Biblia Todo Logo
Bib sou entènèt

- Piblisite -




Ichaía 8:18 - Tupanaarü Ore

18 Rü nüma ya Cori ya Tupana ya Guxãétüwa Ngẽxmacü ya ma̱xpǘne ya Chióü̃gu ãchiü̃cü rü choxna nanamu i chaunegü nax wüxigu chaunegümaxã cua̱xruxü̃ tixĩgüxü̃ca̱x naxca̱x i Iraétanüxü̃.

Gade chapit la Kopi




Ichaía 8:18
27 Referans Kwoze  

Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.


Rü ñachagürü ta: “Choma rü Yerucharéü̃ca̱x tá chataegu nax ngéma chamaxü̃xü̃ca̱x. Rü ngẽxguma chataeguxgu rü yima ĩane ya Yerucharéü̃ rü Ĩane ya Chauga Ĩnünemaxã tá nanaxugü. Rü ngẽxgumarüxü̃ ta ya yima chorü ma̱xpǘne ya Chióü̃, rü Ma̱xpǘne ya Üünenemaxã tá nanaxugü”, ñachagürü.


Rü muxü̃ma i duü̃xü̃gü rü chomaxã naba̱i̱xãchiãẽgü, erü marü chaya. Natürü cuma nixĩ i chorü poxü̃ruxü̃ quixĩxü̃.


¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.


Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.


Rü ngẽma tataagü i tawena buexü̃ rü tá Cori ya Tupanaaxü̃́ napuracüe rü tá nüxü̃ nicua̱xüü̃gü. Rü tá nüxü̃ naxĩnüe i nachiga.


¡Rü naxca̱x pewiyaegü ya Cori ya Tupana ya Chióü̃wa ãẽ̱xgacü ixĩcü! ¡Rü guxü̃ i nachixü̃anegüwa nüxü̃ pixu i ngẽma mexü̃gü i naxüxü̃!


Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.


Rü ngẽxguma nüma ya Cori ya Tupana ya Guxãétüwa Ngẽxmacü ãẽ̱xgacü yixĩxgu i ma̱xpǘne ya Chióü̃wa i Yerucharéü̃wa, rü yimá tauemacü rü tá nadauemamare rü yimá üa̱xcü rü tá naxeemamare. Rü yima ĩanearü ãẽ̱xgacügü rü tá nüxü̃ nadaugü ya Cori ya Tupanaarü üüne.


¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.


¿Rü ta̱xacü rü oremaxã tá penangãxü̃ i ngẽma Firitéugüarü orearü ngeruü̃gü? ¡Rü namaxã nüxü̃ pixu nax Cori ya Tupana yixĩxü̃ i naxüxü̃ ya Chióü̃, rü nagu tá tayarücu̱xgü ya yíxema norü duü̃xẽgü ya ngúxü̃ ingegüxe! —ñanagürü.


Rü nüma ga Dabí rü ñanagürü: —Cori ya Tupana ya Iraétanüxü̃arü Tupana rü taãẽwa nanangexmagüxẽxẽ i norü duü̃xü̃gü. Rü nüma ya Tupana nanaxwa̱xe nax guxü̃gutáma Yerucharéü̃gu naxãpataxü̃.


Rü ñuxre ga pema rü duü̃xü̃gü pemaxã naguxchigagü rü guxãpe̱xewa pexü̃ nicua̱i̱xgü. Rü toguxe ga pemax rü pegü ipeyaxãgü nax yema pemücügürüxü̃ ngúxü̃ pingegüxü̃ca̱x.


Rü yexguma ga Cori ya Tupana rü Ichaíamaxã nidexa rü ñanagürü: —¡Cune ya Cheá-yachúxü̃ igá nax ãẽ̱xgacü ya Acháxmaxã yanadexaxü̃ca̱x! Rü nüma ya Acháx rü yimá puchu ya dauxü̃wa ngẽxmacüwa ne daxü̃ i caxteanearü gu̱xwa nangẽxma. Rü ngẽma ínangexmaxü̃wa rü nüxna nangaicama i ngẽma nama i Naxchiru Íyauxgüxü̃anewa nadaxü̃.


Rü choma rü tá namaxã chanu i ngẽma yatü, rü wüxi i poxcu i duü̃xü̃güarü cua̱xruxü̃ tá nüxna chaxã nax ngẽmachiga yadexagüxü̃ca̱x i guxü̃ma i duü̃xü̃gü. Rü ñu̱xũchi ngẽma chorü duü̃xü̃gütanüwa tá ichayanaxoxẽxẽ. Rü ngẽxguma tá nixĩ i nüxü̃ picua̱xãchitanüxü̃ i pemax nax choma chixĩxü̃ ya Cori ya Tupana.


Rü yixcama ga choma rü cho̱xma̱xmaxã ichape. Rü ngĩma rü choxü̃́ ixãxacü rü wüxi ga buxü̃ ga yatüxü̃ nixĩ. Rü yexguma ga Cori ya Tupana rü chomaxã nidexa rü ñanagürü: —Rü Maxe-chara-axbáx tá nixĩ i naéga.


Rü yemawena ga Echaú rü guxema ngexegüxü̃ rü buxegüxü̃ nadawenü rü ínaca rü ñanagürü: —¿Texégü tixĩ ya daxegü? —ñanagürü. Rü Acóbu nanangãxü̃ rü nüxü̃ ñanagürü: —Tupana rü chomaxã namecüma rü ngẽmaca̱x choxna nanamugü i ñaa chaunegü —ñanagürü.


Rü ngẽma guxchaxü̃gü i tá cuxca̱x íngugüxü̃ rü guxü̃gutáma cuxca̱x rü cutaagüca̱x rü taxü̃ i cua̱xruxü̃ tá nixĩ.


Rü yexguma ga Cori ya Tupana rü ñanagürü: —Chorü duü̃ ya Ichaía rü tomaepü̱x ya taunecü taguma chapatugu nicuaxi rü taguma naxchirugu nicu̱x. Rü ngẽma rü wüxi i cua̱xruxü̃ nixĩ naxca̱x i ngẽma Equítuanecüã̱xgü rü Etiopíaanecüã̱xgü nax ngẽmawa nüxü̃ nacuáxü̃ca̱x i ta̱xacü tá namaxã ngupetüxü̃.


Rü choma ya Cori ya Tupana rü tá pexna chanaxã i wüxi i cua̱xruxü̃ nax nawa nüxü̃ pecuáxü̃ca̱x nax aixcüma tá yanguxü̃ i ngẽma pexü̃ namaxã chaxãxũnexü̃. Rü aixcüma tá pexü̃ chapoxcue i pemax i Iraétanüxü̃ i Equítuanewa pengẽxmagüxü̃’ ” —ñanagürü.


¡Rü ngẽmawena rü nayaxu i wüxi i fierutachinü! ¡Rü yima ĩanechicüna̱xãpe̱xegu rü ñu̱xũchi cugüpe̱xearü ngãxü̃gu naxǘ i ngẽma fierutachinü ñoma wüxi i naxtapü̱xrüxü̃! Rü cuma rü ñoma ĩaneca̱x ícuyagoõchixü̃rüxü̃ tá cugü quixĩxẽxẽ. Rü guxü̃ma i ngẽma rü Iraétanüxü̃ca̱x rü wüxi i cua̱xruxü̃ tá nixĩ.


Rü ngẽxguma nachütagu rü tá cugüatügu cunanugü i curü ngẽmaxü̃gü. ¡Rü ñu̱xũchi guxü̃ma i duü̃xü̃güpe̱xewa namaxã ínaxũxũ! ¡Rü tá cugü quidüxchiwe nax ngẽmaãcü tama nüxü̃ cudauxü̃ca̱x i ngẽma waixü̃mü! Rü guxü̃ma i ngẽma cuxü̃ chamuxü̃ nax cunaxüxü̃ca̱x rü wüxi i cua̱xruxü̃ tá nixĩ naxca̱x i ngẽma Iraétanüxü̃ i Yerucharéü̃wa ngẽxmagüxü̃ —ñanagürü choxü̃.


Rü nüma ya Tupana rü tümaca̱x nanu ya yíxema togü chixri tümamaxã icua̱xgüxe. Rü tama nüxü̃ inarüngüma i ngẽma tümaarü axu ya yíxema ngúxü̃ ingegüxe.


Rü guxü̃ma ga duü̃xü̃gü ga nüxü̃ ĩnüexü̃ ga yema carnérugüarü dauruü̃güarü ore rü namaxã naba̱i̱xãchiãẽgü.


Swiv nou:

Piblisite


Piblisite