Popera ga Chantiágu ümatüxü̃ 1:10 - Tupanaarü Ore

¹⁰ Rü yíxema yaxṍxe ya muarü diẽruã́xẽ rü name nixĩ i tataãẽãma ega woo wüxi i ngunexü̃ tüxü̃́ nataxu̱xgu i tümaarü diẽru. Erü ngẽma diẽruã́xü̃ i duü̃xü̃gü, rü ñoma putürachacurüxü̃ tama natai.

Popera ga Chantiágu ümatüxü̃ 1:10 Referans Kwoze

Nüxíraxü̃xü̃ ga popera ga Pedru ümatüxü̃ 1:24

Erü Tupanaarü ore i ümatüxü̃wa rü ñanagürü: “Guxü̃ma i duü̃xü̃gü rü ñoma wüxi i natüanerüü̃mare nixĩ. Rü guxü̃ma i norü mexü̃, rü wüxi i nanetüchacurüü̃mare nixĩ. Rü ngẽma natüane rü nayu, rü nachacu rü narüngu. Rü ngẽxgumarüxü̃ ta tama natai i duü̃xü̃güarü maxü̃ i ñoma i naanewa.

Nüxíraxü̃xü̃ ga popera ga Cuáü̃ ümatüxü̃ 2:17

Natürü ñoma i naane rü guxü̃ma i ngẽma ngúchaü̃gü i chixexü̃gü i nawa ngẽxmagüxü̃ rü tá narüxo. Natürü yíxema Tupanaga ĩnüxe rü guxü̃gutáma tamaxü̃.

Yox 14:2

Rü ñoma wüxi i putürachacu i boxüxü̃ rü paxãma rüñẽ̱xẽxü̃rüxü̃ nixĩ. Rü ñoma wüxi i naxchipeta i paxãma ngupetüxü̃ rü iyarütaxuxü̃rüxü̃ nixĩ i duü̃xü̃arü maxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17

Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Ore i mexü̃ ga Matéu ümatüxü̃ 5:3

“Tataãẽgü ya yíxema nüxü̃ icua̱xãchitanüxe i tümaarü pecadu rü Tupanawe rüxĩxe, erü tümaca̱x nixĩ i daxũguxü̃ i naane ya Tupana ãẽ̱xgacü ixĩxü̃wa.

1 Corintios 7:31

Rü yíxema tüxü̃́ nangẽxmaxẽ i tümaarü ngẽmaxü̃gü i ñoma i naanewa, rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃. Erü ñoma i naane i ñu̱xma nüxü̃ idauxü̃ rü paxa tá nagu̱x.

Wiyaegü 103:15

Rü duü̃xü̃güarü maxü̃ rü tama nama̱x. Rü ñoma wüxi i natüanerüxü̃ nixĩ rü ñoma wüxi i putüra i naixnecücüã̱x i boxchacuxü̃rüxü̃ nixĩ.

Popera ga Chantiágu ümatüxü̃ 4:14

Pema rü tama nüxü̃ pecua̱x nax ta̱xacü tá pexü̃ üpetüxü̃ i moxü̃. ¿Ta̱xacü nixĩ i perü maxü̃? Perü maxü̃ rü tá inayarüxo ñoma wüxi i cherena i paxaãchi nüxü̃ idauxü̃ rü ngẽxgumatama ngupetüxü̃rüxü̃.

Ore i mexü̃ ga Matéu ümatüxü̃ 6:30

Rü ngẽxguma Tupana ngẽmaãcü nanga̱xãẽgu i ngẽma putüragü i ñu̱xma ngẽxmagüxü̃ rü moxü̃ rü marü taxuxü̃, rü yexera tá pexna nadau i pemax, Pa Duü̃xü̃gü i Tama Mea Yaxõgüxü̃x.

Ichaía 66:2

¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Ichaía 40:6

Rü wüxi i naga rü ñanagürü: —¡Tagaãcü aita naxü! —ñanagürü. Rü choma rü ñachagürü: —¿Ta̱xacüxü̃ tá tagaãcü chixu? —ñachagürü. Rü choxü̃ nangãxü̃ rü ñanagürü: —Guxü̃ma i duü̃xü̃gü rü ñoma natüanerüxü̃ paxaãchitama nixĩ. Rü wüxi i putüra i paxaãchi boxüxü̃rüxü̃ nixĩ.

Filipenses 3:8

Rü ñu̱xma nax Ngechuchu ya Cristu ya chorü Corixü̃ chacuáxü̃, rü cha̱u̱xca̱x rü guxü̃ma ga yema ü̃pa nagu chixũxü̃ rü taxuwama name. Rü guxü̃ma ga yema mugü ga noxri nagu chixũxü̃ rü marü nüxü̃ charüxo nax Cristuwe charüxũxü̃ca̱x. Rü ñu̱xma nax Cristuwe charüxũxü̃ rü cha̱u̱xca̱x rü ñoma guxchirerüxü̃ nixĩ ga yema ü̃pa nagu chixũxü̃

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Wiyaegü 102:11

Rü ngẽma chorü ngunexü̃gü rü paxa naxüpetü ñoma wüxi i gáuxchipetaxü̃rüxü̃. Rü chayarümaãchi ñoma maxẽrüxü̃.

Wiyaegü 37:2

Erü ngẽma duü̃xü̃gü rü paxa tá inayarüxo ñoma maxẽ ya rüñẽ̱xẽcürüxü̃ rü ñoma natüane i pagüxü̃rüxü̃.

Wiyaegü 39:6

Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.

Ichaía 40:7

Rü ngẽma natüane rü nipa rü ngẽma putüra rü narüñe̱xẽxẽ ega Cori ya Tupana nagu cue ñaxgu. Rü ngẽxgumarüxü̃ ta nixĩ i duü̃xü̃güarü maxü̃ nax ñoma natüanerüxü̃ paxaãchica̱xmare yixĩxü̃.