Ichaía 8:4 - Tupanaarü Ore

⁴ Rü yimá cune rü naxü̃pa nax nüxü̃ nacuáxü̃ nax “papa” rü “mama” ñaxü̃, rü yima ĩanegü ya Damácu rü Chamária rü tá norü uanügü nagu nachocu. Rü tá nanade i norü ngẽmaxü̃gü, rü Achíriaanearü ãẽ̱xgacüxü̃tawa tá nanana —ñanagürü.

Ichaía 8:4 Referans Kwoze

Romanos 9:11

Natürü yexguma tauta nabuegu rü taxuxü̃ma ga mexü̃ rü ẽ̱xna chixexü̃ naxüegu ga yema ngĩnegü, rü Rebécamaxã nidexa ga Tupana, rü ñanagürü: “Rü ngẽma nüxíra buxü̃ i cune, rü ngẽma wixweama buxü̃arü duü̃xü̃ tá nixĩ”, ñanagürü ngĩxü̃. Rü yema dexa rü namaxã nawüxigu i Tupanaarü ore i ümatüxü̃ i ñaxü̃: “Marü chanayaxu ya Acóbu, natürü nüxü̃ chaxo ya Echaú”, ñaxü̃. Rü yemaacü ga Tupana rü ngĩmaxã nanango̱xẽxẽ nax naxme̱xwa nangẽxmaxü̃ nax tüxü̃ nayaxuxü̃ ya yíxema woetama nüxü̃́ ngúchaü̃xẽ nax tümaca̱x naca̱xaxü̃, tama nagu naxĩnüãcüma i ta̱xacürü mexü̃ rü ẽ̱xna ta̱xacürü chixexü̃ nax taxüxü̃.

Yoná 4:11

Rü dücax, choma rü yexeraãcü choxü̃́ nangu̱x nax nayuexü̃ i ngẽma duü̃xü̃gü i Nínibecüã̱xgü, erü yima ĩanewa nangẽxmagü i 120,000 i buxü̃gü i taxuxü̃ma i chixexü̃ ügüxü̃ rü muxü̃ma i naxü̃nagü —ñanagürü.

Norü taxre ga popera ga ãẽ̱xgacügüchiga 17:3

Rü nüma ga Achíriaanearü ãẽ̱xgacü ga Chamanachá, rü norü churaragümaxã Iraéanecüã̱xarü ãẽ̱xgacü ga Ochéaca̱x ínayagoõchi rü nüxü̃ narüporamae. Rü nüma ga Chamanachá rü nügüme̱xwa nanayexmaxẽxẽ ga Ochéa rü naxü̃tawa tacü ga diẽruca̱x ínacaüüxü̃ ga guxcüma ga taunecügügu.

Norü taxre ga popera ga ãẽ̱xgacügüchiga 16:9

Rü yexguma nüma ga Tigáx-piréche ga Achíriaanearü ãẽ̱xgacü rü Acáxü̃ narüngü̃xẽxẽ. Rü nanamexẽxẽ ga norü churaragü nax naxca̱x íyagoõchixü̃ca̱x ga guma ĩane ga Damácu. Rü ñu̱xũchi nayapu ga guma ĩane rü norü ãẽ̱xgacü ga Rechíü̃xü̃ nima̱x. Rü ínanawoxü̃ ga yémacüã̱xgü, rü ĩane ga Quíruwa nanagagü.

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Wenaxarü naxümatü ga Tupanaarü mugü 1:39

Rü woo pema rü nagu perüxĩnüe nax ngẽma perü uanügü tá pexna tüxü̃ puxü̃güxü̃ ya yíxema pexma̱xgü rü pexacügü, natürü yíxema pexacügü ya tauta tümaãẽxü̃ icuáxe tá tixĩ i nawa ngugüxe i ngẽma naane. Rü choma tá nixĩ i nüxna chanaxãxü̃ i ngẽma naane nax ngẽmaãcü namaxã inacua̱xgüxü̃ca̱x.

Ichaía 17:3

Rü Efraíü̃anewa rü tá inayarüxo ya yima norü ĩanegü ya ípoxegugüne. Rü yima ĩane ya Damácu rü ngẽxgumarüxü̃ tá ta inayarüxo. Rü ngẽma Chíriaanewa íyaxügüxü̃ i duü̃xü̃gü rü norü ngẽmaxü̃gü rü Iraétanüxü̃arü tá nixĩgü. Rü Cori ya Tupana ya Guxãétüwa Ngẽxmacü nixĩ ya ngẽma ñacü.

Ichaía 8:5

Rü Cori ya Tupana rü wenaxarü chomaxã nidexa rü ñanagürü:

Ichaía 17:1

Ñaa nixĩ i Tupanaarü ore ya ĩane ya Damácuchiga ixĩxü̃. Damácu rü tá inayarüxo nax ĩane yixĩxü̃. Rü natüchixica tátama ngéma nayaxǘ.

Amúx 1:3

Rü Cori ya Tupana rü nüxü̃ nixu rü ñanagürü: —Ngẽma Damácucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chapoxcuexü̃, yerü nüma rü nanadai ga chorü duü̃xü̃gü ga Garaáxcüã̱xgü ñoma fierumena̱xãmaxã ta̱xacü ipoxü̃rüxü̃.

Ichaía 28:4

Rü yima ĩane ya metachinüxü̃ iyacuáxü̃arü ma̱xpǘnewa ngẽxmane rü ñoma putüragü i paxãma rüñẽ̱xchacuxü̃rüxü̃ tá nixĩgü. Rü ñoma nüxíraxü̃xü̃ i iguarü o i ngẽxguma texé nüxü̃ da̱u̱xgux rü ticawexü̃ rü tangṍxü̃rüxü̃ tá nixĩgü.

Amúx 1:5

Rü tá chayaponaama i Damácuarü poxeguxü̃arü ĩã̱x. Rü tá chayama̱x i norü ãẽ̱xgacü i Bicax-abéü̃wa ãẽ̱xgacü ixĩxü̃. Rü ngẽxgumarüxü̃ tá ta chayama̱x i norü ãẽ̱xgacü i Bex-edéü̃wa ãẽ̱xgacü ixĩxü̃. Rü norü uanügü rü tá Quíruwa nanagagü i ngẽma Chíriacüã̱xgü —ñanagürü ya Cori ya Tupana.