Ichaía 8:22 - Tupanaarü Ore

²² Rü ñu̱xũchi tá ñaa waixü̃müanegu narüdaunü, rü ngẽma nüxü̃ nadaugüxü̃ tá nixĩ nax nataxuma i ta̱xacürü õna. Rü ẽanexü̃xü̃xica tá nadaugü rü ngúxü̃ tá ningegü. Rü guxü̃watáma nachüta rü nawaanemare.

Ichaía 8:22 Referans Kwoze

Ichaía 5:30

Rü ngẽxguma nawa nanguxgu i ngẽma ngunexü̃ rü norü taga i ngẽma nachixü̃anearü churaragü i Iraétanüxü̃ca̱x íyaxüãchixü rü ñoma már arü yuapegarüxü̃ tá nixĩ. Rü ngẽxguma texé nüxü̃ dawenügu i ñoma i naane rü tá nüxü̃ tadau nax nawaanexü̃, rü caixanexü̃ i waemaxü̃ rü tá nanatüpechita ya üa̱xcü.

Ore i mexü̃ ga Matéu ümatüxü̃ 22:13

Rü yexguma ga gumá ãẽ̱xgacü rü ñanagürü nüxü̃ ga yema norü duü̃xü̃gü: “¡Mea peyana̱ĩ̱xpara rü peyana̱i̱xchacüxügü i ñaa yatü, rü yéama düxétüwa i ínaxẽanexü̃wa peyatá! Rü ngéma tá narüdoxü rü tá nixü̃́xchapüta erü poraãcü tá nüxü̃́ nangu̱x”, ñanagürü.

Ore i mexü̃ ga Matéu ümatüxü̃ 8:12

Natürü muxü̃ma i Iraétanüxü̃ rü taxũtáma nichocu i ngextá Tupana ãẽ̱xgacü íxĩxü̃wa. Rü ẽanexü̃wa tá nawogü. Rü ngéma tá naxauxe, rü tá nixü̃́xchapütagü —ñanagürü.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Popera ga Yúda ümatüxü̃ 1:13

Rü ñoma yuape i taxü̃ i norü chixixü̃ i ãũãchixü̃ naxãnacüwa yatáxü̃rüxü̃ nixĩgü, rü ngẽma naxügüxü̃ rü taxü̃ i norü ãne nixĩ. Rü ñoma woramacurigü ya nu ne naxĩmarecürüxü̃ nixĩgü. Natürü Tupana rü marü ngẽma duü̃xü̃gümaxã nanaxuegu nax ngẽma waanexü̃chixü̃wa guxü̃gutáma nawogüãxü̃.

Ucu̱xẽgüchiga 14:32

Duü̃xü̃ i chixexü̃gu maxü̃xü̃, rü norü chixexü̃gagu tá inarütaxu. Natürü duü̃xü̃ i mexü̃gu maxü̃xü̃, rü ngẽma mexü̃ i nacüma tá ínanapoxü̃.

Yox 18:18

Rü ngóonexü̃wa rü tá ínanata̱xüchigü, rü waanexü̃gu tá nanata̱xcuchigü. Rü ñoma i naanewa rü tá ínanata̱xüchigü.

Ore i mexü̃ ga Matéu ümatüxü̃ 24:29

Rü nawena i ngẽma ngúxü̃gü rü tá nixo ya üa̱xcü, rü taxũtáma inabaxi ya tauemacü. Rü woramacurigü rü ẽxtagü rü tá narüyi. Rü guxü̃ma i daxũwa ngẽxmagüxü̃ rü tá naxĩã̱xãchitanü rü tá nu ne nanaxĩmare.

Ichaía 9:1

Rü nüma ya Tupana rü woo guxchaxü̃wa nayexmaxẽẽãgu ga Gariréaane ga noxri Chaburóü̃ane rü Netaríane ixĩxü̃, natürü nawena rü tá nanatachigaxẽxẽ. Rü ngẽma Gariréaane rü natü ya Yudáü̃arü tocutüwa tá inaxügü rü ñu̱xmata márwa nangu i duü̃xü̃gü i tama yaxõgüxü̃ íxãchiü̃güxü̃wa.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:10

Rü yema norü wüxime̱e̱xpü̱x ga orearü ngeruxü̃, rü yema ngo̱xoarü tochicaxü̃étügu nayabaãcu ga norü copu. Rü guxü̃wama ga ngextá ãẽ̱xgacü íyixĩxü̃wa ga yema ngo̱xo, rü naxẽane. Rü yema nax poraãcü nüxü̃́ nangúxü̃ ga duü̃xü̃gü, rü nügü nangóorü conüã̱xgü.

Ichaía 30:6

Rü ñaa nixĩ i Cori ya Tupanaarü ore nachiga i ngẽma Négueanewa ngẽxmagüxü̃ i ngo̱xogü. Rü ngẽma naane i ãũcümaxü̃ i nawa ngẽxmagüxü̃ i leóü̃gü rü ãxtapegü i tüxü̃ ngóxü̃ rü ãxtapegü i tüxna yuxuxü̃, rü ngẽma naanegu búrutagügu rü caméyutagügu ngẽma Iraétanüxü̃ nayana i norü ngẽmaxü̃gü rü norü diẽrugü nax Equítuanearü ãẽ̱xgacüna yanaxãxü̃ca̱x nax ínapoxü̃ãxü̃ca̱x.

Ichaía 50:11

Natürü i pema rü toguama perüxĩnüe rü perütama omügü penanaixẽxẽ nax nagu pexĩxü̃ca̱x. Rü ngẽmaãcü Tupanaxü̃ pexo. Rü ngẽmaca̱x i nüma ya Tupana ya Guxãétüwa Ngẽxmacü rü tá pexü̃ napoxcue rü ngúxü̃ pexü̃ ningexẽxẽ —ñachagürü.

Ichaía 59:9

Rü tórü chixexü̃gagu Tupana tama paxa tórü uanügüme̱xẽwa tüxü̃ ínanguxü̃xẽxẽ. Rü yixema nagu tarüxĩnüe nax paxa chi íinguxü̃xü̃, natürü tórü uanügüme̱xẽwa tangexmagüama. Nagu tarüxĩnüe nax paxa ngóonexü̃wa tá imaxẽxü̃ natürü ẽanexü̃wa tangexmagüama.

Ínachoxü̃xü̃chiga 10:21

Rü yexguma ga Cori ya Tupana rü Moichéxü̃ ñanagürü: —¡Nawe̱xnagüchacüxü nax guxü̃ma i Equítuanewa nawaanexü̃ca̱x! —ñanagürü.

Ínachoxü̃xü̃chiga 10:22

Rü nüma ga Moiché rü nawe̱xnagüchacüxü rü poraãcü nawaane ga guxü̃ma ga Equítuanewa.

Ichaía 50:3

Rü choma rü dauxü̃wa chanawaanexẽxẽ ñoma wüxi i nge i yutecü i naxchiru i waxü̃gu icu̱xcürüxü̃ —ñanagürü ya Tupana.

Ichaía 60:2

Rü ẽanexü̃wa nangema i ñoma i naane, rü guxü̃ma i nachixü̃anegüca̱x rü nawaane. Natürü nüma ya Cori ya Tupana rü tá pexca̱x nanangóonexẽxẽ rü pewa tá inanawe̱x i norü pora.