Ichaía 66:4 - Tupanaarü Ore

⁴ Natürü choma rü tá ta nüxü̃ chaxuneta i ngẽma poxcu i namaxã tá chanapoxcuexü̃. Rü tá naxca̱x íchananguxẽxẽ i ngẽma guxchaxü̃ i poraãcü nüxü̃ namuü̃exü̃. Erü ngéma ichacagü natürü taxúema choxü̃ tangãxü̃, rü ngẽxguma chidexagu rü taxúema choxü̃ taxĩnü. Rü nanaxü i ngẽma tama chanaxwa̱xexü̃, rü nagu namaxẽ i ngẽma tama namaxã chataãẽxü̃ —ñanagürü ga Tupana.

Ichaía 66:4 Referans Kwoze

Ichaía 65:12

Rü ngẽmaca̱x pemaxã chanaxuegu nax taragu tá peyuexü̃. Yerü yexguma pexca̱x chacaxgu rü tama choxü̃ pengãxü̃gü, rü yexguma pemaxã chidexagu rü tama choxü̃́ iperüxĩnüe. Rü penaxüama ga yema tama chanaxwa̱xexü̃ rü penayauxgü ga yema choxü̃ nuxẽẽxü̃ —ñanagürü ga Tupana.

Yeremía 7:13

Rü woo mue̱xpü̱xcüna pexna chanachu̱xu ga yema pecüma ga chixexü̃, natürü pema rü tama chauga pexĩnüechaü̃, rü bai choxü̃ pengãxü̃güxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Ucu̱xẽgüchiga 10:24

Ngẽma yatü i chixexü̃gu maxü̃xü̃, rü ngẽma yexera naxca̱x namuü̃xü̃ tá nixĩ i ngẽma naxca̱x ínguxü̃, natürü ngẽma duü̃xü̃ i naãẽxü̃ cuáxü̃, rü tá nüxna nangu i ngẽma nüxü̃́ ngúchaü̃xü̃.

Ucu̱xẽgüchiga 1:24

Choma rü pexca̱x chaca rü pexna chaxu nax cha̱u̱xca̱x pexĩxü̃ca̱x, natürü i pemax rü tama chauga pexĩnüechaü̃.

Norü taxre ga popera ga ãẽ̱xgacügüchiga 21:6

Rü naétü nanetama tüxü̃ nigu nawa ga wüxi ga yema tupananetachicüna̱xãarü ãmarearü guruxü̃. Rü nagu namaxü̃ ga yuü ga naãẽgümaxã nawa yadexaxü̃, rü yuü ga nawa nüxü̃ icuáxü̃ ga ẽxü̃guxü̃. Rü duü̃xü̃gümaxã nanaxunagü nax nangúexü̃ca̱x ga yuü rü nax nangúexü̃ca̱x nax ñuxãcü duü̃xẽxü̃ nachixexẽẽgüxü̃. Rü yemaacü poraãcü chixexü̃ naxü ga Tupanape̱xewa rü poraãcü Tupanaxü̃ nanuxẽxẽ.

Norü taxre ga popera ga ãẽ̱xgacügüchiga 21:2

Natürü yema Manaché üxü̃ rü Tupanape̱xewa tama name. Rü nagu namaxü̃ ga yema nacümagü ga chixexü̃ ga nagu naxĩxü̃ ga yema duü̃xü̃gü ga nüxíra yema naanewa yexmagüxü̃ ga Cori ya Tupana Iraétanüxü̃pe̱xewa íwoxü̃xü̃.

Wiyaegü 81:12

Rü yemaca̱x nixĩ ga pexü̃ chayexrüxü̃ nax penaxüamaxü̃ca̱x ga perü chixexü̃ rü pema penaxwa̱xexü̃ãcüma pemaxẽxü̃ca̱x.

Ore i mexü̃ ga Matéu ümatüxü̃ 24:24

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽxguma nüxü̃́ natauxchagu, rü ngẽmamaxã tá tüxü̃ nawomüxẽẽgü rü woo ya yíxema duü̃xẽgü ya Tupana tüxü̃ dexe.

Ichaía 65:3

Rü ngẽma duü̃xü̃gü rü guxü̃guma ngúxü̃ choxü̃ ningexẽẽgü namaxã i norü chixexü̃gü. Rü putüraanecügüwa naxü̃na ínagugü naxca̱x i norü tupananetagü. Rü norü guruxü̃ i ladriyunaxca̱xwa nayagugü i pumarate̱xe.

Ichaía 50:2

¿Rü ta̱xacüca̱x tama texéxü̃ nua chayangau ga yexguma nua chaxũxgu? ¿Rü yexguma nua ichacagügu rü ta̱xacüca̱x taxúema choxü̃ tangãxü̃? ¿Ẽ̱xna nagu perüxĩnüe nax tama chaporaxü̃ nax togüme̱xẽwa pexü̃ chapuxü̃xü̃? ¿Ẽ̱xna nagu perüxĩnüe nax tama chaporaxü̃ nax pexü̃ íchanguxü̃xẽxẽxü̃ naxme̱xwa i perü uanü? Rü aixcüma pemaxã nüxü̃ chixu rü choma choxü̃́ nangẽxma i pora nax chanamuxü̃ i már rü natügü nax yachegüxü̃ca̱x rü ngẽmaãcü naxnücüane nax yaxĩgüxü̃ca̱x rü choxnigü rü ngearü dexáã́xü̃maxã nayuexü̃ rü yayixexü̃.

1 Chamué 8:19

Natürü nüma ga yema duü̃xü̃gü, rü tama inarüxĩnüechaü̃ ga yema Chamué namaxã nüxü̃ ixuxü̃. Rü ñanagürügüama: —Nüetama, rü tanaxwa̱xegü i toxü̃́ nangẽxma i wüxi i ãẽ̱xgacü i réi nax ngẽma togü i nachixü̃anerüxü̃ tixĩgüxü̃ca̱x. Rü nüma tá nixĩ i tórü ãẽ̱xgacü yixĩxü̃, rü tá tomaxã inacuáxü̃ ega ngẽxguma togümaxã togü tadaixgux —ñanagürügüama.

Ichaía 59:7

Rü pepaxaãẽgü nax pemáetagüxü̃ rü tüxü̃ pima̱x ya yíxema taxuxü̃ma i chixexü̃ üxe. Rü máetaguxicatama perüxĩnüe rü ngẽmaca̱x penadai i duü̃xü̃gü rü ngẽma ípechopetüxü̃wa rü guxü̃ma nachixe.

Ichaía 65:7

Rü ngẽma nax namáetagüxü̃ca̱x rü nanatügü rü ta namáetagüxü̃ca̱x rü tá chanapoxcue. Rü nümagü rü poraãcü choxü̃ nanuxẽẽgü erü ma̱xpǘnegüwa naxchicüna̱xãgüca̱x pumarate̱xe ínagugü. Rü ngüchitaeruxü̃güwa choxü̃ tachoxü̃gagü rü yemaacü choxü̃́ nanangu̱xẽẽgü. Rü ngẽmaca̱x i choma rü tá chanapoxcue —ñanagürü. Rü nüma ya Cori ya Tupana nixĩ i ngẽma ñaxü̃.

Yeremía 7:30

Rü Cori ya Tupana rü ñanagürü: —Ngẽma duü̃xü̃gü i Yudátanüxü̃ rü taxü̃ i chixexü̃maxã choxü̃ nanuxẽẽgü. Rü daa chopatagu nananucu ga naxchicüna̱xãgü i nawa chanaxoégaxü̃. Rü yemaacü taxü̃ ga chixexü̃ rü ãũãchixü̃ chopatawa naxügü.

Yeremía 35:17

Rü ngẽmaca̱x i choma ya Cori ya Guxãétüwa Ngẽxmacü ya Iraétanüxü̃arü Tupana rü ñachagürü: Ngẽma Yudáanearü duü̃xü̃güca̱x rü Yerucharéü̃arü duü̃xü̃güca̱x tá íchananguxẽxẽ i guxü̃ma i ngẽma guxchaxü̃gü ga namaxã chaxuegugüxü̃. Yerü namaxã chidexa, natürü tama chauga naxĩnüe. Rü naxca̱x chaca, natürü tama cha̱u̱xca̱x naxĩ” —ñanagürü.

Echequié 11:8

¿Ẽ̱xna nüxü̃ pemuü̃e i dai? Rü choma i Cori ya Tupana rü pemaxã nüxü̃ chixu rü aixcüma tá dai pexca̱x íchanguxẽxẽ.

Echequié 14:4

¡Rü namaxã idexa rü ñaa orexü̃ namaxã ixu! “Cori ya Tupana rü ñanagürü: ‘Guxü̃ma i ngẽma Iraétanüxü̃ i nügü ixãgüxü̃ nax nüxü̃ yacua̱xüü̃güxü̃ i norü tupananetachicüna̱xãgü, rü ngẽmaxü̃ama narüdaunü nax yexera pecadu naxügüxü̃ca̱x, rü ngẽmawena rü chorü orearü uruxü̃na yacagüxü̃, rü choma rü tá chanamexẽxẽ i ngẽma poxcu i nüxna üxü̃ nagagu nax namuarü tupananetachicüna̱xãgüxü̃’ ” —ñanagürü.

Echequié 20:25

Rü düxwa chanayexrü nax nagu naxĩxü̃ca̱x ga yema tupananetagüarü mugü ga tama imexü̃ rü tama maxü̃ nüxna ãxü̃.

Ichaía 65:2

Rü guxü̃ i ngunexü̃gu íchamemare nax chanadexü̃ i ngẽma duü̃xü̃gü i tama chauga ĩnüexü̃ i chixexü̃weama rüxĩxü̃ rü noxrütama ngúchaü̃ ügüamaxü̃.