Ichaía 8:21 - Tupanaarü Ore

²¹ Rü duü̃xü̃gü rü tá nuxica ne nanaxĩ, rü tá chixri namaxã nachopetü rü tá nataiyae. Rü ngẽma taiya tá nananuexẽxẽ. Rü chixexü̃ i ore tá norü ãẽ̱xgacümaxã nixugüe. Rü dauxü̃ nadaunüãcüma tá chixexü̃ norü Tupanamaxã nixugüe.

Ichaía 8:21 Referans Kwoze

Ucu̱xẽgüchiga 19:3

Ngẽma duü̃xü̃ i tama naãẽxü̃ cuáxü̃, rü nüxna nixũgachi i ngẽma nacüma i mexü̃, rü ñu̱xũchi Cori ya Tupanana nanaxu nax yimágagu yixĩxü̃ i nüxna yaxũgachixü̃.

Yeremía 52:6

Rü gumá taunecüarü ãgümücüarü tauemacüarü 9 ga ngunexü̃gu rü poraãcü taiya ínangu ga guma ĩanewa. Rü duü̃xü̃gü rü nüxü̃́ nataxuma ga õna.

Yeremía 14:18

Rü ngẽxguma tá naanewa chaxũxgu, rü tá nüxü̃ chadau i ngẽma daigu yuexü̃ i duü̃xü̃gü. Rü ngẽxguma ĩanegu chaxücugu, rü tá nüxü̃ chadau i duü̃xü̃gü i taiyamaxã iyuetanüxü̃. Rü woo ngẽma orearü uruü̃gü, rü ngẽma chacherdótegü rü wüxi i nachixü̃ane i tama nüxü̃ nacua̱xgüxü̃wa tá nanagagü” —ñanagürü.

Yox 2:9

Natürü tüma ga naxma̱x rü ñatagürü nüxü̃: —¿Ẽ̱xna ñoma rü ta nagu curüxĩnüama nax mea Tupanape̱xewa cumaxü̃xü̃? ¡Rü Tupanape̱xewa chixexü̃ naxuegu rü noxtacüma nayu! —ñatagürü.

Yox 2:5

Natürü ngẽxguma chi naxü̃newaxüchi yada̱xawexẽẽ̱xgu rü tá nüxü̃ cudau nax chixexü̃ tá cupe̱xewatama cumaxã yaxugüxü̃ —ñanagürü.

Yox 1:11

¡Rü dücax, nüxü̃ iyanaxoxẽxẽ i guxü̃ma i ngẽma nüxü̃́ ngẽxmaxü̃, rü ngẽxguma tá nüxü̃ cudau nax cupe̱xewatama cumaxã naguxchigaxü̃! —ñanagürü.

Norü taxre ga popera ga ãẽ̱xgacügüchiga 25:3

Rü yexguma gumá norü 4 ga tauemacüarü 9 ga ngunexü̃gu ga gumátama taunecügu rü yexera poraãcü taiya nangu̱x ga guma ĩanewa. Yerü yema duü̃xü̃gü rü marü nüxü̃́ nataxuma ga ta̱xacü nangõ̱xgüxü̃.

Ínachoxü̃xü̃chiga 22:28

Rü choma ya Cori ya Tupana rü tama chanaxwa̱xe i chixri chauchiga quidexa, rü tama name i ta̱xacü namaxã quixugü i ngẽma perü ãẽ̱xgacü.

Norü taxre ga popera ga ãẽ̱xgacügüchiga 6:33

Natürü yexguma namücügümaxã íyadexayane ga Erichéu, rü yéma nangu ya yema yatü ga ãẽ̱xgacü yéma muxü̃. Rü Erichéuxü̃ ñanagürü: —Ñaa guxchaxü̃ rü Tupana nixĩ i taxca̱x nua namuxü̃. Rü ngẽmaca̱x marü taxuacüma íchayangu̱xẽxẽ nax nüma rü tá tüxü̃ nangü̃xẽẽxü̃ —ñanagürü.

1 Chamué 8:18

Rü ngẽma ngunexü̃gu i namaxã pechixeãẽgügu i ngẽma ãẽ̱xgacü i ñu̱xmax naxca̱x ípeca̱xaxü̃, rü nüma ya Cori ya Tupana rü marü taxũtáma pexü̃ narüngü̃xẽxẽ —ñanagürü ga Chamué.

Yox 18:12

Rü ngẽma norü pora rü taiyamaxã nigúchigü. Rü ngẽma guxchaxü̃gü rü marü nüxü̃ ningaica nax nagu nanguxü̃.

Ichaía 9:21

Rü Efraíü̃tanüxü̃ rü Manachétanüxü̃maxã tá nügü nadai. Rü ngẽmawena rü ngẽma taxre rü wüxigu tá Yudáaneca̱x ínayaxüãchi. Rü guxü̃ma ga yema chixexü̃ ga naxügüxü̃gagu rü nüma ya Cori ya Tupana rü tama Iraéanecüã̱xgümaxã inarüngü̃xmü, rü yexeraãcü nayaxãxũnechigüama.

Ichaía 14:30

Rü ngẽma duü̃xü̃gü i ngearü diẽruã̱xgüxü̃ i chorü naanewa ngẽxmagüxü̃ rü tá nüxü̃́ nangẽxma i nabü naxca̱x i naxü̃nagü. Rü ngẽma duü̃xü̃ i ngearü ngẽmaxü̃xã̱xgüxü̃ rü taxúetama nüxü̃ tachixewe i ngẽxguma nangü̃egu. Natürü ngẽma Firitéutanüxü̃ rü choma rü tá taiya naxca̱x íchanguxẽxẽ rü ngẽmamaxã tá nayue. Rü ngẽma noxre i íyaxügüxü̃ rü tá chanadai.

Ichaía 51:19

Ñaa ga taxre ga guxchaxü̃ petanügu nangu, rü perü uanügü nagu napogüe ga pechixü̃ane rü nanadeãcu, rü petanüxü̃ rü daigu rü taiyamaxã nayue. ¿Rü texéaxü̃́ tá ipexauxãchitümüxü̃güxü̃? ¿Rü texé tá pexü̃ taãxẽxẽxẽxü̃?

Ichaía 59:9

Rü tórü chixexü̃gagu Tupana tama paxa tórü uanügüme̱xẽwa tüxü̃ ínanguxü̃xẽxẽ. Rü yixema nagu tarüxĩnüe nax paxa chi íinguxü̃xü̃, natürü tórü uanügüme̱xẽwa tangexmagüama. Nagu tarüxĩnüe nax paxa ngóonexü̃wa tá imaxẽxü̃ natürü ẽanexü̃wa tangexmagüama.

Ichaía 65:13

Rü Tupana rü ñanagürü ta: —Ngẽma chorü duü̃xü̃gü i choxü̃́ yaxõgüxü̃ rü taxũtáma nataiyae, natürü i pema ya choxna ixĩgachitanüxẽ rü tá pitaiyae. Rü ngẽma chorü duü̃xü̃gü rü tá naxaxegü, natürü i pema rü tá pita̱xawae. Rü ngẽma chorü duü̃xü̃gü rü tá nataãẽgü, natürü i pema rü tá pexãnee.