Ichaía 61:1 - Tupanaarü Ore

¹ Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Ichaía 61:1 Referans Kwoze

Ore i mexü̃ ga Luca ümatüxü̃ 7:22

Rü yemaca̱x Ngechuchu nanangãxü̃ rü ñanagürü: —¡Pewoegu rü Cuáü̃maxã nüxü̃ peyarüxu i ngẽma pematama nüxü̃ pedauxü̃ rü nüxü̃ pexĩnüexü̃! ¡Rü namaxã nüxü̃ pixu i ngẽma ingexetüxü̃ rü marü nidauuchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ingearü diẽruã̱xgüxü̃maxã marü nüxü̃ tixu i Tupanaarü ore i mexü̃!

Ichaía 42:7

Rü cuxü̃ chamu nax cuyadauchitanüxẽẽxü̃ i ngẽma ngexetügüxü̃ rü poxcupataxü̃wa ícunanguxü̃xẽẽxü̃ca̱x i ngẽma poxcuexü̃ i waanexü̃wa ngẽxmagüxü̃.

Ore i mexü̃ ga Matéu ümatüxü̃ 11:5

¡Rü Cuáü̃maxã nüxü̃ pixu rü ngẽma ngexetügüxü̃ rü marü nidauchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ngearü diẽruã̱xgüxü̃ rü marü namaxã nüxü̃ tixu i Tupanaarü ore i mexü̃!

Wiyaegü 147:3

Rü nüma rü tüxü̃ nataãẽxẽxẽ ya yíxema poraãcü ngechaü̃ ingegüxe rü tüxü̃́ nayana̱i̱xgü i tümaarü o̱xrigü.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Ichaía 49:9

Rü pema rü tá ñaperügü nüxü̃ i ngẽma poxcuexü̃: “¡Marü ípenguxü̃!” ñaperügü tá. Rü ngẽma ẽanexü̃wa ngẽxmagüxü̃ rü tá ñaperügü nüxü̃: “¡Ípechoxü̃ rü nangóonexü̃wa pexĩ!” ñaperügü tá. Pema rü guxü̃ma i namagücüwawa tá nüxü̃ peyangau i mecü ya maxẽ, rü guxü̃ne ya ma̱xpǘnegüwa rü tá nayima ya maxẽ naxca̱x i perü wocagü.

Wiyaegü 34:18

Rü nüma ya Cori ya Tupana rü ínamemare nax tüxü̃ nangü̃xẽẽxü̃ ya yíxema ngúxü̃ ingegüxe Rü tüxü̃ ínanguxü̃xẽxẽ ya yíxema ngechaxü̃ ingegüxe.

Ichaía 48:16

¡Rü nua pexĩ rü choxü̃́ iperüxĩnüe! Rü guxü̃ma ga yema nagu charüxĩnüxü̃ rü noxriarü ügügucürüwa rü taguma cúãcü nüxü̃ chixu. Rü yexguma Chíru Babiróniaxü̃ rüporamaegu rü choma rü yéma chayexma. Rü ñu̱xma i choma ya Cori ya Tupana ya Guxü̃étüwa Changexmaxü̃ rü chanamu i Chíru rü nüxna chanaxã i pora —ñanagürü.

Ngechuchuarü ngúexü̃gü ga yamugüxü̃arü puracüchiga 26:18

Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Ore i mexü̃ ga Cuáü̃ ümatüxü̃ 3:34

Rü yimá Tupana núma namucü, rü Tupanaarü orexü̃ nixu. Erü Tupana rü nüxna nanamu i Naãxẽ ya Üünexü̃ nax guxü̃guma naxü̃tawa nangẽxmaxü̃ca̱x.

Ore i mexü̃ ga Matéu ümatüxü̃ 3:16

Rü yexguma marü Cuáü̃ Ngechuchuxü̃ íbaiexẽẽguwena, rü dexáwa ínaxü̃ãchigu ga Ngechuchu. Rü yexgumatama niwãxna ga daxũguxü̃ ga naane, rü Ngechuchu nüxü̃ nadau ga Tupanaãxẽ ya Üünecü ga wüxi ga muxtucurüxü̃ nax inagoxü̃ rü nüxna nax nanguxü̃.

Ochéa 6:1

Rü Tupana rü ñanagürü ta: —Ngẽma Iraéanecüã̱xgü rü ñanagürügü tá: “Pa Chomücügüx, ¡ngĩxã guxãma Cori ya Tupanaca̱x tawoegu! Rü woo nümatama tüxü̃ nawoone rü guxchaxü̃ tüxna naxã, natürü wena táxarü tüxü̃ nawoeguxẽxẽ nax ngẽmaãcü itaãẽgüxü̃ca̱x. Rü nüma rü ngúxü̃ tüxü̃ ningexẽẽgü, natürü tá tüxü̃́ inanaxoxẽxẽ i ngẽma ngúxü̃ i ingegüxü̃.

Wiyaegü 45:7

Rü cumax, Pa Ãẽ̱xgacüx, namaxã cutaãxẽ i ngẽma mexü̃ ixĩxü̃, natürü naxchi cuxai i ngẽma chixexü̃. Rü yemaca̱x nixĩ ga Tupana chixü̃ ga paacaxü̃maxã cuxü̃ nabaeruxü̃ rü cuxü̃ naxunetaxü̃ nax cumücügüarü yexera taãxẽ cuxü̃́ ngẽxmaxü̃ca̱x.

Wiyaegü 22:26

Rü pema i ngearü diẽruã̱xgüxex ¡nua pexĩ rü meama pechibüe rü ñu̱xmata mea pexü̃́ yangu! Rü pema i Tupanaca̱x daugüxe ¡rü nüxü̃ picua̱xüü̃gü rü guxü̃gutáma petaãẽgü!

Wiyaegü 51:17

Rü ngẽma cuma cunaxwa̱xexü̃, Pa Tupanax, nixĩ i wüxi i duü̃xü̃ i nüxü̃ rüxoxü̃ i chixexü̃. Rü cumax, Pa Tupanax, rü tama nüxü̃ cuxo i ngẽma duü̃xü̃ i nügümaxã nangechaü̃ãcüma cumaxã nügü ixuxü̃ nax nachixexü̃.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Ichaía 59:21

Rü nüma ya Tupana rü ñanagürü: —Ñaa nixĩ i chorü uneta i ngẽma duü̃xü̃gümaxã nüxü̃ chixuxü̃: “Rü ngẽma Chauãxẽ i cuwa ngẽxmaxü̃, rü ngẽma chorü ore i cua̱xwa ngẽxmaxü̃ rü tagutáma cuxna rü cunegüna rü cutaagüna nixũgachi” —ñanagürü ya Cori ya Tupana.

Popera ga Yudíugü ga yaxõgüxü̃ca̱x ümatüxü̃ 1:9

Rü cuma rü nüxü̃ cungechaü̃ i ngẽma mexü̃, rü naxchi cuxai i ngẽma chixexü̃. Rü ngẽmaca̱x i choma nax Cunatü ya Tupana chixĩxü̃ rü guxãétüwa cuxü̃ changexmaxẽxẽ rü guxü̃ i cumücügüarü yexera cuxü̃ chataãẽxẽxẽ”, ñanagürü.

2 Corintios 7:6

Natürü ya Tupana ya tüxü̃ taãẽxẽẽcü ya yíxema ngechaü̃güxe, rü toxü̃ rü ta nataãẽxẽxẽ ga yexguma toxü̃tawa nanguxgu ga taenexẽ ga Títo.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Wiyaegü 69:32

Rü yíxema naxĩ̱xãchiãẽgüxe rü tá tataãẽgü i ngẽxguma nüxü̃ tadaugügu nax chomaxã cutaãẽxü̃, Pa Tupanax. Rü yíxema cuxca̱x daugüxe rü tá yexera tüxü̃́ nangúchaü̃ nax cuwe tarüxĩxü̃.

Ichaía 66:2

¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Wiyaegü 25:9

Rü nügücümagu tüxü̃ naxĩxẽxẽ ya yíxema tama tügü icua̱xüü̃güxe, rü mexü̃wa tüxü̃ nagagü.

Ore i mexü̃ ga Cuáü̃ ümatüxü̃ 1:41

Rü yexgumatama ga André, rü naenexẽ ga Chimóü̃ca̱x nayadau. Rü ñanagürü nüxü̃: —Rü marü nüxü̃ itayangau ya yimá nũxcüma Tupana nüxü̃ unetacü ga Cristu —ñanagürü.

Wiyaegü 149:4

Erü nüma ya Cori ya Tupana rü namaxã nataãxẽ i norü duü̃xü̃gü i nüxü̃ icua̱xüü̃güxü̃. Rü nüma rü tüxü̃ namaxẽxẽxẽ ya yíxema tama tügü icua̱xüxü̃güxe.

Ngechuchuarü ngúexü̃gü ga yamugüxü̃arü puracüchiga 4:27

Rü aixcüma nixĩ, Pa Tupanax, ga daa ĩanewa ga ãẽ̱xgacügü ga Eróde rü Pirátu nax nügümaxã nangutaque̱xegüxü̃ namaxã ga to ga nachixü̃anegücüã̱x rü totanüxü̃ ga Iraétanüxü̃, nax yama̱xgüãxü̃ca̱x ya curü ngü̃xẽẽruxü̃ ya üünecü ya Ngechuchu ya cuma nüxü̃ cuxunetacü nax Cristu yixĩxü̃ca̱x.

Yeremía 34:8

Rü nüma ga ãẽ̱xgacü ga Chedequía rü wüxigu guxü̃ma ga Yerucharéü̃cüã̱xgümaxã nagu narüxĩnüe nax ínanguxü̃xẽẽãxü̃ ga yema norü mugüruxü̃gü. Rü yemawena Cori ya Tupana Yeremíamaxã nidexa.

Ichaía 52:9

¡Pa Yerucharéü̃cüã̱xgü i Íyaxügüxü̃x, rü taãẽãcü pewiyaegü erü Tupana rü marü nanataãẽxẽxẽ i norü duü̃xü̃gü rü ínananguxuchixẽxẽ ya perü ĩane ya Yerucharéü̃!

2 Corintios 3:17

Erü nüma ya tórü Cori ya Tupana rü Naãxẽ ya Üünexü̃ rü wüxitama nixĩgü, rü ngextá ínangexmaxü̃wa i Naãxẽ ya Üünexü̃, rü nangẽxma i tauxcha nax Tupanana ingaicamagüxü̃.

Ichaía 29:19

Rü ngẽma iraxü̃ nüxü̃́ ngẽxmagüxü̃ rü Cori ya Tupanamaxã tá nataãẽgü. Rü woo i ngẽma ngearü diẽruã̱xgüxü̃ rü tá Iraétanüxü̃arü Tupana ya üünecümaxã nataãẽgü.

Ichaía 30:19

Pa Duü̃xü̃gü i Chióü̃cüã̱x i Yerucharéü̃wa Maxẽxü̃x, rü taxũtáma pexauxe. Erü nüma ya Cori ya Tupana rü ngẽxguma nüxü̃ naxĩnügu i pega nax ngü̃xẽẽca̱x nüxna pecaxü̃ rü tá nüxü̃́ pengechaü̃tümüxü̃gü. Rü ngẽxguma pexü̃ naxĩnügu rü paxa tá pexü̃ nangãxü̃ga.

Ichaía 30:26

Rü nüma ya Cori ya Tupana rü tá norü duü̃xü̃güarü o̱xrigü nixüxü̃gü rü ñu̱xũchi nüxü̃ nayana̱i̱xgü. Rü yimá tauemacü rü ñoma üa̱xcürüxü̃ tá poraãcü inabaxi. Rü ngẽma üa̱xcüema rü 7 e̱xpü̱xcüna tá yexera nanaiemaxüchi, ñoma 7 ya üa̱xcü nügüxü̃tawa ibáxixü̃rüxü̃.

Ichaía 32:7

Rü ngẽma dauxcüraxü̃wa̱xexü̃ rü womüxẽẽgu namaxü̃ rü ngẽma nagu naxĩnüxü̃ nixĩ nax chixexü̃ naxüxü̃. Rü ãẽ̱xgacüpe̱xewa doramaxã tüxü̃ nachixechigaxẽxẽ ya yíxema ngearü diẽruã̱xgüxe rü yíxema ngü̃xẽẽca̱x ícaxaxe.

Ichaía 40:9

Rü ngẽma naga rü ñanagürü: —¡Pa Chióü̃x, wüxi ya ma̱xpǘnechitaerugu naxĩnagü rü tagaãcü naxunagü i ñaa ore i mexü̃! ¡Rü cuma, Pa Yerucharéü̃x, rü tama cumuü̃ãcüma rü tagaãcüma Yudáanearü ĩanegücüã̱xmaxã nüxü̃ ixu i ñaa ore i ñaxü̃: “Nanuxma ya yimá perü Cori ya Tupana”, ñaxü̃! —ñanagürü.

Ichaía 52:7

Rü wüxi i taãxẽ nixĩ nax ma̱xpǘneanewa taxca̱x ne naxũxü̃ ya yimá orearü ngeruxü̃ i mexü̃ i ore taxca̱x nua ngecü rü tamaxã nüxü̃ ixucü nax Tupana tá tüxü̃ rüngü̃xẽẽxü̃ rü tüxü̃ ínanguxü̃xẽẽxü̃ naxme̱xwa i tórü uanü. Rü wüxi i taãxẽ tá nixĩ i ngẽxguma Chióü̃cüã̱xgüxü̃ ñaxgu: —Perü Tupana rü marü pemaxã inacua̱x —ñaxgu.

Ichaía 57:18

Choma rü nüxü̃ chadau i nacüma i chixexü̃, natürü tá nüxü̃ charüngü̃xẽẽxü̃ nax nüxü̃ naxoexü̃ca̱x. Rü tá chanataãẽxẽxẽ nax tama naxoegaãẽgüxü̃ca̱x. Rü guxãma ya yíxema ngechaü̃güxe rü tá tüxü̃ chataãẽxẽxẽ.

Miquéa 3:8

Natürü Cori ya Tupanaãxẽ ya Üünecü rü cua̱x choxna naxã rü mexü̃ i nacüma choxna naxã rü pora choxna naxã nax tama chamuü̃xü̃ca̱x ega Iraétanüxü̃maxã nüxü̃ chixuxgu nax nataxü̃ i ngẽma norü chixexü̃gü i Tupanape̱xewa naxügüxü̃ rü naétü nax namaxã nanuexü̃.

Ínachoxü̃xü̃chiga 28:41

Rü ngẽma naxchirugü tá nixĩ i nagu cuyacu̱xẽxẽgüxü̃ i cuenexẽ i Aróü̃ rü yima nanegü. Rü ñu̱xũchi tá chíxü̃maxã cuyabaerugüxü̃ nax ngẽmaãcü chorü chacherdótegü yaxĩgüxü̃ca̱x, rü choxü̃́ napuracüexü̃ca̱x.

Ínachoxü̃xü̃chiga 29:7

¡Rü nayaxu i ngẽma chíxü̃ i baeruruxü̃ rü namaxã nabaeru ya Aróü̃ nax ngẽmaãcü chorü chacherdóte yixĩxü̃ca̱x!

Lebítanüxü̃arü puracüchiga 7:35

Rü yema ngunexü̃ ga Cori ya Tupana Aróü̃xü̃ rü nanegüxü̃ nagu naxunetaxü̃ nax norü chacherdótegü yixĩgüxü̃ca̱x, rü yexgumacürüwa rü yema ãmaregü ga Iraétanüxü̃ Tupanaca̱x íguxü̃wa rü Aróü̃na, rü nanegüna rü nataagüna naxǘ ga yema namachiremü rü guma norü tügüneperema.

Wiyaegü 68:7

Pa Tupanax, rü yexguma Equítuanewa ícunanguxü̃xẽẽgu ga curü duü̃xü̃gü rü chianexü̃gu cuyagagü.

Yeremía 52:33

Rü yemaacü ga Yoaquíü̃ rü ínacuxuchi ga yema naxchiru ga poxcupataxü̃wa nagu yacúxü̃. Rü nüma rü Babiróniaanearü ãẽ̱xgacüarü mechawa nachibü ga yexguma namaxü̃gu.