃́ ngẽxmaxe, rü tama tamuarü orexã̱x. Rü yíxema tümaãẽxü̃ cuáxe, rü tama tanuxwa̱xe, rü yáxna taxĩnü.

Ucu̱xẽgüchiga 21:23

Yíxema tügüna dauxe i tümaarü dexawa, rü taxũtáma guxchaxü̃gu tangu.

Ucu̱xẽgüchiga 14:29

Ngẽma nax yáxna ixĩnüwa̱xexü̃, rü ngẽmawa itanawe̱x nax cua̱x tüxü̃́ ngẽxmaxü̃, rü ngẽma nax tama yáxna ixĩnüwa̱xexü̃. Rü ngẽmawa itanawe̱x nax tama cua̱x tüxü̃́ ngẽxmaxü̃.

Ucu̱xẽgüchiga 10:19

Ngẽma poraãcü idexaechaxü̃ rü poraãcü chixexü̃ naxü, natürü yíxema cua̱x tüxü̃́ ngẽxmaxẽ, rü nüxna tadau ya tümaarü conü.

Ucu̱xẽgüchiga 18:13

Tama taãẽxü̃ tacua̱x rü wüxi i ãne nixĩ ega yaxtacüma tüxü̃ ichoxü̃gagu ya wüxi ya duü̃xẽ naxü̃pa nax nüxü̃ ixĩnüxü̃ i tümaarü dexa.

Ucu̱xẽgüchiga 13:3

Yíxema tümaarü conüna dauxe, rü tügünatama tadau. Natürü ngẽma idexaechaxü̃, rü nügütama inayarütauxẽxẽ.

Ucu̱xẽgüchiga 16:32

Ngẽma nax yigü írüporaxü̃arü yexera narümemae nax yáxna namaxã ixĩnüxü̃ i guxchaxü̃gü. Rü ngẽma nax ĩanegü yigüme̱xẽwa ingexmagüxẽẽxü̃arü yexera narümemae nax yigünatama ichogüxü̃.

Efesios 4:26

Rü ngẽxguma ta̱xacüca̱x penúxgu rü ¡pegüna pedaugü nax tama pecadu pexüxü̃ca̱x! Rü name i ngẽmatama ngunexü̃gu perüngüxmü naxü̃pa nax yanaxücuxü̃ ya üa̱xcü.

Ucu̱xẽgüchiga 15:18

Texé ya nuwa̱xexe, rü dai ítanguxẽxẽ. Natürü yíxema mecümaxe, rü itanaxoxẽxẽ i nu.

Colosenses 3:8

¡Natürü i ñu̱xma rü nüxü̃ perüxoe i guxü̃ma i ngẽma nax pegüchi pexaiexü̃, rü pegümaxã penuexü̃, rü chixexü̃gu pemaxẽxü̃, rü pegümaxã peguxchigagüxü̃, rü guxü̃ma i ngẽma chixexü̃ i dexa i nüxü̃ pixuxü̃!

Efesios 4:31

¡Rü nüxü̃ perüxoe nax nagu perüxĩnüexechaxü̃ ega texé ta̱xacürü chixexü̃ pexca̱x uxgux! Rü ngẽxgumarüxü̃ ta name nixĩ nax nüxü̃ perüxoexü̃ nax pegüchi pexaiexü̃, rü pegümaxã penuexü̃, rü pegü nax pengaexü̃, rü pegümaxã peguxchigagüxü̃. Rü ngẽmaãcü name nax nüxü̃ perüxoexü̃ i guxü̃ma i ngẽma chixexü̃ i dexagü.

Ucu̱xẽgüchiga 18:21

Yimá tórü conü nüxü̃ ixuxü̃ i oregagu nixĩ nax imaxẽxü̃ rüe̱xna iyuexü̃. Rü yíxema idexaxüchixe rü tümaarü oregagu ngúxü̃ tinge.

Colosenses 3:15

Rü name nixĩ nax pewa nangẽxmaxü̃ i ngẽma taãxẽ i Cristu pexna ãxü̃ nax ngẽmaãcü aixcüma pegü pengechaü̃güxü̃ca̱x. Yerü yemaca̱x nixĩ ga Tupana pexü̃ dexü̃ nax wüxitama i duü̃xü̃gü pixĩgüxü̃ca̱x rü mea wüxigu perüxĩnüexü̃ca̱x. Rü name nixĩ i Tupanana moxẽ pexãgü.

Ucu̱xẽgüchiga 19:11

Wüxi i duü̃xü̃ i naãẽxü̃ cuáxü̃, rü yáxna namaxã naxĩnü ega texé namaxã nuxgu. Rü ngẽma naãẽxü̃ cuáxü̃ rü mexü̃ naxü i ngẽxguma nüxü̃ iyanangümagu i ngẽma guxchaxü̃gü i togü naxca̱x ügüxü̃.

Ucu̱xẽgüchiga 15:2

Ngẽma naãẽxü̃ cua̱xgüxü̃ã̱xwa, rü ínaxũxũ i mexü̃ i ore i cua̱x nawa ngẽxmaxü̃, natürü ngẽma naechitamare maxẽxü̃ã̱xwa, rü ínaxũxũ i ore i chixexü̃.

Ucu̱xẽgüchiga 25:28

Yimá ĩane ya ngearü poxegune rü ãũcümaxü̃wa nangẽxma. Rü ngẽxgumarüxü̃ tixĩ ya yíxema tama tügüna dauxe i tümacümawa.

Ucu̱xẽgüchiga 14:17

Ngẽma nuwa̱xexü̃ rü naechitamare namaxü̃ rü chixexü̃ naxü. Natürü yíxema tümaãẽxü̃ cuáxe rü yáxna namaxã taxĩnü i ngẽxguma guxchaxü̃gü tümaca̱x ínguxgu.

Ore i mexü̃ ga Matéu ümatüxü̃ 5:22

Natürü choma rü pemaxã nüxü̃ chixu rü texé ya tümaenexẽmaxã nuxẽ, rü tá tapoxcu. Rü texé ya chixexü̃ tümaenexẽmaxã ixugüxe, rü ãẽ̱xgacügüpe̱xewa tá tüxü̃ nagagü nax tüxü̃ napoxcuxü̃ca̱x. Rü texé ya tümaenexẽmaxã naxueguxe nax tayamáxchaü̃xü̃, rü tá tapoxcu nagu ya yimá üxü ya taguma ixoxü̃ne.

Ucu̱xẽgüchiga 17:14

Ñoma natü inagoxü̃chíüxü̃rüxü̃ nixĩ i ngẽma nu i ixügüxü̃. Rü narümemae nixĩ i paxa nüxna tixũgachi i ngẽma nu naxü̃pa nax nayexeraxü̃.

Popera ga Chantiágu ümatüxü̃ 1:26

Rü ngẽxguma chi wüxíe tügü ixuxgu nax wüxi i ore i mexü̃ tixõxü̃ natürü tama nüxna tada̱u̱xgu ya tümaarü conü, rü tügütama tawomüxẽxẽ rü taxuwama name i ngẽma ore i tixõxü̃.

1 Tesalonicenses 2:13

Rü ngẽmaca̱x guxü̃guma Tupanana moxẽ taxã, yerü yexguma noxri nüxü̃ pexĩnüegu ga yema norü ore ga pemaxã nüxü̃ tixuxü̃, rü mea penayauxgü, yerü nüxü̃ pecua̱xgü rü aixcüma Tupanaarü ore nixĩ rü tama duü̃xü̃güarü oremare nixĩ. Rü yema Tupanaarü ore nixĩ ga naxüchicüüxü̃ ga perü maxü̃ i pema nax peyaxõgüxü̃.

Neemía 9:17

Rü tama cuga naxĩnüechaü̃, rü bai ga nüxna nax nacua̱xãchiexü̃ ga yema taxü̃ ga mexü̃gü ga nape̱xewa cuxüxü̃. Rü poraãcü ínayataitüarü maxü̃neã̱xgü rü cumaxã nanue, rü yemaca̱x nagu narüxĩnüe nax norü ãẽ̱xgacüxü̃ naxunetagüxü̃ nax yemamaxã Equítuaneca̱x nawoeguxü̃ca̱x rü wenaxarü Equítutanüxü̃me̱xẽwa nayexmagüxü̃ca̱x. Natürü i cuma rü Tupana ya ngechaü̃wa̱xecü quixĩ, rü mecümacü quixĩ, rü ngüxmüwa̱xecü quixĩ rü yáxna ĩnücü quixĩ, rü tama paxa cunu rü yemaca̱x nixĩ ga tama yéma cunawogümarexü̃.

Ngechuchuarü ngúexü̃gü ga yamugüxü̃arü puracüchiga 17:11

Rü yema togü ga Yudíugü ga Techarónicawa yexmagüxü̃arü yexera narümemaegü ga yema Yudíugü ga Beréacüã̱x. Rü norü ngúchaü̃maxã meama nanayauxgü ga yema ore. Rü guxü̃ ga ngunexü̃gu rü Tupanaarü ore ga ümatüxü̃wa nangúe nax mea nüxü̃ nacua̱xgüxü̃ca̱x rü aixcüma yixĩ ga yema ore ga Pauru rü Chíra namaxã nüxü̃ ixugüxü̃.

Ore i mexü̃ ga Luca ümatüxü̃ 19:48

Natürü taxucürüwa ta̱xacü namaxã naxügü, yerü guxü̃ma ga duü̃xü̃gü rü namaxã nataãẽgü, rü mea inarüxĩnüe ga norü ore.

Ucu̱xẽgüchiga 19:19

Yíxema nuechaxe, rü tá tapoxcu. Natürü ngẽxguma poxcuwa tüxü̃ ícunguxuchixẽẽgu, rü tá yexera chixexü̃ taxü.

Ngechuchuarü ngúexü̃gü ga yamugüxü̃arü puracüchiga 10:33

Rü yemaca̱x rü yexgumatama paxa cuxca̱x yéma chanamugü, rü cuma rü mexü̃ toxca̱x cuxü erü núma cuxũ. Rü ñu̱xma i guxãma i toma rü Tupanape̱xewa tangexmagü. Rü nüxü̃ taxĩnüechaü̃ i guxü̃ma i ngẽma ore i Cori namaxã núma cuxü̃ muxü̃ nax tomaxã nüxü̃ quixuxü̃ca̱x —ñanagürü ga Cornériu.

Ngechuchuarü ngúexü̃gü ga yamugüxü̃arü puracüchiga 2:42

Rü yema yexwacax yaxõgüxü̃ rü guxü̃guma inarüxĩnüe ga yema ngúexü̃gü ga Ngechuchu imugüxü̃arü ngu̱xẽẽtae. Rü mea nügümaxã nangaugü ga norü yemaxü̃gü. Rü guxü̃guma nayumüxẽgüxü̃ rü chibüca̱x nangutaque̱xegüxü̃.

Ore i mexü̃ ga Luca ümatüxü̃ 15:1

Rü Ngechuchuca̱x naxĩ ga muxü̃ma ga duü̃xü̃gü ga Rómaarü ãẽ̱xgacüca̱x diẽru ngĩxü̃ ideetanüxü̃, rü duü̃xü̃gü ga chixexü̃ ga nacümagu ĩxü̃, yerü nüxü̃ naxĩnüechaü̃ ga norü ore.

Neemía 9:3

Rü nachicagutama nachigüãcüma tomaepü̱x ga ora ningegü ga nüxü̃ nax naxĩnüexü̃ ga Cori ya Tupanaarü mugü. Rü naétü to ga tomaepü̱x ga ora ningegü ga Tupanamaxã nüxü̃ nax yaxugüexü̃ ga norü chixexü̃gü rü Tupanaxü̃ nax yacua̱xüü̃güxü̃.

Nüxíraxü̃xü̃ ga popera ga Cuáü̃ ümatüxü̃ 2:21

Rü tama nax tama nüxü̃ pecuáxü̃ i ngẽma ore nixĩ i pexca̱x chanaxümatüxü̃. Rü pema rü marü meama nüxü̃ pecua̱x i ngẽma ore i aixcüma ixĩxü̃, rü ngẽmaca̱x nixĩ i pexca̱x chanaxümatüxü̃. Rü pema nüxü̃ pecua̱x rü ngẽma ore i aixcüma ixĩxü̃wa rü taxucürüwama dora nawa ne naxũ.

Ngechuchuarü ngúexü̃gü ga yamugüxü̃arü puracüchiga 13:48

Rü yexguma yema orexü̃ naxĩnüegu ga yema duü̃xü̃gü ga tama Yudíugü ixĩgüxü̃, rü nataãẽgü rü ñanagürügü: —Namexẽchi nixĩ i ñaa Cori ya Tupanaarü ore —ñanagürügü. Rü nayaxõgü ga guxü̃ma ga yema duü̃xü̃gü ga Tupana marü nüxü̃ unetaxü̃ nax nayauxgüãxü̃ca̱x i maxü̃ i taguma gúxü̃.

Ore i mexü̃ ga Márcu ümatüxü̃ 12:37

¿Natürü ñuxũcürüwa i Dabítaxa yixĩxü̃ ya Cristu, ega nümatama ga Dabí, rü norü Corimaxã naxuãgu? —ñanagürü. Rü yema muxü̃ma ga duü̃xü̃gü ga yéma yexmagüxü̃, rü taãẽãcüma Ngechuchuaxü̃́ inarüxĩnüe.

Neemía 8:18

Rü 7 ga ngunexü̃ nanaxüchigagü ga yema düxenügüarü peta. Rü wüxichigü ga yema 7 ga ngunexü̃gu rü nüma ga Édra rü duü̃xü̃gümaxã nüxü̃ nadaumatü ga yema Tupanaarü mugü. Rü yexguma norü 8 ga ngunexü̃wa nanguxgu rü duü̃xü̃gümaxã nanaxü ga wüxi ga taxü̃ ga ngutaque̱xe nax Tupanaxü̃ yacua̱xüü̃güxü̃ca̱x, yema Tupanaarü mugüpane nüxü̃ ixuxü̃rüxü̃.

Iraétanüxü̃arü muxchiga 22:27

Rü yema búru rü wenaxarü nüxü̃ nadau ga yema Tupanaarü orearü ngeruxü̃ i daxũcüã̱x, rü yemaca̱x narüñuãchi yerü taxuwama naxüpetüéga. Rü yexguma ga Balaáü̃ rü nanu, rü poraãcü nanacua̱xi.

Ucu̱xẽgüchiga 29:20

Ngẽma tama naãẽxü̃ cuáxü̃arü yexera nixĩ i tama inaxĩnüxü̃ i ngẽma naechitamare idexaxü̃.

Ngechuchuarü ngúexü̃gü ga yamugüxü̃arü puracüchiga 1:15

Rü yema ngunexü̃gügu ga yexguma nangutaque̱xegügu ga yema yaxõgüxü̃ ga maneca 120 ixĩgüxü̃ rü Pedru rü inachi ga norü ngãxü̃tanüwa, rü ñanagürü:

Popera ga Chantiágu ümatüxü̃ 1:2

Pa Chauenexẽgü i Yaxõgüxü̃x, name nixĩ nax petaãẽgüxü̃ i ngẽxguma naguxü̃raü̃xü̃ i guxchaxü̃gü pexca̱x ínguxgu.

Popera ga Chantiágu ümatüxü̃ 1:16

Pa Chauenexẽgü ya Pexü̃ Changechaü̃güxe, tama name i pegü ipexã nax texé pexü̃ womüxẽẽxü̃ca̱x.

Popera ga Chantiágu ümatüxü̃ 2:1

Pa Chauenexẽgüx, pema rü nüxü̃́ peyaxõgü ya tórü Cori ya Ngechuchu ya Cristu ya üünecü. Rü ngẽmaca̱x tama name nax chixri penayaxuxü̃ i wüxi i duü̃xü̃ rü mea penayaxuxü̃ i to.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Popera ga Chantiágu ümatüxü̃ 3:10

Rü ngẽma taa̱xmaxã mexü̃ duü̃xü̃gümaxã taxuegu, rü ngẽmatama taa̱xmaxã chixexü̃ namaxã taxuegu. Pa Chauenexẽgüx, tama name nax ngẽmaãcü yixĩxü̃.

Popera ga Chantiágu ümatüxü̃ 4:11

Pa Chauenexẽgüx, ¡Taxṹ i chixexü̃maxã pegü pixugüxü̃! Erü yíxema chixexü̃maxã tümaenexẽchigagu idexáxe rüe̱xna chixexü̃maxã nüxü̃ dawenüxẽ, rü chixexü̃ nüxü̃ tawogü ta i Tupanaarü mugü. Rü ngẽxguma chixexü̃gu Tupanaarü mugümaxã curüxĩnügu, rü Tupanaarü mugüarü yexera cugü quixĩxẽẽchaü̃, rü tama aixcüma naga cuxĩnü.

Popera ga Chantiágu ümatüxü̃ 5:12

Rü guxü̃arü yexera, Pa Chauenexẽgüx, rü ngẽxguma ta̱xacüca̱x ipexunetagu, rü tama name i Tupanaégagu ipexuneta, rü ẽ̱xna ñoma i naaneégagu ipexuneta, rü ẽ̱xna ta̱xacü i to i naégagu ipexuneta. Rü ngẽxguma “Ngü̃”, ñapegügu rü name nax peyanguxẽẽxü̃. Rü ngẽxguma “Tama”, ñapegügu rü name nax peyanguxẽẽxü̃. Rü ngẽxguma ya Tupana rü taxũtáma pexü̃ napoxcue naxca̱x i ngẽma perü uneta.

Popera ga Chantiágu ümatüxü̃ 5:19

Pa Chauenexẽgüx, ngẽxguma chi texé petanüwa Tupanana ixũgachigu, rü tangexmagu ya wüxíe ya tüxü̃ taeguxexẽ́xẽ nax wenaxarü Tupanawe tarüxũxü̃ca̱x, rü mexü̃ taxü.

Yox 32:16

Natürü ñu̱xma nax tama cuxü̃ nangãxü̃güxü̃ rü choma rü taxũtáma changeã̱xmare nax cuxü̃ changãxü̃xü̃.