Ichaía 61:4 - Tupanaarü Ore

⁴ Rü pemax, Pa Yerucharéü̃cüã̱xgüx, rü tá peyamexẽẽgü ya yima ĩanegü ya ü̃pama ichixegüne.

Ichaía 61:4 Referans Kwoze

Ichaía 58:12

Rü pemax, Pa Iraétanüxü̃x, rü wenaxarü tá peyamexẽxẽ ya yima perü ĩane i ñu̱xma chixene. Rü wena tá penanucu i ngẽma norü nutagü i nawa inaxügüxü̃ i naxtapü̱xgü ga nũxcüma nucuxü̃. Rü togü tá pexü̃ nixu nax naxtapü̱xgü i wa̱xgüxü̃arü mexẽẽruü̃gü pixĩgüxü̃ rü ĩpatagü ya ichixenearü mexẽẽruü̃gü pixĩgüxü̃.

Wiyaegü 46:8

¡Rü nua ípeyada̱u̱x i ngẽma taxü̃ i ãũcümaxü̃ i Cori ya Tupana ñoma i naanewa üxü̃!

Wiyaegü 74:3

¡Rü nua naxũ rü íyadau ya daa curü ĩane nax guxü̃wama nagu napogüene! Rü yema curü uanügü rü cupatawa rü nagu napogüe ga guxü̃ma ga ta̱xacü yéma yexmagüxü̃.

Ichaía 52:9

¡Pa Yerucharéü̃cüã̱xgü i Íyaxügüxü̃x, rü taãẽãcü pewiyaegü erü Tupana rü marü nanataãẽxẽxẽ i norü duü̃xü̃gü rü ínananguxuchixẽxẽ ya perü ĩane ya Yerucharéü̃!

Chacaría 1:17

Rü yema daxũcüã̱x rü ñanagürü ta choxü̃: —Rü ñaa tá nixĩ i to i ore i tá nüxü̃ quixuxü̃: “Rü nüma ya Cori ya Tupana ya Guxãétüwa Ngẽxmacü rü ñanagürü: ‘Choma rü tá wena nüxü̃ charüngü̃xẽxẽxü̃ ya yima chorü ĩanegü nax yamexü̃ca̱x rü mea iyaxĩxü̃ca̱x. Rü wena tá chanataãẽxẽxẽ ya Chióü̃. Rü wena tá chanaxunagü nax choxrü ĩane yixĩxü̃ ya Yerucharéü̃’ ” —ñanagürü.

Édra 9:9

Rü woo to ga ãẽ̱xgacüme̱xẽwa nax tayexmagüxü̃ natürü i cumax rü tama toxü̃ ícuwogü. Rü ngẽma Pérchiaanearü ãẽ̱xgacügüãẽwa ícunanguxẽxẽ nax tomaxã namecümagüxü̃ca̱x. Rü toxna cudau nax ñu̱xma rü ta tamaxẽxü̃ca̱x, rü ngẽmaãcü tawoeguxü̃ca̱x, rü wena noxrirüxü̃ ga nachicagutama tanaxüxü̃ca̱x ya yima cupata ya taxü̃ne. Rü cumax, Pa Tupanax, rü toxna cudau i guxü̃ma i ñaa naane i Yudáanewa rü daa ĩane ya Yerucharéü̃wa.

Miquéa 7:11

Pa Yerucharéü̃x, marü ínanguchaü̃ i ngẽma ngunexü̃ i nagu tá namexẽẽxü̃ i curü poxeguxü̃, rü nagu tá nüxü̃ natanetaxü̃ i ngẽma curü üyeanegü.