Ichaía 7:18 - Tupanaarü Ore

¹⁸ Rü ngẽma ngunexü̃gu rü nüma ya Tupana rü tá ñoma murenügü i muxũchixü̃rüxü̃ tá cuxca̱x ínanangugüxẽxẽ i ngẽma churaragü i Equítuanearü natügü i yáxü̃guxü̃wa ne ĩxü̃. Rü ngẽxgumarüxü̃ tá ta cuxca̱x ínanangugüxẽxẽ i ngẽma Achíriaanecüã̱x i churaragü i ñoma beruretanü i muxũchixü̃rüxü̃ ixĩxü̃.

Ichaía 7:18 Referans Kwoze

Ichaía 5:26

Rü Cori ya Tupana rü wüxi ya wonera nanawaĩ̱xnagü rü norü cuemaxã naxca̱x naca i wüxi i nachixü̃ane i yáxü̃guxü̃. Rü norü churaragü i ngẽma nachixü̃ane i yáxü̃wama ngẽxmaxü̃ rü paxa tá nua nangugü.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Yochué 24:12

Rü tama pema nixĩ ga perü taragümaxã rü perü würagümaxã nüxü̃ perüporamaexü̃ ga yema taxre ga ãẽ̱xgacügü ga Amoréutanüxü̃arü. Natürü choma nixĩ ga muü̃ naxca̱x íchanguxẽẽxü̃ nax pecha̱xwa yabuxmüxü̃ca̱x naxü̃pa nax yéma pengugüxü̃.

Wenaxarü naxümatü ga Tupanaarü mugü 7:20

Rü ñu̱xũchi nüma ya Cori ya Tupana rü ngẽma perü uanügüca̱x tá ínanangugüxẽxẽ ya maxẽ. Rü guxü̃ma i ngẽma perü uanügü i íyaxügüxü̃ rü icu̱xgüxü̃ rü tá nayue.

Wenaxarü naxümatü ga Tupanaarü mugü 1:44

Rü yexguma ga yema Amoréutanüxü̃ ga guma ma̱xpǘnegügu ãpatagüxü̃ rü pexca̱x naxĩ, rü ñoma máxẽgürüxü̃ pewe nangẽgü. Rü Cheígu pexü̃ nadai ñu̱xmata Ormágu yacuáx.

Ichaía 13:5

Rü ngẽma churaragü rü nachixü̃ane i yáxü̃wa ngẽxmaxü̃wa ne naxĩ i ñaa naanearü tuãchiarü yexerawa. Rü Cori ya Tupana rü norü churaragümaxã ngéma ne naxũ nax norü numaxã napoxcuãxü̃ca̱x i guxü̃ma i Babiróniaarü naane.

Ichaía 7:17

Rü Cori ya Tupana rü cuxca̱x rü cuchixü̃aneca̱x rü cutanüxü̃güca̱x tá ínananguxẽxẽ i taxü̃ i guxchaxü̃. Rü yema ngunexü̃ ga Efraíü̃tanüxü̃ rü Yudátanüxü̃na yaxĩgachiguwena rü taguma nüxü̃ tadau i wüxi i guxchaxü̃ i ngẽma guxchaxü̃rüxü̃ ãũcümaxü̃. Erü nua Yudáanewa Tupana tá ínananguxẽxẽ i Achíriaanearü ãẽ̱xgacü nax pexca̱x íyagoõchixü̃ca̱x —ñanagürü ga Ichaía.

Wiyaegü 118:12

Rü ñoma máxẽgürüxü̃ choxü̃ ínachomaeguãchi. Natürü yema nax nanuexü̃ ga chorü uanügü rü ñoma ta̱xacü ixaxü̃ rü paxãma ixoxü̃rüxü̃ nixĩgü. Yerü Tupanaégagu nüxü̃ charüporamae.

Ínachoxü̃xü̃chiga 8:24

Rü yemaacü nanaxü ga Cori ya Tupana. Rü ñoma wüxi ga caixanexü̃rüxü̃ Faraóü̃patawa nangugü ga mu̱xcügü. Rü norü ngü̃xẽẽruü̃güpatawa rü ta rü guxü̃ma ga Equítuanewa nangugü. Rü yema mu̱xcügü rü guxü̃wama nanachixexẽxẽ ga yema nachixü̃ane.

Ínachoxü̃xü̃chiga 8:21

Erü ngẽxguma taxũtáma nüxü̃ quinge̱xgux, rü cuxca̱x rü curü ngü̃xẽẽruü̃güca̱x rü guxü̃ma i curü duü̃xü̃güca̱x rü tá mu̱xcügü ngéma chamugü. Rü ngẽmaãcü tá mu̱xcügümaxã nanapágü ya guxü̃ne ya Equítuanecüã̱xgüpata. Rü woo i ñaxtüane rü tá ta mu̱xcügümaxã naxãanemare.

Wenaxarü naxümatü ga Tupanaarü mugü 28:49

Rü Cori ya Tupana rü wüxi i nachixü̃ane i yáxü̃wama ngẽxmaxü̃ i tama nagaxü̃ cucuáxü̃ tá cuxca̱x ínayachoõchixẽxẽ, ñoma wüxi i ĩyü i goexü̃ i poraxüchixü̃rüxü̃.

Chacaría 10:8

Rü choma rü tá naxca̱x changema rü wüxiwa tá chanagagü, yerü choma nixĩ ga íchananguxü̃xẽẽxü̃. Rü nümagü rü wena tá nimu noxrirüxü̃.

Wiyaegü 105:31

Rü Tupana rü nanamu ga muxũchixü̃ ga murenügü rü naxchigü. Rü guxü̃ma ga Equítuane rü namaxã nanapá.