Ichaía 7:13 - Tupanaarü Ore

¹³ Rü Ichaía rü ñanagürü: —Nüxü̃ pexĩnüe, Pa Dabítaagüx ¿Pemax, rü pexü̃́ nanataxuraxü̃ nax penachixewexü̃ i duü̃xü̃gü, rü ñuxãcü tá ta penachixewexü̃ ya chorü Tupana?

Ichaía 7:13 Referans Kwoze

Ichaía 43:24

Rü tama naxca̱x pexü̃ chataxexẽxẽ ya dexne ya yixicü nax choxna penaxãmarexü̃ca̱x. Rü tama naxca̱x íchaca nax naxü̃naarü chíxü̃ cha̱u̱xca̱x piguxü̃ nax ngẽmamaxã choxü̃ petaãẽxẽẽxü̃ca̱x. Rü pema rü perü pecadugümaxã choxü̃́ penaxütanü.

Maraquía 2:17

Rü pema rü perü dexamaxã marü düxwa peyapaxẽxẽ ya Tupana. Rü ngẽmaétüwa i pemax rü ípecagüama rü ñaperügügü: —¿Rü ñuxũ ñatarügügü i tomax rü ngẽmaca̱x tayapaxẽẽxü̃ nax toxü̃ naxĩnüxü̃? —ñaperügügü. Rü pema rü ñaperügügü: —Nüma ya Cori ya Tupana rü namaxã nataãxẽ i ngẽma duü̃xü̃gü i chixexü̃ ügüxü̃ rü taxũtáma nanapoxcue —ñaperügügü. ¿Tama ẽ̱xna peyaxõgü nax Tupana rü aixcümacü yixĩxü̃?

Echequié 34:18

Rü ñuxre i pema rü pechixecüma rü tama petaãẽgü nax woo mecü ya maxẽ nax penangṍxü̃ natürü yima íyaxüxcü rü nagu pepugüe. Rü ñu̱xũchi mechiüxü̃ i dexáwa pexaxegü rü ngẽmawena nawa pecuaixegü nax togüca̱x nabuxchíüxü̃ca̱x.

Echequié 16:47

Rü cumax, Pa Yerucharéü̃x, rü guma ĩanegücümagügu quixũ, rü cunaxü ga yematama nacümagü ga chixexü̃. Natürü tama cuxü̃́ ningu ga yema chixexü̃ ga cuxüxü̃, rü yemaca̱x guma ĩanegüarü yexera chixexü̃ cuxü.

Ichaía 63:10

Natürü ga Iraétanüxü̃ rü tama Tupanaga naxĩnüe rü nananuxẽẽgü ga Naãxẽ ya Üünecü. Rü yemaca̱x ga nüma ga Tupana rü yema duü̃xü̃gümaxã narüxuanü rü namaxã nanaxunagü ga nax nadaiaxü̃.

Ichaía 7:2

Rü Acáxmaxã rü napatacüã̱xmaxã nüxü̃ nayarüxugüe ga ore ga ñaxü̃: —Ngẽma Chíriacüã̱xgü rü Efraíü̃tanüxü̃maxã nügü narüngüxẽẽgü nax taxca̱x íyaxü̃ãchixü̃ca̱x —ñaxü̃. Rü yemaxü̃ naxĩnügu rü nüma ga Yudáanearü ãẽ̱xgacü rü norü duü̃xü̃gü rü inanaxügüe nax muü̃maxã yadu̱xruxexü̃ ñoma naixnecüwa ngẽxmagüxü̃ i naigü i buanecüemamaxã íxiã̱xtanücüüxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 3:10

Rü yemaca̱x namaxã chanu ga yema duü̃xü̃gü, rü ñacharügü nüxü̃: ‘Pema rü guxü̃guma chixexü̃guxicatama perüxĩnüeecha, rü tama penaxüxchaü̃ i ngẽma chanaxwa̱xexü̃ nax penaxüxü̃’, ñacharügü nüxü̃.

Amúx 3:13

Rü Cori ya Tupana ya Guxãétüwa Ngẽxmacü rü ñanagürü: —¡Iperüxĩnüe i pemax! ¡Rü Acóbutanüxü̃maxã nüxü̃ pixu! Rü ngẽma ngunexü̃ i nagu Iraétanüxü̃na norü chixexü̃güca̱x nüxna chacaxgu, rü tá nagu chapogü i ngẽma norü tupananetagüarü ãmarearü guruü̃gü i Betéwa ngẽxmagüxü̃. Rü nagu tá chapogü i ngẽma ãmarearü guruü̃chata̱xcuregü rü waixü̃müanegu tá nayi.

Echequié 16:20

Rü cunadai ga yema cunegü rü cuxacügü ga chomaxã cuxü̃́ yexmaxü̃, rü yema tupananetachicüna̱xãgüca̱x ícunagu nax namaxã naxãwemügüxü̃ca̱x. Rü tama cuxü̃́ ningu nax wüxi ga ngexü̃ ga naxü̃nemaxã taxexü̃wa nax cunguxü̃. Rü yemaca̱x naétü cunadai rü ícunagu ga chauxacügü naxca̱x ga yema tupananetachicüna̱xãgü.

Yeremía 6:11

Pa Corix, choma rü ta curüxü̃ poraãcüxüchi namaxã chanu i ngẽma duü̃xü̃gü i tama cuga ĩnüechaü̃xü̃. Rü tama yáxna chaxĩnü nax namaxã chanuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —¡Ẽcü namaxã nanu i ngẽma namawa ngẽxmagüxü̃ i buxü̃gü rü ngẽma ngextü̱xü̃gütücumügü i chixexü̃gu maxẽxü̃! Rü ngẽma uanügü rü tá tüxü̃ ínayauxü̃ ya yíxema iyatüxe tümama̱xmaxã. Rü ngẽxgumarüxü̃ ta, tá tüxü̃ ínayauxü̃ ya yíxema o̱xigü rü yaxguã̱xgü.

Ichaía 25:1

Pa Corix, cuma nixĩ i chorü Tupana quixĩxü̃. Rü choma rü cuxü̃ chicua̱xüxü̃ rü mexü̃maxã cuxü̃ chixuchiga, erü ngẽma nũxcümacürüwatama nagu curüxĩnüxü̃ rü aixcüma cuyanguxẽxẽ rü taguma cunaxüchicüxü i ngẽma nüxü̃ quixuxü̃.

Ichaía 1:24

Rü ngẽmaca̱x ya Cori ya Tupana ya Guxãétüwa Ngẽxmacü ya Iraétanüxü̃arü Tupana ya poraxüchicü, rü ñanagürü: —Ñu̱xma i choma rü tá nüxü̃́ chaxütanü i chorü uanügü naxca̱x i ngẽma chixexü̃ i naxügüxü̃. Rü tá chanapoxcue.

Norü taxre ga to ga popera ga ãẽ̱xgacügüchiga ümatüxü̃ 21:7

Natürü nüma ga Cori ya Tupana rü tama inayanaxoxẽẽchaü̃ nax Dabítanüxü̃ rü Iraétanüxü̃arü ãẽ̱xgacügü yixĩgüxü̃. Yerü nüma ga Tupana rü marü Dabímaxã inaxuneta nax guxü̃gutáma Dabítaagü yixĩxü̃ i Iraétanüxü̃arü ãẽ̱xgacügü. Rü yexgumarüxü̃ ta Dabí nanegümaxã inaxuneta nax guxü̃gutáma nangẽxmaxü̃ i nataagü i ãẽ̱xgacüwa nguxü̃.

Iraétanüxü̃arü muxchiga 16:13

¿Ẽ̱xna cuxca̱x rü wüxi ga ĩnüca nixĩ ga toxü̃ nax ícugaxü̃xü̃ nawa ga Equítuane ga mexü̃ ga õna taguma ítaxuxü̃wa nax nuxã ínachianexü̃gu toxü̃ cuyuexẽxẽxü̃ca̱x? ¿Rü ngẽmaãcü naétü cunaxwa̱xe nax torü ãẽ̱xgacü quixĩxü̃?

Naanearü ügüchiga 30:15

Natürü ga Léa rü ngĩxü̃ ingãxü̃ rü ngĩgürügü: —¿Tama ẽ̱xna cutaãxẽ nax choxna cuyapuxü̃ ya yimá chaute? Rü ñu̱xma rü naétü choxna cunapuxü̃chaü̃ ta i ngẽma chaunearü maü̃dráguragü —ngĩgürügü.

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Ore i mexü̃ ga Luca ümatüxü̃ 1:69

Rü ngẽmaca̱x tüxna nanamu ya wüxi ya maxẽxẽẽruxü̃ ya poracü ga nũxcümaü̃cü ga norü duü̃ ga Dabítaxa ixĩcü.

Wiyaegü 45:5

Pa Ãẽ̱xgacüx, yima cuxnegü ya meama ixãmagune rü ngẽma curü uanügüarü maxü̃newa tá nayarüwa̱xgü rü ngẽma togü i nachixü̃anecüã̱xgü rü cuxme̱xgu tá nayi.

Ichaía 1:14

Rü choma rü naxchi chaxai i ngẽma perü petagü i tauemacü ya ngexwaca ngócügu pexüxü̃ rü ñu̱xũchi ngẽma ngutaque̱xegü i pexüxü̃. Rü ngẽma rü choxü̃ nanuxẽxẽ rü marü tama yáxna namaxã chaxĩnü.

Ichaía 7:12

Rü nüma ga Acháx rü Cori ya Tupanaxü̃ nangãxü̃ rü ñanagürü: —Taxucürüwa ngẽmaãcü chanaxü, erü choma rü taxũtáma Cori ya Tupanaxü̃ chaxü nax wüxi i cua̱xruxü̃ cha̱u̱xca̱x naxüxü̃ca̱x —ñanagürü.

Ichaía 22:22

Rü naxme̱xgu tá chanaxǘ ya Dabípataarü chawi i wãxnaruxü̃. Rü ngẽma nüma yawãxnaxü̃ rü taxúetama tanawãxta. Rü ngẽma nüma nawãxtaxü̃ rü marü taxúetama texé tayawãxna.

Yeremía 44:22

Natürü nüma ga Cori rü marü tama yáxna namaxã naxĩnü ga yema chixexü̃ ga pexügüxü̃ ga nüma poraãcü naxchi naxaixü̃. Rü yemaca̱x ga pechixü̃ane rü ñu̱xma rü nachitaxü̃xicatama ínayaxü, rü taxúema nawa tamaxẽ. Rü ngẽmaãcü i ñu̱xma rü pechixü̃ane rü chixexü̃arü cua̱xruxü̃ nixĩ rü duü̃xü̃gü rü poraãcü namuü̃e i ngẽxguma nüxü̃ nadaugügu ga yema pechixü̃anemaxã ngupetüxü̃.

Echequié 6:9

Rü ngẽma maxẽxü̃ i íyaxügüxü̃ rü ngẽma nachixü̃anegüwa tá choxna nacua̱xãchie. Rü tá nüxna nacua̱xãchie nax ñuxãcü ngúxü̃ nüxü̃ chingexẽxẽgüxü̃ nagagu nax choxna yaxĩgachixü̃ nax norü tupananetachicüna̱xãgüxü̃ yacua̱xüü̃güxü̃ca̱x. Nümagü rü nügütátama naxãnẽẽxẽẽgü nagagu ga yema chixexü̃ ga naxügüxü̃ rü yema nacümagü ga nagu namaxẽxü̃.