Ichaía 64:1 - Tupanaarü Ore

¹ ¡Ẽcü ínangegü i ngẽma caixanexü̃ i dauxü̃wa ngẽxmaxü̃, Pa Tupanax, rü ngéma írüxĩ! Rü yima ma̱xpǘnegü rü tá naxĩã̱xãchitanü i ngẽxguma cungo̱xgu.

Ichaía 64:1 Referans Kwoze

Ore i mexü̃ ga Márcu ümatüxü̃ 1:10

Rü yexguma dexáwa ínaxü̃ãchigu, rü Ngechuchu nüxü̃ nadau nax yangenaxü̃ ga daxũwa. Rü yema Tupanaãxẽ ya Üünecü rü wüxi ga muxtucurüxü̃ inanago, rü Ngechuchuna nangu.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Wiyaegü 68:8

Rü yexguma Tupana guma ma̱xpǘne ga Chinaíwa nguxgu, rü naxĩã̱xãchiane ga naane. Rü yima caixanexü̃gü rü inanaba ga dexá. Rü guma ma̱xpǘne rü naxĩã̱xãchi nape̱xewa ya Iraétanüxü̃arü Tupana.

Amúx 9:13

Rü ñanagürü ta: —Rü ngẽma ngunexü̃gügu rü poraãcü tá nixo i perü trigu. Rü ngẽxguma taxũta yagúegu nax penabuxuxü̃ i perü trigu rü ngẽma perü naane rü marü táxarü name nax wena nagu petoexü̃. Rü ngẽxguma taxũta yagúegu nax penabuxuxü̃ i perü úbagü rü ngẽma perü naane rü marü íname nax perü trigu nagu petoxü̃. Rü guxü̃nema ya yima ma̱xpǘnegüwa rü ngüchitaeruxü̃güwa rü tá nata i perü bínu ñoma dexárüxü̃.

Ichaía 63:15

Dücax, Pa Cori Pa Tupanax, cuma nax daxũguxü̃ i naanewa i üünexü̃ i nachicawa nax cumaxü̃xü̃ rü ¿ngexü̃ nixĩ nax aixcüma toxü̃ cungechaxü̃xü̃? ¿Rü ngexü̃ nixĩ i curü pora? ¿Rü ngexü̃ nixĩ nax yáxna tomaxã cuxĩnüxü̃? ¿Ẽ̱xna marü cuxü̃́ inayagu̱x nax cuxü̃́ tangechaxü̃tümüxü̃güxü̃?

Ínachoxü̃xü̃chiga 3:8

Rü ngẽmaca̱x nixĩ i ñu̱xma ícharüxĩxü̃ nax Equítuanecüã̱xme̱xẽwa íchananguxü̃xẽẽxü̃ca̱x i ngẽma chorü duü̃xü̃gü. Rü ngẽma naane i nawa tá chanagagüxü̃, rü wüxi i naane i taxü̃ rü mexü̃ nixĩ. Rü ngéma rü meama narüxügü i naguxü̃raü̃xü̃ i nanetügü. Rü õna taguma nataxu. Rü ngẽma naanegu nixĩ i naxãchiü̃güxü̃ i Canaáü̃tanüxü̃ rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Amúx 9:5

Rü yimá Cori ya Tupana ya Guxãétüwa Ngẽxmacü rü ngẽxguma ñoma i naanexü̃ yangógügu rü tá inagü i ngẽma waixü̃mü, rü tá naxauxe i guxü̃ma i duü̃xü̃gü i nawa maxẽxü̃. Rü ñaa naane rü tá naxĩnagüxü̃ rü ínarüxĩĩxü̃ ñoma taxtü i Níruarü yuape ya tacürüxü̃.

Ichaía 41:15

Rü ñoma wüxi i tríguarü waixruxü̃ i ngexwaca̱xü̃xü̃ i mepütaxüchixü̃rüxü̃ tá pexü̃ chixĩgüxẽxẽ nax ngẽmaãcü penadaixü̃ i perü uanügü. Rü ñoma waixü̃müte̱xerüxü̃ tá peyaxĩgüxẽxẽ. Rü ngẽma perü uanügü rü ñoma maxẽ ya pacürüxü̃ tá peyaxĩxẽxẽ.

Ichaía 63:19

Rü ñu̱xma rü toma rü ñoma taguma tomaxã icucuáxü̃rüxü̃ tixĩgü. Rü ñoma taguma cuxü̃ tacuáxü̃rüxü̃ tixĩgü.

Chacaría 14:4

Rü ngẽma ngunexü̃gu rü nüma ya Cori ya Tupana rü nagu tá nachi ya yima Oribuarü Ma̱xpǘne ya Yerucharéü̃arü to̱xma̱xtawa ngẽxmane i norü éstecüwawa. Rü tá narüngüte ya yima ma̱xpǘne. Rü wüxi i norü ngãxü̃ rü tá nórtewaama naxũgachi rü ngẽma to i norü ngãxü̃ rü tá súrwaama naxũgachi. Rü ngẽmaãcü tá nango̱x i wüxi i taxü̃ i ngate i éstewaama ne daxü̃ rü oéstewaama daxü̃.

Wiyaegü 79:10

Rü ngẽma duü̃xü̃gü i tama cuxü̃́ yaxõgüxü̃ rü taxuca̱xma tü̱xcüü̃ ñanagürügü: —¿Ngecü nixĩ ya yimá norü Tupana? —ñanagürügü. Rü ñu̱xma rü nüxü̃ tadauxchaü̃ nax ñuxãcü tá cunada̱i̱xü̃ i ngẽma torü uanügü ga curü duü̃xü̃güxü̃ daixü̃. Rü woo i ngẽma nachixü̃anecüã̱xgü i tama cuxü̃́ yaxõgüxü̃ rü tanaxwa̱xe nax nümagü rü ta nüxü̃ nacua̱xgüxü̃ca̱x i ngẽma cuxüxü̃.