Ichaía 8:11 - Tupanaarü Ore

¹¹ Cori ya Tupana rü poraãcüma naxme̱xmaxã choxü̃ niyauxãchi rü choxü̃ naxuxcu̱xẽ nax tama ngẽma nacüma i Yudáanecüã̱xgü nagu maxẽxü̃gu chamaxü̃xü̃ca̱x, rü ñanagürü choxü̃:

Ichaía 8:11 Referans Kwoze

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Ngechuchuarü ngúexü̃gü ga yamugüxü̃arü puracüchiga 4:20

Erü toma rü taxuacüma nüxü̃ tarüxoe nax nüxü̃ tixuxü̃ ga yema nüxü̃ tadaugüxü̃ rü nüxü̃ taxĩnüexü̃ —ñanagürügü.

Yeremía 20:9

Rü ngẽxguma chi nagu charüxĩnügu nax nüxü̃ charüxoxü̃ nax nüxü̃ chixuxü̃ i curü ore, rü ngẽxguma i ngẽma curü ore i chorü aixepewa ngẽxmaxü̃, rü chi ñoma üxü ya choxü̃ iguxü̃rüxü̃ nixĩ. Rü ngẽma norü naixü̃ rü ñu̱xmata chauxchina̱xãwa nangu. Rü yáxna taa̱x namaxã chaugü chaxĩnüxẽxẽ nax tama nüxü̃ chixuxü̃ca̱x i ngẽma curü ore, natürü tama namaxã chapora.

Yeremía 20:7

Rü nüma ga Yeremía rü Tupanaxü̃ ñanagürü: —Pa Corix, Pa Tupanax, cuma rü choxü̃ cuwomüxẽxẽ. Rü cuma rü choxü̃ quimuchigüama rü düxwa cuga chaxĩnü. Rü cuma rü chorü yexera cupora rü choxü̃ curüporamae. Rü ñu̱xma rü guxü̃ i oragu daa ĩanearü cugüruxü̃ chixĩ, rü duü̃xü̃gü rü chaugu nidauxcüraxü̃gü.

Yeremía 15:19

Rü nüma ga Cori ya Tupana rü Yeremíaxü̃ nangãxü̃ rü ñanagürü: —Ngẽxguma cha̱u̱xca̱x cutaegu̱xgu, rü wena tá cuxü̃ chayaxu rü choxü̃́ tá cupuracü. Rü ngẽxguma chi nüxü̃ curüxoxgu nax natüca̱xmamare quidexamarexü̃, rü chi nüxü̃ quixuxgu i ore i aixcüma mexü̃, rü cuma tá nixĩ i aixcüma chorü orearü uruxü̃ quixĩxü̃. Rü name i nüma i duü̃xü̃gü cuxca̱x nawoegu, natürü tama name nax cuma naxca̱x cutaeguxü̃.

Ucu̱xẽgüchiga 1:15

Natürü, Pa Chaunex ¡taxṹ i namaxã cuxãmücüxü̃! ¡Paxa nüxna ixũgachi i ngẽma duü̃xü̃gü i chixexü̃gu rüxĩnüexü̃!

Wiyaegü 32:8

Rü cumax, Pa Cori Pa Tupanax, rü ñacugürü choxü̃: —Choma rü cuxü̃ chadawenü rü tá cuxü̃ changu̱xẽxẽ i ngẽma cuxü̃́ chanaxwa̱xexü̃. Rü tá cuxü̃ chaxucu̱xẽ, rü tá cuxü̃ chanawe̱x i ngẽma nama i mexü̃ nax nagu quixũxü̃.

Nüxíraxü̃xü̃ ga popera ga ãẽ̱xgacügüchiga 18:46

Rü nüma ga Cori ya Tupana rü Eríana pora naxã. Rü yexguma marü nügüna pexnagüchirugu rü ĩane ga Yereéwa naña. Rü Acáxü̃pa yéma nangu.

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.