Ichaía 66:2 - Tupanaarü Ore

² ¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Ichaía 66:2 Referans Kwoze

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Wiyaegü 34:18

Rü nüma ya Cori ya Tupana rü ínamemare nax tüxü̃ nangü̃xẽẽxü̃ ya yíxema ngúxü̃ ingegüxe Rü tüxü̃ ínanguxü̃xẽxẽ ya yíxema ngechaxü̃ ingegüxe.

Wiyaegü 51:17

Rü ngẽma cuma cunaxwa̱xexü̃, Pa Tupanax, nixĩ i wüxi i duü̃xü̃ i nüxü̃ rüxoxü̃ i chixexü̃. Rü cumax, Pa Tupanax, rü tama nüxü̃ cuxo i ngẽma duü̃xü̃ i nügümaxã nangechaü̃ãcüma cumaxã nügü ixuxü̃ nax nachixexü̃.

Filipenses 2:12

Rü ngẽmaca̱x chanaxwa̱xe i chauga pexĩnüe, Pa Chauenexẽgü ya Pexü̃ Changechaü̃güxe. Rü yéma petanüwa chayexmagu chauga nax pexĩnüexü̃arü yexera chanaxwa̱xe i chauga pexĩnüe i ñu̱xma nax tama petanüwa changexmaxü̃. Rü chanaxwa̱xe i Tupanaxü̃ pemuü̃ẽãcüma pegü peporaexẽxẽ nax nawe perüxĩxü̃ i ngẽma ore i maxü̃ tüxna ãxü̃.

Ucu̱xẽgüchiga 28:14

Yimá yatü ya Tupanaga ĩnücü rü Tupana nüxü̃ narüngü̃xẽxẽ, natürü ngẽma duü̃xü̃ i tama Tupanaga ĩnüxü̃, rü tá chixexü̃gu nangu.

Wiyaegü 138:6

Rü woo dauxü̃wa nax nangemaxü̃ ya Cori ya Tupana, natürü ngéma nüxü̃ nadawenü i ngẽma tama nügü icua̱xüü̃xü̃. Natürü ngẽma nügü icua̱xüü̃xü̃ rü Tupana rü yáxü̃gutama nüxü̃ nadawenü rü nüxü̃ nacua̱x i ñuxãcü nax yixĩxü̃.

Wiyaegü 119:120

Rü cupe̱xewa i choma rü chorü muü̃maxã chidu̱xrux rü aixcüma nagu chixũxchaü̃ i ngẽma curü mugü. -16-

Ichaía 66:5

Rü ñanagürü: —¡Dücax, pema nax Tupanaga pexĩnüexü̃, rü iperüxĩnüe i norü ore! Rü nümaxü̃ i pemücügü i pexchi aiexü̃ rü pewe ingẽxü̃tanüxü̃ naxca̱x nax chorü duü̃xü̃gü pixĩgüxü̃, rü choxü̃ nacugüeãcüma rü ñanagürügü: “Ẽcü Tupana toxü̃ nawé i norü pora erü nüxü̃ tadaugüchaü̃ nax petaãẽgüxü̃”, ñanagürügü. Natürü ngẽma pemücügü i ngẽmaãcü idexagüxü̃ rü Tupana tá nanaxãneexẽxẽ.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Édra 10:3

Rü ngẽmaca̱x tórü Tupanape̱xewa tá nüxü̃ tixu nax toxna tixĩgachixü̃ca̱x ya yíxema toxma̱xgü ya tama Tupanaaxü̃́ yaxõgüxe rü yíxema toxocügü ya tümawa toxü̃́ ngẽxmagüxe. Rü ngẽmaãcü ngẽma cuma rü ngẽma togü i duü̃xü̃gü i aixcüma Tupanaga ĩnüexü̃ tomaxã nüxü̃ ixuxü̃rüxü̃ tá naga taxĩnüe ya tórü Cori ya Tupanaarü mugü.

Abacú 3:16

Rü yexguma nüxü̃ chaxĩnügu ga yema ãũcümaxü̃ i tá cuxüxü̃ rü chamuü̃, rü poraãcü chidu̱xruchicüra. Rü taxucürüwa ichachi rü guxü̃ma i chauxune rü ínayaturaãchi. Natürü woo ngẽmaãcü nax yixĩxü̃ rü mea tá íchananguxẽxẽ i ngẽma ngunexü̃ ya Tupana tá nagu guxchaxü̃ naxca̱x íngu̱xẽẽxü̃ i ngẽma churaragü i chixexü̃ tamaxã ügüxü̃.

Wiyaegü 119:161

Rü ãẽ̱xgacügü i poraexü̃ rü chowe ningẽxü̃tanü woo taxuxü̃ma i chixexü̃ chaxüyane. Natürü i choma rü naga chaxĩnü i curü mugü.

Édra 9:4

Rü guxü̃ma ga yema Iraétanüxü̃ ga torü Tupanaarü poxcuca̱x muü̃exü̃ nagagu ga natanüxü̃arü chixexü̃gü rü chauxü̃tawa nayarütogü. Rü choma rü chorü ngechaü̃maxã yematama chauchicawa charüto ñu̱xmata nawa nangu ga yema yáuanecüarü ora ga nagu Tupanaca̱x yagugüãxü̃ ga ãmaregü.

Ichaía 40:26

¡Dücax, daxũguxü̃ i naanegu perüdaunü rü nüxü̃ peda̱u̱x! ¿Rü texé tixĩ ya naxǘxe i guxü̃ma i ngẽma nüxü̃ pedauxü̃? Rü nüma ya Tupana nixĩ ga mea inanucü ga wüxichigü ga yema ẽxtagü rü woramacurigü rü ñu̱xũchi wüxichigü rü naégamaxã nüxna naca. Rü nataxüchi i norü pora rü mea guxü̃maxã inacua̱x, rü ngẽmaca̱x taguma wüxi i ẽxta natauxchica.

Colosenses 1:17

Rü naxü̃pa ga guxü̃ma, rü nüma ga Cristu rü marü nüxíra nayexma. Rü nüma nixĩ i mea inanuãxü̃ i guxü̃ma rü namaxã inacuáxü̃.

Ngechuchuarü ngúexü̃gü ga yamugüxü̃arü puracüchiga 9:6

¡Rü inachi, rü ngéma Damácuarü ĩanewa naxũ! Rü ngéma rü wüxi ya yatü tá cumaxã nüxü̃ nixu nax ta̱xacü tá cuxüxü̃ —ñanagürü.

Ore i mexü̃ ga Matéu ümatüxü̃ 12:6

Natürü pemaxã nüxü̃ chixu rü nua petanüwa nangẽxma i wüxi i Tupanapata ya taxü̃nearü yexera ixĩxü̃ i Tupanape̱xewa.

Ucu̱xẽgüchiga 29:23

Ngẽma nügü icua̱xüxü̃xü̃ rü tá tanaxãnexẽxẽ. Natürü yíxema tama tügü icua̱xüxü̃xẽ, rü duü̃xü̃gü rü tá tümamaxã nataãẽgü.

Ochéa 11:10

Rü choma rü ñoma wüxi i leóü̃rüxü̃ tá chataga rü chorü duü̃xü̃gü rü tá chauga naxĩnüe. Rü ngẽxguma tagaãcü naxca̱x chacaxgu rü nümagü rü nidu̱xruãcüma tá oéstewaama ne naxĩ.

Miquéa 6:8

Rü nüma ya Cori ya Tupana rü marü cumaxã nüxü̃ nixu, Pa Duü̃xü̃x, i ta̱xacü nixĩ i nape̱xewa mexü̃ rü ta̱xacü nixĩ i ngẽma cuxü̃́ nanaxwa̱xexü̃. Rü ngẽma cuxü̃́ nanaxwa̱xexü̃ nixĩ nax mexü̃ cuxüxü̃ rü quixaixcümaxü̃ rü curü Tupanaga nax cuxĩnüxü̃ rü tama cugü quicua̱xüxü̃.

Nüxíraxü̃xü̃ ga popera ga ãẽ̱xgacügüchiga 21:29

—¿Nüxü̃ cudauxü̃ yixĩxü̃ ya Acáx nax ñuxãcü chope̱xewa nügü ínaxíraxü̃? Rü ngẽma nax chope̱xegu nügü ínaxíxraxü̃gagu rü taxũtáma chixexü̃ naxacügütanüwa changuxẽxẽ i ñu̱xma nax namaxü̃xü̃gu i nüma ya Acáx. Natürü ngẽxguma marü nayuxguwena rü nane ãẽ̱xgacü ixĩxgu tá nixĩ i Acáxacügüca̱x íchananguxẽẽxü̃ i ngẽma chixexü̃ nax ngẽmaãcü yanaxoxü̃ca̱x i natanüxü̃ —ñanagürü.

Norü taxre ga popera ga ãẽ̱xgacügüchiga 22:10

Rü nüma ga Chapáü̃ rü yexgumarüxü̃ ta ãẽ̱xgacümaxã nüxü̃ nixu rü chacherdóte ga Irichía rü nüxna nax naxããxü̃ ga wüxi ga mugüpane ga Tupanapata ga taxü̃negu nüxü̃ iyangauxü̃. Rü ñu̱xũchi nüma ga Chapáü̃ rü ãẽ̱xgacüca̱x nüxü̃ nadaumatü.

Norü taxre ga popera ga ãẽ̱xgacügüchiga 22:11

Rü yexguma ãẽ̱xgacü nüxü̃ ĩnügu ga yema Tupanaarü mugü ga poperagu ümatüxü̃, rü poraãcü naxoegaãxẽ rü nügü narügáutechiru.

Wiyaegü 51:19

Rü ngẽxguma i cuma rü tá namaxã cutaãxẽ i ngẽma ãmaregü i wocagü i tá cuxca̱x daixü̃ rü cuxca̱x íguxü̃. Rü ñu̱xũchi curü ãmarearü guruü̃wa tá cuxca̱x nayagugü i wocaxacügü.