Ichaía 9:14 - Tupanaarü Ore

¹⁴ Rü ngẽmaca̱x ya Cori ya Tupana rü Iraétanüxü̃ca̱x tá taxü̃ i guxchaxü̃ ínanguxẽxẽ ñoma wüxi i naxü̃na ídaeréxü̃xü̃ rü ídaeeruxü̃rüxü̃. Rü ñoma wüxi ya tema rü wüxi i dexne rü wüxitama i ngunexü̃gu idaxüchigüxü̃rüxü̃ tá namaxã naxü.

Ichaía 9:14 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 18:8

Rü ngẽmaca̱x tá nixĩ i wüxitatama i ngunexü̃gu ínanguxü̃ i ngẽma ĩanearü poxcu. Rü ngẽma ĩanecüã̱x rü ngúanemaxã tá nayue, rü poraãcü tá nangechaü̃gü, rü tá naxauxe rü poraãcü taiya tá nüxü̃́ nangu̱x, rü norü ĩane rü üxümaxã tá nigu. Erü naporaxüchi ya yimá Cori ya Tupana i ngẽma ĩanexü̃ poxcucü”, ñanagürü ga yema naga.

Ichaía 19:15

Rü taxúetama ta̱xacü Equítuaneca̱x taxü nax ítanapoxü̃xü̃, rü woo norü ãẽ̱xgacü rüe̱xna norü duü̃xü̃gü i Equítuanecüã̱x. Rü woo norü ãẽ̱xgacü i ñoma temarüxü̃ naporagu rüe̱xna ngẽma duü̃xü̃gümare i ñoma dexnerüxü̃ tama naporagu rü taxucürüwa ta̱xacü naxügü nax Equítuanexü̃ ínapoxü̃güxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:17

Natürü ngürüãchi nagu̱x i guxü̃ma i ngẽma ĩanearü meruü̃gü”, ñanagürügü tá. Rü guxü̃ne ya wapurugüarü yoragü, rü guxü̃ma ya yima wapurugüwa puracüexü̃, rü guxü̃ma i duü̃xü̃gü ya yima wapurugügu ĩxü̃, rü guxü̃ma i taxetanüxü̃ i wapurugügu yarüxĩĩü̃xü̃, rü yáxü̃wa tátama nayachaxgütanüãchi, rü ngéma tá nüxü̃ narüdaunü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:10

Rü ngẽma ãẽ̱xgacügü rü ngẽxguma nüxü̃ nadaugügu i ngẽma ãũcümaxü̃ i norü poxcu ya yima ĩane rü norü muü̃maxã tá yáxü̃wa nüxü̃ narüdaunü, rü ñanagürügü tá: “Cungechaü̃tümüxü̃, Cungechaü̃tümüxü̃, Pa Taxü̃ne ya Ĩane ya Babirónia ya Guxü̃ i Nachixü̃anegümaxã Icuáxü̃nex. Erü wüxitama i oragu cuxca̱x ínangu i curü poxcu ya Tupana cuxca̱x íngu̱xẽẽxü̃”, ñanagürügü tá.

Amúx 7:17

Natürü i ñu̱xma rü ñaa nixĩ i ngẽma ore i Cori ya Tupana cumaxã nüxü̃ ixuxü̃, rü ñanagürü: “Cuxma̱x rü daa ĩanewa tátama ngexü̃ i ngeãẽxü̃ tixĩ. Rü ngẽma cunegü i iyatüxü̃ rü ñu̱xũchi yíxema cuxacügü ya ingexe rü taramaxã tá tüxü̃ nadai. Rü ngẽma cuanegü rü ngẽma uanügü rü sortéuãcüma tá nügü nayanu. Rü cuma rü duü̃xü̃gü i tama Tupanaxü̃ cua̱xgüxü̃arü nachixü̃anegu tá cuyayu. Rü norü uanügü i ngẽma Iraétanüxü̃ rü Iraéanearü yáxü̃wa tá nanagagü” —ñanagürü ya Cori ya Tupana.

Amúx 6:11

Erü nüma ya Cori ya Tupana rü tá nanamu nax yima ĩpatagü ya itaxü̃negu rü ĩpatagü ya íxranegu napogüexü̃. Rü guxü̃netáma ya ĩpatagü rü tá nachitaxü̃xica ínayaxügü.

Amúx 3:12

Rü nüma ya Cori ya Tupana rü ñanagürü ta: —Ñoma wüxi i carnéruarü dauruxü̃ i leóü̃a̱xwa taxre ya carnéruparagü rü carnéruchinüpe̱xe itúxuchixü̃rüxü̃ tá nixĩ nax yabuxmüxü̃ i ngẽma Iraétanüxü̃ i Chamáriawa ngẽxmagüxü̃ i ñu̱xma taãẽãcüma norü pechica i mexẽchixü̃cüwagu cagüxü̃ —ñanagürü.

Ochéa 13:3

Rü ngẽmaca̱x i ngẽma duü̃xü̃gü rü tá ngürüãchimare narüxogü, ngẽma caixanexü̃ i pa̱xmama rücaxixü̃rüxü̃. Rü ñoma cherena i ngunetüxü̃ ínguxü̃rüxü̃ tá narüxogü. Rü ñoma wüxi i naixatü i marü ipaxü̃ i buanecü ngextá cuemarexü̃rüxü̃ tá narütaxu rü ñoma üxüarü caxixü̃rüxü̃ tá narüxo.

Ochéa 10:15

Rü pemax, Pa Betécüã̱xgü, rü ngẽxgumarüxü̃ tátama pexü̃ nangupetü erü ngẽma perü chixexü̃gü rü nataxüchi. Rü ngẽma Iraéanearü ãẽ̱xgacü rü marü yangunechaü̃gu tá nayu —ñanagürü.

Ochéa 8:8

Rü ngẽma Iraéanecüã̱xgü rü to i nachixü̃aneme̱xẽwa tá nangẽxmagü. Rü ngẽma togü i nachixü̃anecüã̱xgü rü tá nüxü̃ nacugüe rü taxuwama nanamexẽxẽ.

Ochéa 4:5

Rü cuma rü ngunecü tátama nagu cungu i ngẽma guxchaxü̃. Rü nüma ya yima orearü uruü̃neta rü chütacü cuxrüxü̃tátama nagu nangu. Rü choma rü tá chanadai i curü duü̃xü̃gü.

Ochéa 1:9

Rü yexguma ga nüma ga Cori ya Tupana rü Ochéaxü̃ ñanagürü: —Ngẽma cune rü Lo-amígu naxüéga, erü pema i Iraéanecüã̱xgü rü marü tama chorü duü̃xü̃gü pixĩgü rü choma rü marü tama perü Tupana chixĩ —ñanagürü.

Ochéa 1:6

Rü yexguma ga ngĩma ga Góme rü wena ixãxacü, rü nange ga ngĩxacü. Rü nüma ga Cori ya Tupana rü Ochéaxü̃ ñanagürü: —Ngẽma ngĩéga i ngẽma cuxacü rü Lo-ruáma tá nixĩ. Erü ñu̱xmawena rü marü taxũtáma choxü̃́ nangechaü̃tümüxü̃gü i Iraéanecüã̱xgü. Rü marü taxũtáma nüxü̃́ nüxü̃ icharüngüma i ngẽma norü chixexü̃gü.

Ochéa 1:4

Rü ñu̱xũchi ga nüma ga Cori ya Tupana rü ñanagürü Ochéaxü̃: —Yimá cune rü Yereé tá nixĩ i naéga. Erü paxaxüchitáma chanapoxcue i ngẽma nataagü ya yimá ãẽ̱xgacü ya Yeú naxca̱x ga yema taxü̃ ga máeta ga naxüxü̃ nawa ga guma ĩane ga Yereé. Rü ngẽma Iraéanecüã̱xgü rü ngẽxma tá chayacua̱xẽxẽ nax nügümaxãtama inacua̱xgüechaxü̃.

Ichaía 30:13

Rü ngẽmaca̱x pegagu nixĩ i ngẽma tá pexü̃ üpetüxü̃. Rü ñoma wüxi i naxtapü̱x i máchanexü̃ rü ngǘxtexü̃ rü ngürüãchi iwáxü̃rüxü̃ pixĩgü.

Ichaía 10:17

Rü nüma ya Cori ya Tupana ya üünecü ya Iraétanüxü̃arü omü ixĩcü, rü üxüemaü̃ tá nügü nixĩxẽxẽ. Rü wüxi i ngunexü̃gu rü tá ínanagu i ngẽma Achíriaanearü churaragü ñoma tuxunecü rü maxẽnecü iguxü̃rüxü̃.

Yeremía 6:21

Rü ngẽmaca̱x ya Cori ya Tupana rü ñanagürü: —Ngẽma duü̃xü̃gü rü guxchaxü̃ tá naxca̱x íchanguxẽxẽ. Rü ngẽma nanatügü, rü nanegü, rü ngẽma norü ngaixcamagu ãchiü̃güxü̃, rü namücügü, rü guxü̃táma wüxigu nayue —ñanagürü.

Yeremía 8:12

Rü name chi nax naxcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i nüxü̃ chixuxü̃ i ngẽma” —ñanagürü.

Auxexü̃chiga 4:16

Rü nümatama ga Cori ya Tupana rü nanawoonemare, rü tama nüxü̃ narüngü̃xẽxẽ. Rü taxúema naga taxĩnüe ga yema chacherdótegü rü taxúema nüxü̃ tangechaü̃ ga yema ãẽ̱xgacügü.