Popera ga Chantiágu ümatüxü̃ 1:16 - Tupanaarü Ore

¹⁶ Pa Chauenexẽgü ya Pexü̃ Changechaü̃güxe, tama name i pegü ipexã nax texé pexü̃ womüxẽẽxü̃ca̱x.

Popera ga Chantiágu ümatüxü̃ 1:16 Referans Kwoze

Popera ga Chantiágu ümatüxü̃ 1:19

Rü guxãma i pemax, Pa Chauenexẽgü ya Pexü̃ Changechaü̃güxe, rü ngẽxguma texé pemaxã idexagu, rü name nixĩ i mea iperüxĩnüe. Rü tama name i penue rü tüxü̃ pechoxü̃gagü.

Filipenses 2:12

Rü ngẽmaca̱x chanaxwa̱xe i chauga pexĩnüe, Pa Chauenexẽgü ya Pexü̃ Changechaü̃güxe. Rü yéma petanüwa chayexmagu chauga nax pexĩnüexü̃arü yexera chanaxwa̱xe i chauga pexĩnüe i ñu̱xma nax tama petanüwa changexmaxü̃. Rü chanaxwa̱xe i Tupanaxü̃ pemuü̃ẽãcüma pegü peporaexẽxẽ nax nawe perüxĩxü̃ i ngẽma ore i maxü̃ tüxna ãxü̃.

Gálatas 6:7

¡Rü pexuãxẽgü nax tama ípetüexü̃ca̱x i perü maxü̃wa! Erü taxucürüwa texé Tupanaxü̃ tawomüxẽxẽ. Rü yíxema chixexü̃ ǘxe, rü chixexü̃ tá tayaxu. Rü yíxema mexü̃ ǘxe, rü mexü̃ tá nixĩ i tayaxuxü̃.

Colosenses 2:8

¡Rü naxca̱x pexuãẽgü i ngẽma duü̃xü̃gü i pexü̃ womüxẽẽgüchaü̃xü̃ namaxã i norü ore i tama aixcüma ixĩxü̃ rü taxuwama mexü̃! Rü nümagü rü tama Cristuchigaxü̃ nixugü, natürü pexü̃ nangúexẽẽchaü̃ i ngẽma nũxcümaü̃güxü̃ i nacümagü ga duü̃xü̃gü nagu ĩxü̃ rü ngẽma ngu̱xẽẽtaegü i ñoma i naanearü ixĩxü̃. Natürü nüma ya Cristu rü Tupanaxü̃chi nixĩ rü guxü̃ma i Tupanaarü pora rü Cristuwa nangẽxma.

Popera ga Yudíugü ga yaxõgüxü̃ca̱x ümatüxü̃ 13:1

Rü ñu̱xma rü name nax guxü̃guma pegü pengechaü̃güxü̃ ñoma peenexẽxü̃ pengechaü̃xü̃rüxü̃.

Colosenses 2:4

Rü pemaxã nüxü̃ chixu i ngẽma, erü tama chanaxwa̱xe nax texé pexü̃ womüxẽẽgüxü̃ namaxã i ta̱xacürü ore i chixexü̃wa pexü̃ gagüxü̃.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Norü taxre ga popera ga Timutéuca̱x naxümatüxü̃ ga Pauru 2:18

Yerü nümagü rü nidoragümare ga nüxü̃ nax yaxugüexü̃ rü marü nax nangupetüxü̃ i yuetaarü dachiga. Rü yemaacü nanawomüxẽẽgü ga ñuxre ga duü̃xü̃gü nax tama noxrirüxü̃ yaxõgüãxü̃ca̱x i Tupanaarü ore.

Filipenses 4:1

Pa Chauenexẽgüx ya Pexü̃ Changechaü̃güxe, poraãcü pexü̃ chadauxchaü̃. Rü pema ya pexü̃ changechaü̃güxe rü chorü taãxẽ pixĩgü. Rü pema nixĩ i chorü ãmare ya Tupana choxna ãxü̃ pixĩgüxü̃. Rü chanaxwa̱xe i guxü̃guma mea tórü Coriaxü̃́ peyaxõgü rü taguma nüxü̃ pexoe.

1 Corintios 6:9

¿Tama ẽ̱xna nüxü̃ pecua̱x nax ngẽma duü̃xü̃gü i chixexü̃ ügüxü̃ rü nataxuxü̃táma i nachica i Tupana ãẽ̱xgacü íyixĩxü̃wa? ¡Rü tama name i pegütama pewomüxẽxẽgü! Erü Tupana ãẽ̱xgacü íyixĩxü̃wa rü nataxutama i nachica i ngẽma duü̃xü̃gü i nai i ngexü̃maxã ipexü̃, rü ngẽma duü̃xü̃gü i tupananetachicüna̱xãxü̃ icua̱xüü̃güxü̃, rü ngẽma duü̃xü̃gü i naxma̱xẽchita rüe̱xna nateechita ngeãẽxü̃, rü ngẽma yatügü i naxrüxü̃ yatüxü̃maxã ngeãẽxü̃, rü ngẽma ngexü̃gü i naxrüxü̃ ngexü̃gümaxã ngeãẽxü̃, rü ngẽma ngĩ́ta̱xagüxü̃, rü ngẽma aüwa̱xegüxü̃, rü ngẽma ngãxẽwa̱xegüxü̃, rü ngẽma oregüta̱a̱xgüxü̃, rü ngẽma womüxẽẽwa̱xegüxü̃. Rü guxü̃ma i ngẽmagü rü nataxutama i nachica i Tupana ãẽ̱xgacü íyixĩxü̃wa.

Ore i mexü̃ ga Márcu ümatüxü̃ 12:27

Rü ngẽma orewa nüxü̃ tacua̱x rü woo ngẽma maxẽxü̃ rü woo ngẽma yuexü̃ rü Tupanaca̱x guxü̃ma namaxẽ. Rü ngẽmaãcü i pema rü poraãcü ípetüe —ñanagürü.

Ore i mexü̃ ga Márcu ümatüxü̃ 12:24

Rü yexguma ga Ngechuchu rü nanangãxü̃, rü ñanagürü nüxü̃: —Pema rü ípetüe erü tama nüxü̃ pecua̱x i Tupanaarü ore i ümatüxü̃, rü tama nüxü̃ pecua̱x nax naporaxü̃ ya Tupana.

Ore i mexü̃ ga Matéu ümatüxü̃ 22:29

Rü yexguma ga Ngechuchu rü nanangãxü̃, rü ñanagürü: —Pema rü ípetüe erü tama nüxü̃ pecua̱x i Tupanaarü ore i ümatüxü̃, rü tama nüxü̃ pecua̱x i ñuxãcü nax yixĩxü̃ i Tupanaarü pora.

Ngechuchuarü ngúexü̃gü ga yamugüxü̃arü puracüchiga 1:15

Rü yema ngunexü̃gügu ga yexguma nangutaque̱xegügu ga yema yaxõgüxü̃ ga maneca 120 ixĩgüxü̃ rü Pedru rü inachi ga norü ngãxü̃tanüwa, rü ñanagürü:

Popera ga Chantiágu ümatüxü̃ 1:2

Pa Chauenexẽgü i Yaxõgüxü̃x, name nixĩ nax petaãẽgüxü̃ i ngẽxguma naguxü̃raü̃xü̃ i guxchaxü̃gü pexca̱x ínguxgu.

Popera ga Chantiágu ümatüxü̃ 2:1

Pa Chauenexẽgüx, pema rü nüxü̃́ peyaxõgü ya tórü Cori ya Ngechuchu ya Cristu ya üünecü. Rü ngẽmaca̱x tama name nax chixri penayaxuxü̃ i wüxi i duü̃xü̃ rü mea penayaxuxü̃ i to.

Popera ga Chantiágu ümatüxü̃ 2:14

Pa Chauenexẽgüx, ¿Ta̱xacüwa namexü̃ ega wüxíe ñagügu: “Choma rü Tupanaaxü̃́ chayaxõ”, ñagügu, natürü tama tümamücüxü̃ tarüngü̃xẽxẽgu? ¿Pexca̱x rü ngẽmarüxü̃ i õ tá tüxü̃ maxẽẽxü̃?

Popera ga Chantiágu ümatüxü̃ 3:1

Pa Chauenexẽgüx, tama name i muxẽma i pema rü ngúexẽẽruü̃gü pegü pixĩgüxẽxẽ. Erü pema nüxü̃ pecua̱x i yixema nax ngu̱xẽẽruü̃gü ixĩgüxü̃, rü Tupana rü ngẽma togüarü yexera tá tüxna naca i tórü maxü̃chiga rü tórü puracüchiga.

Popera ga Chantiágu ümatüxü̃ 3:10

Rü ngẽma taa̱xmaxã mexü̃ duü̃xü̃gümaxã taxuegu, rü ngẽmatama taa̱xmaxã chixexü̃ namaxã taxuegu. Pa Chauenexẽgüx, tama name nax ngẽmaãcü yixĩxü̃.

Popera ga Chantiágu ümatüxü̃ 4:11

Pa Chauenexẽgüx, ¡Taxṹ i chixexü̃maxã pegü pixugüxü̃! Erü yíxema chixexü̃maxã tümaenexẽchigagu idexáxe rüe̱xna chixexü̃maxã nüxü̃ dawenüxẽ, rü chixexü̃ nüxü̃ tawogü ta i Tupanaarü mugü. Rü ngẽxguma chixexü̃gu Tupanaarü mugümaxã curüxĩnügu, rü Tupanaarü mugüarü yexera cugü quixĩxẽẽchaü̃, rü tama aixcüma naga cuxĩnü.

Popera ga Chantiágu ümatüxü̃ 5:12

Rü guxü̃arü yexera, Pa Chauenexẽgüx, rü ngẽxguma ta̱xacüca̱x ipexunetagu, rü tama name i Tupanaégagu ipexuneta, rü ẽ̱xna ñoma i naaneégagu ipexuneta, rü ẽ̱xna ta̱xacü i to i naégagu ipexuneta. Rü ngẽxguma “Ngü̃”, ñapegügu rü name nax peyanguxẽẽxü̃. Rü ngẽxguma “Tama”, ñapegügu rü name nax peyanguxẽẽxü̃. Rü ngẽxguma ya Tupana rü taxũtáma pexü̃ napoxcue naxca̱x i ngẽma perü uneta.

Popera ga Chantiágu ümatüxü̃ 5:19

Pa Chauenexẽgüx, ngẽxguma chi texé petanüwa Tupanana ixũgachigu, rü tangexmagu ya wüxíe ya tüxü̃ taeguxexẽ́xẽ nax wenaxarü Tupanawe tarüxũxü̃ca̱x, rü mexü̃ taxü.