Ichaía 9:3 - Tupanaarü Ore

³ Rü ñu̱xmax, Pa Cori Pa Tupanax, rü poraãcü taãxẽ toxca̱x ícunguxẽxẽ rü ngẽma taãxẽ rü aixcüma nataxüchi. Rü guxãma tataãẽgü i cupe̱xewa ñoma tonetüarü o tibuxgügurüxü̃ rü ñoma churaragü i norü uanügüarü ngẽmaxü̃gü nügümaxã itoyegurüxü̃.

Ichaía 9:3 Referans Kwoze

Wiyaegü 119:162

Rü choma rü namaxã chataãxẽ i curü uneta ñoma wüxi i duü̃xü̃ i taxü̃ i diẽru iyanga̱u̱xü̃rüxü̃.

Nüxíraxü̃xü̃ ga popera ga Pedru ümatüxü̃ 1:8

Pema rü Ngechuchu ya Cristuxü̃ pengechaü̃gü woo taguma nüxü̃ nax pedaugüxü̃. Rü ñu̱xma rü ta woo tama nüxü̃ pedaugü, natürü nüxü̃́ peyaxõgü, rü poraãcü petaãẽgü. Rü ngẽma perü taãẽmaxã rü pexü̃́ nataxuma i perü dexa nax ñuxãcü nüxü̃ pixugüxü̃ca̱x i ngẽma perü taãxẽ. Erü ngẽma perü õgagu marü penayauxgü i perü maxü̃ i taguma gúxü̃.

Ichaía 26:15

Pa Corix, cuma nixĩ i toxü̃ quimuxẽẽxü̃ nax ngẽmaãcü cuxü̃ ticua̱xüü̃güxü̃ca̱x. Rü ñu̱xũchi toxü̃́ nüxü̃ cutaneta i guxü̃ma i tochixü̃anearü üyeanegü.

Ichaía 66:10

Rü Tupana rü ñanagürü: —Pema nax Yerucharéü̃xü̃ pengechaü̃güxü̃ rü naxca̱x nax pexauxexü̃, rü ñu̱xma rü name nax wüxigu guxãma Yerucharéü̃maxã petaãẽgüxü̃.

Ichaía 65:18

Rü name nixĩ nax guxü̃guma namaxã petaãẽgüxü̃ i ngẽma tá chaxüxü̃. Erü tá chanaxü ya wüxi ya ngexwacaxü̃ne ya Yerucharéü̃ i taxuxü̃ma i chixexü̃ nawa ngẽxmane. Rü ngẽma duü̃xü̃gü i nawa maxẽxü̃ rü tá aixcüma nataãẽgü.

1 Chamué 30:16

Rü nüma ga gumá yatü rü yema Amaréxtanüxü̃ íyexmagüxü̃wa Dabíxü̃ naga. Rü yexguma natanüwa nanguxgu, rü nüma ga Amaréxtanüxü̃ rü nügü yema naanegu ninu. Rü ínachibüe rü ínaxaxegü rü ínapetaegü namaxã ga yema Firitéugüanewa rü Yudáanewa naxca̱x nangĩ̱xgüxü̃ ga yemaxü̃gü.

Ore i mexü̃ ga Luca ümatüxü̃ 11:22

Natürü ngẽxguma ínanguxgu i to i yatü i nüxü̃ rüporamaexü̃, rü nüxü̃ nayexeragu, rü tá nüxna nanapuxü̃ ya naxne ya nügü namaxã ínaporane, rü tá nüxna nanapuxü̃ i guxü̃ma i norü ngẽmaxü̃gü, rü tá nayana.

Wiyaegü 4:7

Ngẽma duü̃xü̃gü i muxü̃ma i trigu rü tacü ya bínu nüxü̃́ ngẽxmagüxü̃arü yexera rü cuma rü taãxẽ choxna cuxã.

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Chacaría 10:8

Rü choma rü tá naxca̱x changema rü wüxiwa tá chanagagü, yerü choma nixĩ ga íchananguxü̃xẽẽxü̃. Rü nümagü rü wena tá nimu noxrirüxü̃.

Chacaría 8:23

Rü ngẽxguma nawa nanguxgu i ngẽma ngunexü̃gü rü 10 i yatügü i to i nachixü̃anewa ne ĩxü̃ rü tá wüxi i yudiuca̱x nadaugü rü naxchirugu yangĩgüãcü tá nüxü̃ ñanagürügü: “Cuwe tarüxĩxchaü̃ i Yerucharéü̃wa, erü nüxü̃ taxĩnüchiga nax Tupana rü petanüwa nangẽxmaxü̃”, ñanagürügü tá —ñanagürü ga Cori ya Tupana ya Guxãétüwa Ngẽxmacü.

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Ochéa 4:7

Rü ngẽxguma yexera yamuxgu i ngẽma chacherdótegü, rü yexera chixexü̃ chope̱xewa naxügü. Nümagü rü choxna nixĩgachi rü tama chauga naxĩnüe. Rü ngẽmaca̱x i choma rü taxũtáma namaxã chataãxẽ rü tá chanaxãneexẽxẽ.

Yeremía 31:7

Rü Cori ya Tupana rü ñanagürü: “¡Taãẽãcü pewiyaegü Pa Acóbutanüxü̃x! Erü pema rü guxü̃ma i togü i nachixü̃anegüarü yexera pitachiga. ¡Rü tagaãcü Tupanaxü̃ picua̱xüü̃gü rü ñapegügü: ‘Cori ya Tupana rü marü tüxü̃ ínanguxü̃xẽxẽ i yixema i Iraétanüxü̃ íyaxügüxe’ ”, ñapegügü!

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Ichaía 61:7

Rü pema, Pa Chorü Duü̃xü̃güx, rü taxree̱xpü̱xcüna ngúxü̃ pingegü rü chixexü̃ pemaxã nixugüe rü yemagagu ãne pingegü. Rü ngẽmaca̱x i ñu̱xmax rü taxree̱xpü̱xcüna tá penayaxu i ngẽma pexna üxü̃. Rü guxü̃gutáma petaãẽgü.

Ichaía 55:12

Rü pemax, Pa Iraétanüxü̃, rü tá taãẽãcü Babiróniaanewa ípechoxü̃, rü mea tá pechixü̃aneca̱x pewoegu. Rü ngẽxguma pexü̃ nadaugügu ya yima ma̱xpǘnegü rü taãẽãcü tá pexü̃ nayauxgü. Rü guxü̃ma i ngẽma naigü i naixnecüwa rüxügüxü̃ rü norü taãẽmaxã tá nixĩãxtanügü.

Ichaía 54:1

Pa Yerucharéü̃cüã̱xgüx, perü ĩane rü ñoma wüxi ya ngexe ya ngexacüxe ya taguma ãxacüxerüxü̃ nixĩ. ¡Natürü tagaãcü rü taãẽãcü pewiyaegü! Erü nüma ya Tupana rü ñanagürü: —Yima perü ĩane ya Yerucharéü̃ i ñoma nge i taguma íxraxacücürüxü̃ nax yixĩxü̃, rü ñu̱xma rü tá namuxũchi i norü duü̃xü̃gü ngẽma nge i ãtecüarü yexera —ñanagürü.

Ichaía 25:9

Rü ngẽma ngunexü̃gu i ngẽma duü̃xü̃gü rü ñanagürügü tá: —Daa nixĩ ya tórü Tupana ya nagu yaxõgücü rü tüxü̃ ínguxü̃xẽẽcü. ¡Ngĩxã tá taãẽgü rü nüxü̃ ticua̱xüü̃gü erü nüma tüxü̃ ínanguxü̃xẽxẽ! —ñanagürügü tá.

Ichaía 12:1

Rü ngẽma ngunexü̃gu rü tá ñacurügü: —Moxẽ cuxna chaxã, Pa Corix, yerü woo chomaxã cunu ga noxri, natürü curü nu rü marü nangupetü. Rü ngẽmaca̱x wena cha̱u̱xca̱x cunatáeguxẽxẽ ga yema taãxẽ ga noxri choxü̃́ yexmaxü̃.

Wiyaegü 107:38

Rü nüma ya Cori ya Tupana rü tüxü̃ narüngü̃xẽxẽ nax timuxü̃ca̱x. Rü nayamuxẽxẽ i tümaarü wocagü.

Neemía 9:23

Rü ñu̱xũchi namaxã cunaxuegu nax yamuxacüxü̃ca̱x ñoma ẽxtagü ya daxũwa ngẽxmagücürüxü̃. Rü nawa cunagagü ga torü o̱xigü nax napugüãxü̃ca̱x ga yema naane ga noxri norü o̱xigümaxã cuxueguxü̃ nax norü yixĩgüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 5:3

¡Rü choxü̃́ iperüxĩnüe, Pa Ãẽ̱xgacügü! ¡Rü choxü̃́ iperüxĩnüe i pemax i duü̃xü̃gümaxã icua̱xgüe! Rü ñu̱xma rü tá naxca̱x chawiyae rü chapaxeta ya tórü Cori ya Iraétanüxü̃arü Tupana.

Ngechuchuarü ngúexü̃gü ga yamugüxü̃arü puracüchiga 8:8

Rü yemaca̱x poraãcü nataãẽgü ga guxü̃ma ga duü̃xü̃gü ga guma ĩane ga Chamáriawa.

Yox 12:23

Nüma rü nayamuxẽxẽ i ngẽma duü̃xü̃gütücumügü rü ñu̱xũchi inayanaxoxẽxẽ. Rü nanawoone rü ñu̱xũchi wenaxarü wüxigu nanangutaque̱xexẽxẽ.

Ichaía 65:14

Rü nümagü rü tá taãẽãcüma nawiyaegü, natürü i pema rü tá ngechaü̃maxã rü ĩ̱xãchiãẽmaxã aita pexüe rü pixauxe.

Lebítanüxü̃arü puracüchiga 26:13

Rü choma nixĩ i perü Cori ya Tupana ga Equítuanewa pexü̃ íchagaxü̃xü̃ nax tama yexü̃cürü naxme̱xwa pengẽxmagüxü̃ca̱x. Rü choma nixĩ ga pexü̃ íchanguxü̃xẽẽxü̃ nawa ga yema taxü̃ ga guxchaxü̃ ga peétüwa yexmaxü̃. Rü ngẽmaca̱x i ñu̱xma rü taxúexü̃ma pemuü̃e.

Ãẽ̱xgacügü ga guxchaxü̃güarü mexẽxẽruü̃gü 7:22

Rü yexgumayane ga yema 300 ga Iraétanüxü̃ rü yexeraãcü carnéruchata̱xcuxregu nicuegü, rü nüma ga Cori ya Tupana rü yemagu Madiáü̃tanüxü̃xü̃ ínatüexẽxẽ nax nügütanüwatama nügü nada̱i̱xü̃ca̱x. Rü yáxü̃wa nabuxmü ñu̱xmata Bex-chitáarü ĩanewa nangugü ga Chereráarü ĩanearü ngaicamana, rü togü rü ñu̱xmata Abé-meuráarü üyeanewa nangugü ga Tabáxarü ngaicamana.

Ãẽ̱xgacügü ga guxchaxü̃güarü mexẽxẽruü̃gü 8:12

Rü yexguma nüma ga Zéba rü Salmuná rü nibuxmü. Natürü nüma ga Yedeóü̃ rü nawe nangẽgü rü ínayayauxü̃. Rü guxü̃ma ga yema Madiáü̃tanüxü̃arü churaragü rü poraãcü namuü̃e.

Ichaía 10:26

Rü Cori ya Tupana ya Guxãétüwa Ngẽxmacü rü tá nanapoxcue i Achíriaanecüã̱xgü, yexguma Madiáü̃anecüã̱xgüxü̃ rü nuta ga Orégu nadaixgurüxü̃. Rü Achíriaanecüã̱xgüxü̃ tá nanawe̱x i norü pora, yexguma Equítuanecüã̱xgüxü̃ nawe̱xãgurüxü̃.

Ichaía 14:5

Erü nüma ya Cori ya Tupana rü nayanaxoxẽxẽ i norü pora i ngẽma chixecümaxü̃. Rü íxraxü̃gu nanabüü̃gü ya yima naxnegü i ngẽma norü numaxã chixri nachixü̃anegümaxã icuáxü̃ rü taguma íyachaxãchixü̃ nax togü ga nachixü̃aneca̱x íyagoõchixü̃. Rü norü numaxã tá namaxã inacua̱x i nachixü̃anegü, rü tama nüxü̃́ taxãũãchitümüxü̃ãcü duü̃xü̃güwe ningechigü.