Ichaía 7:14 - Tupanaarü Ore

¹⁴ Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Ichaía 7:14 Referans Kwoze

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Ore i mexü̃ ga Luca ümatüxü̃ 1:31

Rü ñu̱xma rü tá tauemacü cuxü̃ inayarütaxu, rü tá cuxãxãcü, rü tá nayatü i cuxacü. Rü Ngechuchugu tá cunaxüéga.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Ore i mexü̃ ga Luca ümatüxü̃ 1:35

Rü nüma ga daxũcüã̱x ga Gábi rü ngĩxü̃ nangãxü̃, rü ñanagürü: —Tupanaãxẽ ya Üünecü tá cuxna nangu. Rü Tupana ya Guxü̃étüwa Ngẽxmacüarü pora rü wüxi i caixanexü̃rüxü̃ tá cugu nayanga̱i̱xema. Rü ngẽmaca̱x ngẽma cune rü Üünecü ya Tupana Nanemaxã tá nanaxugü i duü̃xü̃gü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Ichaía 8:8

Rü ngẽma Achíriaanearü churaragü rü yimá mucü ya taxüchicü ya guxü̃wama yaba̱i̱xü̃anexẽẽcü rü ñu̱xmata duü̃xü̃günaxãwa ngucürüxü̃ tá nixĩ. Erü guxü̃ma i Yudáanewa tá nangugü i ngẽma churaragü. Rü ñoma wüxi i ĩyü i guxü̃ i naanegu nügü iwe̱xechipe̱xatüxü̃ rü ñoma i naanegu nügü yagoxẽẽxü̃rüxü̃ tá nixĩ i ngẽma Achíriaanearü churaragü, Pa Emanuéx —ñanagürü ga Tupana.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Ichaía 8:10

Rü woo chi ngẽma nagu perüxĩnüexü̃ãcüma penaxü̱xgu, natürü tá peyueama. Rü woo pegümaxã nüxü̃ pixuxgu i ngẽma penaxwa̱xexü̃ nax penaxüxü̃, natürü tagutáma pexü̃́ ningu, Pa Nachixü̃anegü i Yáxü̃wa Ngẽxmagüxü̃. Erü Tupana rü tomaxã inarüxã̱ũ̱x.

Yeremía 31:22

Pa Iraétanüxü̃x, ¿ñuxguratáta nüxü̃ perüxoexü̃ nax choxna nu ne penaxĩmarexü̃ ñoma wüxi i pacü i ngĩnatüna nu ne naxũmarecürüxü̃? Rü choma rü tá chanango̱xẽxẽ i ta̱xacü i ñoma i naanewa ngexwaca̱xü̃xü̃. Rü wüxi i ngexü̃ i nateca̱x taeguxü̃rüxü̃ rü pema rü tá cha̱u̱xca̱x pewoegu —ñanagürü.

Romanos 9:5

Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.

1 Chamué 1:20

Rü yemaca̱x ga Ána rü ixãxacü. Rü yexguma nawa nanguxgu ga nax nabuxü̃ ga gumá ngĩne, rü inaxüéga rü Chamué nixĩ ga naéga yerü Tupanana naxca̱x ica. Rü ngẽma naéga rü “naxca̱x ínacacü”, ñaxü̃chiga nixĩ.

1 Chamué 4:21

Rü Icabúgu inaxüéga ga yema ngĩne rü ngĩgürügü: —Tupana rü marü tüxna nixũgachi erü marü nataxuma i ngẽma baú i Tupanaarü mugüchixü̃ i nua Iraéanewa —ngĩgürügü. Rü yema ngĩgürügü yerü marü nanapugü ga Tupanaarü mugüchixü̃ rü marü nayue ga ngĩ̱xtü rü ngĩte.

Naanearü ügüchiga 29:32

Rü yemaacü ga Léa rü Acóbuaxü̃́ ixãxacü, rü Rubéü̃gu inaxüéga. Rü yemagu inaxüéga yerü ñaxü̃gu irüxĩnü: —Tupana choxü̃ nadau nax changechaü̃xü̃, rü ñu̱xma ya yimá chaute rü tá choxü̃ nangechaü̃ —ngĩgürügü ga ngĩãẽwa.

Naanearü ügüchiga 30:6

Rü yexguma ga Raqué rü ngĩgürügü: —Ñaa buxü̃ rü Dáü̃ tá nixĩ i naéga, erü Tupana rü nüxü̃ naxĩnü i chorü yumüxẽ rü mexü̃ chomaxã naxü nax wüxi i chaune choxna namuxü̃ —ngĩgürügü.

Naanearü ügüchiga 4:25

Rü nüma ga Adáü̃ rü wenaxarü naxma̱xmaxã namaxü̃ rü ngĩma rü wenaxarü ixãxacü. Rü gumá nane rü Chéxgu nanaxüéga, rü ngĩgürügü: “Tupana choxna nanamu ya nai ya chaune nachicüxü ga Abé ga Caíü̃ yamácü”, ngĩgürügü.

Naanearü ügüchiga 16:11

Ñu̱xma rü cuxãxãcü rü yatüxü̃ tá nixĩ. Rü Ismaégu tá cunaxüéga, erü Cori ya Tupana rü marü nüxü̃ nacua̱x i ngẽma guxchaxü̃ i cuxü̃ üpetüxü̃.

Ore i mexü̃ ga Luca ümatüxü̃ 2:12

Rü ñaa tá nixĩ i perü cua̱xruxü̃. Rü tá nüxü̃ ipeyangau ya wüxi ya bucü ya naxchápenüxü̃maxã nuquecü ya wocaarü chibüchicagu cacü —ñanagürü.

Ichaía 38:7

Rü nüma ga Ichaía rü nanangãxü̃ rü ñanagürü: —Ñaa tá nixĩ i ngẽma cua̱xruxü̃ i nüma ya Cori ya Tupana cuxna ãxü̃ nax nawa nüxü̃ cucuáxü̃ca̱x nax aixcüma tá yanguxẽẽãxü̃ i ngẽma cumaxã inaxunetaxü̃.

Yeremía 23:6

Rü ngẽxguma nüma ãẽ̱xgacü yixĩxgu rü Yudáane rü taxũtáma to i nachixü̃ane namaxã inacua̱x rü ngẽma Iraéanearü duü̃xü̃gü rü taxuca̱xtama namuü̃e. Rü ngẽma tá namaxã naxugüãxü̃ ya yimá ãẽ̱xgacü rü “Cori ya Tamaxã Poracü”, tá nixĩ i naéga —ñanagürü ga Tupana.

Yeremía 44:29

Rü choma ya Cori ya Tupana rü tá pexna chanaxã i wüxi i cua̱xruxü̃ nax nawa nüxü̃ pecuáxü̃ca̱x nax aixcüma tá yanguxü̃ i ngẽma pexü̃ namaxã chaxãxũnexü̃. Rü aixcüma tá pexü̃ chapoxcue i pemax i Iraétanüxü̃ i Equítuanewa pengẽxmagüxü̃’ ” —ñanagürü.

Ãẽ̱xgacügü ga guxchaxü̃güarü mexẽxẽruü̃gü 6:36

Rü Yedeóü̃ rü Tupanamaxã ñanagürü: —¿Ta̱xacüwa tá nüxü̃ chacua̱x nax aixcüma cho̱xme̱xwa tá ícunguxü̃xẽxẽxü̃ i Iraétanüxü̃, yema cuma chomaxã nüxü̃ quixuxü̃rüxü̃?

Nüxíraxü̃xü̃ ga popera ga ãẽ̱xgacügüchiga 13:3

Rü yematama ngunexü̃gu ga yema orearü uruxü̃ rü ãẽ̱xgacümaxã nüxü̃ nixu ga wüxi ga cua̱xruxü̃ nax yemawa nüxü̃ nacuáxü̃ca̱x nax aixcüma Tupanaarü ore yixĩxü̃ ga nüxü̃ yaxuxü̃, rü ñanagürü: —Ñaa nixĩ i cua̱xruxü̃ i Cori ya Tupana nüxü̃ ixuxü̃: “Rü ñaa ãmarearü guruxü̃ rü tá nangĩãchi rü yima tanimaca ya naétüwa ngẽxmacü rü tá nagüane” —ñanagürü.

Wiyaegü 46:8

¡Rü nua ípeyada̱u̱x i ngẽma taxü̃ i ãũcümaxü̃ i Cori ya Tupana ñoma i naanewa üxü̃!

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Ore i mexü̃ ga Luca ümatüxü̃ 20:44

Rü ñanagürü ga Ngechuchu: —¿Ñuxũcürüwa i Dabítaxa yixĩxü̃ ya Cristu ega nümatama ga Dabí rü norü Corimaxã naxuãgu? —ñanagürü.