Ichaía 8:9 - Tupanaarü Ore

⁹ ¡Pa Nachixü̃anegü i Yáxü̃wa Ngẽxmagüxü̃, iperüxĩnüe i ñaa ore! Rü woo aixta pexüegu nax daiwa pexĩxü̃ca̱x, rü tá pexchama pedai. Rü woo pegü pemexẽẽgügu nax daiwa pexĩxü̃ca̱x, rü tá pexchama peyue. Rü woo pegü pemexẽẽgügu nax daiwa pexĩxü̃ca̱x, rü tá pexchama íxraxü̃gu pepoü̃gü.

Ichaía 8:9 Referans Kwoze

Ucu̱xẽgüchiga 11:21

Aixcümaxü̃chi tá napoxcu i ngẽma duü̃xü̃ i chixexü̃gu maxü̃xü̃, natürü yíxema mexü̃ i nacümagu maxü̃́xẽ, rü taxũtáma tapoxcu.

Nüxíraxü̃xü̃ ga popera ga ãẽ̱xgacügüchiga 20:11

Rü yexguma nüma ga ãẽ̱xgacü ga Acáx rü nanangãxü̃ rü ñanagürü: —¡Taxṹ i yaxtacüma nüxü̃ quixuxü̃ nax choxü̃ curüporamaexü̃! —ñanagürü.

Ichaía 54:15

Rü ngẽxguma wüxi i nachixü̃ane pexca̱x íyaxüãchigu rü taxũtáma chorü mugagu nixĩ. Natürü pema rü tá nüxü̃ perüporamaegü.

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Ichaía 28:13

Rü ngẽmaca̱x ya Cori ya Tupana rü ñoma buxü̃gü i buexüchixü̃ i ngexwaca̱xtama ugütaexü̃ cua̱xgüxü̃ãcü tá pemaxã nidexa. Rü pema rü ngẽxguma ipexĩxgu rü buxü̃gü i ngexwaca ũxü̃ cua̱xgüxü̃rüxü̃ tá peca̱xwe̱xmaxã ipeyayi rü peyapíe, rü perü uanügü tá pexü̃ ínayaxuxü̃.

Yeremía 42:11

¡Rü taxṹ i nüxü̃ pemuü̃exü̃ i Babiróniaanearü ãẽ̱xgacü i ñu̱xma poraãcü nüxü̃ pemuü̃exü̃! ¡Rü taxṹ i nüxü̃ pemuü̃exü̃ erü choma rü petanüwa changexma nax peétüwa chachogüxü̃ca̱x rü naxme̱xwa pexü̃ íchanguxü̃xẽxẽxü̃ca̱x! Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 51:20

Cumax, Pa Babiróniax, rü chorü martíyu rü chauxne quixĩ. Rü cuxü̃ chayanaxoxẽxẽ i nachixü̃anegü rü cuxü̃ chanadaixẽxẽ i norü ãẽ̱xgacügü.

Echequié 38:7

¡Rü cugü namexẽxẽ rü namexẽxẽ i guxü̃ma i ngẽma churaragü i cuwa ügüxü̃! ¡Rü cuma namaxã inacua̱x!

Yochué 11:5

Rü guxü̃ma ga yema ãẽ̱xgacügü rü natü ga Merúü̃cutügu nangutaque̱xegü. Rü yexma nayapexgü nax yéma Iraétanüxü̃ca̱x íyaxü̃ãchixü̃ca̱x.

Yeremía 46:3

Rü Cori ya Tupana rü ñanagürü: —¡Ípenamexẽxẽ i perü poxü̃ruü̃gü! ¡Rü naxca̱x ípeyaxüãchi i perü uanügü!

Yeremía 46:4

¡Rü penanuxcu i naxma̱xwe̱xegü i cowarugü! ¡Rü naétü petogü, Pa Churaragüx! ¡Rü penanuxcu i pepate̱xegü! ¡Rü mea pegü pexüchimüü̃gü! ¡Rü peyaxümagu ya perü wocaegü! ¡Rü pegüremüwa penanuxcu i perü poxü̃ruü̃gü!

Echequié 38:8

Rü mucü ya taunecü ngupe̱xtüguwena rü cuxca̱x tá ínangu i wüxi i mu nax naxca̱x ícuyagoõchixü̃ca̱x i wüxi i nachixü̃ane ga daiwa yexmaxü̃ natürü i ñu̱xma rü wenaxarü marü mexü̃. Rü yema duü̃xü̃gü rü noxri muxü̃ma ga nachixü̃anegu nawoonemare rü norü naane rü poraãcü nangeãcu. Natürü wenaxarü Iraéane i máxpü̱xanexü̃ca̱x nawoegu. Rü ñu̱xma rü guxü̃ma i nümagü rü ngéma nangẽxmagü rü taãẽãcü ngéma namaxẽ.