Ichaía 8:13 - Tupanaarü Ore

¹³ Rü choma ya Cori ya Tupana ya Guxãétüwa Ngẽxmacü rü chaxüüne. Rü choxü̃xicatama nixĩ i namexü̃ nax pemuü̃exü̃ rü choxü̃ picua̱xüü̃güxü̃.

Ichaía 8:13 Referans Kwoze

Ore i mexü̃ ga Luca ümatüxü̃ 12:5

Natürü pemaxã tá nüxü̃ chixu nax texéxü̃ penaxwa̱xexü̃ nax pemuü̃exü̃. Rü name i nüxü̃ pemuü̃e ya Tupana, erü nüma nüxü̃́ nangẽxma i pora nax yamáaxü̃ i pexene, rü nawena nax pepoxcueãxü̃ nagu ya yimá üxü ya taguma ixoxü̃ne. ¡Rü yimá Tupanaxü̃ tá nixĩ i pemuü̃exü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Ore i mexü̃ ga Matéu ümatüxü̃ 10:28

¡Rü taxṹ i nüxü̃ pemuü̃exü̃ i ngẽma duü̃xü̃gü i taxü̃nexü̃ imáxü̃! Erü taxucürüwa nayama̱x i taãxẽ. Natürü name nixĩ i nüxü̃ pemuü̃e ya yimá Tupana. Erü nüma nüxü̃́ nangẽxma i pora nax napoxcuãxü̃ca̱x i pexene rü peãxẽ rü ta nagu ya yimá üxü ya taguma ixoxü̃ne.

Wiyaegü 76:7

Erü cuma rü cuxãũcümaxü̃chi. ¿Rü texé tapora nax cupe̱xewa itachiamaxü̃ i ngẽxguma cuma tümamaxã cunuxgu?

Maraquía 2:5

Rü yema chorü uneta ga Lebítanüxü̃maxã chaxueguxü̃ rü yemaacü ichaxuneta nax nüxü̃́ nayexmaxü̃ca̱x ga maxü̃ rü taãxẽ. Rü perü o̱xigü ga Lebítanüxü̃ rü chomaxã nüxü̃ nixugüe rü tá chauga nax naxĩnüexü̃ rü choxü̃ yacua̱xüü̃güxü̃. Rü nümagü rü aixcüma yemaacü nanaxügü.

Naanearü ügüchiga 31:53

Rü curü o̱xi ya Abraáü̃arü Tupana rü chorü o̱xi ya Nacóxarü Tupana ixĩcü rü tüxü̃ poxcuxe ya ngexerüxüxe i yixema ega tama yanguxẽẽgu i ñaa yigümaxã ixunetaxü̃ —ñanagürü ga Labáü̃. Rü yexguma ga Acóbu rü yimá Tupana ga nanatü ga Ichaá nüxü̃ icua̱xüxü̃cüégagu inaxuneta.

Romanos 4:20

Rü yemaacü ga Abraáü̃ rü nayaxõõma nax nüxü̃́ tá nayexmaxü̃ ga wüxi ga nane yema Tupana namaxã ixunetaxü̃rüxü̃. Rü tama nagu narüxĩnü nax Tupana ngürüãchi nawomüxẽẽxü̃. Natürü yexeraãcü Tupanaaxü̃́ nayaxõõma, rü nüxü̃ nicua̱xüxü̃.

Iraétanüxü̃arü muxchiga 27:14

Yerü yexguma chianexü̃ ga Chíü̃wa duü̃xü̃gü pemaxã nuegu rü dexáca̱x ínacagügu, rü pema i taxre rü tama chauga pexĩnüe. Rü yexguma nutawa peyagoxü̃chiüxẽẽgu ga dexá, rü tama duü̃xü̃güpe̱xewa choxü̃ picua̱xüü̃gü i choma nax chaxüünexü̃. Rü yema nixĩ ga Meribáarü dexá ga Cadéwa yexmaxü̃ ga chianexü̃ ga Chíü̃wa —ñanagürü ga Tupana.

Lebítanüxü̃arü puracüchiga 10:3

Rü nüma ga Moiché rü Aróü̃xü̃ ñanagürü: —Ñaachiga nixĩ ga yema Cori ya Tupana nüxü̃ ixuxü̃ ga yexguma ñaxgux: “Rü yíxema choxna ngaicamachaü̃xe rü choma rü tá tüxü̃ chanawe̱x nax aixcüma chaxüünexü̃. Rü guxü̃ma i Iraétanüxü̃pe̱xewa tá ichanawe̱x i chorü pora”, ñaxgu —ñanagürü ga Moiché. Rü nüma ga Aróü̃ rü yéma nangea̱xmare.

Ínachoxü̃xü̃chiga 20:20

Rü nüma ga Moiché rü nanangãxü̃ rü ñanagürü nüxü̃: —¡Taxṹ i peba̱i̱xãchiexü̃! Erü nüma ya Tupana rü núma naxũ nax pexü̃ nawéaxü̃ca̱x i norü pora nax nüxü̃ pemuü̃exü̃ca̱x rü guxü̃guma naga pexĩnüexü̃ca̱x rü tama chixexü̃ pexügüxü̃ca̱x —ñanagürü.

Wenaxarü naxümatü ga Tupanaarü mugü 14:23

Rü ngẽma nachica ya Tupana nüxü̃ unetaxü̃ nax nüma nawa nangẽxmaxü̃ca̱x, rü ngéma tá penana i perü diésmu i Tupanaca̱x ípexüxüchixü̃ i perü triguwa rü bínuwa rü chíxü̃wa rü ngẽma nüxíra buexü̃ i perü wocaxacügüwa rü perü carnéruxacügüwa, nax ngéma Tupanape̱xewa penangṍxü̃ca̱x. Rü ngẽmaãcü i pema rü tá pengúe nax guxü̃gutáma Tupanaga pexĩnüexü̃ rü nüxü̃ pengechaü̃güxü̃.

Ichaía 5:16

Rü Cori ya Tupana ya Guxãétüwa Ngẽxmacü rü tá nügü nango̱xẽxẽ nax aixcüma cua̱x nüxü̃́ ngẽxmaxü̃ i ngẽxguma duü̃xü̃güna nacaxgu naxca̱x i norü maxü̃. Rü ngẽxguma nüxna nacaxgu rü tá nango̱x nax aixcüma naxüünexü̃.

Echequié 38:16

Rü tá naxca̱x ícuyagoõchi i chorü duü̃xü̃gü i Iraétanüxü̃. Rü cumax, Pa Góx, rü curü churaragümaxã tá cunapaxẽxẽ i norü naane ñoma wüxi i caixanexü̃ i waemaxü̃rüxü̃. Rü ngẽma nawa iyacuáxü̃ i ngunexü̃gügu rü tá cuxü̃́ chanatauxchaxẽxẽ nax naxca̱x ícuyagoõchixü̃ca̱x i chorü naane. Rü ngẽmaãcü tá chanaxü nax ngẽma togü i nachixü̃anegü cugagu choxü̃ cua̱xgüxü̃ca̱x i ngẽxguma nape̱xewa tá ichanawe̱xgu i chorü üüne’ ”, ñanagürü ya Tupana.

Lebítanüxü̃arü puracüchiga 22:32

¡Rü taxṹ i chauéga i üünexü̃chiga chixri pidexagüxü̃! Rü ngẽmaãcü i ngẽma Iraétanüxü̃ rü tá nüxü̃ nacua̱x nax aixcüma chaxüünexü̃ i chomax. Rü choma nixĩ ya Cori ya Tupana ga pexü̃ chaxunetaxü̃ nax chorü puracü i üünexü̃ pexügüxü̃ca̱x.

1 Chamué 11:7

Rü yexguma ga Chaú rü taxre ga woca niyaxu rü ãgümücügu nagu nanachaxcu. Rü ñu̱xũchi ñuxre ga orearü ngeruü̃gümaxã guxü̃ ga Iraéanecüã̱xgütanüwa nanamu ga yema namachigü. Rü yema orearü ngeruü̃gü rü ñaa orexü̃ nixuetanü: —Ñaatátama tümaarü wocamaxã taxü ya yíxema tama Chaúwe rü Chamuéwe rüxũxchaü̃xe —ñanagürügü. Rü nüma ga duü̃xü̃gü rü poraãcü namuü̃e rü ñoma wüxitama ga yatürüxü̃ inaxĩãchi, rü Chaúwe rü Chamuéwe narüxĩ.