Ichaía 8:16 - Tupanaarü Ore

¹⁶ ¡Mea peãẽgu namaxã penguxü̃ i ñaa ore, rü ñaa ucu̱xẽgü rü ngu̱xẽẽtaegü!

Ichaía 8:16 Referans Kwoze

Danié 12:4

¡Natürü i cumax, Pa Daniéx, rü cuxicatama nüxü̃ nacua̱x i ngẽma ore i cumaxã nüxü̃ chixuxü̃! ¡Rü ñu̱xũchi nañaxtachipe̱xe i ngẽma popera ñu̱xmatáta nawa nangu i ngẽma ngunexü̃ i nagu yacuáxü̃ i ngẽma guxchaxü̃gü! Rü muxü̃tama i duü̃xü̃gü rü guxü̃wama tá naxca̱x nadaugü i cua̱x nax ngẽmaãcü yexera nüxü̃ nacua̱xgüxü̃ca̱x i ngẽma tá ngupetüxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 3:5

Rü Moiché rü wüxi ga Tupanaarü duü̃ ga aixcüma mecü nixĩ yerü mea nüxna nadau ga Tupanaarü duü̃xü̃gü ga Yudíugü, yema Tupana namaxã nüxü̃ ixuxü̃rüxü̃. Rü nüma ga Moiché nixĩ ga duü̃xü̃gümaxã nüxü̃ yaxuxü̃ nax yixcüra Tupana tá nüxü̃ rüngü̃xẽẽxü̃.

Ore i mexü̃ ga Márcu ümatüxü̃ 4:34

Rü ore ga cua̱xruü̃gu ixuxü̃xicatama nixĩ ga norü ngu̱xẽẽtae. Rü yixcama ga yexguma nanüxicagügu, rü norü ngúexü̃güca̱x meama nanango̱xẽxẽ ga guxü̃ma.

Ore i mexü̃ ga Matéu ümatüxü̃ 13:11

Rü Ngechuchu nanangãxü̃, rü ñanagürü nüxü̃: —Tupana rü pexü̃xicatama nüxü̃ nacua̱xẽxẽ i ngẽma ẽxü̃guxü̃ nax ñuxãcü ãẽ̱xgacü yixĩxü̃ i daxũguxü̃ i naanewa. Natürü ngẽma togü i duü̃xü̃gü rü tama nüxü̃ nüxü̃ nacua̱xẽxẽ i ngẽmachiga.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:4

Rü yexguma yema 7 e̱xpü̱xcüna nax naduruãchianexü̃guwena rü chanaxümatüchaü̃. Natürü nüxü̃ chaxĩnü ga wüxi ga naga ga daxũguxü̃ ga naanewa inaxũxü̃ ga ñaxü̃ choxü̃: “¡Cuxicatama nüxü̃ nacua̱x i ngẽma 7 i duruanexü̃ nüxü̃ ixuxü̃! ¡Rü ngexrüma nax cunaxümatüxü̃!” ñaxü̃ choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:5

Natürü wüxi ga yema 24 ga ãẽ̱xgacügü, rü ñanagürü choxü̃: “¡Taxṹ i cuxaxuxü̃! Erü yimá Leóü̃ ya Yudátanüxü̃ ya Dabítaxa ixĩcü, rü marü nüxü̃ narüyexera i ngẽma yu. Rü nüma nixĩ i naporaxü̃ nax yagáutanüãxü̃ca̱x i ngẽma 7 i norü ñaxtachipe̱xexü̃ rü íyadixgüãxü̃ca̱x i ngẽma popera”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:1

Rü ñu̱xũchi nüxü̃ chadau ga gumá tochicaxü̃wa rütocüarü tügüneme̱xẽwa nax nayexmaxü̃ ga wüxi ga popera ga idixixü̃. Rü düxétüwa rü aixepewa rü naxãmatü ga yema popera. Rü 7 wa niñaxtachipe̱xe.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:17

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i ngẽma chixexü̃ rü tá tüxna chanaxã i paũ i daxũcüã̱x. Rü tá tüxna chanaxã ya wüxi ya nutaxacü ya chócü i wüxi i naéga i ngexwaca̱xü̃xü̃ nagu ümatüxü̃. Rü yíxema nayaxúxexicatama tixĩ ya nüxü̃ cuáxe i ngẽma naéga’ ”, ñanagürü i Naãxẽ ya Üünexü̃.

1 Corintios 2:14

Rü texé ya tama Tupanaãxẽ ya Üünecü tümawa ngẽxmaxẽ, rü taxucürüwa tanayaxu i ngẽma Tupanaãxẽ ya Üünecü tüxü̃ ngu̱xẽẽxü̃, erü tümaca̱x ya yíxema duü̃xẽ rü natüca̱xmamare nixĩ. Rü tama nüxü̃ tacua̱xéga erü yíxema Tupanaãxẽ ya Üünecü tümawa ngẽxmaxẽxicatama tixĩ ya nüxü̃ cuáxe nax tanangugüxü̃ nax ta̱xacüchiga yixĩxü̃ i ngẽma Tupanaãxẽ ya Üünecü tüxü̃ ngu̱xẽẽxü̃.

Ore i mexü̃ ga Márcu ümatüxü̃ 10:10

Rü yexguma marü ĩpatawa nangugügu, rü norü ngúexü̃gü wenaxarü nüxna nacagüe naxca̱x ga yema ngu̱xẽẽtae.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Ichaía 54:13

Rü choma tá chanangúexẽxẽ i guxü̃ma i penegü, rü ngẽmaãcü guxãtáma taãẽwa tamaxẽ.

Ichaía 8:20

Rü ngẽmaãcü tá tanayaxu i wüxi i ucu̱xẽ rüe̱xna wüxi i ore i tüxü̃́ mexü̃ —ñanagürügü tá. Natürü woo ngẽma ñaxgu pexü̃, ¡rü taxṹ i naga pexĩnüexü̃ i ngẽma pemaxã nüxü̃ yaxuxü̃! Erü ngẽma nagu naxĩnüxü̃ rü wüxi i doramare nixĩ.

Wiyaegü 25:14

Rü nüma ya Cori ya Tupana rü tümamücü nixĩ ya yíxema nüxü̃ ngechaü̃güxe. Rü tümaca̱x nanango̱xẽxẽ i norü uneta.

Norü taxre ga popera ga ãẽ̱xgacügüchiga 11:12

Rü yexguma nüma ga Yoiadá rü ínanamuxũchi ga guma bucü ga ãẽ̱xgacü ga Ocochía nane rü naeruwa nayanga̱xcuchi ga nanatüarü ãẽ̱xgacüpate̱xe. Rü nüxna nanaxã ga yema popera ga nawa nüxü̃ yaxuxü̃ nax ãẽ̱xgacü yixĩxü̃. Rü chíxü̃maxã nanabaeru rü yemawena rü nanaxunagü nax ãẽ̱xgacü yixĩxü̃. Rü guxü̃ma ga duü̃xü̃gü rü nanapepünegü rü tagaãcü ñanagürügü: —Namaxü̱̃x ya ãẽ̱xgacü! —ñanagürügü.

Wenaxarü naxümatü ga Tupanaarü mugü 4:45

Rü nawena ga Equítuanewa ínachoxü̃xü̃, rü ñaa nixĩ ga yema Tupanaarü mugü rü ucu̱xẽgü ga Moiché Iraétanüxü̃maxã nüxü̃ ixuxü̃ ga yexguma Yudáü̃arü éstewa nayexmagügu nawa ga yema metachinüanexü̃ ga Bex-peúarü to̱xma̱xtawa yexmaxü̃. Rü yema naane rü Amoréutanüxü̃arü ãẽ̱xgacü ga Chióü̃arü naane nixĩ, rü nüma rü Ebóü̃wa namaxü̃. Natürü nawena nax Equítuanewa ínachoxü̃xü̃ ga Moiché rü Iraétanüxü̃ rü Chióü̃maxã nügü nadai, rü nüxü̃ narüporamaegü. Rü nayama̱xgü ga yexguma Equítuanewa ínachoxü̃gu.

Ichaía 50:4

Rü choma i Ichaía rü ñachagürü: —Tupana rü choxü̃ nangu̱xẽxẽ nax norü ore i taãxẽ tüxna ãxü̃maxã chayaxucu̱xẽgüxü̃ nax naporaexü̃ca̱x i ngẽma ipaexü̃ rü ngúxü̃ ingegüxü̃. Rü guxü̃ i pa̱xmama rü Tupana choxü̃ ínarüdaxẽxẽ nax wüxi i ngúetanüxü̃ i mexü̃rüxü̃ nüxü̃ chaxĩnüxü̃ca̱x i norü ngu̱xẽẽtae.