Biblia Todo Logo
Bib sou entènèt

- Piblisite -




Ichaía 9:6 - Tupanaarü Ore

6 Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Gade chapit la Kopi




Ichaía 9:6
82 Referans Kwoze  

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.


Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.


Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.


“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.


Rü naxchirugu rü naperemagu naxümatü ga wüxi ga naéga ga ñaxü̃: “Guxü̃ma i Nachixü̃anegüarü Ãẽ̱xgacügüarü Ãẽ̱xgacü, rü Guxü̃ma i Corigüarü Cori Ixĩcü”, ñaxü̃.


Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.


Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.


Natürü tórü chixexü̃gagu nixĩ ga nacanapacütügüãxü̃. Rü tórü pecadugagu nixĩ ga ngúxü̃ yangexü̃. Natürü yema ngúxü̃ nax yangexü̃gagu nixĩ ga Tupana tamaxã rüngüxmüxü̃. Rü yema norü o̱xrigügagu nixĩ ga taxca̱x yataanegüxü̃.


Rü guxü̃ma i ngẽma cua̱x rü Cori ya Tupana ya Guxü̃étüwa Ngẽxmacüwa nixĩ i ne naxũxü̃. Nüma ya Cori ya Tupana rü mexü̃ i ĩnügü nüxü̃́ nangẽxma, rü norü cua̱xmaxã nayanguxẽxẽ i ngẽma nagu naxĩnüxü̃.


Nüma ga Tupana rü tama tüxna nayanuxũ ga Nanexü̃chi, natürü taxca̱x inanamu ga Nane nax taxca̱x nayuxü̃ca̱x i guxãma i yixema. Rü ñu̱xma nax taxca̱x inamuãxü̃ ga Nane nax taxca̱x nayuxü̃ca̱x, ¿rü taux ẽ̱xna tüxna naxããxü̃ i guxü̃ma i ngẽma inaxwa̱xexü̃ nax mea naxca̱x imaxẽxü̃ca̱x?


Erü nüma ya Cristu rü ãẽ̱xgacü tá nixĩ ñu̱xmatáta nüxü̃ naporamae i guxü̃ma i norü uanügü.


Pa Tupanax, cuma rü guxü̃guma ãẽ̱xgacü quixĩ rü aixcüma mea guxü̃ma i duü̃xü̃gümaxã icucua̱x.


Rü noxretama i Acóbutanüxü̃ rü tá Cori ya Tupana ya poraxüchicüca̱x nawoegu.


Natürü yema Tupanaarü orearü ngeruxü̃ i daxũcüã̱x rü nanangãxü̃ rü ñanagürü: —¿Ta̱xacüca̱x nüxü̃ cucuáxchaxü̃ i chauéga? Chauéga rü wüxi i ẽxü̃guxü̃ nixĩ —ñanagürü.


Rü ñu̱xma nax pexna íchixũxü̃, rü pexna chanaxã i taãxẽ. Natürü ngẽma taãxẽ i pexna chaxãxü̃, rü tama ñoma i naanecüã̱x pexna ãxü̃ i taãẽrüxü̃ nixĩ. Rü tama chanaxwa̱xe i penaxĩ̱xãchiãẽgü rü pemuü̃e.


Natürü yexguma Nanechiga yadexaxgu ga Tupana rü ñanagürü: “Cuma nax chauxrüxü̃ Tupana quixĩxü̃ rü guxü̃gutáma ãẽ̱xgacü quixĩ, rü aixcüma meama guxü̃maxã icucua̱x.


Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.


Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.


Rü cuma nixĩ i tonatü quixĩxü̃. Rü woo Abraáü̃ rü tama toxü̃ cua̱xgu, rü torü o̱xi i Iraé rü tama toxna nacua̱xãchigu, natürü cumax, Pa Cori Pa Tupanax, rü tonatü quixĩ. Rü cuma nixĩ i guxü̃guma torü ngü̃xẽẽruxü̃ quixĩxü̃.


Rü nüma ga Tupana rü Iraétanüxü̃tanüwaxíra nanamu ga norü ore rü nüxü̃ nixu ga yema ore ga mexü̃ nax nüma rü duü̃xü̃gümaxã nangüxmüxü̃ i ngẽxguma Ngechuchu ya Cristu ya guxãarü Cori ixĩcüaxü̃́ yaxõgüãgu.


Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.


Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.


Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.


Rü Tupana Nanearü ngechaü̃ i taxü̃gagu nixĩ i nayauxgüxü̃ i muxü̃ma i norü ngü̃xẽẽgü.


Rü nüma ga daxũcüã̱x ga Gábi rü ngĩxü̃ nangãxü̃, rü ñanagürü: —Tupanaãxẽ ya Üünecü tá cuxna nangu. Rü Tupana ya Guxü̃étüwa Ngẽxmacüarü pora rü wüxi i caixanexü̃rüxü̃ tá cugu nayanga̱i̱xema. Rü ngẽmaca̱x ngẽma cune rü Üünecü ya Tupana Nanemaxã tá nanaxugü i duü̃xü̃gü.


Rü ngẽxguma nüma ãẽ̱xgacü yixĩxgu rü chanaxwa̱xe nax guxü̃ma mea ixũxü̃ rü nax nataxuxü̃ma i nu ñu̱xmata iyanaxo ya tauemacü.


Rü nawa nixĩ i nangẽxmaxü̃ i guxü̃ma i cua̱xgü i mexü̃.


Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.


Rü yemaacü noxriarü ügügu choxü̃ nango̱xẽxẽ naxü̃pa nax naxüaxü̃ ga ñoma ga naane.


Rü ñu̱xma chanaxwa̱xe i pexü̃ narüngü̃xẽxẽ ya Tupana ya tórü taãẽxẽẽruxü̃ rü tórü ngüxmüxẽẽruxü̃ ixĩcü. Rü nüma nixĩ ga yuwa ínadaxẽẽãxü̃ ga tórü Cori ya Ngechuchu ya Cristu ya yaxõgüxü̃arü dauruxü̃ ya guxãarü yexera ixĩcü. Rü yexguma curuchawa yapotagu rü nagü ibaxgu rü nayanguxẽxẽ ga norü uneta i taguma iyarüxoxü̃ i maxü̃ tüxna ãxü̃. Rü chanaxwa̱xe nax nüma ya Tupana pexü̃ nangü̃xẽẽxü̃ nax guxü̃wama pemexü̃ca̱x rü mea naga pexĩnüexü̃ca̱x. Rü ngẽxgumarüxü̃ ta tanaxwa̱xe nax Ngechuchu ya Cristugagu Tupana toxü̃ rüngü̃xẽẽxü̃ nax nüma nanaxwa̱xexü̃ãcüma tixĩgüxü̃ca̱x. Rü tanaxwa̱xe i guxü̃guma Cristuxü̃ ticua̱xüü̃gü. Rü ngẽmaãcü yixĩ.


—¡Tupanaxü̃ picua̱xüxü̃gü i pemax i daxũguxü̃ i naanewa pengẽxmagüxü̃! ¡Rü pegümaxã iperüngüxmüe i pemax i ñoma i naanecüã̱x ya Tupana pemaxã taãxẽgüxe! —ñanagürügü.


Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.


Rü nüma ya Cori ya Tupana rü nanaxwa̱xe ya yimá norü duü̃ rü ñoma wüxi i nanetü i ngexwaca rüxüxü̃ rü naxchúma̱xã i waixü̃mü i paanewa ixücuxü̃rüxü̃ nax yixĩxü̃. Rü nüma rü tama namechiwe rü ngẽmaca̱x taxúxeaxü̃́ nangúchaü̃.


Yerü ga Tupana rü Cristugagu nügümaxã duü̃xü̃güxü̃ narüngüxmüexẽxẽ. Rü nüma rü tama duü̃xü̃güarü pecadugü naxĩnüãcüma nanaxü ga yema. Rü ñu̱xma rü toxü̃ namu nax ngẽmachigaxü̃ duü̃xü̃gümaxã tixuxü̃.


Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.


Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.


Rü chanaxwa̱xe nax namuarü oóxü̃ i ngẽma nanetügü i ma̱xpǘneanewa ngẽxmagüxü̃ nax ngẽmaãcü nataãẽgüxü̃ca̱x i duü̃xü̃gü rü nügü nangechaü̃güxü̃ca̱x.


Pa Poracüx ¡ẽcü cugücüwawa yanga̱xcuchi i ngẽma curü tara! Rü ngẽma nixĩ i curü poraarü cua̱xruxü̃ ixĩxü̃.


Rü ngẽmaca̱x, ¡Pa Torü Tupanax! cuma nax tacü, rü poracü, rü ãũcümacü nax quixĩxü̃ rü taguma nüxü̃ icuyarüngüma i ngẽma curü uneta rü curü ngechaü̃ toxca̱x. Rü ñu̱xma rü tama tanaxwa̱xe nax cunangupetüxẽẽmarexü̃ ga guxü̃ma ga yema ngúxü̃gü ga yangegüxü̃ ga torü ãẽ̱xgacügü, rü yema ĩanemaxã icua̱xgüxü̃, rü chacherdótegü, rü orearü uruü̃gü, rü torü o̱xigü, rü guxü̃ma ga curü duü̃xü̃gü. Yerü yexguma Achíriaanearü ãẽ̱xgacügüme̱xẽwa tayexmagügucurüwa ngúxü̃ tingegü ñu̱xmata ñaa i ngunexü̃wa nangu.


Pa Iraétanüxü̃x, ¿ñuxguratáta nüxü̃ perüxoexü̃ nax choxna nu ne penaxĩmarexü̃ ñoma wüxi i pacü i ngĩnatüna nu ne naxũmarecürüxü̃? Rü choma rü tá chanango̱xẽxẽ i ta̱xacü i ñoma i naanewa ngexwaca̱xü̃xü̃. Rü wüxi i ngexü̃ i nateca̱x taeguxü̃rüxü̃ rü pema rü tá cha̱u̱xca̱x pewoegu —ñanagürü.


Pa Cori ya Tupanax, cuma nixĩ i mexü̃ toxca̱x ícunguxẽẽxü̃, rü cuma nixĩ i toxü̃ curüngü̃xẽẽxü̃ nawa i guxü̃ma i torü puracügü.


Rü cumax, Pa Corix, rü tüxü̃ curüngü̃xmügüxẽxẽ ya yíxema mexü̃ i tümacüma tüxü̃́ ngẽxmaxe rü cuxna rüyoü̃xẽ.


Rü ngẽxguma Tupana norü duü̃xü̃gütanüwa ngẽxmagu, rü tá nügü nangechaü̃gü rü tá nügümaxã nixaixcümagü rü tá nügümaxã inarüngü̃xmüxe rü tá meama niwe̱xgü i norü maxü̃wa.


Rü chanaxwa̱xe i duü̃xü̃gü guxü̃guma nüxna nacua̱xãchie i naéga ya ãẽ̱xgacü. Rü name nixĩ i duü̃xü̃gü guxü̃guma mea nachiga yadexagüxü̃ ñoma üa̱xcü guxü̃guma ibáxixü̃rüxü̃. Rü name nixĩ nax guxü̃ma i duxü̃xü̃gü mexü̃ namaxã uegugüxü̃ rü ngẽmaãcü guxü̃ma i nachixü̃anecüã̱xgü nüxü̃ icua̱xüü̃güxü̃.


Nüma ya Cori ya Tupana ya Guxãétüwa Ngẽxmacü rü nidexa, rü naxca̱x nangema i guxü̃ma i duü̃xü̃gü i guxü̃wama ñoma i naanewa ngẽxmagüxü̃.


Rü nüma ya Cori ya Tupana ya Guxãétüwa Ngẽxmacü ya ma̱xpǘne ya Chióü̃gu ãchiü̃cü rü choxna nanamu i chaunegü nax wüxigu chaunegümaxã cua̱xruxü̃ tixĩgüxü̃ca̱x naxca̱x i Iraétanüxü̃.


Erü choma ya Cori ya Tupana rü ñachagürü: “Choma rü ñoma wüxi i natüarü dexá i mea iyaxü̃rüxü̃ tá Yerucharéü̃wa chananguxẽxẽ i taãxẽ. Rü togü i nachixü̃anegüarü ãmaregü rü tá paxa pexca̱x íchanangugüxẽxẽ ñoma wüxi i natü i poraü̃chíüxü̃rüxü̃. Rü ngẽmaãcü i pema, Pa Yerucharéü̃cüã̱xgüx, rü ñoma wüxi i õxchana i meama maixü̃rüxü̃ tá pengãxpütüwegü. Rü choma rü tá chauchacüxügu pexü̃ chigagü rü choperemawa tá pexü̃ chameãxẽ.


Ñaa nixĩ ga yema nũxcümaü̃güxü̃ ga duü̃xü̃gü ga Ngechuchu ya Cristu natanüwa ngóxü̃. Rü yematanüwa rü Dabí nixĩ ga wüxi, rü Abraáü̃ nixĩ ga to.


Rü wüxi i Dabí nataxa rü tá ãẽ̱xgacü nixĩ i Iraéanewa. Rü nüma ya yimá ãẽ̱xgacü rü tá mea norü duü̃xü̃gümaxã inacua̱x rü taxũtáma nanawomüxẽxẽ. Rü ãẽ̱xgacü i ixaixcümacü tá nixĩ rü guxãmaxã tá namecüma. Rü paxa tá nanamexẽxẽ i duü̃xü̃güarü guxchaxü̃gü.


Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.


Rü ñu̱xma nax wena namexẽẽxü̃ ya daa chopata ya taxü̃ne rü yexguma noxri naxü̱xguarü yexera tá namexẽchi. Rü ngẽxguma rü tá ichayanaxoxẽxẽ i guxü̃ma i nu i ñaa nachicawa, rü nua tá petaãẽgü. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma —ñanagürü.


Rü nüma tá nixĩ i wüxi ya chopata ya taxü̃ne naxüxü̃. Rü choma rü guxü̃gutáma nüxü̃ charüngü̃xẽẽxü̃ nax duü̃xü̃gümaxã inacuáxü̃ca̱x.


Rü cutaagü rü guxü̃gutáma ãẽ̱xgacü nixĩgü erü choma rü tá nüxna chadau. Rü ñu̱xma nax ãẽ̱xgacü quixĩxü̃ i cumax, rü ngẽxgumarüxü̃ ta rü tagutáma nataxu nax wüxi i cutaxa cuchicawa rütoxü̃ nax ãẽ̱xgacü yixĩxü̃’ ” —ñanagürü ga Tupana.


Rü yema Yoá namáetaxü̃ rü nadaiaxü̃ ga yema taxre ga yatügü rü guxü̃gutáma ninaguãchi i nüma rü nanegü rü nataagü. Natürü Tupana rü guxü̃gutáma Dabímaxã rü nanegümaxã rü nataagümaxã nataãxẽ rü tá nüxü̃ narüngü̃xẽxẽ nax nüxí mea Iraétanüxü̃maxã inacua̱xgüxü̃ca̱x —ñanagürü ga Charomóü̃.


Natürü nüma ya Tupana rü tá choxü̃ narüngü̃xẽxẽ nax nape̱xewa guxü̃gutáma ãẽ̱xgacü yixĩgüxü̃ca̱x i ngẽma nataagü ya chaunatü —ñanagürü ga Charomóü̃.


Rü namecümaxüchi ya Cori ya curü Tupana ya cumaxã taãẽcü rü cuxü̃ imucuchicü nax Iraéanecüã̱xgüarü ãẽ̱xgacü quixĩxü̃ca̱x. Rü yemaacü cuxü̃ ningucuchixẽxẽ nax aixcüma meama ngẽma Iraéanecüã̱xgümaxã icucuáxü̃ca̱x, erü guxü̃guma poraãcü pexü̃ nangechaü̃ —ngĩgürügü.


Rü cumax, Pa Ãẽ̱xgacüx, namaxã cutaãxẽ i ngẽma mexü̃ ixĩxü̃, natürü naxchi cuxai i ngẽma chixexü̃. Rü yemaca̱x nixĩ ga Tupana chixü̃ ga paacaxü̃maxã cuxü̃ nabaeruxü̃ rü cuxü̃ naxunetaxü̃ nax cumücügüarü yexera taãxẽ cuxü̃́ ngẽxmaxü̃ca̱x.


Pa Tupanax, guxü̃ma i ngẽma dauxü̃wa ngẽxmagüxü̃ rü cuxü̃ nicua̱xüü̃gü naxca̱x i ngẽma taxü̃gü i mexü̃gü i curü poramaxã cuxüxü̃. Rü ngẽma curü orearü ngeruü̃gü i dauxü̃cüã̱x rü tá cuxü̃ nicua̱xüü̃gü erü aixcümacü quixĩ.


Rü nüma ya yimá ãẽ̱xgacü rü meama guxü̃ma i duü̃xü̃gümaxã tá inacua̱x. Rü aixcüma tá nayanguxẽxẽ i ngẽma ore i nüxü̃ yaxuxü̃.


Rü tá nangẽxma ya wüxi ya ãẽ̱xgacü ya we̱xgu duü̃xü̃gümaxã icuácü, rü ãẽ̱xgacügü i mea duü̃xü̃gümaxã icua̱xgüxü̃.


Erü Yerucharéü̃wa tá nangẽxmagü i ñuxre i duü̃xü̃gü i íyaxügüxü̃. Rü yima ma̱xpǘne i Chióü̃wa tá nangẽxmagü i duü̃xü̃gü i tama yuexü̃. Rü nüma ya Cori ya Tupana ya Guxü̃étüwa Ngẽxmacü rü ngẽmaãcü tá pexü̃ narüngü̃xẽxẽ, erü poraãcü pexü̃ nangechaü̃ —ñanagürü ga Ichaía.


Rü nüma ga guma Ãẽ̱xgacü rü namaxã nataãxẽ rü pora nüxna naxã nax ñoma i naanemaxã inacuáxü̃ca̱x. Rü guxü̃ma i ñoma i naanecüã̱x i duü̃xü̃gü i to i nagawa idexagüchigüxü̃ rü tá nüxü̃ nicua̱xü̃gü. Rü nüma rü guxü̃guma Ãẽ̱xgacü nixĩ rü tagutáma inayacua̱x nax Ãẽ̱xgacü yixĩxü̃.


Swiv nou:

Piblisite


Piblisite