Ichaía 66:1 - Tupanaarü Ore

¹ Tupana rü ñanagürü: —Ngẽma daxũguxü̃ i naane rü chorü tochicaxü̃ nixĩ rü ñoma i naane rü chorü chicutüchica nixĩ. ¿Rü ngexta tá nixĩ i choxü̃́ penaxüxü̃ ya wüxi ya chopata? ¿Rü ngexta tá nixĩ i choxü̃́ penaxüxü̃ i wüxi i nachica i nagu charüngü̃xü̃?

Ichaía 66:1 Referans Kwoze

Ngechuchuarü ngúexü̃gü ga yamugüxü̃arü puracüchiga 17:24

Rü gumá Tupana ga naxücü ga ñaa naane rü guxü̃ma i nawa ngẽxmagüxü̃, rü nüma nixĩ i norü yora yixĩxü̃ i daxũguxü̃ i naane rü ñoma i naane. Rü ngẽmaca̱x nüma rü tama duü̃xü̃gü üxü̃ne ya Tupanapatagügu naxãchiü̃.

Nüxíraxü̃xü̃ ga popera ga ãẽ̱xgacügüchiga 8:27

Natürü i cumax, rü ¿ñuxũcürüwa yanguxü̃ i ñoma i naanewa nax nawa cungexmaxü̃? Rü ngẽxguma chi guxü̃ma i ngẽma daxũguxü̃ i naane i taxüchixü̃ rü tama yanguxgu nax nawa cungexmaxü̃ ¿rü ñuxãcü tá yanguxü̃ ya daa ĩpata ya taxü̃ne ya cuxca̱x chaxüxü̃ne nax nawa cungexmaxü̃?

Wiyaegü 132:7

¡Rü ñu̱xma rü ngĩxã Tupanapatagu tachocu nax ngéma nape̱xewa nüxü̃ yarücua̱xüü̃güxü̃ca̱x!

Wiyaegü 11:4

Natürü nüma ya Cori ya Tupana rü napata ya üünenewa nangẽxma. Rü nüma ya Cori rü daxũguxü̃ i naanewa nüxü̃́ nangẽxma i norü tochicaxü̃, rü ngéma meama ínadawenü rü nanangugü i duü̃xü̃gü.

Norü taxre ga to ga popera ga ãẽ̱xgacügüchiga ümatüxü̃ 6:18

Natürü, Pa Cori Pa Tupanax, ¿rü ñuxũcürüwa i duü̃xü̃gütanüwa cumaxü̃xü̃ i ñoma i naanewa? Rü ngẽxguma chi guxü̃ma i ngẽma daxũguxü̃ i naane i taxüchixü̃ rü tama yanguxgu nax nawa cungexmaxü̃ ¿rü ñuxãcü tá nagu cumexü̃ ya daa ĩpata ya taxü̃ne ya cuxca̱x chaxüxü̃ne nax nawa cungexmaxü̃ca̱x?

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:2

Rü yexguma marü yexma nangutaque̱xegu, rü nüma ga Dabí rü inachi rü ñanagürü: —Pa Chomücügü rü Pa Chorü Duü̃xü̃güx ¡rü choxü̃́ iperüxĩnüe! Rü choma rü choxü̃́ nangúchaü̃ nax chanaxüxü̃ ya Tupanapata nax ngẽxma naxü̃́xü̃ca̱x i ngẽma baú i Tupanaarü mugü nagu nucuxü̃ nax ngéma nangẽxmaxü̃ca̱x ya Tupana. Rü yemaca̱x ga choma rü chananutaque̱xe ga yemaxü̃gü nax naxüxü̃ca̱x ya Tupanapata.

Wiyaegü 99:9

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü yima napata ya norü ma̱xpǘne ya üünenewa ngẽxmanepe̱xegu pecaxã́pü̱xügü! Erü nüma ya Cori ya tórü Tupana rü naxüüne.

Ore i mexü̃ ga Matéu ümatüxü̃ 24:2

Natürü Ngechuchu rü ñanagürü: —¿Nüxü̃ pedauxü̃ ya guxü̃nema ya yima ĩpatagü? Natürü pemaxã nüxü̃ chixu rü aixcüma guxü̃nema ya daa ĩpatagü rü tá nagu napogüe. Rü naxtapü̱xarü nutagü rü taxucütama nügüétü naxüxüra, rü bai ya wüxi —ñanagürü.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Ore i mexü̃ ga Matéu ümatüxü̃ 12:6

Natürü pemaxã nüxü̃ chixu rü nua petanüwa nangẽxma i wüxi i Tupanapata ya taxü̃nearü yexera ixĩxü̃ i Tupanape̱xewa.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Norü taxre ga to ga popera ga ãẽ̱xgacügüchiga ümatüxü̃ 2:5

Rü yima Tupanapata ya taxü̃ne i tá chaxüxü̃ne rü tá nataxüchi rü namexẽchi, erü yimá torü Tupana rü naporaxüchi rü nape̱xewa rü guxü̃ma i ngẽma duü̃xü̃gü namaxã tupanaã́xü̃ rü taxuxü̃ma nixĩgü.

Ichaía 60:13

Rü Tupana rü Yerucharéü̃cüã̱xgüxü̃ ñanagürü: —Guxü̃ma i naigü i mürapewa i mexü̃ i Líbanuwa ngẽxmagüxü̃ i pinugü rü abétugü rü chipregü rü tá norü nga̱xãẽruxü̃ nixĩgü ya chopata ya taxü̃ne i ngextá íchachixü̃wa.