Ichaía 9:10 - Tupanaarü Ore

¹⁰ —Woo inagüxgu ya tórü ĩanearü poxeguxü̃ ya ladriyunaxca̱x, natürü nachicüxü tá tananucu ya nutagü. Rü woo yabüyegu ya yima omütagü i nai ya doxü̃nenaxca̱x, natürü nachicüxü tá tananucu ya omütagü ya ocayiwanaxca̱x —ñanagürügü.

Ichaía 9:10 Referans Kwoze

Maraquía 1:4

Rü ngẽxguma ngẽma Edóü̃cüã̱x i Echaú nataagü rü woo ñagügu: —Yixemagü rü marüchire̱x itarüxogü, natürü wena tá ítanadaxẽẽãma i tachixü̃ane —ñagügu, natürü nüma ya Cori ya Tupana ya Guxãétüwa Ngẽxmacü rü ñaãcü tá nanangãxü̃ rü ñanagürü: —Woo penamexẽẽgu i ngẽma pechixü̃ane, natürü choma rü tá wena ichanaxoxẽxẽ. Rü ngẽma perü naane rü Chixexü̃ i Nachixü̃anemaxã, tá nanaxugü i duü̃xü̃gü. Rü Duü̃xü̃gü ya Tupana Namaxã Nuxü̃maxã tá pexü̃ naxugü.

Nüxíraxü̃xü̃ ga popera ga ãẽ̱xgacügüchiga 10:27

Rü nüma ga ãẽ̱xgacü rü Yerucharéü̃gu nananutaque̱xe ga diẽrumü, rü yemaca̱x ñoma nutagürüxü̃ namuxũchi. Rü yexgumarüxü̃ ta ga guma ocayiwagü ga inatogüne rü ñoma igunecü i naixnecüwa rüxügüxü̃rüxü̃ namuxũchi.

Ore i mexü̃ ga Luca ümatüxü̃ 19:4

Rü yemaca̱x Ngechuchupe̱xegu nayangu, rü namacüwawa wüxi ga naixtanügu naxĩnagü nax Ngechuchuxü̃ nadauxü̃ca̱x ga yéma naxüpetügu.

Ochéa 8:14

Ngẽma Iraétanüxü̃ rü nanaxü ya ĩpatagü ya mexẽchine, natürü choxü̃ inarüngümae nax choma yixĩxü̃ i chanangóexẽẽxü̃. Rü ngẽma Yudáanecüã̱xgü rü nanaxü ga muxü̃nema ya ĩanegü ya meama ípoxegugüne. Natürü i choma rü tá íchanagu ya guxü̃nema ya yima ĩanegü —ñanagürü ya Tupana.

Norü taxre ga popera ga ãẽ̱xgacügüchiga 16:9

Rü yexguma nüma ga Tigáx-piréche ga Achíriaanearü ãẽ̱xgacü rü Acáxü̃ narüngü̃xẽxẽ. Rü nanamexẽxẽ ga norü churaragü nax naxca̱x íyagoõchixü̃ca̱x ga guma ĩane ga Damácu. Rü ñu̱xũchi nayapu ga guma ĩane rü norü ãẽ̱xgacü ga Rechíü̃xü̃ nima̱x. Rü ínanawoxü̃ ga yémacüã̱xgü, rü ĩane ga Quíruwa nanagagü.