Ichaía 7:24 - Tupanaarü Ore

²⁴ Rü ngẽxguma texé nawa ũxgu rü würa rü chuxchimaxã tá ngéma taxũ nax naeü̃ ngẽxma tayarümáxü̃ca̱x, erü ngẽma nachixü̃ane rü tá tuxunecüxü̃ rü ĩchicüxü̃ nananguxuchi.

Ichaía 7:24 Referans Kwoze

Naanearü ügüchiga 27:3

Rü ngẽmaca̱x chanaxwa̱xe i cunayaxu ya curü würa rü naixnecüwa cuxũ rü cuyamaxnee rü naeü̃ta quima̱x.

Ichaía 7:19

Rü guxü̃ma i ngẽma churaragü rü tá nügü ninu nagu i ngẽma doxonexü̃gü, rü nutaarü ãxmaxü̃gu, rü naanegü i tuxunecüã́xü̃gu, rü nachicagü i wocagü nawa axegüxü̃gu.

Ichaía 7:23

Rü ngẽma ngunexü̃gu rü ngẽma naane ga noxri 1,000 i úba nawa rüxügüxü̃ rü 1,000 i diẽrugu ãtanüxü̃, rü tá tuxunecüxü̃ rü maxẽnecüxü̃ nananguxuchi.

Ichaía 7:25

Rü yima ma̱xpǘnegü ga nũxcüma lampamaxã nagu itoegüne rü tá maxẽmaxã rü tuxunecümaxã narüxü, rü taxúetama nawa taxũ nax nagu tatoexü̃ca̱x. Rü wocachitaü̃waxica rü carnéruchitaxü̃waxica name.

Ichaía 55:13

Rü ngẽma tuxugü írüxügüchiréxü̃wa rü tá narüxügü i pinugü. Rü ngẽma naxcugü írüxügüchiréxü̃wa rü tá narüxügü i nanetügü i yixixü̃ i mirtu. Rü guxü̃ma i ñoma i naanewa ngẽxmagüxü̃ rü tá Tupanaxü̃ nicua̱xüü̃gü rü ngẽmaãcü i duü̃xü̃gü rü tá nüxü̃ nacua̱xgü nax Tupana rü guxü̃guma nangẽxmaechaxü̃ —ñanagürü ya Tupana.

Echequié 12:20

Rü guxü̃nema ya daa ĩanegü i nawa namaxẽne i ngẽma duü̃xü̃gü rü tá inayarüxogü. Rü ñaa nachixü̃ane rü tá chianexü̃xü̃ nayanguxuchi. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma chixĩxü̃ ya Cori ya Tupana’ ” —ñanagürü.

Naanearü ügüchiga 3:18

Rü ñaa naane rü tá tuxugü rü natüanegümaxã narüxü. Rü nanetü i naixnecücüã̱xarü omaxã tá cungãxü̃.