Popera ga Chantiágu ümatüxü̃ 1:18 - Tupanaarü Ore

¹⁸ Rü nüma nixĩ ga tüxna naxããxü̃ ga norü ore i aixcüma ixĩxü̃ nax ngẽmaãcü tüxü̃́ nangẽxmaxü̃ca̱x i maxü̃ i taguma gúxü̃. Rü yemaacü nanaxü yerü nanaxwa̱xe nax yixíra nüxü̃́ nax yaxõgüxü̃.

Popera ga Chantiágu ümatüxü̃ 1:18 Referans Kwoze

Nüxíraxü̃xü̃ ga popera ga Pedru ümatüxü̃ 1:23

Rü ñu̱xma i pemax, rü marü penayauxgü i ngexwaca̱xü̃xü̃ i perü maxü̃. Rü ngẽmaca̱x ñoma ngexwaca pebuexü̃rüxü̃ pixĩgü. Natürü ngẽma maxü̃ rü tama penatü rü peé ya yuewa̱xéxewa nixĩ i penayaxuxü̃. Natürü Tupanaarü ore i maxü̃xü̃ i taguma iyarüxoxü̃wa nixĩ i penayaxuxü̃.

Ore i mexü̃ ga Cuáü̃ ümatüxü̃ 1:13

Rü ñu̱xma rü Tupanaxacügü tixĩgü ya guxema yaxõgüxe. Rü tama ñoma ga naanewa nax tabuexü̃gagu nixĩ nax Tupanaxacügü tixĩgüxü̃ rü tama tümanatügüarü ngúchaü̃gagu nixĩ. Natürü i ñu̱xma rü Tupanaxacügü tixĩgü yerü Naneaxü̃́ tayaxõgü rü yemaca̱x ga Tupana rü naxacügüxü̃ tüxü̃ nixĩgüxẽxẽ.

Nüxíraxü̃xü̃ ga popera ga Pedru ümatüxü̃ 1:3

¡Rü ngĩxã nüxü̃ ticua̱xüxü̃gü ya Tupana ya tórü Cori ya Ngechuchu ya Cristu Nanatü! Yerü yexguma Ngechuchu ya Cristuxü̃ wena namaxẽẽgu, rü tüxna nanaxã ga maxü̃ ga yexwaca̱xüxü̃, yerü poraãcü nüxü̃́ tangechaü̃tümüü̃gü. Rü ngẽmaca̱x i ñu̱xma i yixema rü ta ítanangu̱xẽxẽ nax wena tá imaxẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:4

Rü yema nixĩ ga duü̃xü̃gü ga tama ñoma ga naanearü ngúchaü̃ i chixexü̃maxã nügü ãũãchiarü maxü̃ã̱xgüxü̃ rü tama nüxü̃ rüxoexü̃ nax Tupanaaxü̃́ yaxõgüãxü̃. Rü nümagü rü yimá Carnéruxacüwe narüxĩ i ngextá ínaxũxü̃wa. Rü yemagü nixĩ ga ñoma ga naanecüã̱xtanüwa nüxíra Tupanaaxü̃́ yaxõgüxü̃ rü gumá Carnéruxacüaxü̃́ yaxõgüxü̃ rü nayauxgüxü̃ i maxü̃ i taguma gúxü̃.

Yeremía 2:3

Rü pemax, Pa Iraétanüxü̃x, rü aixcüma chorü duü̃xü̃gü pixĩgü rü chaugu perüxĩnüe. Rü natanüwa ga guxü̃ma ga yema togü ga duü̃xü̃gütücumügü rü pema nixĩ i pexü̃ chadexü̃ ñoma rümemaexü̃ i nanetüarü orüxü̃. Rü yexguma texé chixexü̃ pemaxã uxgu, rü choma rü pexca̱x tüxü̃ chapoxcu rü tümaca̱x yéma chanamu ga guxchaxü̃gü. Rü chomatama ya Cori ya Tupana nixĩ i nüxü̃ chixuxü̃ i ngẽma ore” —ñanagürü.

Efesios 1:12

Rü yemaacü Tupana tamaxã nanaxuegu nax yixema i yixira Cristuaxü̃́ yaxõgüxe nüxü̃ icua̱xüü̃güxü̃ca̱x naxca̱x i norü pora i üünexü̃.

Nüxíraxü̃xü̃ ga popera ga Cuáü̃ ümatüxü̃ 3:9

Rü yíxema Tupanaxacü ixĩxẽ rü tama pecadu taxüecha, erü Tupanacüma tümawa nangẽxma. Rü taxuacüma pecadu taxüecha erü Tupanaxacü tixĩ.

Popera ga Yudíugü ga yaxõgüxü̃ca̱x ümatüxü̃ 12:23

Rü ñu̱xma i pemax, rü marü natanüxü̃ pixĩgü i guxü̃ma i ngẽma duü̃xü̃gü i noxri Tupanaarü poperawa ngo̱xégagüxü̃. Rü marü nüxna pengaicamagü ya Tupana ya Ãẽ̱xgacü ya Guxãnatáma ca̱xacü. Rü marü nüxna pengaicamagü i naãxẽgü ga yema duü̃xü̃gü ga mecümagüxü̃ ga yuexü̃ ga Tupana imexẽẽgüxü̃.

Popera ga Chantiágu ümatüxü̃ 1:21

Rü ngẽmaca̱x name nixĩ i nüxü̃ perüxoe i guxü̃ma i ngẽma chixexü̃gü i guxü̃wama ngẽxmagüxü̃. ¡Rü mea penayaxu i ngẽma ore i petanügu toxü̃! Erü ngẽma ore rü nüxü̃́ nangẽxma i pora nax pexü̃ namaxẽxẽẽxü̃ca̱x.

1 Corintios 4:15

Rü woo nangẽxmagu i 10,000 i perü ngu̱xẽẽruü̃gü i Cristuchiga pexü̃ ngúexẽẽxü̃, natürü chaxicatama nixĩ i penatü chixĩxü̃ i Tupanaarü orewa. Yerü chaxíra nixĩ ga pemaxã nüxü̃ chixuxü̃ ga Tupanaarü ore i mexü̃, rü chauxü̃tawa nixĩ ga penayaxuxü̃ ga Ngechuchu ya Cristu.

Romanos 4:17

Rü Tupanaarü ore i ümatüxü̃wa rü Abraáü̃chigaxü̃ nixu rü ñanagürü: “Muxü̃ma i duü̃xü̃günatü tá cuxü̃ chixĩxẽxẽ”, ñanagürü. Rü Abraáü̃ rü Tupanaaxü̃́ nayaxõ, rü yemaca̱x Tupana nayanguxẽxẽ ga norü uneta ga namaxã nüxü̃ yaxuxü̃. Rü yimá Tupana nixĩ ya wena namaxẽxẽẽcü i yuexü̃. Rü yimátama nixĩ ya naxücü i ngẽma woo ñu̱xma taxuxü̃.

Amúx 6:1

—¡Pegümaxã pengechaxü̃gü, Pa Chióü̃cüã̱x! Pema rü perü ĩanena perüyoü̃ rü petaãxẽgü erü nagu perüxĩnüe rü taxuxü̃táma pexü̃ nangupetü. Rü ngẽxgumarüxü̃ ta ¡pegümaxã pengechaxü̃gü i pema i Chamáriaarü ĩanena rüyoü̃xẽ! Pema rü nagu perüxĩnüe nax naporaxü̃ ya yima ĩane rü ngẽmaca̱x taxuxü̃táma pexü̃ nangupetü. Rü pema i Iraéanecüã̱x rü ngẽma ĩanearü ãẽ̱xgacügüaxü̃́ peyaxõ erü nagu perüxĩnüe rü tá pexü̃ ínapoxü̃gü.

Lebítanüxü̃arü puracüchiga 23:10

—Ñaa ore tá nixĩ i namaxã nüxü̃ quixuxü̃ i ngẽma Iraétanüxü̃: “Rü ngẽxguma nagu pechocu̱xgux i ngẽma naane i choma tá pexna chaxãxü̃, rü ngẽxguma peyabuxgügu i perü trigu, rü tá perü chacherdótena penaxã i ngẽma nüxíra pebuxuxü̃ i norü o i ngẽma trigu

2 Corintios 6:7

Rü duü̃xü̃güxü̃ nüxü̃ tadauxẽxẽ nax aixcüma mea namaxã nüxü̃ tixu i ngẽma ore i aixcüma ixĩxü̃, rü itanawe̱x i Tupanaarü pora i towa ngẽxmaxü̃. Rü ngẽma toxne ixĩxü̃, rü ngẽma nixĩ i torü maxü̃ i aixcüma mexü̃. Rü ngẽmamaxã nixĩ i togü ítapoxü̃xü̃ i torü uanügüpe̱xewa.

Efesios 1:13

Rü yexgumarüxü̃ ta ga pema i Epéchiucüã̱xgü, rü yexguma nüxü̃ pexĩnüegu i ngẽma ore i aixcüma ixĩxü̃ i tüxü̃ maxẽxẽẽxü̃, rü Cristuaxü̃́ peyaxõgü. Rü yexguma ga Tupana rü pexna nanamu ga Naãxẽ ya Üünexü̃ nax wüxi i cua̱xruxü̃ yixĩxü̃ca̱x nax aixcüma norü duü̃xü̃gü pixĩgüxü̃.

Norü taxre ga popera ga Timutéuca̱x naxümatüxü̃ ga Pauru 2:15

¡Rü mea naxü i Tupanaarü puracü nax cumaxã nataãẽxü̃ca̱x i ngẽxguma nape̱xewa cunguxgux rü ngẽmaãcü taxuca̱xma cuxãnexü̃ca̱x i ngẽxguma nüma cuxna nacaxgu naxca̱x i curü puracü! Rü ngẽmaca̱x name i aixcüma mea namaxã cungúexẽẽtae i ngẽma ore i mexü̃ i aixcüma ixĩxü̃.

Popera ga Chantiágu ümatüxü̃ 1:15

Rü ngẽma chixexü̃ i tümatama nagu tarüxĩnüxü̃ nixĩ i tüxü̃ pecaduã̱xẽẽxü̃. Rü ngẽma pecadugagu nixĩ i düxwa itayarütaxuxü̃.

Popera ga Chantiágu ümatüxü̃ 3:14

Natürü ngẽxguma chi pixãũxãchiwa̱xegügu rü pegüchi pexaiegu rü togüarü yexera pegü pixĩxẽẽchaü̃gu, rü taxuca̱xma pegü picua̱xüü̃gü, rü ngẽma nagu perüxĩnüexü̃ rü wüxi i doramare nixĩ.