Ichaía 7:8 - Tupanaarü Ore

^8-9 Rü Damácu nixĩ ya Chíriaanearü ĩane ya taxü̃ne, rü Rechíü̃ nixĩ i Damácuwa ãẽ̱xgacü ixĩxü̃. Rü Chamária nixĩ ya Efraíü̃tanüxü̃arü ĩane ya taxü̃ne, rü Remaría nane nixĩ i Chamáriawa ãẽ̱xgacü ixĩxü̃. Natürü ngẽxguma marü 65 ya taunecüwa nanguxgu rü ngẽma Efraíü̃tanüxü̃ rü tá inarüxo nax wüxi i nachixü̃ane nax yixĩxü̃. Rü ngẽxguma pema rü taxũtáma aixcüma choxü̃́ peyaxõgügu, rü pema rü tá ta iperüxo” —ñanagürü ya Tupana.

Ichaía 7:8 Referans Kwoze

Naanearü ügüchiga 14:15

Rü yemaarü chütaxü̃gu rü Abráü̃ rü norü duü̃xü̃gümaxã yema ãẽ̱xgacügüxü̃ ínayabaixgü. Rü nawe ningẽxü̃tanü ñu̱xmata ĩane ga Obá ga Damácuarü nórtewa yexmanewa nangugü.

Ichaía 8:4

Rü yimá cune rü naxü̃pa nax nüxü̃ nacuáxü̃ nax “papa” rü “mama” ñaxü̃, rü yima ĩanegü ya Damácu rü Chamária rü tá norü uanügü nagu nachocu. Rü tá nanade i norü ngẽmaxü̃gü, rü Achíriaanearü ãẽ̱xgacüxü̃tawa tá nanana —ñanagürü.

2 Chamué 8:6

Rü yemawena ga Dabí rü Damácugu nayaxüa ga norü churarapatagü. Rü yemaacü ga Chíriaanecüã̱xgü rü Dabíme̱xẽwa nayexmagü rü Dabíaxü̃́ nanaxütanügü ga yema diẽru ga Dabí nagu unetaxü̃. Rü yemaacü ga Cori ya Tupana rü Dabíxü̃ naporaxẽxẽ nax norü uanügüxü̃ naporamaexü̃ca̱x ga ngexta ínaxũxü̃wa.

Ichaía 9:11

Natürü nümatama ya Cori ya Tupana rü tá ngéma nanamu i ãũcümaxü̃chixü̃ i uanügü nax Iraétanüxü̃ca̱x íyaxüãchixü̃.

Yeremía 49:23

Rü ñanagürü ta: —Ñaa nixĩ i ore i Damácuca̱x ixĩxü̃. Rü yima ĩanegü ga Amá rü Arpáx rü naxoegaãẽgü, erü nachiga marü nüxna nangu i ore i chixexü̃. Rü poraãcü namuü̃e rü tama nataãẽgü.

Echequié 27:18

Rü yema Damácucüã̱xgü rü cuxü̃tawa naxca̱x nayataxegü ga muxü̃ma ga curü yemaxü̃gü ga itatanüxü̃. Rü nümagü rü Ebóü̃cüã̱x ga bínumaxã rü Chaáxcüã̱x ga carnéruta̱xamaxã cuxü̃́ nanaxütanügü.

Ochéa 13:1

Rü ü̃pa ga yexguma yema Efraíü̃tanüxü̃ idexagügu rü yema togü ga Iraétücumügü rü meama naga naxĩnüe. Natürü yexguma nüma ga Efraíü̃tanüxü̃ rü tupananeta ga Baáxü̃ yacua̱xüü̃gügu, rü yexma nayacua̱x ga norü pora.