Ichaía 64:12 - Tupanaarü Ore

¹² Rü guxü̃ma i ngẽma ngupetüxü̃étüwa Pa Tupanax, ¿rü taxũtáma e̱xna ta̱xacü cuxü? ¿Ẽ̱xna taxũtáma toxü̃ cungãxü̃, rüe̱xna yexera tá toxü̃ cupoxcueama?

Ichaía 64:12 Referans Kwoze

Ichaía 42:14

Rü ñanagürü ga Tupana: —Mucüma ya taunecü rü ichayarüchiane rü taguma chidexa, natürü i ñu̱xma rü tá aita chaxü ñoma wüxi ya ngexe ya ngu̱xnecaxe rü íxraxacüchaü̃xerüxü̃.

Chacaría 1:12

Rü nüma ga yema Cori ya Tupanaarü duü̃xü̃ ga daxũcüã̱x rü ñanagürü: —Pa Corix, Pa Tupana ya Guxãétüwa Ngẽxmacüx, rü marü 70 ya taunecüwa nangu nax Yerucharéü̃maxã rü ngẽma togü i Yudáanearü ĩanegümaxã cunuxü̃. ¿Rü ñuxre ya taunecü taxuxü̃ nax wenaxarü cuxü̃́ nangechaü̃tümüxü̃güxü̃? —ñanagürü.

Wiyaegü 83:1

Pa Tupanax ¡taxṹ i curüchianexü̃, rü taxṹ i ngẽxma curüxã̱ũ̱xmarexü̃! ¡Rü nangãxü̃ i torü yumüxẽ rü toxü̃ ínanguxü̃xẽxẽ!

Yema Cuáü̃ nüxü̃ dauxü̃ i yixcüra tá ngupetüxü̃chiga 6:10

Rü yema naãxẽgü rü tagaãcü ñanagürügü: “Pa Torü Cori ya Guxü̃étüwa Ngẽxmacü rü Üünecü rü Ixaixcümacüx, ¿ñuxgura tá ta i nüxna cucaxü̃ rü cunapoxcuexü̃ i ngẽma ñoma i naanecüã̱x ga toxü̃ daixü̃?” ñanagürügü.

Wiyaegü 79:5

Pa Cori Pa Tupanax ¿rü ñuxguxüratáta i nüxü̃ curüchauxü̃ nax tomaxã cunuxü̃? ¿Rü ẽ̱xna guxü̃gutáma ñoma wüxi ya üxürüxü̃ niyauraecha i ngẽma curü nu?

Wiyaegü 10:1

Pa Cori Pa Tupanax ¿Tü̱xcüü̃ choxna cuyáxü̃gu? ¿Rü tü̱xcüü̃ iquicu̱x ega guxchaxü̃wa changexmagu?

Ichaía 63:15

Dücax, Pa Cori Pa Tupanax, cuma nax daxũguxü̃ i naanewa i üünexü̃ i nachicawa nax cumaxü̃xü̃ rü ¿ngexü̃ nixĩ nax aixcüma toxü̃ cungechaxü̃xü̃? ¿Rü ngexü̃ nixĩ i curü pora? ¿Rü ngexü̃ nixĩ nax yáxna tomaxã cuxĩnüxü̃? ¿Ẽ̱xna marü cuxü̃́ inayagu̱x nax cuxü̃́ tangechaxü̃tümüxü̃güxü̃?

Ichaía 65:6

Natürü guxü̃ma i ngẽma naxügüxü̃ rü chope̱xegu naxümatü, rü ngẽmaca̱x rü taxũtáma chanangupetüxẽẽmare. Rü ngẽma chixexü̃ i naxügüxü̃gagu tá naxca̱x íchananguxẽxẽ i norü natanü.