Biblia Todo Logo
Bib sou entènèt

- Piblisite -




Ichaía 7:3 - Tupanaarü Ore

3 Rü yexguma ga Cori ya Tupana rü Ichaíamaxã nidexa rü ñanagürü: —¡Cune ya Cheá-yachúxü̃ igá nax ãẽ̱xgacü ya Acháxmaxã yanadexaxü̃ca̱x! Rü nüma ya Acháx rü yimá puchu ya dauxü̃wa ngẽxmacüwa ne daxü̃ i caxteanearü gu̱xwa nangẽxma. Rü ngẽma ínangexmaxü̃wa rü nüxna nangaicama i ngẽma nama i Naxchiru Íyauxgüxü̃anewa nadaxü̃.

Gade chapit la Kopi




Ichaía 7:3
14 Referans Kwoze  

Rü nüma ga Achíriaanearü ãẽ̱xgacü rü Láquiwa inanamuãchi ga wüxi ga namücü ga churaragüeru ga Rabachégu ãégaxü̃ namaxã ga muxü̃ma ga norü churaragü ga poraexü̃ nax ãẽ̱xgacü ga Echequíaxü̃ íyadaugüxü̃ca̱x ga Yerucharéü̃wa. Rü yexguma Yerucharéü̃wa nangugügu, rü yema puchu ga ma̱xpǘnewa yexmaxü̃arü ngaicamana nayachaxãchitanü nacüwawa ga yema nama ga yauxchiruchicawa daxü̃.


Natürü woo yemaacü Achíriaanearü ãẽ̱xgacüaxü̃́ nanaxütanü, rü nüma ga Achíriaanearü ãẽ̱xgacü rü Echequíaxü̃tawa nanamugüama ga norü churaragüeru rü wüxi ga to ga ãẽ̱xgacü ga nüxna nayoexü̃. Rü yexgumarüxü̃ ta yéma nanamu ga wüxi ga to ga churaragüeru namaxã ga muxü̃ma ga norü churaragü. Rü Láquiwa inaxĩãchi nax Yerucharéü̃ca̱x íyaxü̃ãchixü̃ca̱x. Rü yexguma Yerucharéü̃wa nangugügu, rü yema puchu ga ma̱xpǘnewa yexmaxü̃arü ngaicamawa nangugü, rü yéma nayachaxãchitanü nacüwawa ga yema nama ga Yauxchiruchicawa nadaxü̃.


Rü Iraétanüxü̃chiga rü ta nidexa ga Tupanaarü orearü uruxü̃ ga Ichaía rü ñanagürü: “Rü woo namuxũchichire̱x i Yudíugü yimá naxnücü ya márpechinüwa yimácürüxü̃, natürü noxre tátama nixĩ i aixcüma nayauxgüxü̃ i maxü̃ i taguma gúxü̃. Rü paxa tá ínangu ya tórü Cori nax napoxcueãxü̃ca̱x i guxü̃ma i ngẽma tama noxrü ixĩgüxü̃”, ñanagürü ga Ichaía.


Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.


Cori ya Tupana rü choxü̃ ñanagürü: —Pa Yeremíax, ¡ãẽ̱xgacüpatawa naxũ rü yima Yudáanearü ãẽ̱xgacü ya Dabíarü tochicaxü̃wa rütocüpe̱xewa, rü ngẽma norü ngü̃xẽẽruü̃güpe̱xewa, rü ñu̱xũchi guxü̃ma ya yima ĩanearü duü̃xü̃güpe̱xewa ñanagürü nüxü̃!: “¡Iperüxĩnüe i Cori ya Tupanaarü ore!


Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.


Rü noxretama i Acóbutanüxü̃ rü tá Cori ya Tupana ya poraxüchicüca̱x nawoegu.


Rü guxü̃ma ga yema Echequíaarü puracü ga naxüxü̃ rü Yudáanecüã̱xarü ãẽ̱xgacügüarü poperagu naxümatü. Rü ngéma nango̱x ga ñuxãcü nax naxüaxü̃ ga yema ĩanearü dexápáxü̃ ga taxüchixü̃ rü wüxi ga dexámaxü̃ ga ĩanewa nadaxü̃.


¡Natürü moxü̃ pa̱xmamaxü̃chi rü naxü̃tawa íyadau! ¡Rü ngẽxguma tá türewa yanaxüegu, rü ngéma taxtüanacüwa tá cunangu̱xẽxẽ! ¡Rü íyange ya yima naixmena̱xã ya ãxtapexü̃ yanguxuchine!


Rü Neemía ga Abúx nane nixĩ ga ĩane ga Bex-chúarü ngãxü̃maxã icuáxü̃. Rü nüma nixĩ ga namexẽẽãxü̃ ga yema naxtapü̱xarü üye ga Dabíchique̱xewa ixügüxü̃ rü ñu̱xmata yema dexápataxü̃wa nangu rü guma churaragüpatawa nangu.


Rü yexguma marü 17 ga taunecü Iraéanearü ãẽ̱xgacü yixĩxgu ga Péca ga Remaría nane rü yexguma nixĩ nax ãẽ̱xgacüxü̃ yaxücuxü̃ ga Acháx ga Yotáü̃ nane nax Yudáanearü ãẽ̱xgacü yixĩxü̃ca̱x. Rü nüma ga Acháx rü 20 ga taunecü nüxü̃́ nayexma ga yexguma. Rü 16 ga taunecü nixĩ ga ãẽ̱xgacü yixĩxü̃ ga Yerucharéü̃wa. Natürü yema naxüxü̃ ga Acháx rü tama Tupanape̱xewa name, yerü tama norü o̱xi ga Dabírüxü̃ mexü̃ naxü.


Rü yima Yerucharéü̃wa ngẽxmagüne ya ĩpatagü rü nüxü̃ nidaugü, rü nümaxü̃ne ya yima ĩpatagü rü nagu nipogügü nax yima norü nutamaxã namexẽẽgüãxü̃ca̱x i ĩanearü poxeguxü̃tápü̱x.


Rü ngẽma taxre i ĩanearü poxeguxü̃tapü̱xarü ngãxü̃gu nanaxügü i wüxi i dexápáxü̃ nax ngẽxma nabagüãxü̃ca̱x i ngẽma dexá i nüxíraxü̃xü̃ i dexápaxü̃wa ngẽxmaxü̃. Rü ngẽmaãcü nügü namexẽẽgü norü uanücha̱xwa. Natürü tama nüxna nacua̱xãchie nax Tupana yixĩxü̃ ga nũxcüma nagu rüxĩnücü i ngẽma poxcu i ñu̱xma ínguxü̃.


Swiv nou:

Piblisite


Piblisite