Ichaía 7:2 - Tupanaarü Ore

² Rü Acáxmaxã rü napatacüã̱xmaxã nüxü̃ nayarüxugüe ga ore ga ñaxü̃: —Ngẽma Chíriacüã̱xgü rü Efraíü̃tanüxü̃maxã nügü narüngüxẽẽgü nax taxca̱x íyaxü̃ãchixü̃ca̱x —ñaxü̃. Rü yemaxü̃ naxĩnügu rü nüma ga Yudáanearü ãẽ̱xgacü rü norü duü̃xü̃gü rü inanaxügüe nax muü̃maxã yadu̱xruxexü̃ ñoma naixnecüwa ngẽxmagüxü̃ i naigü i buanecüemamaxã íxiã̱xtanücüüxü̃rüxü̃.

Ichaía 7:2 Referans Kwoze

Ichaía 8:12

—¡Taxṹ i nagu perüxĩnüexü̃ i ngẽma duü̃xü̃gü nüxü̃ ixugüexü̃ nax ngẽma perü uanügü rü nügümaxã ínamexẽẽgüãxü̃ nax pexca̱x íyaxüãchichaü̃xü̃! ¡Rü taxṹ i naxca̱x pemuü̃exü̃ rü namaxã peba̱i̱xãchiexü̃ i ngẽma duü̃xü̃gü nüxü̃ muü̃exü̃!

Ichaía 7:13

Rü Ichaía rü ñanagürü: —Nüxü̃ pexĩnüe, Pa Dabítaagüx ¿Pemax, rü pexü̃́ nanataxuraxü̃ nax penachixewexü̃ i duü̃xü̃gü, rü ñuxãcü tá ta penachixewexü̃ ya chorü Tupana?

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Ore i mexü̃ ga Matéu ümatüxü̃ 2:3

Rü yexguma yemachigaxü̃ nacua̱xgu ga ãẽ̱xgacü ga Eróde rü poraãcü naxoegaãxẽ. Rü guxü̃ma ga duü̃xü̃gü ga Yerucharéü̃cüã̱xgü rü ta naxoegaãẽgü.

Ochéa 12:1

Ngẽma Iraéanecüã̱xgü rü natüca̱xma guxü̃ i ngunexü̃gu ngẽma nachixü̃anegü i éstewa ngẽxmagüxü̃arü ngü̃xẽẽca̱x nadau. Rü yexera nidorata̱xagü rü nimáetagü. Rü Achíriaanecüã̱xgümaxã nanaxü i unetagü, rü Equítuanewa nanamugü i ãmare i chíxü̃ nax ngẽmaãcü Equítuanecüã̱xgü nüxü̃ rüngü̃xẽẽgüxü̃ca̱x.

Ichaía 37:35

Rü chomatama tá nüxna chadau ya daa ĩane rü tá íchanapoxü̃ erü taguma nüxü̃ charüngüma. Rü nüxü̃ changechaü̃ ya chorü duü̃ ya Dabí rü chayanguxẽxẽ i ngẽma nüxü̃ chixuxü̃ —ñanagürü ga Tupana.

Ichaía 37:27

Rü yema norü duü̃xü̃gü ga yema nachixü̃anegü rü cupe̱xewa nügü nicua̱xãchitanü nax naturaexü̃. Rü namuü̃e rü naxãnee. Rü ñoma maxẽ i naanewa rüxüxü̃rüxü̃ nixĩgü rü maxẽ i ngexwaca rüxüxü̃rüxü̃ nixĩgü. Rü ñoma maxẽ i ĩpataétüwa rüxüxü̃ i taxũtáma nayaegu yuexü̃rüxü̃ nixĩgü ga yema duü̃xü̃gü.

Ichaía 22:22

Rü naxme̱xgu tá chanaxǘ ya Dabípataarü chawi i wãxnaruxü̃. Rü ngẽma nüma yawãxnaxü̃ rü taxúetama tanawãxta. Rü ngẽma nüma nawãxtaxü̃ rü marü taxúetama texé tayawãxna.

Ichaía 11:13

Rü ngẽma Efraíü̃tanüxü̃ rü marü taxũtáma nixãũxãchiwa̱xegü rü ngẽxgumarüxü̃ ta i Yudátanüxü̃ rü marü taxũtáma nixãũxãchiwa̱xegü. Rü taxũtáma nügümaxã narüxuanügü.

Ichaía 7:17

Rü Cori ya Tupana rü cuxca̱x rü cuchixü̃aneca̱x rü cutanüxü̃güca̱x tá ínananguxẽxẽ i taxü̃ i guxchaxü̃. Rü yema ngunexü̃ ga Efraíü̃tanüxü̃ rü Yudátanüxü̃na yaxĩgachiguwena rü taguma nüxü̃ tadau i wüxi i guxchaxü̃ i ngẽma guxchaxü̃rüxü̃ ãũcümaxü̃. Erü nua Yudáanewa Tupana tá ínananguxẽxẽ i Achíriaanearü ãẽ̱xgacü nax pexca̱x íyagoõchixü̃ca̱x —ñanagürü ga Ichaía.

Ichaía 6:13

Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.

Wiyaegü 11:1

Choma rü Cori ya Tupaname̱xẽwa chaugü changexmaxẽxẽ nax choxü̃ ínapoxü̃xü̃ca̱x nüxna i chorü uanügü. ¿Rü tü̱xcüü̃ choxü̃ ñapegürü: —¡Ma̱xpǘneanewa naña nax ngéma werigürüxü̃ cugü quicúxü̃ca̱x! —ñaperügü choxü̃?

Norü taxre ga to ga popera ga ãẽ̱xgacügüchiga ümatüxü̃ 28:12

Rü yemaca̱x ga Acharía ga Yoanáü̃ nane rü Berequía ga Mechiremóx nane, rü Echequía ga Charúü̃ nane, rü Amachá ga Axraí nane ga Efraíü̃tanüxü̃maxã icuáxü̃, rü yexguma orearü uruxü̃ ga Obéxü̃ naxĩnüegu rü yema churaragü ga daiwa ne ĩxü̃pe̱xegu nayachigü rü nayangagü.

Norü taxre ga to ga popera ga ãẽ̱xgacügüchiga ümatüxü̃ 25:10

Rü yemaca̱x ga Amachía rü yema norü churaragüna nayamugachitanü ga yema churaragü ga Efraíü̃tücumüwa ne ĩxü̃, rü ñu̱xũchi napataca̱x nanamuegutanü. Natürü ga nümagü rü Yudáanecüã̱xmaxã nanue rü poraãcü nanueãcüma napatagüca̱x nawoegu.

Nüxíraxü̃xü̃ ga popera ga ãẽ̱xgacügüchiga 13:2

Rü Cori ya Tupana namuxü̃ãcüma tagaãcü yema ãmaregüarü guruü̃chiga nidexa rü ñanagürü: —Pa Ãmaregüarü Guruxü̃x, Pa Ãmaregüarü Guruxü̃x, rü Cori ya Tupana rü ñanagürü: “Dabítanüxü̃wa tá nabu i wüxi i õxchana rü Yochía tá nixĩ i naéga. Rü nüma tá nixĩ i cuwa ínaguaxü̃ i ngẽma tupananetachicüna̱xãgüarü chacherdótegü i ñu̱xma cuwa pumarate̱xe ígugüxü̃. Rü ngẽmaãcü duü̃xü̃güchina̱xã tá cuétüwa ínagu” —ñanagürü.

Nüxíraxü̃xü̃ ga popera ga ãẽ̱xgacügüchiga 12:16

Rü yexguma guxü̃ma ga yema duü̃xü̃gü ga Iraétanüxü̃gü nüxü̃ icua̱xãchitanügu nax nüma ga ãẽ̱xgacü tama naya̱u̱xãxü̃ ga yema naxca̱x ínacagüxü̃, rü inanaxügüe nax yaxáichaxü̃ rü ñagüxü̃: —Taxuwama tüxü̃́ name i Dabí rü natanüxü̃. ¡Ngĩxã tachixü̃aneca̱x tawoegu! ¡Rü Roboáü̃ rü natanüxü̃arü ãẽ̱xgacü yixĩ rü tama i tóxrü! —ñagüxü̃. Rü guxü̃ma nawoegu. Rü yema Yudátanüxü̃xica yéma nayaxügü rü Roboáü̃xü̃ nayauxgü ga ãẽ̱xgacü nax yixĩxü̃.

Nüxíraxü̃xü̃ ga popera ga ãẽ̱xgacügüchiga 11:32

Natürü Charomóü̃na tá chanaxã i wüxitücumü i Iraétanüxü̃ yerü nüxü̃ changechaü̃ ga gumá chorü duü̃ ga Dabí rü nüxü̃ changechaü̃ ya yima ĩane ya Yerucharéü̃ yerü guma nixĩ ga nüxü̃ chaxunetane natanüwa ga guxü̃nema ga Iraétanüxü̃arü ĩanegü.

2 Chamué 7:16

Rü cutaagü rü guxü̃gutáma ãẽ̱xgacü nixĩgü erü choma rü tá nüxna chadau. Rü ñu̱xma nax ãẽ̱xgacü quixĩxü̃ i cumax, rü ngẽxgumarüxü̃ ta rü tagutáma nataxu nax wüxi i cutaxa cuchicawa rütoxü̃ nax ãẽ̱xgacü yixĩxü̃’ ” —ñanagürü ga Tupana.

Ichaía 7:5

Rü ngẽma taxre rü nügümaxã nagu narüxĩnüe nax chixexü̃ cumaxã naxügüxü̃. Rü nügümaxã ñanagürügü: